Felepai 2:5 - Ku̍o̍ Delee 1999

⁵ Nɛ̀ gblɛ̍n Jusu Klai blě-aɛ, ɛ̍ bo mɔ̀ iě blě ke.

Felepai 2:5 Iomraidhean Croise

Matio 11:29

Mɔ̀ gba̍ ǎn kɛ̌n wìè mɔ̀ iě ǐn dɛ̍ we̍ cheǎn-ɛ, dɛ̍nu̍ɛ, ǐn gbɛ̍n gba̍n, wɛ̀ ǐn ja ǎn chɛ̀ wlù. Pò mɔ̀ nu̍ la̍a̍n-ɛ, nɛ̀ mɔ̀-a wlùh-a mu̍ i̍ tè.

Pɔ̀n Chɛ̀ Luu To-a La 22:27

Jɔ tè-a i̍ dǒ teble̍ gbɔ̀ u̍h-a dbee-a jǔ-ɛ ke, jɔ dbee-a nyɔ̍ jǔ-ɛ, u̍h nɛ-a sɔɔ̌n-ɛ, jɔwe̍ bo ɔ̀ ku̍ wɔ̍n ɛ? Jɔ tè-a i̍-ɛ bo ɔ̀ ku̍ wɔ̍n. Jɛ ǐn nɛ nɔ̌ mɔ̀ nynɛ̌ ka nyɔ̍ jǔ dbee nyɔ̍-ɛ.

Nu̍-dɛ̍ᵻ 10:38

Jusu ɔ̀ sɔ-a dǒ Naaslɔɛ-ɛ, Nyɔsoa po̍ ɔ̍ Sùù dě ɔ̍ ku̍u̍, wɛ̀ ɔ̍ nyǐ ɔ̍ gbǐh. Ɛ̍ kɔn pò ɔ̍ mu̍ tàjɛ̀-ɛ, nɛ̀ ɔ̍ nu̍ dɛ̍ chɛ̀ iě ɔ̍ pǔh-i nyɔ̍ ùh Kǔ sìì-a wɔ̍n-ɛ, dɛ̍nu̍ɛ, Nyɔsoa-a naɛ ɔ̍ sɔ̍nᵻ we̍ i̍.

Nu̍-dɛ̍ᵻ 20:35

Ǎn nu̍ ɛ̍-ɛ wɛ̀ mɔ̀ iě ɛ̍ juo ka pò nyɔ̍ ja ka dbo̍ nu̍ sɔɛn nu̍-ɛ, wɛ̀ nyɔ̍-a gbǎ nyɔ̍ ùh se̍-a dɛ̍ nu̍-ɛ bɛ̌ɛ we̍. Mɔ̀ bɔ̌ Joi Jusu-a wlu̍ la we̍ mǎle-ɛ, ɔ̍ la̍a̍, ‘Nyɔ̍ dɛ̍ nyǐ-ɛ blě pɔ̀ìě dɔu ɛ̍ sìì dɛ̍ jě-ɛ.’ ”

Wloma 14:15

Pò dɛ̍ ìn di̍-aɛ ɛ̍ poe ìn de̍di̍i̍ tàmlain-ɛ, nɛ̀ ɛ̍ se̍ jbɛɛ wìè ìn se̍ gba̍ dɛ. Dɛ̍ àn di̍-aɛ, bɔ̌ wɔ̌n-ɛ wɛ̀ ɛ̍ bɔ̌ ìn de̍di̍i̍ gbɔ̀lɔ-ɛ ɔ̀ kɔn tìh Klai mɛ̌-aɛ.

Wloma 15:3

Klai se̍ ɔ̍ chɛ̀-a wlùh i̍ tè-e. Nyɔsoa-a chlǐh-wlu̍ la̍ we̍ chɛ̀ wlu̍ nyɔ̍gbei po̍-a Nyɔsoa pùn i̍-ɛ, i̍h bo ìh wlǎ dǒ Klai dlǔ.

Wloma 15:5

Nyɔsoa ɔ̀ fùka-a nyɔ̍-a wlùh-ɛ ke ɔ̀ ku̍ i̍-a nyɔ̍ dě klì i̍-ɛ, ǎn sà nǐ wɔ̍n ɔ̍ iě mɔ̀ wlùh-a due nɛ-ɛ nyǐ dǒ mɔ̀-a Jusu Klai de̍e̍ gbǎ-a we̍.

1 Kɔwlɛntiɔn 10:33

Ka ǎn fɔ̀n-a dɛ̍ we̍ iě-a nyɔ̍ kli̍hgbɛ̍-a wlùh i̍ tè-e dǒ nu̍-dɛ̍ᵻ kli̍hgbɛ̍ we̍ wɛ̀ ǎn sì-a nyɔ̍ dɔu-a tìh u̍h iě-a pǔh-ɛ, kǎ mɔ̀ iě nu̍ ke.

Ɛfɛsɔ 5:2

Mɔ̀ na-ɛ dě jbɛɛ di̍i̍, ɛ̀ kɔn ba̍ Klai nu̍-a à-a jbɛɛ-ɛ, wɛ̀ ɔ̍ sà-a ɔ̍ feɛ kwlǎ à tìh-ɛ. Ɔ̍ wɔ̀ nyǐ-dɛ̍ ɛ̀ nmɔ-a nɔ̌-ɛ ke slaǎ sà dɛ̍ ɛ̀ po̍-a Nyɔsoa gbǐh-ɛ.

Felepai 1:1

Chlǐh-dɛ̍ la ɛ̍ sɔ nɔ̌ mɔ̍ Pɔɔ ke Timote we̍, àɔ̀ nu̍-a Jusu Klai-a pòi̍nynuu̍-ɛ. Ɛ̍ mu̍ dě Nyɔsoa nyɔ̍ kli̍hgbɛ̍ ùh kɔn-a dǒ Jusu Klai we̍ dǒ Felepai wlɔ̀ di̍i̍-ɛ we̍, ɛ̍ ke chɔchi̍h-a fààmlà ke ɛ̍ jǔ dbee nyɔ̍ ke.

1 Pitɛ 2:21

Ɛ̍ kɔn tìh bo Nyɔsoa dǎ mɔ̀, dɛ̍nu̍ɛ, Klai-a chɛ̀ sàɛ̀ jua̍i̍ ke dǒ mɔ̀ we̍. Mɔ̀ɔ̍ bo ùh nu̍ ɔ̍ blaiɛ̍ ɔ̍ si̍e̍ mɔ̀ iě-e ɔ̍ wɔ̀ɔ̀ i̍ sà.

1 Pitɛ 4:1

Nɛ̀ɛ̍, ka Klai jě-a ɔ̍ chɛ̀-a ku̍ wɔ̍n-ɛ, nɛ̀ mɔ̀ gbàɛ̀ mɔ̀ iě dě ɔ̍ tu̍ laa̍ di̍i̍ nɛ ke. Dɛ̍nu̍ɛ, nyɔ̍-o-nyɔ̍ ɔ̀ jě-a ɔ̍ chɛ̀-a ku̍ wɔ̍n-ɛ, nɛ̀ ɔ̍ sɔ dě gblɛ̍n sɔ̀ɛ̀n di̍i̍ wɛ̀.

1 Chɔɔn 2:6

Nyɔ̍ ɔ̀ la̍ ɔ̀ nɛ-a dě Nyɔsoa ja̍a̍-ɛ, nɛ̀ ɔ̍ kɔn ɔ̍ iě Jusu Klai-a dɛ̍ na.