Felepai 2:25 - Ku̍o̍ Delee 1999

²⁵ Ǐn naɛ-a ɛ̍ wlùh i̍-ɛ, ɛ̍ blaɛ i̍ iě à de̍di̍i̍ Ipaflodaitɔ dě mɔ̀ we̍ dbo̍ ke. Ɔ̍ bo ɔ̀ nu̍ dbo̍ iě ɔ̍ fɔ̀n dɛ̍ we̍ ke dǒ ǐn gbèɛ̀n kɛ̍n. Iě mɔ̀ dbo̍ ɔ̍ ɔ̍ iě ǐn sɔ̀nᵻ we̍ i̍ naɛ dɛ ke.

Felepai 2:25 Iomraidhean Croise

Chɔɔn 13:16

Tìh-a taǐn ǎn sèàɛ̍ mɔ̀ wlùh, pòi̍ju-u ku̍ wɔ̍n ɔ̍-ɔ sìì ɔ̍ dlǔtu. Nɛ̀ dbo̍ju se̍ wɔ̍n ku̍ ɔ̍ se̍ jɔ dbo̍-a ɔ̍-ɛ sìì.

Chɔɔn 17:18

Ka ìn nu̍-a ǐn dbo̍-ɛ nɔ̌ kmɔ̌ we̍-ɛ, kǎ ǐn nu̍ u̍h dbo̍-ɛ wɛ̀ ke dě kmɔ̌ we̍.

Wloma 16:3

Mɔ̍ sà Plisela ke Akwela nyinɔ̍ i̍, ùh ke ǐn ke à nu̍-a dbo̍ tu̍ due dǒ Jusu Klai we̍-ɛ.

Wloma 16:9

Ɔbanɔ ɔ̀ ke à nu̍-a dbo̍ tu̍ due dǒ Klai we̍-ɛ, mɔ̍ sà ɔ̍ nyinɔ̍ i̍. Mɔ̍ sà ǎn tìh kma nyɔ̍ Slake nyinɔ̍ i̍ ke.

1 Kɔwlɛntiɔn 3:9

Àɔ̀ Nyɔsoa-a pàn, iě mɔ̀ nu̍ Nyɔsoa-a klè. Iě mɔ̀ nu̍ ɔ̍ gbò dɛ ke.

2 Kɔwlɛntiɔn 2:13

Jɛ ǎn wlùh se̍ i̍ tè. Dɛ̍nu̍ɛ, ǐn se̍ à de̍di̍i̍ Taitɔ jě deě. Ɛ̍ tìh ǐn po̍ ùh nɛ-a doǒ-ɛ klàe̍ wɛ̀ ǐn mu̍ dě Mɛsedonia bloa̍ kɛ̍n.

Felepai 2:26

Mɔ̀-a jě-e tɔ̌n-a nu̍ ɔ̍-ɛ. Ɔ̍ poa pɔ̀n mɔ̀ wɔ̌n-aɛ, ɛ̍ bo ɛ̀ po̍ ɔ̍ wlùh dě de̍ i̍.

Felepai 4:18

Kaka la̍, mɔ̀ nyǐ ǐn dɛ̍ᵻ dɔu ìh sìì-a ìh ǐn kɔn iě-a blě-ɛ. Nyǐ-dɛ̍ᵻ mɔ̀ dbo̍-a ǐn we̍ ìh Ipaflodaitɔ ja-aɛ, ǎn wlùh tè i̍ dǒ i̍h we̍ kaa̍. I̍h wɔ̀ nyǐ-dɛ̍ ɛ̀ nmɔ-a nɔ̌ dǒ Nyɔsoa we̍-ɛ, ɛ̍ ke slaǎ sà dɛ̍ ɛ̀ po̍-a ɔ̍ gbǐh iě ɔ̍ gbɛ̍n-a i̍-ɛ.

Felepai 4:3

Nɛ̀ɛ̍, mɔ̀ ɔ̀ ke ǐn ke à nu̍-a dbo̍ tu̍ due ǐn tè-a wlì-ɛ, ǎn ba̍le-e, naɛ nynɔ̌gbaɔᵻ la sɔ̍nᵻ we̍ i̍. Dɛ̍nu̍ɛ, u̍h gbǎ ǐn ke Klɛmɛ ke dbo̍ nu̍ nyɔ̍ duuh sie-a dǒ de̍-ɛ we̍ kaa̍, wɛ̀ pɔ̀n chɛ̀ sɛ̍ ka i̍. Klɛmɛ ke dbo̍ nu̍ nyɔ̍ duuh bo ùh kɔn nynɛ̌ nɛ dě feɛ chlǐh-dɛ̍ di̍i̍ wɛ̀.

Kalase 1:7

À tìh kma nyɔ̍ Ipafla, ɔ̀ nu̍-a à ba̍ pòi̍ju ɔ̀ nu̍-a wlùh gbaɛ nyɔ̍ dǒ à wɔ̀ɔ̀ dě Klai-a dbo̍ nu̍-ɛ di̍i̍-ɛ, ɔ̍ bo mɔ̀ cheǎn-ɛ ɛ̍ we̍.

Kalase 4:11

Jusu u̍h-a dǎɛ-a Jɔslu-ɛ, ɔ̍ la̍ ɔ̍ sà mɔ̀ nyinɔ̍ i̍ ke. U̍h nɛ-a ta̍a̍n-ɛ, u̍h nɛ due bo ùh nu̍ Juu nynuu̍ ùh ke à nu̍ Nyɔsoa-a kmɔ̌ wlu̍ i̍ kɔn dɛ-a dbo̍. U̍h-a naɛ-a ǐn sɔ̍nᵻ we̍ i̍ sǔh-ɛ, ɛ̍ se̍ dɛ̍ka nɛ.

1 Tɛsoloniɔn 3:2

wɛ̀ à dbo̍ à de̍di̍i̍ Timote nya̍, ɔ̀ nu̍-a Nyɔsoa-a pòi̍ju dǒ Klai-a pɔ̀n chɛ̀ bla̍-a we̍-ɛ. À dbo̍ ɔ̍-ɛ, ɔ̍ iě mɔ̀ gbǐh nyǐ, wɛ̀ ɔ̍ iě mɔ̀ i̍ kui dě mɔ̀-a wlùh gbaɛ di̍i̍.

Faɛlimɔ 1:24

Nɛ̀ ǐn ba̍ᵻ dbo̍ nu̍ nyɔ̍, Maɛ ke, Awleslakɔ ke, Dima ke Luu la̍ u̍h sà ìn nyinɔ̍ i̍ ke.

Iblu 3:1

Nɛ̀ɛ̍, ǐn de̍di̍i̍ᵻ, mɔ̀ɔ̍ Nyɔsoa dǎ-a dě ɔ̍ dɛ di̍i̍ iě ɔ̍ tè-ea pɔ̌-ɛ, mɔ̀ fèàɛ̀ mɔ̀-a wlùh dě Jusu we̍. Ɔ̍-ɔ bo ɔ̀ nu̍ Gba̍tòà ke Slaǎ Sà Nyɔ̍-a Dlǔtu ɔ̀ gbǎ-a à we̍ dě à wlùh gbaɛ blě-ɛ di̍i̍-ɛ.