Felepai 2:3 - Ku̍o̍ Delee 1999

³ Mɔ̀ tǎli klǎn kɔn dɛ i̍, mɔ̀ bɔ̌ mɔ̀-a chɛ̀ i̍ bɛ̌-ɛ. Jɛ mɔ̀ ja mɔ̀-a chɛ̀ wlù dě mɔ̀-a sǔh nynɛ̌, nɛ̀ mɔ̀ jě nyɔ̍ duuh chɛ̀ ka ɛ̍ iě mɔ̀-a chɛ̀ sìì.

Felepai 2:3 Iomraidhean Croise

Pɔ̀n Chɛ̀ Luu To-a La 18:14

Ǎn sèàɛ̍ mɔ̀ wlùh, jɔ̍gbau la, ti̍ ɔ̍ mu̍-a gbò we̍-ɛ, ɔ̍ slɛ̌ i̍ dě Nyɔsoa jlǐh ɛ̍ sìì Fɛlesii jǔ. Dɛ̍nu̍ɛ, nyɔ̍ jɔ dǔ-a ɔ̍ chɛ̀ ja̍i̍-ɛ, nɛ̀ ɔ̍ mu̍ wlù ja-ɛ. Nɛ̀ nyɔ̍ jɔ ja-a ɔ̍ chɛ̀ wlù-ɛ, nɛ̀ ɔ̍ mu̍ ja̍i̍ dǔ-iɛ.”

Wloma 12:10

Mɔ̀ tbà mɔ̀-a we̍ jbɛɛ nɛ̍ i̍ ka mɔ̀ nu̍-a de̍di̍i̍ᵻɛ́. Mɔ̀ tù-e gbǐh mɔ̀ iě we̍ ja̍ tìèe̍.

Wloma 13:13

Mɔ̀ à po̍ à chɛ̀ wìè-e, ka dě sɔ̀npli di̍i̍ nɛ nyɔ̍-ɛ. Mɔ̀ bɔ̌ sììjii̍ nu̍-ɛ peě kɛ̍n i̍. Mɔ̀ bɔ̌ mɔ̀-a chɛ̀ nmɔ̍ wlì sìèè-ɛ. Mɔ̀ bɔ̌ gbǎn nu̍-ɛ. Mɔ̀ bɔ̌ se̍i̍kɔɛn nu̍-ɛ, nɛ̀ mɔ̀ bɔ̌ chɛ̀-ɛ, mɔ̀ bɔ̌ wlɛ̀n nu̍-ɛ.

Wloma 2:8

Jɛ nyɔ̍ duuh-a sì u̍h-a chɛ̀ tìh, wɛ̀ u̍h-a blaɛ-a tìh-a taǐn wɔ̍n, iě u̍h wɔ̀ dǒ kà kɔn-ɛ de̍e̍. U̍h nɔ̀ɔ̍, Nyɔsoa-a mu̍ u̍h jlu̍h-u gbǎ-ɛ ɔ̍ iě u̍h kàn gbɛ̍n.

1 Kɔwlɛntiɔn 15:9

Sɔ mɔ̍ bo ɔ̀ nu̍ Klai-a gba̍tòà kli̍hgbɛ̍-a konynǐ naɛ. Ǐn se̍ i̍ blaɛ-a chɛ̀ u̍h iě ǐn gba̍tòà dǎɛ. Dɛ̍nu̍ɛ, ǐn jě-e Nyɔsoa-a chɔchi̍h klě.

1 Kɔwlɛntiɔn 3:3

Dɛ̍nu̍ɛ, mɔ̀ wɔ̀ kmɔ̌-a nyɔ̍ ke̍. Wlɛ̀n nu̍-ɛ ke wɔ̍ɔ̍n i̍ sà-a nɛ-a dě mɔ̀ nynɛ̌-ɛ, nɛ̀ ɛ̍ se̍ kmɔ̌-a dɛ̍ᵻ mɔ̀-a se̍ nu̍ ke̍ gbɔ̀ɔ ae?

2 Kɔwlɛntiɔn 12:20

Ǎn ple̍ faɔn pò ǐn ji̍ dě mɔ̀ we̍-ɛ, nɛ̌ je̍e mɔ̀ kɛ̍n jɛɛ wɛ̀ ka ǎn pɔ̀n-a mɔ̀ iě-a nɛ-ɛ, mɔ̀ɔ̍ se̍ la̍a̍n nɛ. Wɛ̀ nɛ̌ se̍-e ka mɔ̀-a pɔ̀n-a iě-a nɛ-ɛ nɛ ke. Nyɔ̍-se̍-juo wɔ̍ɔ̍n i̍ sà-a ke, wlɛ̀n nu̍-ɛ ke, jlu̍h-u gbǎ-a ke, klǎn kɔn-ɛ ke, nyɔ̍ wlu̍ sɔ̀nᵻ pùn i̍ po̍-ɛ ke, nyɔ̍ chɛ̍n-ɛ ke, nyɔ̍-a chɛ̀ i̍ bɛ̌-ɛɛ ke dɛ̍ᵻ ja̍i̍ gbà-a je̍e dě mɔ̀ nynɛ̌ nɛ.

Kelesea 5:15

Jɛ pò mɔ̀ ja we̍ gbe̍ɛ̍ɛn mɔ̀ iě kà nu̍-ɛ, nɛ̀ mɔ̀ tù ɛ̍ jlǐhɛ̍ o. Mɔ̀ se̍ nɛnɛ̌ nu̍-ɛ, nɛ̀ mɔ̀-a mu̍ we̍-e gbɔ̀lɔ o.

Kelesea 5:26

Mɔ̀ à bɔ̌ à chɛ̀ i̍ bɛ̌-ɛ. Nɛ̀ mɔ̀ à bɔ̌ à ba̍ᵻ jlu̍h di̍i̍ i̍ po̍-ɛ, mɔ̀ à bɔ̌ wlɛ̀n we̍ nui-ɛ.

Ɛfɛsɔ 4:2

Mɔ̀ ja mɔ̀-a chɛ̀ wlù, mɔ̀ iě gba̍n gbɛ̍n. Mɔ̀ gbɛ̍n wlùh i̍, mɔ̀-a jbɛɛ iě ɛ̍ nu̍ mɔ̀ɔ̍ je̍e feǎn wlì kɔn.

Ɛfɛsɔ 5:21

Mɔ̀ tù Klai dɛ̍ɛ̍ jě tìh mɔ̀ iě mɔ̀-a chɛ̀ wlù ja dě mɔ̀-a chɛ̀ nynɛ̌.

Felepai 2:14

Dɛ̍ᵻ kli̍hgbɛ̍ mɔ̀-a mu̍-a nu̍-ɛ, mɔ̀ bɔ̌ ɛ̍ dɛ̍ᵻ jlǐh we̍ i̍ gba̍-a ke wɔ̍ɔ̍n i̍ sà-a nui-ɛ.

Kalase 3:12

Nɛ̀ɛ̍, ka mɔ̀ nu̍-a Nyɔsoa-a tìh kma nyɔ̍, iě ɔ̍ tba̍-a mɔ̀ chèɛ̀, wɛ̀ ɔ̍ nu̍-a mɔ̀ ɔ̍ chɛ̀-a nyɔ̍ we̍i̍-ɛ, nɛ̀ mɔ̀-a chɛ̀ wlù ja-a ke, gba̍n gbɛ̍n-ɛ ke, wlùh i̍ gbɛ̍n-ɛ ke, wɔɛ kɔn-ɛ ke, gblɛ̍n-ɛ nmɔ-ɛ bo mɔ̀ iě dǒ pùn tù la̍ sǔh.

Kalase 3:8

Jɛ sà ìh kli̍hgbɛ̍ la sɔ̍n we̍ la̍ sǔh. I̍h bo ìh nu̍-a jlu̍h ke, nyɔ̍ faɛn ke, kà kɔn-ɛ ke, nyɔ̍-a wlu̍ wɔ̍i̍n nyni-ɛ ke chlèwli̍ po̍-ɛ.

1 Timote 6:4

nɛ̀ blɔ̌-ɛ bo ɛ̀ jǐ dě ɔ̍ di̍i̍. Jɛ nɛ̀ ɔ̍ se̍ dɛ̍wɛ-a chɛ̀ juo. Nɛ̀ se̍na̍-a nu̍ flɔ̍nwlùh bo ɔ̍ blě, ɔ̍ iě tòlo-ɛ ke wlu̍ tìh-a wɔ̍ɔ̍n i̍ sà dɛ nu̍. Ɛ̍ blě wlɛ̀n nu̍-ɛ ke, dlǔ gbǎnᵻ i̍ bla̍-a. Iě ɛ̍ blě nyɔ̍-a wlu̍ wɔ̍i̍n nyni-ɛ ke nyɔ̍ kǐh bu̍h i̍ jě-ɛ.

1 Pitɛ 3:8

Nɛ̀ɛ̍, mɔ̀ kli̍hgbɛ̍ mɔ̀ blě wlùh due, mɔ̀-a ku̍-a chlɛ̌n-ɛ iě due nɛ. Mɔ̀ jbɛɛ mɔ̀ ba̍ᵻ Nyɔsoa nyɔ̍-ɔ, nɛ̀ mɔ̀ nmɔ gblɛ̍n-ɛ, mɔ̀ bɔ̌ mɔ̀-a chɛ̀ i̍ bɛ̌-ɛ.

1 Pitɛ 5:5

Mɔ̀ɔ̍ nynuu̍gbèè, kǎ mɔ̀ iě nu̍ ke. Mɔ̀ jě mɔ̀-a nyɔ̍ klaaᵻ dɛ̍ɛ̍. Mɔ̀ kli̍hgbɛ̍ mɔ̀ ja mɔ̀-a chɛ̀ wlù dǒ mɔ̀ ba̍ᵻ we̍ ka pòi̍nynuu̍-ɛ. Ɛ̍ kɔn ɛ̍ chlǐh-wlu̍ la̍a̍, “Nyɔsoa faɛn blɔ̌-nyɔ̍. Jɛ ɔ̍ nɛ blɛ dǒ ùh-a ja-a u̍h-a chɛ̀ wlù-ɛ we̍.”