Felepai 2:13 - Ku̍o̍ Delee 1999

¹³ Dɛ̍nu̍ɛ, Nyɔsoa bo ɔ̀ nu̍ dbo̍ dě mɔ̀ ja̍a̍ wɛ̀ dɛ̍ ɛ̀ pɛ̌n-ɛa ɔ̍ wlùh i̍-ɛ, iě mɔ̀-a pɔ̀n ɛ̍ nu̍-ɛ i̍.

Felepai 2:13 Iomraidhean Croise

Pɔ̀n Chɛ̀ Luu To-a La 12:32

“Mɔ̀ɔ̍ wei la, mɔ̀ bɔ̌ faɔn ple̍-ɛ. Dɛ̍nu̍ɛ, ɛ̍ nu̍ mɔ̀ Baa-a wlùh dɛ̍ mɔ̀ ke ɔ̍ iě ɔ̍ kmɔ̌ wlu̍ i̍ kɔn.

Pɔ̀n Chɛ̀ Luu To-a La 2:14

“Mɔ̀ à bɛ̌-ɛ Nyɔsoa-a nynɛ̌ i̍, ɔ̀ tǐn-a dě ja̍i̍wlɔ̀-ɛ, nɛ̀ nyɔ̍ ùh-a pɛ̌n-ɛa ɔ̍ wlùh i̍ nɔ̌ bloɔ̍-ɛ, pɔ̀ìě dǒ u̍h we̍.”

Chɔɔn 3:27

Chɔɔn la̍a̍, “Nyɔsoa-a se̍ nyɔ̍ dɛ̍ nyǐ wɛ̀ ɔ̍-ɔ blě ɛ̍.

Chɔɔn 6:45

Ɛ̀ chlǐh-a dě Nyɔsoa-a tu̍owli po̍ nyɔ̍-a chlǐh-dɛ̍ di̍i̍-ɛ, ɛ̍ la̍a̍, ‘Nyɔsoa-a mu̍ u̍h kli̍hgbɛ̍ nǎ po̍.’ Nyɔ̍ jɔ wɔ̌n-a Baa-a wlu̍ wɛ̀ ɔ̍ iě ɛ̍ dɛ̍we̍ cheǎn-ɛɛ, nɛ̀ ɔ̍ ji̍ nɔ̌ ǐn we̍.

Chɔɔn 6:65

Iě ɔ̍ la̍a̍, “Ɛ̍ kɔn ǐn sèàɛ̍ mɔ̀ wlùh, na̍ nyɔ̍ se̍ ǐn we̍ ji̍-ɛ bɛ̌ɛ. Nyɔ̍ Baa-a mu̍-a gbǐh nyǐ-ɛ ɔ̍ kɔn tɛ̀ ǐn sà-o.”

Nu̍-dɛ̍ᵻ 11:21

Sɔ Joi po̍ u̍h gbǐh we̍, wɛ̀ nyɔ̍ tlùgbei̍ blě wlùh gbaɛ-ɛ, iě u̍h fèàɛ̀ dě Joi we̍.

Wloma 12:3

Blɛ Nyɔsoa nɛ-a dǒ ǐn we̍-ɛ, dǒ ǐn tba̍ bu̍h i̍ iě ǎn sèàɛ̍ ka mɔ̀ kli̍hgbɛ̍ wlùh. Mɔ̀ bɔ̌ mɔ̀-a chɛ̀ dɛ̍kɛ̍n gbǎ nyɔ̍ slè-eɛ wɛ̀ mɔ̀ bɔ̌-o i̍ sì-ɛ. Jɛ mɔ̀ kɔn gblɛ̍n mɔ̀ iě mɔ̀-a chɛ̀ tɔ̀ɔ̀n tù dǒ wlùh gbaɛ Nyɔsoa nyǐ-a mɔ̀-ɛ we̍.

Wloma 9:11

Ti̍ ɔ̍ nynuu̍ laa̍ u̍h se̍-a wlǔh ke̍-ɛ, nɛ̀ u̍h-u se̍a dɛ̍ sɔ̀n ke dɛ̍ chɛ̀ nu̍, dǒ Nyɔsoa tba̍-ɛ u̍h-a due chèɛ̀. Ɛ̍ to ɛ̍ ka Nyɔsoa-a nyɔ̍ chèɛ̀ tba̍-a se̍-a dǒ dɛ̍-o-dɛ̍ nyɔ̍ nu̍-a kɛ̍n i̍ tba̍-a. Ɛ̍ tba̍ dǒ Nyɔsoa ɔ̀ dǎ-a nyɔ̍-ɛ ɔ̍ wlùh kɛ̍n i̍.

Wloma 9:16

Sɔ nɛ̀ Nyɔsoa-a nyɔ̍ chèɛ̀ tba̍-a se̍ dǒ nyi̍ɔ̍-a wlùh dɛ̍ ke nu̍-dɛ̍ kɛ̍n i̍ tba̍, jɛ ɛ̍ tba̍ dǒ ɔ̍ wɔɛ kɛ̍n i̍.

1 Kɔwlɛntiɔn 12:6

Nyɔ̍ kli̍hgbɛ̍ blě dbo̍ kaɛn kaɛn u̍h iě nu̍, jɛ Nyɔsoa nɛ-a due-ɛ bo ɔ̀ nyǐ i̍h u̍h.

1 Kɔwlɛntiɔn 15:10

Jɛ Nyɔsoa-a blɛ bo ɛ̀ nu̍ ɛ̍ wɛ̀ ǐn nɛ ka ǐn nɛ-a ka-ɛ. Sɔ ɔ̍ blɛ ɔ̍ nɛ-a dǒ ǐn we̍-ɛ, ɛ̍ se̍ bu̍ɛ̍i̍ nu̍. Iěe, ǐn nu̍ dbo̍ kaa̍ ɛ̍ sìì gba̍tòà kli̍hgbɛ̍. Ɛ̍ se̍ ǎn chɛ̀ ɔ̀ se̍ dbo̍ nu̍, jɛ Nyɔsoa-a blɛ ɔ̍ nɛ-a dǒ ǐn we̍-ɛ bo ɛ̀ nu̍ ɛ̍.

2 Kɔwlɛntiɔn 3:5

Ɛ̍ se̍ nɛ̀ à blě gbǐh dǒ à chɛ̀ we̍ à iě dɛ̍-o-dɛ̍ nu̍. Gbǐh à blě-aɛ, i̍h sɔ dě Nyɔsoa we̍.

Ɛfɛsɔ 1:11

Dɛ̍ᵻ kli̍hgbɛ̍ ìh kɔn di̍i̍chì Nyɔsoa chɛ̍n-aɛ, i̍h bo ìh-a nɛ. À ke Klai ke à nɛ due, ɛ̍ kɔn ɔ̍ tba̍ àɔ̀ chèɛ̀ à iě ɔ̍ nyɔ̍ nu̍. Ɛ̍ bo ɔ̍ po̍ gbɔ̀ se̍e̍, iě ɛ̍ tè-e ɔ̍ wlùh i̍.

Ɛfɛsɔ 1:5

ɛ̀ nu̍ ɛ̍ iě ɔ̍ po̍ ɛ̍ gbɔ̀ se̍e̍ ɔ̍ iě à ɔ̍ nynuu̍ we̍i̍ nu̍ dě Klai ja̍a̍. Ɛ̍ bo ɛ̀ nu̍ ɔ̍ wlùh-a kɛ̍n i̍ wɔ̌ɛn dɛ̍.

Ɛfɛsɔ 1:9

Ɔ̍ tba̍ɛ ɔ̍ iě à dɛ̍ ɛ̀ sìle-a i̍ to. Ɔ̍ nu̍ ɛ̍-ɛ dǒ ɔ̍ chɛ̀-a wlùh-a i̍ tè-ɛ ɛ̀ jii-a dě Klai ja̍a̍-ɛ we̍.

Ɛfɛsɔ 2:8

Nyɔsoa-a blɛ nɛ-ɛ bo ɛ̀ pǔh-i mɔ̀ wɛ̀. Mɔ̀-a ɔ̍ wlùh gbaɛ bo ɛ̀ nu̍ ɛ̍. Ɛ̍ se̍ mɔ̀-a chɛ̀-a nu̍-dɛ̍, Nyɔsoa-a nyǐ-dɛ̍ bo.

2 Tɛsoloniɔn 1:11

Ɛ̍ kɔn tìh à ba̍le dǒ mɔ̀-a tàà ti̍ kli̍hgbɛ̍ we̍. À ba̍le-e à Nyɔsoa-a mɔ̀ dǎ-a la mɔ̀ iě ɛ̍ ka̍ nɛ. Wɛ̀ ɔ̍ iě dɛ̍ᵻ chɛ̀ kli̍hgbɛ̍ mɔ̀-a pɔ̀n-a nu̍-ɛ i̍-ɛ ke mɔ̀-a dbo̍ mɔ̀ nu̍-a dě wlùh gbaɛ di̍i̍-ɛ i̍ wɔ̀ dě ɔ̍ gbǐh di̍i̍.

2 Timote 1:9

Ɔ̍ sèìe àɔ̀, iě ɔ̍ dǎ àɔ̀ à iě ɔ̍ nyɔ̍ nu̍. Ɛ̍ se̍ à nu̍-dɛ̍ᵻá tìh ɔ̍ se̍ àɔ̀ dǎ, jɛ ɔ̍ chɛ̀-a wlùh dɛ̍ ke blɛ nɛ-ɛ bo ɛ̀ nu̍ ɛ̍ iě ɔ̍ dǎ àɔ̀. Ɔ̍ iě-a à blɛ la we̍ nu̍ dě Jusu Klai ja̍a̍-ɛ, nɛ̀ kmɔ̌ se̍ nui-ɛ ke̍.

1 Pitɛ 1:3

Nyɔsoa ɔ̀ nu̍-a à Joi Jusu Klai Baa-ɛ, mɔ̀ à sàɛ̀ ɔ̍ nǐ wɔ̍n. Tà ɔ̍ sà-ɛa Jusu Klai bloɔ̍-ɛ, dǒ ɔ̍ nyǐ i̍ à feɛ delee, dɛ̍nu̍ɛ, ɔ̍ wɔɛ ku̍ wɔ̍n. Ɛ̍ kɔn à blě wlì tè dɛ̍ ɛ̀ se̍-a mǎ la̍ kɔn-ɛ.