Felepai 2:14 - Ku̍o̍ Delee 1999

¹⁴ Dɛ̍ᵻ kli̍hgbɛ̍ mɔ̀-a mu̍-a nu̍-ɛ, mɔ̀ bɔ̌ ɛ̍ dɛ̍ᵻ jlǐh we̍ i̍ gba̍-a ke wɔ̍ɔ̍n i̍ sà-a nui-ɛ.

Felepai 2:14 Iomraidhean Croise

Matio 20:11

Ti̍ u̍h jě-a u̍h-a wlǐ-ɛ, sɔ u̍h-a chɛ̀ la̍ klè joi laa̍ we̍ sǔh.

Pɔ̀n Chɛ̀ Maɛ To-a La 14:5

Pò nyɔ̍ ple̍ ɛ̍-ɛ, ɛ̍ bɛ̌ɛ sebla̍ wlǐ-a kmɛ ta̍a̍n (300) kɛ̍n sì-ɛ, wɛ̀ i̍h iě nyɔ̍gbà nyɔ̍ nyǐ-ɛ de wa.” Sɔ u̍h-a wlaɛ ɔ̍ la̍-ɛ sǔh.

Pɔ̀n Chɛ̀ Maɛ To-a La 9:14

Ti̍ Jusu bei-a ji̍-a kòà juh laa̍ nynɛ̌ gbǎ la̍ dode̍-ɛ, dǒ u̍h jě-e nyɔ̍ tlùgbei̍ nɛ̀ u̍h dlɛ̌ u̍h. Nɛ̀ u̍h ke telě nǎ poe nyɔ̍-a sà wɔ̍ɔ̍n i̍.

Pɔ̀n Chɛ̀ Luu To-a La 5:30

Wɛ̀ Fɛlesii nyɔ̍ ke u̍h-a telě nǎ poe nyɔ̍-a wlu-i Jusu-a kòà we̍. U̍h la̍a̍, “Dɛ̍nu̍ mɔ̀ ke taa̍sìh sà nyɔ̍ ke gblɛ̍n sɔ̀ɛ̀n nyɔ̍-a di̍ i̍ dɛ̍ tàdùè ɛ?”

Nu̍-dɛ̍ᵻ 15:2

Ɛ̍ bo ɛ̀ tòlo u̍h ke Pɔɔ ke Banaba, iě u̍h-a sà wɔ̍ɔ̍n i̍. Ɛ̍ bo ɛ̀ sà Pɔɔ ke Banaba, ɛ̍ ke wlùh gbaɛ-ɛ blě nyɔ̍ duuh ke u̍h iě Jusu-a gba̍tòà ke nyɔ̍ klaaᵻ jě la̍-a mu̍ dě Juluslɛn wlɔ̀ di̍i̍, dǒ dɛ̍ la u̍h-a tòlo-a we̍.

Nu̍-dɛ̍ᵻ 15:39

Wɛ̀ u̍h sà wɔ̍ɔ̍n i̍ flǐn, ɛ̍ bo ɛ̀ sèàɛ̍ u̍h kɛ̍n. Wɛ̀ Banaba dǔ Chɔɔn Maɛ, iě u̍h jii blǎgbè di̍i̍ u̍h mu̍ Saiplɔ bloa̍ kɛ̍n.

Nu̍-dɛ̍ᵻ 15:7

Iě u̍h sà wɔ̍ɔ̍n i̍ sà-a, wɛ̀ Pitɛ nyna i̍. Ɔ̍ la̍a̍, “Ǐn de̍di̍i̍ᵻ, mɔ̀-a chɛ̀ juo ɛ̍-ɛ mɔ̍ bo Nyɔsoa tba̍ chèɛ̀ tɛin dě mɔ̀ nynɛ̌, ɔ̀ iě pɔ̀n chɛ̀-a tìh bla̍ dě ùh se̍-a Juu nyɔ̍-ɛ we̍, wɛ̀ u̍h iě wlùh gbaɛ blě.

Nu̍-dɛ̍ᵻ 6:1

Dǒ ti̍ laa̍ di̍i̍ nɛ̀ Jusu-a kòà-a gbǎ la̍ kɛ̍n kaa̍. Doǒ bo Juu juh-a nu̍-a Klii gblɛ̍n-ɛ ke Juu chɛ̀ɛ̌chɛ̀ sà-ɛ wɔ̍ɔ̍n i̍. Juh-a nu̍-a Klii gblɛ̍n-ɛ u̍h la̍ Juu chɛ̀ɛ̌chɛ̀-a bla̍ u̍h-a tèwànynɔ̌gbaɔᵻ jlǐhɛ̍ dlǔ dǒ dɛ̍ gblè la̍ te̍e̍.

Wloma 12:18

Mɔ̀ fɔ̀n dɛ̍ we̍ mɔ̀ ke nyɔ̍ kli̍hgbɛ̍-a kmɔ̌ iě i̍ gbe̍ɛ̍ɛn.

Wloma 14:1

Nyɔ̍ ɔ̀ kɔn wlùh gbaɛ se̍-a i̍ ku̍ dě mɔ̀ nynɛ̌-ɛ, mɔ̀ gbà ɔ̍ wlì. Jɛ nɛ̀ mɔ̀ bɔ̌ ɔ̍ we̍ chɛ̀-ɛ ɔ̍ flɔ̍nwlùh-a tìh.

Wloma 16:17

Ǐn de̍di̍i̍ᵻ, ǐn gbɛ̍n mɔ̀-a bu̍hᵻ i̍, nyɔ̍ ùh-a nui-a nyɔ̍ gblɛ̍n sɔ̀ɛ̀n wɛ̀ u̍h-a che̍ɛ̍ɛn-a nyɔ̍ i̍-ɛ, mɔ̀ nu̍ u̍h-a nɛnɛ̌ o. Ùh faɛn-a dɛ̍ ɛ̀ mɔ̀-a nǎ poe nyɔ̍ poe-a mɔ̀ nǎ-a, nɛ̀ mɔ̀ sà u̍h sɔ̍n-ɔ i̍.

1 Kɔwlɛntiɔn 10:10

Mɔ̀ bɔ̌ sàǎsà nu̍-ɛ, ɛ̍ kɔn ba̍ bo u̍h-a duuh nu̍ wɛ̀ Nyɔsoa-a ǐnchɔ̀ gbɔ̀lɔ u̍h-u.

2 Kɔwlɛntiɔn 12:20

Ǎn ple̍ faɔn pò ǐn ji̍ dě mɔ̀ we̍-ɛ, nɛ̌ je̍e mɔ̀ kɛ̍n jɛɛ wɛ̀ ka ǎn pɔ̀n-a mɔ̀ iě-a nɛ-ɛ, mɔ̀ɔ̍ se̍ la̍a̍n nɛ. Wɛ̀ nɛ̌ se̍-e ka mɔ̀-a pɔ̀n-a iě-a nɛ-ɛ nɛ ke. Nyɔ̍-se̍-juo wɔ̍ɔ̍n i̍ sà-a ke, wlɛ̀n nu̍-ɛ ke, jlu̍h-u gbǎ-a ke, klǎn kɔn-ɛ ke, nyɔ̍ wlu̍ sɔ̀nᵻ pùn i̍ po̍-ɛ ke, nyɔ̍ chɛ̍n-ɛ ke, nyɔ̍-a chɛ̀ i̍ bɛ̌-ɛɛ ke dɛ̍ᵻ ja̍i̍ gbà-a je̍e dě mɔ̀ nynɛ̌ nɛ.

Kelesea 5:15

Jɛ pò mɔ̀ ja we̍ gbe̍ɛ̍ɛn mɔ̀ iě kà nu̍-ɛ, nɛ̀ mɔ̀ tù ɛ̍ jlǐhɛ̍ o. Mɔ̀ se̍ nɛnɛ̌ nu̍-ɛ, nɛ̀ mɔ̀-a mu̍ we̍-e gbɔ̀lɔ o.

Kelesea 5:26

Mɔ̀ à bɔ̌ à chɛ̀ i̍ bɛ̌-ɛ. Nɛ̀ mɔ̀ à bɔ̌ à ba̍ᵻ jlu̍h di̍i̍ i̍ po̍-ɛ, mɔ̀ à bɔ̌ wlɛ̀n we̍ nui-ɛ.

Felepai 2:3

Mɔ̀ tǎli klǎn kɔn dɛ i̍, mɔ̀ bɔ̌ mɔ̀-a chɛ̀ i̍ bɛ̌-ɛ. Jɛ mɔ̀ ja mɔ̀-a chɛ̀ wlù dě mɔ̀-a sǔh nynɛ̌, nɛ̀ mɔ̀ jě nyɔ̍ duuh chɛ̀ ka ɛ̍ iě mɔ̀-a chɛ̀ sìì.

1 Tɛsoloniɔn 5:13

Mɔ̀ gbɛ̍n-ɛ u̍h-a dɛ̍ɛ̍ jě-ɛ gbǐh i̍ dǒ jbɛɛ we̍. Dɛ̍nu̍ɛ, u̍h-a nu̍ dbo̍ dǒ mɔ̀ we̍. Mɔ̀ na-ɛ dě wlùh-a i̍ tè-ɛ di̍i̍ dě mɔ̀-a chɛ̀ nynɛ̌.

1 Tɛsoloniɔn 5:15

Mɔ̀ bɔ̌ wɔ̌n-ɛ nyɔ̍ bɔ̌ dɛ̍ sɔ̀n dɛ̍ sɔ̀n gba̍a̍ sàɛ̀-ɛ. Jɛ mɔ̀ fɔ̀n dɛ̍ we̍ mɔ̀ iě dɛ̍ᵻ chɛ̀ we̍ nui ti̍ kli̍hgbɛ̍ we̍, ɛ̍ ke dǒ nyɔ̍ kli̍hgbɛ̍ we̍ ke.

Iblu 12:14

Mɔ̀ fɔ̀n dɛ̍ we̍ mɔ̀ ke nyɔ̍ kli̍hgbɛ̍ iě kɛ̍n i̍ gbe̍ɛ̍ɛn. Nɛ̀ mɔ̀ fɔ̀n dɛ̍ we̍ mɔ̀ iě nɛi̍ wɛ̀ ke dɛ̍nu̍ɛ, nyɔ̍-ɔ se̍ la̍a̍n nɛ wɛ̀ nɛ̀ tba̍ Joi jlǐhɛ̍.

Chiin 1:20

Dɛ̍nu̍ɛ, i̍ slɛ̌ kmɔ̌ kɔn di̍i̍ Nyɔsoa-a pɔ̀n-a à iě-a nɛ-ɛ, jlu̍h-u gba̍-e nyɔ̍.

Chiin 3:14

Jɛ pò mɔ̀ kɔn wlɛ̀n sɔ̀n wɛ̀ mɔ̀ iě klǎn kɔn-ɛ, nɛ̀ mɔ̀ bɔ̌ blɔ̌-ɛ mɔ̀-a flɔ̍nwlùh blě tìh. Pò mɔ̀ blɔ̌-ɛ, nɛ̀ mɔ̀-a tmɔ̌-ɛ tìh-a taǐn si̍h-i.

Chiin 5:9

Ǐn de̍di̍i̍ᵻ, mɔ̀ bɔ̌ dɛ̍ᵻ jlǐh we̍ i̍ gba̍-a dě mɔ̀-a chɛ̀ nynɛ̌, wɛ̀ Nyɔsoa-a je̍e mɔ̀ tìh gbɛ̍n-ɛ. Tìh-a taɔ nynaɛ gbò wɔ̍n wɛ̀ ɔ̍ iě gbò pa̍.

1 Pitɛ 3:11

Ɔ̍ tǎli dɛ̍ sɔ̀n i̍ ɔ̍ iě dɛ̍ chɛ̀ nu̍. Kmɔ̌ i̍ gbe̍ɛ̍ɛn bo ɔ̍ iě i̍ pɔ̀n wɛ̀ ɔ̍ iě ɛ̍ kɛ̍ɛ̍n nɛ̌.

1 Pitɛ 4:9

Mɔ̀ nu̍ gba̍ ìn ba̍ gbò we̍ ìn ba̍ gba̍ ìn gbò we̍ dǒ wlùh-a i̍ pɛ̌n-ɛ we̍.

Judi 1:16

Nyɔ̍ la u̍h blě sàǎsà, iě u̍h-a kɔ̌-ɛ nyɔ̍ duuh-a nynɛ̌. U̍h-a wlùh-u tè i̍. U̍h-a nu̍ dɛ̍ᵻ sɔ̀nᵻ, ìh nu̍-a u̍h-a chɛ̀-a wlùh dɛ̍ᵻɛ́, iě u̍h-a blɔ̌-ɛ u̍h-a chɛ̀ dɛ i̍, wɛ̀ u̍h-a sɛ̌ɛ nyɔ̍gbei i̍ u̍h iě u̍h dɛ̍ kɛ̍n jě.