Felepai 2:21 - Ku̍o̍ Delee 1999

²¹ Jɛ juh kli̍hgbɛ̍ sie-a dǒ de̍-ɛ, u̍h-a sì u̍h-a chɛ̀-a tìh sǔh, u̍h se̍ Jusu Klai-a tìh sì.

Felepai 2:21 Iomraidhean Croise

Matio 16:24

Wɛ̀ ɔ̍ la̍a̍ dě ɔ̍ kòà we̍, “Pò nyɔ̍-o-nyɔ̍ ja pɔ̀n ɔ̍ iě dǒ ǐn de̍e̍ gbǎ-ɛ, nɛ̀ ɔ̍ tǎli ɔ̍ chɛ̀-a wlùh gbɛ̍n dɛ̍ᵻ i̍, ɔ̍ iě ɔ̍ naɛ gbàɛ̍ kɛ̍n i̍ tu̍-u dǔ, wɛ̀ ɔ̍ iě dǒ ǐn de̍e̍ gbǎ.

Pɔ̀n Chɛ̀ Luu To-a La 14:26

“Pò nyɔ̍-o-nyɔ̍ gbǎ dǒ ǐn de̍e̍ wɛ̀ ɔ̍ iě ɔ̍ de̍ ke, ɔ̍ baa ke, ɔ̍ nynɔ̌ ke, ɔ̍ nynuu̍ ke, ɔ̍ de̍di̍i̍ᵻ jɔ̍gbauᵻ ke, de̍di̍i̍ᵻ nynɔ̌gbaɔᵻ ke ɔ̍ chɛ̀-a feɛ-a tìh kma ɛ̍ iě-a ǐn sìì-ɛ, nɛ̀ ɔ̍ se̍ ǎn kòà nu̍-ɛ bɛ̌ɛ.

Nu̍-dɛ̍ᵻ 13:13

Pɔɔ ke ɔ̍ na-a nyɔ̍ sɔ dǒ Pafɔ iě u̍h mu̍ dǒ Pɛka dě Panfelia fɔɔ. U̍h jii blǎgbè di̍i̍. Dě Chɔɔn Maɛ si̍e̍ u̍h, wɛ̀ ɔ̍ mu̍ dǒ de̍ Juluslɛn.

Nu̍-dɛ̍ᵻ 15:38

Jɛ ɛ̍ se̍ dě Pɔɔ di̍i̍ i̍ sǐi, dɛ̍nu̍ɛ, u̍h-a dbo̍ se̍ dlǔ i̍ chlà wɛ̀ ɔ̍ si̍e̍ u̍h dě Panfelia fɔɔ.

1 Kɔwlɛntiɔn 10:24

Nyɔ̍ bɔ̌ ɔ̍ chɛ̀-a tìh sì-ɛ, jɛ nyɔ̍ duuh naɛ bo ɔ̍ iě sì.

1 Kɔwlɛntiɔn 10:33

Ka ǎn fɔ̀n-a dɛ̍ we̍ iě-a nyɔ̍ kli̍hgbɛ̍-a wlùh i̍ tè-e dǒ nu̍-dɛ̍ᵻ kli̍hgbɛ̍ we̍ wɛ̀ ǎn sì-a nyɔ̍ dɔu-a tìh u̍h iě-a pǔh-ɛ, kǎ mɔ̀ iě nu̍ ke.

1 Kɔwlɛntiɔn 13:5

Ɛ̍-ɛ sà nyɔ̍ kǔ kɛ̍n. Jbɛɛ se̍ klǎn kɔn. Ɛ̍-ɛ gbǎ jlu̍h-u suei̍. Ɛ̍-ɛ blě-e tìh di̍i̍ i̍.

2 Kɔwlɛntiɔn 1:5

Klai sàɛ̀ jua̍i̍ dɛ̍blɔ dɛ̍, wɛ̀ à sàɛ̀ jua̍i̍ ke ka ɔ̍ nu̍-a jua̍i̍ sàɛ̀-ɛ. Kǎ ɛ̍ nɛ ke, dě Klai ja̍a̍ bo Nyɔsoa jii iě ɔ̍ gbǎ àɔ̀ we̍ kaa̍ ke.

Felepai 2:4

Mɔ̀-a jɔ-ɛ, nɛ̀ ɔ̍ jě ɔ̍ ba̍-a bli kwlǐ wɔ̍n, jɛ ɔ̍ bɔ̌ ɔ̍ chɛ̀ nɛ due-a bli kwlǐ wɔ̍n jě-ɛ sǔh.

2 Timote 1:15

Ìn juo ɛ̍-ɛ nyɔ̍ kli̍hgbɛ̍ nɛ-a dě Esea bloa̍ kɛ̍n-ɛ, u̍h poe ǐn kɛ̍n i̍ wɛ̀. Fekɛlɔ ke Ɔmɔchini nɛ dě u̍h-a kòo ke.

2 Timote 3:2

Nyɔ̍ɔ-a mu̍ u̍h-a chɛ̀-a tìh sì, u̍h iě klǎn kɔn, u̍h iě wɔ̍i̍n po̍, u̍h iě nyɔ̍ kɛ̍n i̍ blɔ̌-ɛ, u̍h iě chlèwli̍ po̍. Nɛ̀ u̍h se̍ de̍ᵻ ke baaᵻá wlu̍ nu̍ mu̍. U̍h-a pɔluh se̍ i̍ tè mu̍, u̍h-a mu̍ kà kɔn.

2 Timote 4:10

Dɛ̍nu̍ɛ, Dima gbǎ dě ti̍laa kmɔ̌ la ɛ̍ we̍ jbɛɛ dɛ di̍i̍. Ɛ̍ kɔn ɔ̍ sà ǐn sɔ̍nᵻ i̍, iě ɔ̍ mu̍ dǒ Tɛsolonaika. Klɛsɛin mu̍ Kelesea fɔɔ, iě Taitɔ mu̍ Damɛtia fɔɔ.

2 Timote 4:16

Ti̍ iě-a ǎn chɛ̀ tìh dlǔ i̍ sà sàǐtòò-ɛ, ǐn se̍ we̍ tǐn nyɔ̍ kɔn. Nyɔ̍ kli̍hgbɛ̍ sà ǐn sɔ̍nᵻ i̍. Jɛ ǎn sà nǐ wɔ̍n Nyɔsoa-a je̍e ɛ̍ dǒ u̍h dlǔ po̍.