Felepai 2:30 - Ku̍o̍ Delee 1999

³⁰ Dɛ̍nu̍ɛ, ɔ̍ tè ɔ̍ feɛ tɔ̀ma̍a̍ ɔ̍ iě ǐn we̍ gbǎ, iě ɔ̍ tɛ̌blɛ mɛ̌-ɛ Klai-a dbo̍ nu̍ tìh. Wɛ̀ ka mɔ̀ se̍-a ǐn we̍ gbǎ-a nu̍-ɛ bɛ̌ɛ-ɛ, iě ɔ̍ nu̍ la̍a̍n ǐn we̍ gbǎ-a.

Felepai 2:30 Iomraidhean Croise

Nu̍-dɛ̍ᵻ 20:24

Jɛ ǎn feɛ nɔ̀ɔ̍, ǐn se̍ ɛ̍ dɛ̍ dǎɛ. Jɛ pɔ̀n chɛ̀ la ɛ̀ kɔ̍-a dǒ Nyɔsoa-a blɛ pùn i̍-ɛ, ɛ̍ we̍i̍ bla̍ dbo̍ Joi Jusu nyǐ-a m-ɛ, ɛ̍-ɛ due gbài̍ ǎn pɔ̀n iě i̍ wɔ̀ gblaan.

Wloma 16:4

U̍h tù ǎn tìh iě u̍h tè u̍h-a feɛ tɔ̀ma̍a̍. Ɛ̍ se̍ ǐn nɛ due ɔ̀ se̍ u̍h tlɔ̌ po̍, jɛ chɔchi̍h nyɔ̍ ùh se̍-a Juu nyɔ̍-ɛ, u̍h kli̍hgbɛ̍ bo ùh-a po̍ u̍h tlɔ̌ ke.

1 Kɔwlɛntiɔn 15:53

Dɛ̍ ɛ̀ mu̍-a jii̍ nyni-ɛ ɛ̍ kɔn ɛ̍ iě dɛ̍ ɛ̀ se̍-a jii̍ nyni mu̍-ɛ ɛ̍ ku̍-u pa̍. Dɛ̍ ɛ̀ mu̍-a mɛ̌-ɛ, ɛ̍ kɔn ɛ̍ iě dɛ̍ ɛ̀ se̍-a mɛ̌ mu̍-ɛ ɛ̍ ku̍-u pa̍.

1 Kɔwlɛntiɔn 16:10

Pò Timote ji̍ dě mɔ̀ we̍-ɛ, nɛ̀ mɔ̀ gbɛ̍n-ɛ ɔ̍ sɔ̍nᵻ sɔɔ̌n i̍. Dɛ̍nu̍ɛ, Joi-a dbo̍ kɔn ba̍ ǎn nu̍-aɛ, ɛ̍-ɛ bo ɔ̍ nu̍ ke.

1 Kɔwlɛntiɔn 16:17

Ǐn gbǎ mɔna̍ dǒ Slɛfanɔ ke Fɔtunatɔ ke Akaika-a ji̍-ɛ we̍. Dɛ̍nu̍ɛ, u̍h gbǎ-ɛ dǒ mɔ̀ wɔ̀ɔ̀.

2 Kɔwlɛntiɔn 12:15

Ɛ̍ mu̍ ǐn gbǐh po̍ kaa̍ iě ǎn dɛ̍ᵻ kli̍hgbɛ̍ àe̍e̍ ǎn chɛ̀ ple̍ dǒ mɔ̀-a sùù we̍. Ǐn jbɛɛ mɔ̀ɔ̍ kaa̍, nɛ̀ mɔ̀-a ǐn jbɛɛ-ɛ kɔn ɛ̍ iě i̍ wàn ae?

2 Kɔwlɛntiɔn 4:12

Ɛ̍ tìh-ɛ, à se̍ mɛ̌ɛ we̍ i̍ ti̍ɛ̍ɛn, jɛ feɛ-a nu̍ dbo̍ dě mɔ̀ ja̍a̍.

Felepai 2:17

Pò ǎn jɛ dbǎ-ɛ, wɛ̀ ǎn nymɔ̍ iě chɛ̌li-ɛ dǒ slaǎ sà-ɛ dɛ̍ mɔ̀-a wlùh gbaɛ nyǐ-a Nyɔsoa-a kɛ̍n-ɛ, nɛ̀ ǎn pɔluh pɛ̌n i̍ mɔ̀ ke ǐn ke à iě mɔna̍ we̍ nui kli̍hgbɛ̍.

Felepai 2:27

Kǎ ɛ̍ nɛ, ɔ̍ poa-ɛ de chɛ̀, ɔ̍ tɛ̌blɛ mɛ̌-ɛ. Jɛ Nyɔsoa jě ɔ̍ wɔɛ. Ɛ̍ se̍ ɔ̍ nɛ due Nyɔsoa se̍ wɔɛ jě, mɔ̍ bo ɔ̍ jě wɔɛ ke. Ɔ̍ nu̍ ɛ̍-ɛ wɛ̀ ǎn wlùh-a seɔn gbǎ-a je̍e kɛ̍n i̍ gboǎɛ.

Felepai 4:10

Ka mɔ̀-a nu̍-a ǎn tìh-a wlùh i̍ naɛ kaka dɛ-ɛ, ɛ̍ nmɔ-ɛ m kaa̍ dě Joi ja̍a̍. Mɔ̀-a naɛ ǎn tìh-a wlùh i̍-a chɛ̀ se̍e̍ sǔh, jɛ nɛ̀ mɔ̀ se̍ ɛ̍ nu̍ ka̍ kɔn.

Felepai 4:18

Kaka la̍, mɔ̀ nyǐ ǐn dɛ̍ᵻ dɔu ìh sìì-a ìh ǐn kɔn iě-a blě-ɛ. Nyǐ-dɛ̍ᵻ mɔ̀ dbo̍-a ǐn we̍ ìh Ipaflodaitɔ ja-aɛ, ǎn wlùh tè i̍ dǒ i̍h we̍ kaa̍. I̍h wɔ̀ nyǐ-dɛ̍ ɛ̀ nmɔ-a nɔ̌ dǒ Nyɔsoa we̍-ɛ, ɛ̍ ke slaǎ sà dɛ̍ ɛ̀ po̍-a ɔ̍ gbǐh iě ɔ̍ gbɛ̍n-a i̍-ɛ.

Faɛlimɔ 1:13

Ǎn pɔ̀n iě ɔ̍ kɛ̍n i̍ gbɛ̍n de, ka ǐn nɛ-a nɔ̌ kasoo pɔ̀n chɛ̀ tìh-ɛ, wɛ̀ ɔ̍ iě ǐn sɔ̍n-ɔ sà dǒ ìn wɔ̀ɔ̀.

Wlɛfeleseɔn 12:11

À de̍di̍i̍ᵻ du̍ ɛ̍ wɛ̀ dǒ Blawɛ̌ Jǔ-a nymɔ̍ ke tìh-a taǐn tu̍owli u̍h po̍-a we̍. Iě u̍h sà u̍h-a feɛ kwlǎ u̍h iě mɛ̌.