Felepai 1:9 - Ku̍o̍ Delee 1999

⁹ Ǎn ba̍le wlu̍ nu̍ mɔ̀-a jbɛɛ iě kɛ̍n i̍ gboǎɛ dě tɔɔ blě-ɛ ke dɛ̍ ɛ̀ slɛ̌-a i̍-ɛ juo-ɛ di̍i̍.

Felepai 1:9 Iomraidhean Croise

1 Kɔwlɛntiɔn 14:20

Ǐn de̍di̍i̍ᵻ, mɔ̀ bɔ̌ wlùh i̍ naɛ ka nynuu̍plìh-ɛ. Dǒ dɛ̍ sɔ̀n we̍ bo mɔ̀ iě nynuu̍plìh wɔ̀ɛ-ɛɛ. Jɛ mɔ̀ nu̍ nyɔ̍ klaaᵻ nɔ̀ɔ̍ dǒ wlùh-i naɛ la̍.

2 Kɔwlɛntiɔn 8:7

Ka mɔ̀ sìì-a nyɔ̍ duuh dǒ dɛ̍ᵻ kli̍hgbɛ̍ we̍-ɛ, ɛ̀ nu̍-a wlùh gbaɛ blě-ɛ ke, wlu-ɛ juo-ɛ ke, tɔɔ blě-ɛ ke, nyɔ̍ we̍ gbǎ wlùh blě-ɛ ke, àɔ̀ jbɛɛ ke à pɔ̀n mɔ̀ iě nyɔ̍ sìì dǒ dbo̍ chɛ̀ la nu̍-ɛ we̍ ke.

Ɛfɛsɔ 5:17

Ɛ̍ tìh-ɛ, mɔ̀ bɔ̌ we̍i̍ bo-ɛ, jɛ dɛ̍ nu̍-a Joi Nyɔsoa-a wlùh-ɛ bo mɔ̀ iě we̍ i̍ ju̍o̍e.

Kalase 1:9

Ti̍ à wɔ̌n-a mɔ̀-a dɛ we̍ i̍-ɛ, sɔ dǒ ti̍ laa̍ we̍-ɛ, à-a se̍a dǒ mɔ̀-a tàà ba̍le-ɛ bɔ̌. Ɛ̍ kɔn à tèle Nyɔsoa i̍ mɔ̀ iě ɔ̍ wlùh juo, ɛ̍ ke flɔ̍nwlùh kli̍hgbɛ̍ ke dɛ̍ɛ̍ i̍ wɔ̌n-ɛ ɔ̍ Sùù-a nyǐ-a nyɔ̍-ɛ ke.

Kalase 3:10

Mɔ̀ gbǎ-e tu̍ delee di̍i̍ wɛ̀, wɛ̀ Nyɔsoa ɔ̀ nu̍-a ɛ̍ nu̍ nyɔ̍-ɛ, ɛ̍ iě ɔ̍ dɛ̍ i̍ juo. Ɛ̍ kɔn ɔ̍ po̍ ɛ̍ delee i̍ dě ɔ̍ chɛ̀-a tu̍ di̍i̍.

1 Tɛsoloniɔn 3:12

Ǎn sà nǐ wɔ̍n dɛ ke, Joi iě mɔ̀-a we̍ jbɛɛ kɛ̍n poe, ɛ̍ ke dǒ nyɔ̍ kli̍hgbɛ̍ we̍ ke, ɛ̀ kɔn ba̍ à nu̍-a mɔ̀ɔ̍ jbɛɛ-ɛ.

1 Tɛsoloniɔn 4:1

À de̍di̍i̍ᵻ, pò iě chlà-ɛ, ka mɔ̀ iě-a kmɔ̌ nɛ-ɛ nu̍ wɛ̀ mɔ̀ iě-a dě Nyɔsoa jlǐh i̍ nmɔ-ɛ, ɛ̍-ɛ bo à toe mɔ̀. I̍i̍n, kǎ mɔ̀-a nu̍ la̍. Jɛ kaka la̍ à ba̍le mɔ̀-ɛ, à gbɛ̍n mɔ̀-a bu̍hᵻ i̍ dǒ Joi Jusu-a nynɛ̌ kɛ̍n mɔ̀ iě ɛ̍ dluwe̍ i̍ gba̍ ma̍u̍.

2 Tɛsoloniɔn 1:3

À de̍di̍i̍ᵻ, à kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. À blaɛ i̍ à iě ɛ̍ nu̍, dɛ̍nu̍ɛ, mɔ̀-a wlùh gbaɛ-a ku̍ i̍ fùùh fùùh, iě mɔ̀-a nyɔ̍ juh-ɛ, u̍h-a we̍ jbɛɛ-a gbǎ kɛ̍n.

Faɛlimɔ 1:6

Ǎn ba̍le-eɛ wɛ̀ àn wlùh gbaɛ laa̍ ìè ɛ̍ nyɔ̍ duuh-u po̍ ke. Wɛ̀ pɔ̀ìě ìn ke à blě-a dě Klai ja̍a̍-ɛ, ìè dě ɛ̍ di̍i̍ i̍ wɔ̌n.

Iblu 5:14

Di̍-dɛ̍ᵻ klaklǎ kɔn dǒ nyɔ̍ klaaᵻ ùh ju̍o̍e-a dɛ̍ chɛ̀ ke dɛ̍ sɔ̀n-a sèàɛ̀gbàà we̍ i̍-ɛ we̍.

1 Pitɛ 1:22

Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.

2 Pitɛ 3:18

Jɛ ɔ̀ nu̍-a à Joi ke à Sèìe Nyɔ̍ Jusu Klai-ɛ, dě ɔ̍ juo-ɛ ke ɔ̍ blɛ nɛ-ɛ di̍i̍ bo mɔ̀ iě nya̍ pàɛ̀n. Ɔ̍-ɔ bo tìh-a i̍ bɛ̌-ɛ kɔn dǒ we̍ kaka ke nɔ̌ kmɔ̌-a kmɔ̌. Kǎ ɛ̍-ɛ nɛ.