Felepai 2:1 - Ku̍o̍ Delee 1999

¹ Mɔ̀-a dě Klai ja̍a̍ nɛ-ɛa fùka mɔ̀-a wlùh. Ɔ̍ jbɛɛ-a tù mɔ̀ gbàì, iě mɔ̀ ke Nyɔsoa-a Sùù nɛ due. Mɔ̀-a nmɔ-ɛ gblɛ̍n we̍, iě mɔ̀-a jiěe wɔɛ we̍.

Felepai 2:1 Iomraidhean Croise

Pɔ̀n Chɛ̀ Luu To-a La 2:25

Dǒ ti̍ laa̍ di̍i̍-ɛ, nɛ̀ jɔ̍gbau due nɛ dǒ Juluslɛn, ɔ̍ nynɛ̌ nu̍ Simiɔ. Ɔ̍ gblɛ̍n nmɔ jii̍ iě ɔ̍ nu̍ Nyɔsoa nyɔ̍. Iě Nyɔsoa-a Sùù nɛ ɔ̍ we̍. Nɛ̀ ɔ̍ fuo Eslɔɛ nyɔ̍-a pǔh-u ti̍.

Chɔɔn 14:18

“Ǐn se̍ mɔ̀ kwie̍ sie mu̍, ǎn mu̍ mɔ̀ we̍ ji̍ dode̍.

Chɔɔn 14:27

“Ǎn siee mɔ̀ wlùh-a i̍ tè-ɛ. Ǎn wlùh-a i̍ tè-ɛ ǎn nyǐ-a mɔ̀-ɛ, ǐn se̍ ɛ̍ mɔ̀ nyǐ ka kmɔ̌-a nyɔ̍ nyǐ nyɔ̍ wlùh-a i̍ tè-ɛ. Mɔ̀-a wlùh bɔ̌ i̍ na-a, mɔ̀ wɔ̍ bɔ̌ faɔn ple̍-ɛ ke.

Chɔɔn 17:13

Ǎn ji̍ la̍ dě ìn we̍, jɛ ǐn nɛ nɔ̌ kmɔ̌ we̍ iě ǎn sà ìh la-a, wɛ̀ ǎn nmɔ-ɛ iě kwlǎ wɛ̀ dě u̍h ja̍a̍.

Nu̍-dɛ̍ᵻ 2:46

Ka sɔ̀n-a sɛ̀n-a, kǎ u̍h-a gbèɛ̀ɛ̍n dě Nyɔsoa-a slaǎ sà gbò sɔ̀n. Nɛ̀ u̍h-a gbǎ tàdùè u̍h blǐ gbòᵻ i̍ iě u̍h-a di̍-i dɛ̍we̍ dǒ wlùh wlǎ we̍.

Nu̍-dɛ̍ᵻ 4:32

Wlùh gbaɛ blě nyɔ̍ kli̍hgbɛ̍ u̍h blě-e wlùh iě u̍h-a pɔluh nɛ due. Dɛ̍-ɛ i̍ gblè nyɔ̍ se̍ dě u̍h nynɛ̌ nɛ. U̍h-a pu̍e̍e dɛ̍ᵻ kwa̍a̍ i̍ kleǐn.

Wloma 5:5

Nɛ̀ wlùh i̍ kɔ̍ dɛ̍ se̍ à si̍h wɔ̍n po̍ mu̍, dɛ̍nu̍ɛ, Nyɔsoa-a Sùù ɛ̀ ɔ̍ nyǐ-a àɔ̀-ɛ, ɛ̍ nu̍ ɛ̍ iě Nyɔsoa jbɛɛ àɔ̀ kaa̍.

Wloma 8:26

Àɔ̀ kɔn gbǐh-a mɛ̌-aɛ, kǎ Nyɔsoa-a Sùù nu̍ à we̍ gbǎ-a ke. Dɛ̍nu̍ɛ, à se̍ ka à kɔn à iě-a ba̍le-ɛ nu̍-ɛ juo, wɛ̀ Sùù-a chɛ̀-a bla̍-ɛ Nyɔsoa gbòɛ̀ i̍ dǒ à tàà, dě di̍i̍-a si̍n-ɛ ɛ̀ kmɔ̌ se̍-a we̍ i̍ sèàɛ̍ bɛ̌ɛ-ɛ we̍.

1 Kɔwlɛntiɔn 12:13

Kǎ ɛ̍ nɛ ke dǒ à kli̍hgbɛ̍ we̍. Juu nyɔ̍ o, se̍ Juu o, kèi̍ᵻ o, de̍e̍ i̍ flɔn nyɔ̍ o, à kli̍hgbɛ̍ dě ku̍ due di̍i̍ bo Sùù poe àɔ̀ nǐ dlǔ. À kli̍hgbɛ̍ Nyɔsoa nyǐ àɔ̀ Sùù due dě à wlùh di̍i̍.

1 Kɔwlɛntiɔn 15:31

Ǐn de̍di̍i̍ᵻ, ɛ̍ se̍ pàɔ̀n, ka sɔ̀n-a sɛ̀n-aɛ, kǎ ǎn na-ɛ mɛ̌ɛ wɔ̍i̍n. Ǎn bla̍ ɛ̀ la, dɛ̍nu̍ɛ, dě à ke à Joi Jusu Klai-a due nɛ-ɛ di̍i̍ nu̍ ɛ̍ iě ǎn po̍ mɔ̀-a tìh-a bu̍hᵻ wlù i̍.

1 Kɔwlɛntiɔn 3:16

Ka mɔ̀ nu̍-a Nyɔsoa-a slaǎ sà gbò wɛ̀ Nyɔsoa-a Sùù tǐn-a dě mɔ̀ ja̍a̍-ɛ, mɔ̀ se̍ i̍h juo ae?

2 Kɔwlɛntiɔn 13:14

Ǎn sà nǐ wɔ̍n Joi Jusu Klai-a blɛ nɛ-ɛ ke Nyɔsoa-a jbɛɛ iě mɔ̀ we̍ nɛ. Mɔ̀ kli̍hgbɛ̍ ke Nyɔsoa-a Sùù nɛ̍aɛ we̍.

2 Kɔwlɛntiɔn 2:14

Jɛ à po̍ Nyɔsoa tlɔ̌, ɔ̍ nu̍ ɛ̍ dě à ke Klai-a due nɛ-ɛ di̍i̍-ɛ, iě à ke Klai ke à nu̍ dɛ̍ klà sà nyɔ̍. Nyɔsoa jii àɔ̀ wɛ̀ à bla̍ pɔ̀n chɛ̀ ɛ̀ kɔ̍-a dǒ Klai pùn i̍-ɛ, iě ɛ̍ sɛ̍ i̍ tà kli̍hgbɛ̍ ka nɔ̌-dɛ̍ chɛ̀-ɛ.

Kelesea 4:6

Mɔ̀ɔ̍ Nyɔsoa-a chɛǐ nynuu̍ dɛbo, ɛ̍ kɔn ɔ̍ dbo̍ ɔ̍ Jǔ-a Sùù dě à wlùh di̍i̍. Iě ɛ̍ sèàɛ̍ àɔ̀ wlùh ka Nyɔsoa bo ɔ̀ nu̍-a à Baa-ɛ.

Kelesea 5:22

Jɛ Nyɔsoa-a Sùù naɛ tlo-ɛ nu̍ jbɛɛ-ɛ, nmɔ-ɛ, wlùh-a i̍ tè-ɛ, wlùh i̍ gbɛ̍n-ɛ, blɛ nɛ-ɛ, gblɛ̍n-ɛ nmɔ-ɛ, ɛ̍ ke wlu̍-a nɛ̀ gbǎ si̍h-i ke.

Ɛfɛsɔ 4:4

Mɔ̀ɔ̍ ku̍ due ɛ̀ kɔn-a dǒ Klai we̍-ɛ, iě mɔ̀ blě Nyɔsoa-a Sùù ɛ̀ nɛ-a due-ɛ ke. Wɛ̀ Nyɔsoa dǎ mɔ̀ mɔ̀ iě wlùh kɛ̍n i̍ kɔ̍ dɛ̍ due blě.

Felepai 1:8

Ka ǎn mɔ̀-a tìh kma-a kɔ̍-a dě Jusu Klai we̍ i̍, iě ǎn gble-a mɔ̀ kli̍hgbɛ̍-a tìh kaa̍-ɛ, Nyɔsoa-a chɛ̀-a gbǎ bo ɔ̀ nu̍ ǎn sàànsi̍i̍h.

Felepai 3:3

Àɔ̀ nɔ̀ɔ̍, àɔ̀ bo à gbǎ plɔ̀n-a gblangbai̍ naɛ, dɛ̍nu̍ɛ, à se̍ plɔ̀n gbǎ dǒ nyi̍ɔ̍-a sɔ̍n we̍. À sà Nyɔsoa wɛɛ dě ɔ̍ Sùù di̍i̍. À nmɔ-ɛ, dɛ̍nu̍ɛ, à nɛ kmɔ̌ dě Jusu Klai ja̍a̍. À se̍ dɛ̍ᵻ à nu̍-a à chɛ̀ pùn-ɛ wlì tè.

Kalase 2:2

Ǎn nu̍ ɛ̍-ɛ wɛ̀ ɛ̍ iě u̍h-a wlùh fùka, u̍h iě due nɛ dě jbɛɛ di̍i̍. Nɛ̀ u̍h-a mu̍ dɛ̍ɛ̍ i̍ wɔ̌n-ɛa nya̍ pàn-ɛ slèěslè, wɛ̀ u̍h iě Klai ɔ̀ nu̍-a Nyɔsoa-a sìle dɛ̍-ɛ juo.

Kalase 3:12

Nɛ̀ɛ̍, ka mɔ̀ nu̍-a Nyɔsoa-a tìh kma nyɔ̍, iě ɔ̍ tba̍-a mɔ̀ chèɛ̀, wɛ̀ ɔ̍ nu̍-a mɔ̀ ɔ̍ chɛ̀-a nyɔ̍ we̍i̍-ɛ, nɛ̀ mɔ̀-a chɛ̀ wlù ja-a ke, gba̍n gbɛ̍n-ɛ ke, wlùh i̍ gbɛ̍n-ɛ ke, wɔɛ kɔn-ɛ ke, gblɛ̍n-ɛ nmɔ-ɛ bo mɔ̀ iě dǒ pùn tù la̍ sǔh.

Iblu 6:18

Nyɔsoa-a tɔ̀ma̍a̍ wlu̍ ke ɔ̍ slɛ̀ɛ̀n-ɛ la i̍h se̍-e i̍ bǐi la̍ kɔn. I̍h bo Nyɔsoa to ka ɔ̍ se̍-a si̍h tmɔ̌-ɛ bɛ̌ɛ-ɛ. Sɔ nɛ̀ àɔ̀ juh à ple̍-a wɛ̀ à ji̍-a ɔ̍ we̍ ɔ̍ iě-a à we̍ gbǎ-ɛ, nɛ̀ ɛ̍ fùka à wlùh wɛ̀ kaa̍ à iě wlùh i̍ kɔ̍ dɛ̍ pɛ̌n-a dǒ à jǔ i̍-ɛ i̍ gbɛ̍n klìmàtàìn.

1 Pitɛ 1:2

Baa Nyɔsoa tba̍ mɔ̀ chèɛ̀, dɛ̍nu̍ɛ, ɛ̍ bo ɔ̍ po̍ gbɔ̀ se̍e̍ ɔ̍ iě nu̍. Ɔ̍ Sùù tè mɔ̀ pɔ̌ wɛ̀ dǒ ɔ̍ chɛ̀ we̍, wɛ̀ mɔ̀ iě Jusu Klai-a wlu̍ nu̍, ɔ̍ nymɔ̍ iě ɛ̍ nu̍ mɔ̀ iě wlaǎwla nɛ. Nyɔsoa-a blɛ ke wlùh-a i̍ tè-ɛ bo ɛ̀ iě kɛ̍n i̍ gboǎɛ dǒ mɔ̀ we̍.

1 Chɔɔn 3:24

Nyɔ̍ jɔ tè-ao Nyɔsoa-a telě i̍-ɛ, nɛ̀ ɔ̍ nɛ dě Nyɔsoa ja̍a̍ iě Nyɔsoa nɛ ɔ̍-ɔ. Nyɔsoa-a Sùù ɔ̍ nyǐ-a àɔ̀-ɛ bo ɛ̀ nu̍ ɛ̍ iě à juo-o dɛ̍ i̍ ka ɔ̍ nɛ-a dě à ja̍a̍-ɛ.

1 Chɔɔn 4:12

Nyɔ̍-ɔ se̍a Nyɔsoa jě. Jɛ pò à jbɛɛ we̍-ɛ, nɛ̀ Nyɔsoa nɛ dě à ja̍a̍, iě ɔ̍ jbɛɛ wɛ̀ gblɛ̍ja̍i̍ dě à ja̍a̍.

1 Chɔɔn 4:16

Jbɛɛ Nyɔsoa blě-a dǒ à we̍-ɛ, à chɛ̀-a gbǎ juo ɛ̍ i̍ iě à gbaɛ ɛ̍ wlùh. Nyɔsoa mɔ jbɛɛ nɛ̀ nyɔ̍ jɔ nɛ-a dě jbɛɛ di̍i̍-ɛ, nɛ̀ ɔ̍ nɛ dě Nyɔsoa ja̍a̍ iě Nyɔsoa nɛ dě ɔ̍ ja̍a̍.