Felepai 2:22 - Ku̍o̍ Delee 1999

²² Mɔ̀-a chɛ̀ juo ka Timote-a nu̍-dɛ̍ flɔn-ɛa ɔ̍ nyɔ̍ chɛ̀ dɛ we̍i̍-ɛ. Ɛ̍ kɔn pò ìn jě ɔ̍ ke ǐn ke-ɛ, ka jǔ ke baa-a na-a, iě à bla̍ pɔ̀n chɛ̀-a tìh.

Felepai 2:22 Iomraidhean Croise

Nu̍-dɛ̍ᵻ 16:2

De̍di̍i̍ᵻ kli̍hgbɛ̍ nɛ-a Lesla ke Akɔniɔ-ɛ, u̍h-a sà Timote-a tìh chɛ̀-ɛ kleǐn.

Wloma 5:4

Nɛ̀ à dě klì i̍ ku̍-ɛ nu̍ ɛ̍ wɛ̀ Nyɔsoa po̍ à chèɛ̀ ja̍i̍. Nɛ̀ ɔ̍ à chèɛ̀ ja̍i̍ po̍-ɛ kɔ̍-ɛ à dɛ̍ wlùh i̍.

1 Kɔwlɛntiɔn 16:10

Pò Timote ji̍ dě mɔ̀ we̍-ɛ, nɛ̀ mɔ̀ gbɛ̍n-ɛ ɔ̍ sɔ̍nᵻ sɔɔ̌n i̍. Dɛ̍nu̍ɛ, Joi-a dbo̍ kɔn ba̍ ǎn nu̍-aɛ, ɛ̍-ɛ bo ɔ̍ nu̍ ke.

1 Kɔwlɛntiɔn 4:17

Nɛ̀ɛ̍, Timote ɔ̀ nu̍-a ǎn jǔ dě Joi-a dbo̍ nu̍-ɛ di̍i̍ iě ǐn kma-a ɔ̍ tìh wɛ̀ ǐn tè-a ɔ̍ wlì-ɛ, ɔ̍-ɔ bo ǐn dbo̍ dě mɔ̀ we̍. Ǐn dbo̍ ɔ̍ ɔ̍ iě mɔ̀ tìh wlì i̍ sǐi ka ǎn kmɔ̌ nɛ-a dě Klai ja̍a̍, iě ǎn poe-a ɛ̍ nyɔ̍ nǎ dě chɔchi̍h nyɔ̍ kli̍hgbɛ̍ nynɛ̌-ɛ.

2 Kɔwlɛntiɔn 2:9

Ǐn chlǐh chlǐh-dɛ̍ laa̍ iě mɔ̀ɔ̍ tɛ̀n pò mɔ̀ ja ǎn wlu̍ nu̍ mu̍ dǒ dɛ̍ᵻ kli̍hgbɛ̍ we̍-ɛ.

2 Kɔwlɛntiɔn 8:22

À dbo̍ u̍h ke à de̍di̍i̍ dɔɔ. À tɛ̀n ɔ̍-ɔ wɛ̀ kaa̍, iě à juo-o dɛ̍ i̍ ka ɔ̍ wlùh-a nu̍-a jàjà ɔ̍ iě-a nyɔ̍ we̍ gbǎ-ɛ. Kaka la̍ ka ɔ̍ tè-a mɔ̀ wlì kaa̍-ɛ, ɛ̍ nu̍ ɔ̍ wlùh-a jàjà kaa̍ ɛ̍ sìì sàǐtòò naɛ ɔ̍ iě mɔ̀ we̍ gbǎ.

2 Kɔwlɛntiɔn 8:24

Mɔ̀ to ɛ̍ ka mɔ̀ jbɛɛ-a u̍h-uɛ, wɛ̀ chɔchi̍h nyɔ̍ kli̍hgbɛ̍ iě-o dɛ̍ i̍ juo dɛ̍ kɔn tìh à po̍-a mɔ̀-a bu̍hᵻ wlù i̍-ɛ.

2 Kɔwlɛntiɔn 8:8

Ǐn se̍ ɛ̀ laa̍ sà iě mɔ̀ telě nyǐ mɔ̀ iě nu̍. Jɛ nyɔ̍ duuh-a nyɔ̍ tìh kma-a tɛ̀n mɔ̀ɔ̍ pò mɔ̀-a jbɛɛ-ɛ nu̍ jbɛɛ chɛ̀ɛ̌chɛ̀-ɛ.

Felepai 1:12

Ǐn de̍di̍i̍ᵻ, ǎn pɔ̀n mɔ̀ iě ɛ̍ juo ka dɛ̍ ɛ̀ nɛ-a ǐn pùn-ɛ, ɛ̍ nɛ-a kmɔ̌ wɛ̀ pɔ̀n chɛ̀ la ɛ̍ naɛ-a dǒ nya̍ kaa̍ka-ɛ.

Felepai 1:16

U̍h nu̍ ɛ̍-ɛ dǒ jbɛɛ we̍, dɛ̍nu̍ɛ, u̍h juo ɛ̍-ɛ Nyɔsoa po̍ ǐn da̍a iě pɔ̀n chɛ̀ kɛ̍n wlǔh.

Felepai 1:5

Dɛ̍nu̍ɛ, sɔ dǒ sàǐtòò weɛ̍ di̍i̍ wɛ̀ ɛ̍ iě-a sèàn jɛɛ-ɛ, mɔ̀ dǔ-a ǐn we̍ gbǎ-a bo mɔ̀ blě-a dě pɔ̀n chɛ̀ gba̍ dbo̍ la di̍i̍.

Felepai 1:7

Ɛ̍ slɛ̌ i̍ ǎn wlùh iě ka wa̍-a nu̍ mɔ̀-a tìh. Dɛ̍nu̍ɛ, mɔ̀-a dɛ nɛ-a dǒ ǐn wlì-ɛ, ɛ̍ bɛ̌ i̍. Nɛ̀ ǎn pɔ̀n chɛ̀ kɛ̍n wlǔh-ɛ ke, ǎn ɛ̍ i̍ kui-ɛ ke, ǎn dě kasoo nɛ-ɛ ke, mɔ̀ kli̍hgbɛ̍ ke ǐn ke à nu̍ i̍h dě Nyɔsoa-a blɛ nɛ-ɛ di̍i̍.

Felepai 2:20

Ɔ̍ nɛ due gbài̍ bo ǐn blě ka, ɔ̀ blě mɔ̀-a ti̍ kaa̍.

1 Timote 1:18

Ǎn jǔ Timote, Nyɔsoa-a tu̍owli ìh poe-a dǒ ìn pùn-ɛ, ka i̍h nu̍-a nɛ-ɛɛ, i̍h bo ǎn poe la̍ ìn slǔh ìè dǒ i̍h de̍e̍ sì. Wɛ̀ i̍h iě àn fɔ̀n-dɛ̍ᵻ chɛ̀ nu̍.

1 Timote 1:2

Wlu̍ la ɛ̍ mu̍ Timote we̍, ǎn gblangbai̍ jǔ bo dě wlùh gbaɛ di̍i̍. Ǎn sà nǐ wɔ̍n Baa Nyɔsoa ke à Joi Jusu Klai-a blɛ ke, wɔɛ ke wlùh-a i̍ tè-ɛ iě dǒ ìn we̍ nɛ.

1 Timote 4:6

Pò ìn po̍ de̍di̍i̍ᵻ slɛ̌ la chèɛ̀ i̍-ɛ, nɛ̀ àn mu̍ Jusu Klai-a pòi̍ju chɛ̀ nu̍. Wɛ̀ ìè ku̍ dě wlùh gbaɛ ke nǎ po̍ wlu̍ chɛ̀ ìn wɔ̀-a dǒ de̍e̍-ɛ di̍i̍.

2 Timote 1:2

Wlu̍ la ɛ̍ mu̍ dě ǎn tìh kma jǔ Timote we̍. Ǎn sà nǐ wɔ̍n Baa Nyɔsoa ke à Joi Jusu Klai-a blɛ ke wɔɛ ke wlùh-a i̍ tè-ɛ iě dǒ ìn we̍ nɛ.

2 Timote 3:10

Ìn juo ǎn nyɔ̍ nǎ po̍-ɛ ke, ǎn na ka̍ ke dɛ̍ ǐn nɛ-ɛa kmɔ̌-ɛ. Ìn juo ǎn wlùh gbaɛ blě-ɛ, ǎn wlùh i̍ gbɛ̍n-ɛ, ǎn nyɔ̍-ɔ jbɛɛ-ɛ, ɛ̍ ke ǎn dě klì i̍ ku̍-ɛ ke.

Taitɔ 1:4

Taitɔ, dě ìn we̍ bo wlu̍ la ɛ̍ ji̍. Mɔ̀ ǎn gblangbai̍ jǔ dě wlùh gbaɛ à klɛ̀ɛ̀n-a kwa̍a̍ i̍-ɛ di̍i̍. Ǎn sà nǐ wɔ̍n Baa Nyɔsoa ke Jusu Klai ɔ̀ nu̍-a à Sèìe Nyɔ̍-ɛ, u̍h iě ìn blɛ ke wlùh-a i̍ tè-ɛ nyǐ.