Felepai 2:16 - Ku̍o̍ Delee 1999

¹⁶ ka mɔ̀ gbɛ̍n-a tu̍owli la ɛ̀ nyǐ-a nyɔ̍ feɛ-ɛ, ɛ̍ nya̍ gba̍-a i̍-ɛ. Pò mɔ̀ ja laan nu̍-ɛ, nɛ̀ ɛ̍ mu̍ ǎn bu̍hᵻ dlǔ bɛ̌-ɛ dǒ weɛ̍ Klai-a mu̍-a ji̍-ɛ di̍i̍. Nɛ̀ ǎn gbǐh se̍-e gbɔ̀lɔ mu̍ dǒ dbo̍ dɔu ǐn nu̍-aɛ we̍.

Felepai 2:16 Iomraidhean Croise

Matio 10:27

Dɛ̍ ǐn sèàɛ̍-a mɔ̀ wlùh dě kwile-ɛ, nɛ̀ mɔ̀ gba̍ ɛ̍ dǒ gbaɛ̍we̍ wɛ̀ mɔ̀ iě ɛ̍ bla̍. Nɛ̀ dɛ̍ ǐn paɛ-a mɔ̀ slǎn-a, nɛ̀ mɔ̀ bla̍ ɛ̍, mɔ̀-a wlu̍ iě dě gbò tɔ̀u̍nwe̍ jii.

Pɔ̀n Chɛ̀ Luu To-a La 12:8

“Ǎn sèàɛ̍ mɔ̀ wlùh, nyɔ̍ ɔ̀ mu̍-a jlǔh nyna wɛ̀ ɔ̀ iě-a ǎn tìh i̍ wɔ̌ɛn-ɛ, nɛ̀ Nyi̍ɔ̍-a Jǔ-a mu̍ jlǔh nyna ke dǒ Nyɔsoa-a ǐnchɔ̀ jǔ wɛ̀ ɔ̍ iě ɔ̍ tìh i̍ wɔ̌ɛn ke.

Chɔɔn 6:63

Nyɔsoa-a Sùù bo ɛ̀ nyǐ nyɔ̍ feɛ, ku̍ nɔ̀ɔ̍, ɛ̍ se̍ dɛ̍kɛ̍n gbǎ. Wlu̍ ǐn wlu-ia dě mɔ̀ we̍-ɛ, ɛ̍ bo ɛ̀ ja Nyɔsoa-a Sùù ɛ̀ nyǐ-a nyɔ̍ feɛ-ɛ.

Chɔɔn 6:68

Wɛ̀ Samo Pitɛ la̍a̍, “Joi, mɔ̀ jɔ blě-a wlu̍ ɛ̀ nyǐ-a nyɔ̍ kmɔ̌ sie feɛ-ɛ, pò à tǎli ìn i̍-ɛ, nɛ̀ nyɔ̍ dɔɔ we̍ à mu̍ we̍ mu̍ ɛ?

Nu̍-dɛ̍ᵻ 13:26

“Ǐn de̍di̍i̍ᵻ, mɔ̀ɔ̍ nu̍-a Eblaɛɛn-a tloemlai-ɛ, ɛ̍ ke mɔ̀ɔ̍ ùh se̍-a Juu nyɔ̍ ùh-a ple̍-a Nyɔsoa-a faɔn-ɛ ke, nɔ̌ àɔ̀ we̍ bo nyɔ̍ pǔh-i tu̍owli la ɛ̍ ji̍.

1 Kɔwlɛntiɔn 1:8

Ɔ̍ mu̍ mɔ̀-a wlùh gbaɛ-ɛ i̍ kui te̍e̍ wɛ̀ mɔ̀ɔ̍ jěe nɛi̍ nɛ dǒ weɛ̍ à Joi Jusu Klai-a mu̍-a ja-ɛ di̍i̍.

1 Kɔwlɛntiɔn 9:26

Ɛ̍ kɔn tìh ǎn tù ple̍-ɛ jlǐhɛ̍, wɛ̀ iě wlɔ̀ nyni̍ nɛ̌ se̍-e dɛ̍ gba̍. Ɛ̍ kɔn ǐn wɔ̀ fɔ̀n-nyɔ̍ ɔ̀-ɔ gblà-a nyɔ̍ gbuna-ɛ.

2 Kɔwlɛntiɔn 1:14

ka mɔ̀-a tè-a la̍ à we̍ i̍ ju̍o̍e-ɛ gbɔ̀-ɛ. Weɛ̍ Joi Jusu-a mu̍-a ja-ɛ, mɔ̀ iě à bu̍hᵻ wlù i̍ po̍-ɛ bɛ̌ɛ ka à mu̍-a mɔ̀-a bu̍hᵻ wlù i̍ po̍-ɛ nu̍-ɛ.

Kelesea 2:2

Nyɔsoa jii ǐn dluwe̍ iě-e mu̍, ɛ̍ kɔn ǐn mu̍-e. Wɛ̀ pɔ̀n chɛ̀ kɔn tìh ǐn bla̍-a dě ùh se̍-a Juu nyɔ̍-ɛ we̍-ɛ, iě ǐn po̍ ɛ̍ dǒ chɔchi̍h-a nyɔ̍ klaaᵻ jǔ i̍ dě slǎn. Ǐn po̍ u̍h kunǎ, wɛ̀ ǎn dbo̍ jɛ ǐn nu̍-a wɛ̀-ɛ ke, iě jɛ ǎn nu̍-a ka-ɛ, i̍h-i je̍e bu̍ɛ̍i̍ nu̍.

Kelesea 4:11

Mɔ̀-a faɔn-a nu̍ m, wɛ̀ dbo̍ ǐn nu̍-a dǒ mɔ̀ we̍-ɛ, ɛ̍-ɛ je̍e bu̍ɛ̍i̍ nu̍.

Felepai 1:10

Nɛ̀ mɔ̀-a mu̍ dɛ̍ chɛ̀ klɛ̀ɛ̀n-ɛ bɛ̌ɛ. Nɛ̀ mɔ̀-a nynɛ̌ se̍ kɔ̌ mu̍ wɛ̀ mɔ̀ iě wlaǎwla nɛ dǒ Klai-a ji̍-i weɛ̍ di̍i̍.

Felepai 1:6

Nɛ̀ ǐn tè ɛ̍ wlì kleǐn Nyɔsoa ɔ̀ tè-a dbo̍ chɛ̀ la gbɔ̀ dě mɔ̀ ja̍a̍-ɛ, ɔ̍ mu̍ ɛ̍ nya̍ gba̍ te̍e̍ wɛ̀ ɛ̍ iě i̍ wɛ̀ gblaan dǒ Jusu Klai-a ji̍-i weɛ̍ di̍i̍.

1 Tɛsoloniɔn 2:19

Ti̍ à Joi Jusu-a mu̍-a ji̍-ɛ, dɛ̍ we̍ à tè wlì ɛ̀ mu̍ à mɔna̍-a po̍ ɛ? Àe̍e̍ blawɛ̌ we̍ à mu̍ tèè dǒ ɔ̍ jǔ, wɛ̀ à iě bu̍hᵻ wlù i̍ po̍ ɛ? Ɛ̍ se̍ mɔ̀ɔ̍ ae?

1 Tɛsoloniɔn 3:5

Ɛ̍ kɔn ti̍ ǐn se̍-a ɛ̍ i̍ nyna-a bɛ̌ɛ dɛ-ɛ, wɛ̀ ǐn dbo̍ Timote ɔ̍ iě mɔ̀-a wlùh gbaɛ jě. Ǎn ple̍ faɔn nyɔ̍-se̍-juo Kǔ po̍ mɔ̀ blu̍ja̍a̍ wɛ̀, iě à dbo̍ la ɛ̍-ɛ je̍e bu̍ɛ̍i̍ nu̍.

Iblu 4:12

Nyɔsoa-a wlu̍ tè kmɔ̌ i̍, iě ɛ̍ nu̍ dɛ̍ᵻ i̍. Ɛ̍ nmǎ-ɛ ɛ̍ sìì plàn chlɛ̀n. Ɛ̍ juo nyɔ̍-a wlùh kli̍hgbɛ̍ we̍ i̍ ka plàn chlɛ̀n tba̍ dě nyɔ̍ di̍i̍-ɛ. Ɛ̍ bo ɛ̀ chlɛ̌ nyi̍ɔ̍-a wlùh-a pɔ̀n-dɛ̍ᵻ ke wlùh i̍ naɛ dɛ̍ᵻ we̍ i̍.

1 Pitɛ 1:23

Ɛ̍ se̍ baa jɔ-a mu̍-a mɛ̌-ɛ ja̍a̍ mɔ̀ se̍ wlǔh-i, jɛ dě jɔ se̍-a mɛ̌ mu̍-ɛ ja̍a̍ bo mɔ̀ wlǔh-i. Dɛ̍nu̍ɛ, Nyɔsoa-a wlu̍ ɛ̀ nɛ-a kmɔ̌, ɛ̀ se̍-a i̍ wɛ̀ la̍ kɔn-ɛ, dě ɛ̍ di̍i̍ bo mɔ̀ wlǔh-i wɛ̀ dode̍.

1 Chɔɔn 1:1

Nyɔ̍ ɔ̀ kɔn tìh à chlǐh-a mɔ̀ we̍-ɛ, ɔ̍-ɔ bo ɔ̀ kɔn nynɛ̌ nu̍ Wlu̍ ɔ̀ nyǐ-a nyɔ̍ feɛ-ɛ. Sɔ dě tɔ̀blɔ̍ɔ̍-ɛ, nɛ̀ ɔ̍ nɛ kmɔ̌ wɛ̀ se̍e̍. À wɔ̌n ɔ̍ wlu̍ iě à chɛ̀ tba̍ ɔ̍ jlǐhɛ̍. À gbɛ̀n ɔ̍ ja̍ iě à tǔh i̍ ɔ̍ sɔ̍n i̍.

Wlɛfeleseɔn 22:17

Nyɔsoa-a Sùù ke Nynɔ̌ Delee la̍a̍ dě Jusu we̍, “Ji̍.” Nɛ̀ nyɔ̍ jɔ wɔ̌n-a ɛ̀ la-ɛ, nɛ̀ ɔ̍ la̍a̍ dě Jusu we̍ ke, “Ji̍.” Nyɔ̍ ɔ̀ nǐ nǎ tɔ̌n-a nu̍-aɛ, ɔ̍ ji̍. Nɛ̀ nyɔ̍ jɔ pɔ̀n-a nǐ ɛ̀ nyǐ-a nyɔ̍ feɛ-ɛ, ɔ̍ dǔ ɛ̍-ɛ bu̍ɛ̍i̍.