Felepai 2:2 - Ku̍o̍ Delee 1999

² Ka ɛ̍ nɛ-a ka-ɛ, nɛ̀ mɔ̀ nu̍ ɛ̍ la̍ sǔh ǎn nmɔ-ɛ iě kwlǎ wɛ̀ dǒ mɔ̀-a wlùh-a due nɛ-ɛ ke, jbɛɛ-a due nɛ-ɛ ke, pɔluh-a due nɛ-ɛ ke mɔ̀-a di̍i̍chì due chɛ̍n-ɛ we̍.

Felepai 2:2 Iomraidhean Croise

Chɔɔn 3:29

Nynɔ̌ delee kɔn dǒ ɔ̍ kɔan ɔ̍ ji̍-ia jla̍-a we̍. Nɛ̀ pò kɔan delee ba̍ nyna doǒ i̍ wɛ̀ ɔ̍ iě kɔan-a wlu̍ wɔ̌n-ɛ, nɛ̀ ɛ̍ po̍ ɔ̍ mɔna̍-a kaa̍. Ɛ̍ bo ɛ̀ po̍ m ke, ǎn nmɔ-ɛ wɛ̀ kwlǎ wɛ̀ kaka.

Nu̍-dɛ̍ᵻ 1:14

U̍h bo ùh-a gbèɛ̀ɛn chɛ̍chɛ̍ iě u̍h-a ba̍le, u̍h ke nynɔ̌gbaɔᵻ ke. Ɛ̍ ke Jusu de̍ Mɛle ke ɔ̍ de̍di̍i̍ᵻ jɔ̍gbauᵻ ke.

Nu̍-dɛ̍ᵻ 2:1

Ti̍ ɛ̍ nu̍-a klèᵻá sàì jua̍a̍-a peě-ɛ, wɛ̀ wlùh gbaɛ blě nyɔ̍ kli̍hgbɛ̍ gbǎ tàdùè dǒ weɛ̍ laa̍ di̍i̍.

Nu̍-dɛ̍ᵻ 2:46

Ka sɔ̀n-a sɛ̀n-a, kǎ u̍h-a gbèɛ̀ɛ̍n dě Nyɔsoa-a slaǎ sà gbò sɔ̀n. Nɛ̀ u̍h-a gbǎ tàdùè u̍h blǐ gbòᵻ i̍ iě u̍h-a di̍-i dɛ̍we̍ dǒ wlùh wlǎ we̍.

Nu̍-dɛ̍ᵻ 5:12

Wɛ̀ Jusu-a gba̍tòà poe jbaɛdih dɔu ke nyɔ̍ wɔ̍n flɔn-ɛ dɛ̍ᵻ dě nyɔ̍ɔ nynɛ̌. Nɛ̀ dǒ Sɔlɔma-a Fùnǐ sɔ̀n bo u̍h-a gbèɛ̀ɛn chɛ̍chɛ̍.

Wloma 12:16

Mɔ̀ kli̍hgbɛ̍ mɔ̀ blě wlùh due. Mɔ̀ bɔ̌ blɔ̌-ɛ, jɛ nyɔ̍ ùh nyɔ̍gbei se̍-a jbɛɛ-ɛ u̍h bo mɔ̀ iě-e jbɛɛ. Mɔ̀ nɛ due-a flɔ̍nwlùh bɔ̌ flɔ̍nwlùh nu̍-ɛ.

1 Kɔwlɛntiɔn 1:10

Ǐn de̍di̍i̍ᵻ, ǎn ba̍le mɔ̀-ɛ dǒ à Joi Jusu Klai-a nynɛ̌ kɛ̍n mɔ̀ kli̍hgbɛ̍ mɔ̀ iě wlu̍ i̍ wɔ̌ɛn wɛ̀ mɔ̀-ɔ je̍e kɛ̍n sèàɛ̍. Mɔ̀ gbe̍ɛ̍ɛn kɛ̍n i̍, mɔ̀ iě wlùh due blě mɔ̀-a nu̍-dɛ̍ iě due nɛ.

2 Kɔwlɛntiɔn 13:11

Ɛ̀ bɔ̌ɛ-aoɛ ǐn de̍di̍i̍ᵻ, mɔ̀ à nɛ klàe̍. Mɔ̀ fɔ̀n dɛ̍ we̍ mɔ̀ iě gblɛ̍ja̍i̍ wɛ̀. Mɔ̀ nu̍ ǎn slɛ̌n tù wlu̍, mɔ̀ wɔ̌ɛn wlu̍ i̍. Mɔ̀ na-ɛe wlùh-a i̍ tè-ɛ di̍i̍, nɛ̀ Nyɔsoa ɔ̀ jbɛɛ-a àɔ̀ iě ɔ̍ nyǐ-a à wlùh-a i̍ tè-ɛ, nɛ̀ ɔ̍ mu̍ mɔ̀ we̍ nɛ-o.

2 Kɔwlɛntiɔn 2:3

Ɛ̍ kɔn ǐn chlǐh mɔ̀ chlǐh-dɛ̍ laa̍ we̍. Ǐn se̍ pɔ̀n iě-e mɔ̀ we̍ ji̍-ɛ, wɛ̀ mɔ̀ɔ̍ kɔn taǐn ùh kɔn ùh iě-a ǐn mɔna̍-a po̍-ɛ, wɛ̀ mɔ̀ iě ǎn wlùh seɔn po̍. Ǐn juo ɛ̍ kleǐn pò ǐn gbǎ mɔna̍-ɛ, nɛ̀ mɔ̀ kli̍hgbɛ̍ mɔ̀ gbǎ mɔna̍-a ke.

2 Kɔwlɛntiɔn 7:7

Ɛ̍ se̍ ɔ̍ ji̍-ɛ nɛ due ɛ̀ se̍ à wlùh fùka, jɛ gbɛ̀ ɔ̍ sà-a kɛ̍n dǒ ka mɔ̀ nu̍-a ɔ̍ gbǐh ku̍u̍ po̍-ɛ we̍-ɛ, ɛ̍ fùka à wlùh ke. Ɔ̍ sèàɛ̍ à wlùh ka mɔ̀-a wlùh gbǎ-a dě de̍i̍, iě mɔ̀-a pɔ̀n-a ǐn jě-ɛ i̍ kaa̍-ɛ, ɛ̍ ke ka mɔ̀ nu̍-a ǎn tìh kma-a ke. Ɛ̍ tìh-ɛ, ǐn gbǎ mɔna̍ kaa̍ ɛ̍ sìì sàǐtòò naɛ.

Felepai 1:4

Ǎn ba̍le-e dǒ mɔ̀ kli̍hgbɛ̍-a tàà ma̍u̍. Ǎn nmɔ-ɛ dǒ ǎn ba̍le la̍.

Felepai 2:16

ka mɔ̀ gbɛ̍n-a tu̍owli la ɛ̀ nyǐ-a nyɔ̍ feɛ-ɛ, ɛ̍ nya̍ gba̍-a i̍-ɛ. Pò mɔ̀ ja laan nu̍-ɛ, nɛ̀ ɛ̍ mu̍ ǎn bu̍hᵻ dlǔ bɛ̌-ɛ dǒ weɛ̍ Klai-a mu̍-a ji̍-ɛ di̍i̍. Nɛ̀ ǎn gbǐh se̍-e gbɔ̀lɔ mu̍ dǒ dbo̍ dɔu ǐn nu̍-aɛ we̍.

Felepai 2:20

Ɔ̍ nɛ due gbài̍ bo ǐn blě ka, ɔ̀ blě mɔ̀-a ti̍ kaa̍.

Felepai 4:2

Uodia ke Sɛnteki, ǎn ba̍le-e, ǐn gbɛ̍n mɔ̀-a bu̍hᵻ i̍ mɔ̀ iě kɛ̍n i̍ gbe̍ɛ̍ɛn dě Joi ja̍a̍.

Kalase 2:5

Kǎ ɛ̍ nɛ gbɛɛ, ǎn nyi̍ɔ̍tu se̍ dě mɔ̀ we̍ nɛ, jɛ ǎn wlùh nɛ dě mɔ̀ we̍. Nɛ̀ dɛ̍ ɛ̀ nmɔ-ɛa dě ǐn di̍i̍ wɔ̍n ǎn jě-aɛ, ɛ̍ nu̍ mɔ̀-a nu̍-dɛ̍ᵻá ti̍ɛ̍ɛn wɔ̍ɔ̍n, iě mɔ̀-a wlùh gbaɛ ku̍ i̍ dě Klai ja̍a̍.

2 Tɛsoloniɔn 2:13

À de̍di̍i̍ᵻ, Joi jbɛɛ mɔ̀ɔ̍. À kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. Dɛ̍nu̍ɛ, sɔ dě tɔ̀blɔ̍ɔ̍-ɛ, Nyɔsoa tba̍ mɔ̀ chèɛ̀ mɔ̀ iě pǔh, wɛ̀ mɔ̀ iě ɔ̍ nyɔ̍ nu̍ dǒ ɔ̍ Sùù ke tìh-a taǐn wlùh gbaɛ we̍.

2 Timote 1:4

Pò ǐn nu̍ àn mǐtɛɛn wlùh we̍-ɛ, nɛ̀ àn jě-e tɔ̌n-a nu̍ m kaa̍, wɛ̀ ǎn nmɔ-ɛ iě kwlǎ wɛ̀.

Faɛlimɔ 1:20

Ǐn de̍di̍i̍, ǎn pɔ̀n ìè ǎn wlùh-a fɔ̀ɛ̀ɛ̀n nu̍ dě Joi ja̍a̍. Pɛ̌n-ɛ ǎn pɔluh i̍ dě Klai ja̍a̍.

2 Chɔɔn 1:4

Ɛ̀ kɔn taǐn Baa Nyɔsoa la̍ à iě-a dǒ tìh-a taǐn de̍e̍ wɔ̀-ɛ nu̍-ɛ, àn nynuu̍ duuh ǐn jě-aɛ, kǎ u̍h-a nu̍. Sɔ ɛ̍ po̍ ǐn mɔna̍-a kaa̍.

3 Chɔɔn 1:4

Pò ǐn wɔ̌n ǎn nynuu̍-a dǒ tìh-a taǐn de̍e̍ wɔ̀ pɔ̀n-ɛ, nɛ̀ dɛ̍ dɛɛ se̍ ǐn mɔna̍-a po̍ ɛ̍ se̍ ɛ̍ sìì.