Felepai 1:7 - Ku̍o̍ Delee 1999

⁷ Ɛ̍ slɛ̌ i̍ ǎn wlùh iě ka wa̍-a nu̍ mɔ̀-a tìh. Dɛ̍nu̍ɛ, mɔ̀-a dɛ nɛ-a dǒ ǐn wlì-ɛ, ɛ̍ bɛ̌ i̍. Nɛ̀ ǎn pɔ̀n chɛ̀ kɛ̍n wlǔh-ɛ ke, ǎn ɛ̍ i̍ kui-ɛ ke, ǎn dě kasoo nɛ-ɛ ke, mɔ̀ kli̍hgbɛ̍ ke ǐn ke à nu̍ i̍h dě Nyɔsoa-a blɛ nɛ-ɛ di̍i̍.

Felepai 1:7 Iomraidhean Croise

Nu̍-dɛ̍ᵻ 20:23

Dɛ̍ due ǐn juo-a sǔh-ɛ, wlɔ̀-o-wlɔ̀ ǎn mu̍-a dǒ di̍i̍ i̍ sǐ-ɛ, nɛ̀ Nyɔsoa-a Sùù-a gbòɛ̀ɛ̀ m ka kasoo ke tìh jě-ɛa fuo-a m-ɛ.

Nu̍-dɛ̍ᵻ 21:33

Wɛ̀ ɔ̍ mu̍ iě ɔ̍ gbɛ̍n Pɔɔ. Wɛ̀ ɔ̍ po̍ ɔ̍ fledlǔ slǔh u̍h iě Pɔɔ jɔɔdbǔᵻ sɔɔ̌n sa̍n-ɛ. Wɛ̀ ɔ̍ tèle u̍h i̍, ɔ̍ la̍a̍, “Jɔ̍gbau la ka ɔ̍ tìh nɛ ɛ? Dɛ̍ ɔ̍ nu̍ ɛ?”

1 Kɔwlɛntiɔn 13:7

Jbɛɛ-ɛ sà dɛ̍ sɔ̍nᵻ i̍, ɛ̍ blě wlùh gbaɛ ma̍u̍. Ɛ̍ tè dɛ̍ wlì ti̍ kli̍hgbɛ̍ we̍, iě ɛ̍ ku̍-e klì i̍ dǒ dɛ̍ᵻ kli̍hgbɛ̍ we̍.

1 Kɔwlɛntiɔn 9:23

Pɔ̀n chɛ̀-a tìh bo ǎn nu̍ ìh kli̍hgbɛ̍ la, wɛ̀ pɔ̀ìě ɛ̍ mu̍-a ja-ɛ, iě-o dɛ̍ jě.

2 Kɔwlɛntiɔn 3:2

Mɔ̀-a chɛ̀ bo ùh nu̍ à tìh we̍ i̍ sèàɛ̍ chlǐh-dɛ̍ à blě, ɛ̀ chlǐh-a dǒ à wlùh kɛ̍n nyɔ̍ kli̍hgbɛ̍ iě-a slè wɛ̀ u̍h iě-a juo-ɛ.

2 Kɔwlɛntiɔn 7:3

Ǐn se̍ ɛ̀ la bla̍ iě mɔ̀ kɛ̀n sà. À jbɛɛ mɔ̀ɔ̍ kaa̍, kǎ ǐn dǎ sàǐtòò. Pò à mɛ̌-o àe̍e̍ à nɛ kmɔ̌-o, dɛ̍-o-dɛ̍ se̍ à i̍ gblè mu̍.

Kelesea 5:6

Dě Jusu Klai ja̍a̍ nɔ̀ɔ̍, nyɔ̍ gbǎ plɔ̀n o, nyɔ̍ se̍ plɔ̀n gbǎ o, ɛ̍ se̍ tìh-a chɛ̀. Jɛ wlùh gbaɛ bo ɛ̀ iě jě-ɛ dě jbɛɛ di̍i̍ tìh kma.

Ɛfɛsɔ 3:1

Dɛ̍ laa̍ ɛ̀ Nyɔsoa nu̍-a, ɛ̍ kɔn tìh ǎn ba̍le ɔ̍. Mɔ̀ɔ̍ ùh se̍-a Juu nyɔ̍-ɛ mɔ̀-a tìh bo wɛ̀ ǐn nu̍ Jusu Klai-a pòi̍ju, iě ǐn nu̍ ka gbɛ̍n-nyɔ̍.

Ɛfɛsɔ 4:1

Nɛ̀ɛ̍, mɔ̍ ɔ̀ tù-a Joi tìh wɛ̀ ɔ̀ nu̍-a gbɛ̍n-nyɔ̍-ɛ, ǐn gbɛ̍n mɔ̀-a bu̍hᵻ i̍, mɔ̀ iě dě kmɔ̌ ɛ̀ kɔn tìh Nyɔsoa dǎ-a mɔ̀-ɛ di̍i̍ nɛ.

Ɛfɛsɔ 6:20

Pɔ̀n chɛ̀-a tìh bo ǎn wlu dě Klai we̍, ɛ̍ kɔn tìh bo ǐn nɛ ka dě jɔɔdbǔᵻ di̍i̍. Jɛ mɔ̀ ba̍le dǒ ǎn tàà wɛ̀ ka ǐn kɔn iě-a pɔ̀n chɛ̀-a tìh bla̍-a nu̍ gbài̍gbài̍-ɛ, iě laǎn nu̍.

Felepai 1:12

Ǐn de̍di̍i̍ᵻ, ǎn pɔ̀n mɔ̀ iě ɛ̍ juo ka dɛ̍ ɛ̀ nɛ-a ǐn pùn-ɛ, ɛ̍ nɛ-a kmɔ̌ wɛ̀ pɔ̀n chɛ̀ la ɛ̍ naɛ-a dǒ nya̍ kaa̍ka-ɛ.

Felepai 1:13

Kɔ̀mla̍ gbò-a jlǐhɛ̍ tù nyɔ̍ ke nyɔ̍ kli̍hgbɛ̍ juo ɛ̍ i̍ ka ǐn gbǎ-a kasoo Klai-a tìh-ɛ.

Felepai 1:14

Ǎn kasoo nɛ-ɛ nu̍ ɛ̍ iě de̍di̍i̍ᵻ dɔu nɛ-a dě Joi ja̍a̍-ɛ, wɛ̀ ɛ̍ po̍ u̍h gbǐh ku̍u̍. Kaka la̍ u̍h sà faɔn wlì wɛ̀, iě u̍h-a bla̍ Nyɔsoa tìh gbài̍gbài̍.

Felepai 1:5

Dɛ̍nu̍ɛ, sɔ dǒ sàǐtòò weɛ̍ di̍i̍ wɛ̀ ɛ̍ iě-a sèàn jɛɛ-ɛ, mɔ̀ dǔ-a ǐn we̍ gbǎ-a bo mɔ̀ blě-a dě pɔ̀n chɛ̀ gba̍ dbo̍ la di̍i̍.

Felepai 2:22

Mɔ̀-a chɛ̀ juo ka Timote-a nu̍-dɛ̍ flɔn-ɛa ɔ̍ nyɔ̍ chɛ̀ dɛ we̍i̍-ɛ. Ɛ̍ kɔn pò ìn jě ɔ̍ ke ǐn ke-ɛ, ka jǔ ke baa-a na-a, iě à bla̍ pɔ̀n chɛ̀-a tìh.

Felepai 4:14

Jɛ ka mɔ̀ po̍-a ǐn sɔ̍n we̍ dǒ ǎn tìh jě la̍-ɛ, nɛ̀ dɛ̍ chɛ̀ bo mɔ̀ nu̍.

Felepai 4:15

Mɔ̀ɔ̍ Felepai nyɔ̍, mɔ̀-a chɛ̀ juo ɛ̍-ɛ, sɔ dǒ ti̍ iě-a pɔ̀n chɛ̀ la bla̍-a gbɔ̀ tè ti̍ ǐn sɔ-a dě mɔ̀ we̍ Mɛsedonia bloa̍ kɛ̍n-ɛ, chɔchi̍h nyɔ̍ duuh se̍a ǐn sɔ̍n we̍ po̍. Mɔ̀ nɛ due gbài̍ bo ùh gbǎ ǐn we̍, wɛ̀ mɔ̀ nyǐ ǐn dɛ̍.

Felepai 4:3

Nɛ̀ɛ̍, mɔ̀ ɔ̀ ke ǐn ke à nu̍-a dbo̍ tu̍ due ǐn tè-a wlì-ɛ, ǎn ba̍le-e, naɛ nynɔ̌gbaɔᵻ la sɔ̍nᵻ we̍ i̍. Dɛ̍nu̍ɛ, u̍h gbǎ ǐn ke Klɛmɛ ke dbo̍ nu̍ nyɔ̍ duuh sie-a dǒ de̍-ɛ we̍ kaa̍, wɛ̀ pɔ̀n chɛ̀ sɛ̍ ka i̍. Klɛmɛ ke dbo̍ nu̍ nyɔ̍ duuh bo ùh kɔn nynɛ̌ nɛ dě feɛ chlǐh-dɛ̍ di̍i̍ wɛ̀.

Kalase 4:18

Mɔ̍ Pɔɔ, ǎn chɛ̀-a sɔ̍n bo ǎn chlǐh i̍ nyinɔ̍ i̍ sà wlu̍ la. Mɔ̀ bɔ̌ ǎn kasoo nɛ tìh we̍ mǎle-ɛ o. Ǎn sà nǐ wɔ̍n Nyɔsoa-a blɛ iě mɔ̀ we̍ nɛ.

Kalase 4:3

Nɛ̀ mɔ̀ ba̍le dǒ à tàà ke, wɛ̀ Nyɔsoa iě wìè wɔ̍n flɔn-ɛ dǒ tu̍owli à mu̍-a po̍-ɛ we̍. Wɛ̀ à iě sìle dɛ̍ ɛ̀ tba̍-a dǒ Klai pùn i̍-ɛ bla̍. Sìle dɛ̍ la ɛ̍ bla̍-a tìh bo ǐn nɛ nɔ̌ kasoo.

1 Tɛsoloniɔn 5:5

Mɔ̀ kli̍hgbɛ̍ mɔ̀ɔ̍ sɔ̀npli ke sɔ̀n-a nynuu̍. À se̍ wlù àe̍e̍ kwile-a nynuu̍.

2 Timote 1:8

Ɛ̍ tìh-ɛ, bɔ̌ à Joi-a tìh i̍ sà-a tɛ̀n ple̍-ɛ. Nɛ̀ ka ǐn nɛ-a kasoo ɔ̍ tìh-ɛ, bɔ̌ ɛ̍ tɛ̀n ple̍-ɛ ke. Jɛ tù pɔ̀n chɛ̀-a tìh ìè ǐn kɛ̍n gbǎ à iě jua̍i̍ sàɛ̀-ɛ la kwa̍a̍ i̍ gblè-e dě Nyɔsoa-a gbǐh di̍i̍.

2 Timote 2:9

Pɔ̀n chɛ̀-a tìh-a chɛ̀ bo ǎn sàɛ̀-a jua̍i̍, wɛ̀ ǐn nɛ-a dě jɔɔdbǔᵻ ka telě wa̍ nyɔ̍-ɛ. Jɛ Nyɔsoa-a wlu̍ nɔ̀ɔ̍, ɛ̍ se̍ dě jɔɔdbǔᵻ nɛ.

Faɛlimɔ 1:13

Ǎn pɔ̀n iě ɔ̍ kɛ̍n i̍ gbɛ̍n de, ka ǐn nɛ-a nɔ̌ kasoo pɔ̀n chɛ̀ tìh-ɛ, wɛ̀ ɔ̍ iě ǐn sɔ̍n-ɔ sà dǒ ìn wɔ̀ɔ̀.

Iblu 3:1

Nɛ̀ɛ̍, ǐn de̍di̍i̍ᵻ, mɔ̀ɔ̍ Nyɔsoa dǎ-a dě ɔ̍ dɛ di̍i̍ iě ɔ̍ tè-ea pɔ̌-ɛ, mɔ̀ fèàɛ̀ mɔ̀-a wlùh dě Jusu we̍. Ɔ̍-ɔ bo ɔ̀ nu̍ Gba̍tòà ke Slaǎ Sà Nyɔ̍-a Dlǔtu ɔ̀ gbǎ-a à we̍ dě à wlùh gbaɛ blě-ɛ di̍i̍-ɛ.

1 Pitɛ 4:13

Jɛ mɔ̀ gbǎ mɔna̍-a ka mɔ̀-a sàɛ̀-a jua̍i̍ Klai tìh-ɛ. Nɛ̀ ti̍ ɔ̍ mu̍-a de̍ ji̍ dě ɔ̍ tìh-a i̍ bɛ̌-ɛ di̍i̍-ɛ, wɛ̀ mɔ̀ iě mɔna̍ nu̍ dɛ̍blɔ.

1 Pitɛ 5:1

Ǐn ba̍ᵻ Nyɔsoa nyɔ̍ klaaᵻ nɛ-a dě mɔ̀ nynɛ̌ dě chɔchi̍h-iɛ, ǐn gbɛ̍n u̍h-a bu̍hᵻ i̍. Mɔ̍ la mɔ̍ sàànsi̍i̍h dǒ Klai-a jua̍i̍ sàɛ̀ dɛ we̍. Ɔ̍ tìh-a i̍ bɛ̌-ɛ ɛ̀ mu̍-a ji̍-ɛ, ǎn mu̍ ɛ̍ dɛ̍ di̍i̍ nyǐ-ɛ ke. Ǐn gbɛ̍n mɔ̀-a bu̍hᵻ i̍,

2 Pitɛ 1:13

Ǐn juo ɛ̍-ɛ, ɛ̍ slɛ̌ i̍ iě mɔ̀ tìh la wlì i̍ sǐi ka ǐn tè-a kmɔ̌ i̍ ke̍-ɛ.

1 Chɔɔn 3:14

À juo ɛ̍-ɛ à sì dě mɛ̌ɛ di̍i̍ wɛ̀ iě à jɛɛ feɛ, dɛ̍nu̍ɛ, à jbɛɛ à de̍di̍i̍ᵻ. Jɛ nyɔ̍ ɔ̀ se̍-a ɔ̍ de̍di̍i̍ i̍ jbɛɛ-ɛ, nɛ̀ ɔ̍ nɛ dě mɛ̌ɛ di̍i̍ ke̍.