Felepai 1:5 - Ku̍o̍ Delee 1999

⁵ Dɛ̍nu̍ɛ, sɔ dǒ sàǐtòò weɛ̍ di̍i̍ wɛ̀ ɛ̍ iě-a sèàn jɛɛ-ɛ, mɔ̀ dǔ-a ǐn we̍ gbǎ-a bo mɔ̀ blě-a dě pɔ̀n chɛ̀ gba̍ dbo̍ la di̍i̍.

Felepai 1:5 Iomraidhean Croise

Nu̍-dɛ̍ᵻ 2:42

Wɛ̀ u̍h-a cheǎn-ɛ gba̍tòà dɛ̍ we̍ ma̍u̍, u̍h ke u̍h-a nɛ̍aɛ we̍. Nɛ̀ u̍h-a gbo̍a̍ɛ sɔ̍n jǔ iě u̍h-a ba̍le.

Wloma 11:17

Ɔle-tu̍ u̍h tù-a dě klè-ɛ, pò ɛ̍ chɛ̍n bu̍hᵻ ja̍-ɛ, nɛ̀ u̍h poe i̍h wɔ̀ɔ̀ dǒ kwlǎ ɔle-a bu̍hᵻ we̍. Nɛ̀ kwlǎ ɔle bu̍h-a mu̍ buǒᵻ chɛ̀ po̍-ɛ bɛ̌ɛ, dɛ̍nu̍ɛ, ɛ̍ ke ɔle-tu̍ chɛ̀ tùi i̍ wɛ̀. Kǎ ɛ̍ nu̍ mɔ̀ɔ̍ ùh se̍-a Juu nyɔ̍-ɛ dɛ̍kɛ̍n po̍-ɛ ke dě Juu nyɔ̍ ja̍a̍.

Wloma 12:13

Dɛ̍ Nyɔsoa-a nyɔ̍ nɛ-a blě ka̍-ɛ wɛ̀ mɔ̀ iě ɛ̍ blě-ɛ, nɛ̀ mɔ̀ nyǐ ɛ̍ u̍h. Mɔ̀ gba̍ nyɔ̍ gbò we̍.

Wloma 15:26

Dɛ̍nu̍ɛ, Nyɔsoa nyɔ̍ ùh nɛ-a dě Mɛsedonia ke Akaia fɔɔ-ɛ, ɛ̍ tè-e u̍h-a wlùh i̍ u̍h iě nyɔ̍gbà nyɔ̍ nɛ-a dě Nyɔsoa nyɔ̍ nynɛ̌ dě Juluslɛn-ɛ, u̍h iě u̍h nyǐ-dɛ̍ we̍ dbo̍.

1 Kɔwlɛntiɔn 1:9

Nyɔsoa ɔ̀ dǎ-a mɔ̀ mɔ̀ ke ɔ̍ Jǔ Jusu Klai ɔ̀ nu̍-a à Joi-ɛ iě-a we̍ nɛ̍aɛ-ɛ, ɔ̍-ɔ gblìh wlu̍ kɛ̍n.

2 Kɔwlɛntiɔn 8:1

À de̍di̍i̍ᵻ, à pɔ̀n mɔ̀ wlùh sèàɛ̍ i̍ dǒ dɛ̍ Nyɔsoa-a blɛ nɛ-ɛ nu̍-a dǒ chɔchi̍h nyɔ̍ nɛ-a Mɛsedonia bloa̍ kɛ̍n-ɛ we̍.

Ɛfɛsɔ 3:6

Ɛ̀ nu̍-a sìle dɛ̍-a chɛ̀-ɛ, ɛ̍ nu̍ Jusu Klai ke ùh se̍-a Juu nyɔ̍-ɛ nɛ due dě pɔ̀n chɛ̀ di̍i̍. Ɛ̍ bo ɛ̀ nu̍ ɛ̍ iě u̍h blě ka fɔ̌ wɛ̀ dǒ dɛ̍ᵻ Nyɔsoa tè-a i̍ dǒ Juu nyɔ̍ we̍-ɛ we̍. Ɛ̍-ɛ due laa̍ bo ɛ̀ nu̍ ɛ̍ iě u̍h ke Juu nyɔ̍ nu̍ nyɔ̍ due wɛ̀, iě u̍h kɔn dɛ̍ ɛ̀ kɔn wlu̍ Nyɔsoa po̍-a tɔ̀ma̍a̍-a ke.

Felepai 1:12

Ǐn de̍di̍i̍ᵻ, ǎn pɔ̀n mɔ̀ iě ɛ̍ juo ka dɛ̍ ɛ̀ nɛ-a ǐn pùn-ɛ, ɛ̍ nɛ-a kmɔ̌ wɛ̀ pɔ̀n chɛ̀ la ɛ̍ naɛ-a dǒ nya̍ kaa̍ka-ɛ.

Felepai 1:16

U̍h nu̍ ɛ̍-ɛ dǒ jbɛɛ we̍, dɛ̍nu̍ɛ, u̍h juo ɛ̍-ɛ Nyɔsoa po̍ ǐn da̍a iě pɔ̀n chɛ̀ kɛ̍n wlǔh.

Felepai 1:27

Dɛ̍ due gbài̍ mɔ̀ iě-a nu̍-ɛ, ɛ̍ nu̍ ka Klai-a pɔ̀n chɛ̀-a pɔ̀n-a mɔ̀ iě-a nɛ-ɛ, mɔ̀ iě laǎn nɛ. Wɛ̀ pò ǎn jɛ ji̍ dě mɔ̀ we̍-o, iě pò ǐn se̍-e ji̍-o, iě i̍h wɔ̌n mɔ̀ iě kǎn i̍ nyna dě wlùh due di̍i̍. Wɛ̀ mɔ̀-a dɛ̍ we̍ fɔ̀n-ɛ iě due nɛ dǒ wlùh gbaɛ ɛ̀ kɔ̍-a dǒ pɔ̀n chɛ̀ kɛ̍n i̍-ɛ we̍.

Felepai 1:7

Ɛ̍ slɛ̌ i̍ ǎn wlùh iě ka wa̍-a nu̍ mɔ̀-a tìh. Dɛ̍nu̍ɛ, mɔ̀-a dɛ nɛ-a dǒ ǐn wlì-ɛ, ɛ̍ bɛ̌ i̍. Nɛ̀ ǎn pɔ̀n chɛ̀ kɛ̍n wlǔh-ɛ ke, ǎn ɛ̍ i̍ kui-ɛ ke, ǎn dě kasoo nɛ-ɛ ke, mɔ̀ kli̍hgbɛ̍ ke ǐn ke à nu̍ i̍h dě Nyɔsoa-a blɛ nɛ-ɛ di̍i̍.

Felepai 2:12

Ɛ̍ tìh-ɛ, ǎn tìh kma nyɔ̍, ka mɔ̀-a nu̍-a ǎn wlu̍ i̍ wɔ̌n-ɛ se̍e̍-ɛ, ɛ̍-ɛ bo mɔ̀ iě dluwe̍ i̍ gba̍. Ɛ̍ se̍ pò ǎn jlǐhɛ̍ tè ka-ɛ, wɛ̀ mɔ̀ iě ɛ̍ nu̍ gbɔ̀. Jɛ ka ǐn se̍-a dǒ mɔ̀ we̍ nɛ dɛ-ɛ, jɛwɛ̀ mɔ̀ iě-e de̍ i̍ gbǎ dǒ ɛ̍ nu̍ la̍. Nɛ̀ mɔ̀ gba̍ dbo̍ nu̍-ɛ ɛ̀ kɔ̍-a dǒ mɔ̀-a pǔh-ɛ pùn i̍-ɛ dluwe̍ i̍ dě Nyɔsoa dɛ̍ɛ̍ jě-ɛ di̍i̍.

Felepai 2:22

Mɔ̀-a chɛ̀ juo ka Timote-a nu̍-dɛ̍ flɔn-ɛa ɔ̍ nyɔ̍ chɛ̀ dɛ we̍i̍-ɛ. Ɛ̍ kɔn pò ìn jě ɔ̍ ke ǐn ke-ɛ, ka jǔ ke baa-a na-a, iě à bla̍ pɔ̀n chɛ̀-a tìh.

Felepai 4:3

Nɛ̀ɛ̍, mɔ̀ ɔ̀ ke ǐn ke à nu̍-a dbo̍ tu̍ due ǐn tè-a wlì-ɛ, ǎn ba̍le-e, naɛ nynɔ̌gbaɔᵻ la sɔ̍nᵻ we̍ i̍. Dɛ̍nu̍ɛ, u̍h gbǎ ǐn ke Klɛmɛ ke dbo̍ nu̍ nyɔ̍ duuh sie-a dǒ de̍-ɛ we̍ kaa̍, wɛ̀ pɔ̀n chɛ̀ sɛ̍ ka i̍. Klɛmɛ ke dbo̍ nu̍ nyɔ̍ duuh bo ùh kɔn nynɛ̌ nɛ dě feɛ chlǐh-dɛ̍ di̍i̍ wɛ̀.

Faɛlimɔ 1:17

Ɛ̍ tìh-ɛ, ka ìn juo ɛ̍-ɛ ìn ke ǐn ke à nɛ-a dě dɛ̍ due di̍i̍-ɛ, ka àn mu̍-a ǎn tìh i̍ gbɛ̍n-ɛ nu̍-ɛ, nɛ̀ kǎ ìè ɔ̍ tìh i̍ gbɛ̍n-ɛ nu̍ ke.

Iblu 3:14

Pò di̍i̍ i̍ ku̍-ɛ due à blě-a sɔ dǒ ti̍ à gbaɛ-a Klai wlùh-ɛ we̍-ɛ, pò à gbɛ̍n ɛ̍ i̍ klìmàtàìn te̍e̍ wɛ̀ à kmɔ̌ iě dlǔ i̍ chla-ɛ, nɛ̀ à ke Klai-a nu̍ dbo̍ due.

2 Pitɛ 1:1

Mɔ̍ Samo Pitɛ, ǐn nu̍ pòi̍ju ke gba̍tòà dǒ Jusu Klai we̍. Nyɔ̍ ùh jii-a dě à Nyɔsoa ke à Sèìe Nyɔ̍ Jusu Klai-a i̍ slɛ̌-ɛ di̍i̍ iě u̍h-a Klai wlì tè-ɛ ke à naɛ nɛ-a due-ɛ, u̍h bo ǎn chlǐh we̍.

1 Chɔɔn 1:3

Dɛ̍ kɔn tìh à wɔ̌n-a iě à tba̍-a jlǐhɛ̍-ɛ, ɛ̍ bo à sèàɛ̍ mɔ̀ wlùh ke. Wɛ̀ mɔ̀ iě à kɛ̍n gbǎ iě à ke Baa Nyɔsoa ke ɔ̍ Jǔ Jusu Klai iě we̍ nɛ̍aɛ.

1 Chɔɔn 1:7

Jɛ ka ɔ̍ nu̍-a dě sɔ̀npli di̍i̍ nɛ-ɛ, pò à nu̍ la̍a̍n dě sɔ̀npli di̍i̍ nɛ-ɛ ke-ɛ, nɛ̀ ɔ̍ ke à nɛ̍aɛ la̍ we̍. Nɛ̀ ɔ̍ Jǔ Jusu Klai-a nymɔ̍-a wɔ̍lɔ à gblɛ̍n sɔ̀ɛ̀n kli̍hgbɛ̍ pihpǐh.