Felepai 2:11 - Ku̍o̍ Delee 1999

¹¹ Nɛ̀ nyɔ̍ kli̍hgbɛ̍-a mu̍ ɛ̍-ɛ wɔ̌ɛn dǒ gbaɛ̍we̍ ka Jusu Klai nu̍-a u̍h-a Joi-ɛ, wɛ̀ ɛ̍ iě Baa Nyɔsoa tìhwe̍ po̍.

Felepai 2:11 Iomraidhean Croise

Matio 10:32

Ɔ̍ la̍a̍, “Nyɔ̍ jɔ ɔ̀ mu̍-a jlǔh nyna wɛ̀ ɔ̀ iě-a ǎn tìh i̍ wɔ̌ɛn-ɛ, nɛ̀ ǎn mu̍ jlǔh nyna ke dǒ ǐn Baa nɛ-a dě ja̍i̍wlɔ̀-ɛ jǔ, wɛ̀ iě ɔ̍ tìh i̍ wɔ̌ɛn ke.

Pɔ̀n Chɛ̀ Luu To-a La 2:11

Mɔ̀-a Sèìe Nyɔ̍ Klai ɔ̀ nu̍-a Joi-ɛ, ɔ̍-ɔ bo ɔ̀ wlǔh sèàn dǒ Depe blǐ wlɔ̀.

Chɔɔn 12:42

Juu nyɔ̍-a nyɔ̍ klaaᵻá wlu̍ kwa̍ blě nyɔ̍ dɔu-a chɛ̀ gbaɛ ɔ̍ wlùh. Jɛ u̍h-a ple̍ Fɛlesii nyɔ̍ jǔ. Ɛ̍ kɔn u̍h-u sà i̍h-i dǒ wlɔ̀gbàɛ̀, wɛ̀ Fɛlesii nyɔ̍ je̍e u̍h sɔ̀n po̍ dě wɛɛ sà gbò sɔ̀n.

Chɔɔn 13:13

Mɔ̀-a dǎɛ ǐn Dlǔtu ke Joi, mɔ̀ blaɛ i̍, dɛ̍nu̍ɛ, mɔ̍ bo chɛ̀.

Chɔɔn 13:14

Ka mɔ̍ jɔ nu̍-a mɔ̀-a Joi ke Dlǔtu, wɛ̀ ǎn dle-a la̍ mɔ̀-a bu̍hᵻɛ́, nɛ̀ mɔ̀ kɔn mɔ̀ iě bu̍hᵻ we̍ dle-e ke.

Chɔɔn 14:13

Nɛ̀ dɛ̍-o-dɛ̍ mɔ̀-a mu̍-a jbǎ dǒ ǎn nynɛ̌ kɛ̍n-ɛ, ǎn mu̍ ɛ̍ nu̍. Wɛ̀ Jǔ iě Baa-a nynɛ̌ i̍ bɛ̌-ɛ.

Chɔɔn 14:23

Iě Jusu la̍a̍, “Pò nyɔ̍ jbɛɛ m-ɛ, nɛ̀ ɔ̍ mu̍ ǎn wlu̍ nu̍, nɛ̀ ǐn Baa-a mu̍ ɔ̍-ɔ jbɛɛ. Nɛ̀ à mu̍ dě ɔ̍ we̍ ji̍, wɛ̀ dě ɔ̍ we̍ iě à blǐ nu̍.

Chɔɔn 17:1

Ti̍ Jusu wɔ̀-a wlu̍ la bla̍-aɛ, wɛ̀ ɔ̍ gbɛ̀n dě ja̍i̍wlɔ̀ iě ɔ̍ la̍a̍, “Baa, ti̍ nyni̍ wɛ̀, bɛ̌-ɛ àn Jǔ-a nynɛ̌ i̍, wɛ̀ Jǔ iě àn nynɛ̌ i̍ bɛ̌-ɛ ke.

Chɔɔn 20:28

Tɔmɔ la̍a̍ dě ɔ̍ we̍, “Ǎn Joi ke ǎn Nyɔsoa.”

Chɔɔn 5:23

Ɔ̍ nu̍ ɛ̍-ɛ wɛ̀ nyɔ̍ kli̍hgbɛ̍ iě Jǔ la ja̍ tè, ɛ̀ kɔn ba̍ u̍h-a nu̍-a Baa ja̍ tè-ɛ ke-ɛ. Nyɔ̍ ɔ̀ se̍-a Jǔ ja̍ tè-ɛ, nɛ̀ Baa jɔ dbo̍-a Jǔ-a chɛ̀-ɛ bo ɔ̍ se̍ ja̍ tè.

Chɔɔn 9:22

Ɔ̍ de̍ bei-a ple̍ Juu nyɔ̍-a nyɔ̍ klaaᵻ jǔ dɛbo ɛ̍ kɔn u̍h dǎ laǎn. Dɛ̍nu̍ɛ, u̍h la̍ nyɔ̍ mu̍-a Jusu-a Nyɔsoa-a Chèɛ̀ Tba̍ju tìh i̍ sà-a, nɛ̀ ɔ̍ bɔ̌ dě Juu nyɔ̍-a wɛɛ sà gbò sɔ̀n i̍ sǐ-ɛ dɛ.

Nu̍-dɛ̍ᵻ 10:36

Mɔ̀ juo tu̍owli ɔ̍ dbo̍-a dě Eslɔɛ nyɔ̍ we̍-ɛ, nyɔ̍-a wlùh i̍ tè-e pɔ̀n chɛ̀ la Jusu Klai ɔ̀ nu̍-a nyɔ̍ kli̍hgbɛ̍-a Joi-ɛ, dě ɔ̍ ja̍a̍ bo ɔ̍ jii wɛ̀ ɔ̍ bla̍ ɛ̍ we̍i̍.

Nu̍-dɛ̍ᵻ 2:36

“Ɛ̍ tìh-ɛ, Eslɔɛ nyɔ̍ kli̍hgbɛ̍ kɔn u̍h iě ɛ̍ i̍ juo. Jusu ɔ̀ mɔ̀ kɔ̍-a dǒ gbàɛ̍ kɛ̍n i̍ tu̍ wlì-ɛ, ɔ̍ bo Nyɔsoa nu̍-a ka Joi ke Chèɛ̀ Tba̍ju we̍ i̍ wɛ̀.”

Wloma 14:11

Nyɔsoa-a wlu̍ la̍a̍, “Joi la̍a̍, ‘Ǐn slɛ̀ɛ̀n dǒ ǎn chɛ̀ we̍, nyɔ̍ kli̍hgbɛ̍-a mu̍ i̍ chlìi dǒ ǐn jǔ. Nyɔ̍ kli̍hgbɛ̍-a mu̍ ǎn tìh i̍ wɔ̌ɛn dǒ gbaɛ̍we̍.’ ”

Wloma 14:9

Ɛ̍ kɔn tìh bo Klai mɛ̌ iě ɔ̍ wlǔh-e, wɛ̀ ɔ̍ iě kmɔ̌ nɛ nyɔ̍ ke mɛ̌-nyɔ̍-a Joi nu̍.

Wloma 15:9

Wɛ̀ ùh se̍-a Juu nyɔ̍-ɛ u̍h iě Nyɔsoa-a nynɛ̌ i̍ bɛ̌-ɛ ɔ̍ wɔɛ kɔn tìh. Ɛ̍ kɔn Nyɔsoa-a wlu̍ la̍a̍, “Ɛ̍ tìh-ɛ, ǎn mu̍ àn nynɛ̌ i̍ bɛ̌-ɛ dě ùh se̍-a Juu nyɔ̍-ɛ nynɛ̌, nɛ̀ ǎn mu̍ ìn we̍ i̍ ble̍-e.”

1 Kɔwlɛntiɔn 12:3

Ɛ̍ tìh-ɛ, ǎn pɔ̀n mɔ̀ iě i̍h juo ka nyɔ̍ ɔ̀ Nyɔsoa-a Sùù nɛ-a dě ja̍a̍-ɛ, ɔ̍ se̍ Jusu wlu̍we̍i̍ po̍-ɛ bɛ̌ɛ. Pò Nyɔsoa-a Sùù wɔ̍ se̍ dě nyɔ̍ ja̍a̍ nɛ ke-ɛ, nɛ̀ ɔ̍ se̍ Jusu Joi dǎɛ bɛ̌ɛ.

1 Kɔwlɛntiɔn 15:47

Sàǐtòò Adaun nui-ɛ blǔh nɔ̌ bloɔ̍, iě Adaun-a sɔɔ̌n naɛ sɔ dě ja̍i̍wlɔ̀.

1 Kɔwlɛntiɔn 8:6

Jɛ àɔ̀ nɔ̀ɔ̍-ɛ, à blě Nyɔsoa due gbài̍. Baa ɔ̀ nu̍-a dɛ̍ᵻ kli̍hgbɛ̍-ɛ, ɔ̀ à nɛ-ɛa kmɔ̌-ɛ bo. Nɛ̀ à blě Joi due gbài̍. Jusu Klai, ɔ̀ kɔn ja̍a̍ dɛ̍ᵻ kli̍hgbɛ̍ nui-aɛ bo. Ɔ̍ kɔn ja̍a̍ bo à nɛ-ɛ kmɔ̌.

1 Pitɛ 1:21

Dě ɔ̍ ja̍a̍ bo mɔ̀ jii wɛ̀ mɔ̀ gbaɛ Nyɔsoa wlùh, ɔ̀ sà-e Klai wɛ̀ ɔ̀ nyǐ ɔ̍ tìh-a i̍ bɛ̌-ɛ. Ɛ̍ kɔn mɔ̀ gbaɛ ɔ̍ wlùh iě mɔ̀ tè ɔ̍ wlì.

1 Chɔɔn 4:15

Ka Jusu nu̍-a Nyɔsoa-a Jǔ-ɛ, nyɔ̍-o-nyɔ̍ ɔ̀ mu̍-a ɛ̍ tìh i̍ wɔ̌ɛn-ɛ, nɛ̀ Nyɔsoa nɛ dě ɔ̍ ja̍a̍ wɛ̀ ɔ̍ nɛ dě Nyɔsoa ja̍a̍.

1 Chɔɔn 4:2

Kǎ mɔ̀-a mu̍ ka nyɔ̍ ùh blě-a Nyɔsoa-a Sùù-ɛ i̍ juo-ɛ nu̍. Nyɔ̍ ùh wɔ̌ɛn-a Jusu Klai-a dě nyi̍ɔ̍tu di̍i̍ ji̍-i tìh i̍-ɛ, nɛ̀ u̍h sɔ dě Nyɔsoa we̍.

2 Chɔɔn 1:7

Nyɔ̍ i̍ boe nyɔ̍ dɔu-a sì la̍ blǔh we̍. Ka Jusu Klai ji̍-a dě nyi̍ɔ̍tu di̍i̍-ɛ, nyɔ̍ ùh se̍-a ɛ̍ tìh i̍ wɔ̌ɛn-ɛ, nɛ̀ nyɔ̍ i̍ boe nyɔ̍ ke Klai-a nyɛ̌-nyɔ̍ bo.

Wlɛfeleseɔn 3:5

Nyɔ̍ ɔ̀ sà-a dɛ̍ sɔ̀n klà-a, nɛ̀ kǎ ɔ̍ mu̍ jlii̍ plǔᵻ pa̍-a nu̍ ke. Nɛ̀ ǐn se̍ ɔ̍ nynɛ̌ dě feɛ chlǐh-dɛ̍ di̍i̍ sà mu̍. Jɛ nɛ̀ ǎn mu̍ ɔ̍ ǎn nyɔ̍ slè-e dǒ ǐn Baa ke ɔ̍ ǐnchɔ̀ jǔ.