Felepai 2:12 - Ku̍o̍ Delee 1999

¹² Ɛ̍ tìh-ɛ, ǎn tìh kma nyɔ̍, ka mɔ̀-a nu̍-a ǎn wlu̍ i̍ wɔ̌n-ɛ se̍e̍-ɛ, ɛ̍-ɛ bo mɔ̀ iě dluwe̍ i̍ gba̍. Ɛ̍ se̍ pò ǎn jlǐhɛ̍ tè ka-ɛ, wɛ̀ mɔ̀ iě ɛ̍ nu̍ gbɔ̀. Jɛ ka ǐn se̍-a dǒ mɔ̀ we̍ nɛ dɛ-ɛ, jɛwɛ̀ mɔ̀ iě-e de̍ i̍ gbǎ dǒ ɛ̍ nu̍ la̍. Nɛ̀ mɔ̀ gba̍ dbo̍ nu̍-ɛ ɛ̀ kɔ̍-a dǒ mɔ̀-a pǔh-ɛ pùn i̍-ɛ dluwe̍ i̍ dě Nyɔsoa dɛ̍ɛ̍ jě-ɛ di̍i̍.

Felepai 2:12 Iomraidhean Croise

Matio 11:12

Sɔ dě Chɔɔn-a ti̍ we̍ wɛ̀ ɛ̍ iě-a ti̍ la jɛɛ-ɛ, dǒ Nyɔsoa-a kmɔ̌ wlu̍ i̍ kɔn-ɛ sà tìh jě-ɛ. Iě dɛ̍ᵻá kloǒ nu̍ nyɔ̍-a pɔ̀n ɛ̍ klànklàn gbɛ̍n-ɛ i̍.

Matio 11:29

Mɔ̀ gba̍ ǎn kɛ̌n wìè mɔ̀ iě ǐn dɛ̍ we̍ cheǎn-ɛ, dɛ̍nu̍ɛ, ǐn gbɛ̍n gba̍n, wɛ̀ ǐn ja ǎn chɛ̀ wlù. Pò mɔ̀ nu̍ la̍a̍n-ɛ, nɛ̀ mɔ̀-a wlùh-a mu̍ i̍ tè.

Nu̍-dɛ̍ᵻ 16:29

Iě kasoo jlǐhɛ̍ tù nyɔ̍ sèàɛ̍ nyɔ̍ wlùh u̍h iě nape̍ tba̍. Wɛ̀ ɔ̍ kèè dě gbò, iě ɔ̍ ku̍ blě tlɛ̍-ɛ wɛ̀ ɔ̍ chlìi i̍ dǒ Pɔɔ ke Sale jǔ.

Nu̍-dɛ̍ᵻ 9:6

Jɛ sɔ bloɔ̍ ìè dǒ tùgbàwlɔ̀ di̍i̍ mu̍. Dɛ̍ ìn kɔn ìè-a nu̍-ɛ, dě-e bo nyɔ̍ nɛ ɔ̍ iě ɛ̍ ìn wlùh sèàɛ̍.”

Wloma 2:7

Nyɔ̍ duuh-a pɔ̀n Nyɔsoa iě u̍h tìh-a i̍ bɛ̌-ɛ ke, ja̍ tè-ɛ ke nɛ̀ mɛ̌ feɛ nyǐ, ɛ̍ kɔn u̍h-a gba̍ dɛ̍ chɛ̀ nu̍-ɛ dluwe̍ i̍. U̍h bo Nyɔsoa-a mu̍ kmɔ̌ sie feɛ nyǐ.

1 Kɔwlɛntiɔn 15:58

Ɛ̍ tìh-ɛ, ǐn de̍di̍i̍ᵻ, mɔ̀ ku̍-e klì i̍ mɔ̀ iě mɔ̀-a chɛ̀ i̍ kui. Mɔ̀ nu̍ Joi-a dbo̍ ti̍ kli̍hgbɛ̍ we̍, ka mɔ̀ juo-a dɛ̍-o-dɛ̍ mɔ̀-a mu̍-a nu̍ dǒ Joi we̍-ɛ, ɛ̍ se̍-a bu̍ɛ̍i̍ nu̍ mu̍-ɛ.

1 Kɔwlɛntiɔn 2:3

Ɛ̍ kɔn ti̍ ǐn nɛ-a dě mɔ̀ we̍-ɛ, wɛ̀ ǎn gbǐh-a nu̍ sɔɔn iě ǎn tlɛ̍-a dǒ faɔn we̍-ɛ bo.

1 Kɔwlɛntiɔn 4:14

Ǐn se̍ ɛ̀ la chlǐh dě mɔ̀ we̍ iě mɔ̀ ja̍a̍i̍ po̍, jɛ ǎn chlǐh ɛ̍ iě mɔ̀ dɛ̍ toe ka mɔ̀ nu̍-a ǎn chɛ̀-a tìh kma nynuu̍-ɛ.

2 Kɔwlɛntiɔn 7:15

Ɛ̍ tìh-ɛ, ka mɔ̀ nu̍-a ɔ̍ wlu̍ nu̍-ɛ ke, ɔ̍ i̍ gbɛ̍n-ɛ dǒ faɔn ke ku̍-a tlɛ̍-ɛ we̍-ɛ, pò i̍h sǐ dǒ ɔ̍ wlì i̍-ɛ, nɛ̀ ɛ̍ kui ɔ̍ mɔ̀ɔ̍ jbɛɛ i̍.

Ɛfɛsɔ 6:5

Kèi̍ᵻ, mɔ̀ nu̍ nyɔ̍ ùh kɔn-a mɔ̀-ɛ u̍h-a wlu̍ mɔ̀ iě u̍h-a faɔn ple̍ kaa̍. Mɔ̀ nu̍ ɛ̍ dǒ wlùh-a i̍ pɛ̌n-ɛ we̍ ka mɔ̀-a nu̍-a Klai dɛ̍ɛ̍ jě-ɛɛ.

Felepai 1:27

Dɛ̍ due gbài̍ mɔ̀ iě-a nu̍-ɛ, ɛ̍ nu̍ ka Klai-a pɔ̀n chɛ̀-a pɔ̀n-a mɔ̀ iě-a nɛ-ɛ, mɔ̀ iě laǎn nɛ. Wɛ̀ pò ǎn jɛ ji̍ dě mɔ̀ we̍-o, iě pò ǐn se̍-e ji̍-o, iě i̍h wɔ̌n mɔ̀ iě kǎn i̍ nyna dě wlùh due di̍i̍. Wɛ̀ mɔ̀-a dɛ̍ we̍ fɔ̀n-ɛ iě due nɛ dǒ wlùh gbaɛ ɛ̀ kɔ̍-a dǒ pɔ̀n chɛ̀ kɛ̍n i̍-ɛ we̍.

Felepai 1:29

Dɛ̍nu̍ɛ, mɔ̀ɔ̍ nɔ̀ɔ̍, mɔ̀ jě bu̍h-a tba̍ la̍ wɛ̀ mɔ̀ iě Klai jǔ dbee. Ɛ̍ se̍ mɔ̀ iě ɔ̍ wlùh gbaɛ nɛ due, jɛ mɔ̀ iě jua̍i̍ sàɛ̀ ke ɔ̍ tìh.

Felepai 1:5

Dɛ̍nu̍ɛ, sɔ dǒ sàǐtòò weɛ̍ di̍i̍ wɛ̀ ɛ̍ iě-a sèàn jɛɛ-ɛ, mɔ̀ dǔ-a ǐn we̍ gbǎ-a bo mɔ̀ blě-a dě pɔ̀n chɛ̀ gba̍ dbo̍ la di̍i̍.

Felepai 1:6

Nɛ̀ ǐn tè ɛ̍ wlì kleǐn Nyɔsoa ɔ̀ tè-a dbo̍ chɛ̀ la gbɔ̀ dě mɔ̀ ja̍a̍-ɛ, ɔ̍ mu̍ ɛ̍ nya̍ gba̍ te̍e̍ wɛ̀ ɛ̍ iě i̍ wɛ̀ gblaan dǒ Jusu Klai-a ji̍-i weɛ̍ di̍i̍.

Felepai 2:19

Pò Joi Jusu wɔ̌n-ɛ, ǐn tè ɛ̍ wlì iě Timote dě mɔ̀ we̍ dbo̍ suei̍. Nɛ̀ pò ǐn wɔ̌n dě mɔ̀ we̍ i̍-ɛ, wɛ̀ iě mɔna̍-a gbǎ.

Felepai 4:1

Ɛ̍ tìh-ɛ, ǎn tìh kma de̍di̍i̍ᵻ, mɔ̀ nyna kǎn i̍ dě Joi ja̍a̍. Ǐn jbɛɛ mɔ̀-ɔ, iě mɔ̀-a tɔ̌n-a nu̍ m. Mɔ̀-a nui ǐn mɔna̍, iě ǎn po̍ bu̍hᵻ wlù i̍ mɔ̀-a tìh.

Felepai 4:15

Mɔ̀ɔ̍ Felepai nyɔ̍, mɔ̀-a chɛ̀ juo ɛ̍-ɛ, sɔ dǒ ti̍ iě-a pɔ̀n chɛ̀ la bla̍-a gbɔ̀ tè ti̍ ǐn sɔ-a dě mɔ̀ we̍ Mɛsedonia bloa̍ kɛ̍n-ɛ, chɔchi̍h nyɔ̍ duuh se̍a ǐn sɔ̍n we̍ po̍. Mɔ̀ nɛ due gbài̍ bo ùh gbǎ ǐn we̍, wɛ̀ mɔ̀ nyǐ ǐn dɛ̍.

1 Tɛsoloniɔn 1:3

Mɔ̀-a wlùh gbaɛ ɛ̀ blě-a nu̍-dɛ̍ᵻ ke jbɛɛ ɛ̀ nɛ-a kmu-u dbo̍ de̍e̍-ɛ, ɛ̍ ke mɔ̀-a à Joi Jusu Klai wlì tè-ɛ ɛ̀ ku̍-ae klì i̍-ɛ, pò à nɛ dǒ à Baa Nyɔsoa jǔ-ɛ, nɛ̀ à nu̍ i̍h wlùh we̍.

2 Timote 2:10

Ɛ̍ kɔn wɛ̀ ǎn ku̍-e klì i̍ dǒ dɛ̍ᵻ kli̍hgbɛ̍ we̍ Nyɔsoa-a chèɛ̀ tba̍ nyɔ̍-a tìh. Wɛ̀ u̍h iě pǔh-ɛ nɛ-a dě Jusu Klai ja̍a̍-ɛ jě ke, ɛ̍ ke kmɔ̌ sie tìh-a i̍ bɛ̌-ɛ ke.

Iblu 12:1

Nɛ̀ɛ̍, ka à blě-a wlùh gbaɛ blě nyɔ̍ tlùgbei̍ la à de̍e̍ i̍-ɛ, dɛ̍ᵻ kli̍hgbɛ̍ ìh-a chlì-a à ja̍-ɛ ke gblɛ̍n sɔ̀ɛ̀n jih gbɛ̍n-ɛ à i̍ gba̍i̍ngba̍i̍n-ɛ, mɔ̀ à poe i̍h fɔ̌ i̍ à iě-e gbǐh po̍ à iě dɛ̍ ɛ̀ pɛ̌n-a dǒ à jǔ i̍-ɛ we̍ ple̍.

Iblu 4:1

Kaka la̍, Nyɔsoa po̍ wlu̍ tɔ̀ma̍a̍ à iě dě fɔla ɔ̍ mu̍-a à nyǐ-ɛ nyni̍. Ɛ̍ tìh-ɛ, mɔ̀ à nu̍ nɛnɛ̌ wɛ̀ mɔ̀-a nyɔ̍-ɔ se̍-e i̍ sǐ.

Iblu 4:11

Ɛ̍ tìh-ɛ, mɔ̀ à po̍-e gbǐh à iě dě fɔla laa̍ i̍ sǐ, wɛ̀ à-a je̍e se̍ Nyɔsoa-a wlu̍ nu̍ nyɔ̍-a dɛ̍ nu̍, à-a je̍e dǒ Nyɔsoa-a wìè kɛ̍n sɔ.

Iblu 5:9

Ti̍ ɔ̍ wɛ̀-a nɛi̍ dě jua̍i̍ sàɛ̀ di̍i̍-ɛ, iě ɔ̍ dǔ ka nyɔ̍ ɔ̀ pǔh-ia nyɔ̍ iě ɔ̀ nyǐ-a nyɔ̍ kmɔ̌ sie feɛ-ɛ nu̍-ɛɛ dǒ nyɔ̍ kli̍hgbɛ̍ ùh-a nu̍-a ɔ̍ wlu̍-ɛ we̍.

1 Pitɛ 2:11

Ǎn tìh kma nyɔ̍, ǎn ba̍le mɔ̀ɔ̍-ɛ, ka mɔ̀ nu̍-a dihwi̍hᵻ ke kwlǎ-gbǎ-kèi̍ᵻ nɔ̌ kmɔ̌ la we̍-ɛ, mɔ̀ sà mɔ̀-a sɔ̍n dě gblɛ̍n sɔ̀ɛ̀n nu̍ dɛ di̍i̍, dɛ̍nu̍ɛ, i̍h-a pa̍-ɛ mɔ̀-a wlùh tu̍h we̍.

2 Pitɛ 3:18

Jɛ ɔ̀ nu̍-a à Joi ke à Sèìe Nyɔ̍ Jusu Klai-ɛ, dě ɔ̍ juo-ɛ ke ɔ̍ blɛ nɛ-ɛ di̍i̍ bo mɔ̀ iě nya̍ pàɛ̀n. Ɔ̍-ɔ bo tìh-a i̍ bɛ̌-ɛ kɔn dǒ we̍ kaka ke nɔ̌ kmɔ̌-a kmɔ̌. Kǎ ɛ̍-ɛ nɛ.