Felepai 2:15 - Ku̍o̍ Delee 1999

¹⁵ Nɛ̀ mɔ̀-a nynɛ̌ se̍ kɔ̌ mu̍, mɔ̀ iě wlaǎwla nɛ. Nɛ̀ mɔ̀-a mu̍ Nyɔsoa-a nynuu̍ ùh se̍-a nɛi̍ nɛ-ɛ wɔ̀ dě ùh-a nu̍-a klǐ-dɛ̍ᵻ ke tba̍ɛ kɛ̍n i̍-ɛ we̍. Mɔ̀ kɔn mɔ̀ iě fa̍n dě u̍h nynɛ̌ ka chǔhtlɛ̀n-a fa̍n dě ja̍u̍n wlì-ɛ,

Felepai 2:15 Iomraidhean Croise

Matio 10:16

Ɔ̍ la̍a̍, “Ǎn dbo̍ mɔ̀ ka nyɔ̍-a dbo̍ blawɛ̌ᵻ dě gbɛ̍n-nmi̍i̍ nynɛ̌ we̍-ɛ. Ɛ̍ tìh-ɛ, mɔ̀ klǐhbih jlǐh i̍ ka nǐ plǐn la̍ smìɛ̍-ɛ, wɛ̀ mɔ̀ iě gba̍n gbɛ̍n ke.

Matio 17:17

Wɛ̀ Jusu la̍a̍, “Mɔ̀ɔ̍ ti̍laa nyɔ̍ la, mɔ̀ se̍ wlùh gbaɛ blě. Mɔ̀-a nu̍ tba̍ɛ kɛ̍n i̍. Ti̍ tìèwe̍ iě da̍a mɔ̀ we̍ nu̍ ke̍ gbɔ̀ɔ ɛ? Ka iě mɔ̀-a tìh nu̍ ɛ? Mɔ̀ ja jǔwɛ laa̍ nɔ̌ ǐn we̍.”

Matio 5:45

Ɛ̍ bo ɛ̀ mu̍ ɛ̍ nu̍ iě mɔ̀ Baa nɛ-a dě ja̍i̍wlɔ̀-ɛ, wɛ̀ mɔ̀ iě ɔ̍ nynuu̍ nu̍. Dɛ̍nu̍ɛ, ɔ̍ nu̍ jlǔh iě ɛ̍ wlǔh kwlǎ dǒ dɛ̍ sɔ̀n nu̍ nyɔ̍ we̍, wɛ̀ ɛ̍ wlǔh kwlǎ dǒ nyɔ̍ chɛ̀ we̍. Wɛ̀ ɔ̍ dbo̍ nǐ dǒ i̍ slɛ̌-nyɔ̍ we̍, iě ɔ̍ dbo̍ ɛ̍ dǒ se̍ i̍ slɛ̌-nyɔ̍ we̍.

Matio 5:48

Ɛ̍ tìh-ɛ, ka mɔ̀ Baa ɔ̀ nɛ-a dě ja̍i̍wlɔ̀-ɛ, ɔ̍ nu̍-dɛ̍ nu̍-a gblɛ̍ja̍i̍ wɛ̀-ɛ, kǎ mɔ̀ naɛ iě gblɛ̍ja̍i̍ wɛ̀-ɛ nu̍ ke.”

Pɔ̀n Chɛ̀ Luu To-a La 1:6

U̍h nɛ-a sɔɔ̌n-ɛ, u̍h-a nu̍-dɛ̍ slɛ̌ i̍ dě Nyɔsoa jlǐh. U̍h-a tè-o Joi-a telě kli̍hgbɛ̍ i̍.

Pɔ̀n Chɛ̀ Luu To-a La 6:35

Jɛ mɔ̀ jbɛɛ mɔ̀-a nyɛ̌-nyɔ̍-ɔ, nɛ̀ mɔ̀ nu̍ u̍h dɛ̍ chɛ̀ pùn. Mɔ̀ po̍ u̍h gba̍-aɛ, nɛ̀ mɔ̀ bɔ̌ ɛ̍ sà-a tìh gbàɛ̀. Nɛ̀ mɔ̀-a jě-dɛ̍-a mu̍ wɔ̍n ku̍, wɛ̀ mɔ̀ iě Sìì Nyɔ̍ Wɔ̍n Nyɔsoa-a nynuu̍ nu̍. Dɛ̍nu̍ɛ, ɔ̍ nmɔ gblɛ̍n-ɛa chɛ̀ dǒ nyɔ̍-a nynɛ̌ kɔ̌-ɛ nyɔ̍ ke kà kɔn nyɔ̍ we̍.

Chɔɔn 5:35

Chɔɔn bo ɔ̀ wɔ̀ wa̍n-nape̍ ɛ̀ fa̍n, jɛ ti̍ gbɔ̍ bo mɔ̀ wɔ̌ɛn mɔ̀ iě nmɔ dě ɔ̍ sɔ̀npli di̍i̍.

Nu̍-dɛ̍ᵻ 2:40

Wɛ̀ Pitɛ bla̍ gbòɛ̀ diih dě u̍h we̍, iě ɔ̍ tù u̍h slɛ̌n, ɔ̍ la̍a̍, “Ǐn gbɛ̍n mɔ̀-a bu̍hᵻ, mɔ̀ sèìe mɔ̀-a chɛ̀ dě ti̍laa nyɔ̍-a tba̍ɛ kɛ̍n i̍ la di̍i̍ lě.”

Nu̍-dɛ̍ᵻ 20:30

Dě mɔ̀ nynɛ̌ bo nyɔ̍-a mu̍ sɔ u̍h iě kòà dɔu iě dǒ u̍h de̍e̍ gbǎ tìh tù, wɛ̀ u̍h iě tìh-a taǐn-a wɛ̀àn plùn chɛ̍n.

Wloma 16:19

Nyɔ̍ kli̍hgbɛ̍ wɔ̌n mɔ̀-a nynɛ̌ wɛ̀ ka mɔ̀ gbɛ̍n-ɛa pɔ̀n chɛ̀ sɔ̍nᵻ sɔɔ̌n i̍-ɛ, sɔ ɛ̍ po̍ ǐn mɔna̍-a kaa̍. Jɛ ǎn pɔ̀n mɔ̀ iě di̍i̍ i̍ flɔn dǒ dɛ̍ chɛ̀ we̍, wɛ̀ dě mɔ̀ di̍i̍ iě i̍ gbe dǒ dɛ̍ sɔ̀n we̍.

1 Kɔwlɛntiɔn 1:8

Ɔ̍ mu̍ mɔ̀-a wlùh gbaɛ-ɛ i̍ kui te̍e̍ wɛ̀ mɔ̀ɔ̍ jěe nɛi̍ nɛ dǒ weɛ̍ à Joi Jusu Klai-a mu̍-a ja-ɛ di̍i̍.

2 Kɔwlɛntiɔn 6:17

Ɛ̍ tìh-ɛ, Joi la̍a̍ dě ɔ̍ nyɔ̍ we̍, “Mɔ̀ sɔ dě nyɔ̍ ùh se̍-a ǐn juo-ɛ nynɛ̌, mɔ̀ iě u̍h we̍ i̍ ti̍ɛ̍ɛn. Mɔ̀ bɔ̌ dɛ̍ ɛ̀ se̍-a nɛi̍ wɛ̀-ɛ i̍ tǔh-ɛ, nɛ̀ ǎn mu̍ mɔ̀ i̍ gbɛ̍n.

Ɛfɛsɔ 5:27

Ɔ̍ nu̍ ɛ̍-ɛ wɛ̀ chɔchi̍h iě dǒ ɔ̍ we̍ i̍ wɔ̀ wɛ̀ ɛ̍ iě maloo nɛ. Ɛ̍ ku̍ se̍ tlǎ, iě ɛ̍ fɛ̍nɛ. Dɛ̍wɛ dɛɛ-a chɛ̀ se̍ ɛ̍ i̍ nɛ ke. Ɛ̍ wɛ̀ nɛi̍ iě ɛ̍ nynɛ̌ se̍ kɔ̌.

Felepai 1:10

Nɛ̀ mɔ̀-a mu̍ dɛ̍ chɛ̀ klɛ̀ɛ̀n-ɛ bɛ̌ɛ. Nɛ̀ mɔ̀-a nynɛ̌ se̍ kɔ̌ mu̍ wɛ̀ mɔ̀ iě wlaǎwla nɛ dǒ Klai-a ji̍-i weɛ̍ di̍i̍.

Felepai 3:6

Wɛ̀ ǎn wlùh-a nu̍ jàjà iě chɔchi̍h klě jě-e. Pò ɛ̍ tù telě dɛɛ jě-ɛ ɛ̀ slɛ̌-ɛ nyɔ̍ i̍-ɛ, nɛ̀ mɔ̍ bo ɔ̀ wɛ̀ nɛi̍.

1 Tɛsoloniɔn 5:23

Ǎn sà nǐ wɔ̍n Nyɔsoa ɔ̀ nyǐ-a nyɔ̍ wlùh-a i̍ tè-ɛ, ɔ̍ iě mɔ̀ flɛ̀n wɔ̀ te̍kle̍e̍. Nɛ̀ ǎn sà nǐ wɔ̍n dɛ ɔ̍ iě mɔ̀-a sùù ke, feɛ ke, mɔ̀-a nyi̍ɔ̍ku nɛi̍ wɔ̀ dǒ à Joi Jusu Klai-a ji̍ la̍.

1 Timote 3:10

Nɛ̀ nyɔ̍ tɛ̀n u̍h ke̍ sàǐtòò. Pò u̍h se̍ kǐh bu̍hᵻ i̍ nɛ-ɛ, nɛ̀ u̍h nu̍ dbo̍.

1 Timote 3:2

Nɛ̀ fààmlà bɔ̌ mlɔ̌ dɛ̍ᵻ nu̍-ɛ. Ɔ̍ kɔn ɔ̍ iě nynɔ̌ due gbài̍ blě. Nɛ̀ ɔ̍ tù ɔ̍ chɛ̀ jlǐhɛ̍, ɔ̍ iě dlǔ kɔn. Ɔ̍ jě ɔ̍ chɛ̀ dɛ̍ɛ̍, ɔ̍ iě nyɔ̍ wlì gbà. Ɔ̍ kɔn ɔ̍ iě nyɔ̍ nǎ po̍-ɛ bɛ̌ɛ.

1 Timote 5:14

Nɛ̀ mɔ̍ɔ, ɛ̍ tù ǎn tìh-ɛ, pò tèwànynɔ̌ nu̍ nynɔ̌gbau gbèlà-ɛ, nɛ̀ ɔ̍ tǐn jla̍ dode̍ ɔ̍ iě nynuu̍ wlǔh-i, ɔ̍ iě dǒ ɔ̍ gbò we̍ i̍ gbɛ̀n. Nɛ̀ à nyɛ̌-nyɔ̍ se̍ flɔn la̍ jě mu̍ u̍h iě à wlu̍ sɔ̀n pùn po̍.

1 Timote 5:20

Nyɔ̍ ùh nu̍-a gblɛ̍n sɔ̀ɛ̀n-ɛ, nɛ̀ ìn wǐi u̍h dlǔ i̍ dǒ nyɔ̍ nynɛ̌. Wɛ̀ juh sie-a dǒ de̍-ɛ, u̍h iě faɔn gbǎ.

1 Timote 5:7

Poe u̍h ìh la slǔh wɛ̀ nyɔ̍-ɔ je̍e u̍h-a nynɛ̌ kɔ̌-ɛ.

Taitɔ 1:6

Chɔchi̍h-a nyɔ̍ klaa bɔ̌ kǐh bu̍hᵻ i̍ nɛ-ɛ, nɛ̀ ɔ̍ blě nynɔ̌ due gbài̍. U̍h-a nynuu̍ blě wlùh gbaɛ, u̍h bɔ̌ nynɛ̌ sɔ̀nᵻ blě nyɔ̍ ke nyɔ̍ wɔ̍n blaɛ nyɔ̍ nu̍-ɛ.

Taitɔ 2:10

Nɛ̀ u̍h bɔ̌ u̍h we̍ jlǐ-ɛ. Jɛ u̍h-a nyɔ̍ chɛ̀ nu̍-ɛ ke wlu̍ kɛ̍n i̍ gbɛ̍n-ɛ bo u̍h iě to ti̍ kli̍hgbɛ̍ we̍. Nɛ̀ɛ̍, Nyɔsoa ɔ̀ sèìe-a àɔ̀-ɛ, nǎ po̍-ɛ ɛ̀ tba̍-a dǒ ɔ̍ pùn i̍-ɛ, nɛ̀ u̍h-a mu̍ ɛ̍ nynɛ̌ kɛ̍n po̍ dǒ u̍h-a nu̍-dɛ̍ᵻ kli̍hgbɛ̍ we̍.

Taitɔ 2:15

Ìh laa̍ bo ìè nyɔ̍ nǎ poe, gbɛ̍n-ɛ u̍h wɔ̍i̍n, ìè u̍h-a wlùh fùka dǒ tùn ɛ̀ nyǐ i̍-a m̀-ɛ we̍. Bɔ̌ wɔ̌n-ɛ nyɔ̍ bɔ̌ ìn jlǐhɛ̍ dlǔ bla̍-a.

Iblu 7:26

Jusu laa̍ bo ɔ̀ nu̍ ka Slaǎ Sà Nyɔ̍-a Dlǔtu à kɔn à iě blě. Ɔ̍ wɛ̀ nɛi̍. Nyɔ̍ se̍ ɔ̍ kɔ̌-ɛ nynɛ̌ blě, ɔ̍ se̍ gblɛ̍n sɔ̀ɛ̀n nu̍. Ɔ̍ tè-ɛ pɔ̌ dě gblɛ̍n sɔ̀ɛ̀n nyɔ̍ nynɛ̌, iě ɔ̍ dǔ-iɛ ja̍i̍ dě ja̍i̍wlɔ̀.

1 Pitɛ 2:12

Mɔ̀ tù mɔ̀-a chɛ̀-a nu̍-dɛ̍ᵻ jlǐhɛ̍ dě nyɔ̍ ùh se̍-a Nyɔsoa juo-ɛ nynɛ̌. Wɛ̀ pò u̍h la̍ mɔ̀ɔ̍ dɛ̍ᵻ sɔ̀nᵻ nu̍ nyɔ̍-ɛ, iě u̍h iě mɔ̀-a nu̍-dɛ̍ᵻ chɛ̀ jě, wɛ̀ u̍h iě Nyɔsoa tìhwe̍ po̍ dǒ ɔ̍ ji̍ la̍.

1 Pitɛ 2:9

Jɛ mɔ̀ɔ̍ Nyɔsoa-a chèɛ̀ tba̍ nyɔ̍, Blǔh Baa-a slaǎ sà nyɔ̍, mɔ̀ɔ̍ nɛi̍ wɛ̀ bloa̍. Mɔ̀ɔ̍ Nyɔsoa-a chɛ̀-a nyɔ̍, ɔ̍ dǎ mɔ̀ mɔ̀ iě dě kwile-e sɔ mɔ̀ iě ɔ̍ nyɔ̍ wɔ̍n flɔn sɔ̀npli we̍ ji̍. Ɔ̍ tba̍ mɔ̀ chèɛ̀ mɔ̀ iě nyɔ̍ wɔ̍n flɔn-ɛ dɛ̍ᵻ ɔ̍ nu̍-aɛ bla̍.

2 Pitɛ 3:14

Ɛ̍ tìh-ɛ, ǎn tìh kma nyɔ̍, ka mɔ̀-a fuo-a weɛ̍ la kɛ̍ɛ̍n-ɛ, mɔ̀ fɔ̀n dɛ̍ we̍ mɔ̀-a nynɛ̌-ɛ je̍e kɔ̌, mɔ̀ɔ̍ je̍e nɛi̍ nɛ, wɛ̀ wlùh-a i̍ tè-ɛ iě dǒ ɔ̍ ke mɔ̀ nynɛ̌ nɛ.

Wlɛfeleseɔn 2:5

Ka mɔ̀ nu̍-a tàmlain gbǎ-ɛɛ, ɛ̍-ɛ bo mɔ̀ iě wlùh we̍ nu̍. Mɔ̀ bǐi i̍ mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe, mɔ̀ iě ìh mɔ̀-a nu̍-a sàì-ɛ nu̍. Pò mɔ̀ se̍ la̍a̍n nu̍-ɛ, nɛ̀ ǎn mu̍ dě mɔ̀ we̍ ji̍ iě mɔ̀-a chlǎn nape̍-a kɛ̍n tè dɛ̍ tèla̍ sà.

Wlɛfeleseɔn 3:9

Mɔ̀ gbɛ̀n-e, nyɔ̍ ùh kɔn-a dǒ Setɔn-a gbɔ̀ù we̍-ɛ, u̍h nu̍ si̍h nyɔ̍. U̍h la̍ u̍h-u Juu nyɔ̍, jɛ u̍h se̍ Juu nyɔ̍. Jɛ ǎn mu̍ ɛ̍ nu̍ u̍h iě ji̍ wɛ̀ u̍h iě i̍ chlìi dǒ mɔ̀ jǔ. Wɛ̀ u̍h kli̍hgbɛ̍ iě ɛ̍ i̍ juo ka ǐn jbɛɛ-a mɔ̀ɔ̍-ɛ.