Felepai 1:30 - Ku̍o̍ Delee 1999

³⁰ Mɔ̀-a chɛ̀-a fɔ̀n tu̍h la ke, tu̍h mɔ̀ jě-a m ǎn fɔ̀n-a se̍e̍-ɛ, ɛ̍ bo mɔ̀-a wɔ̌n-a ǎn fɔ̀n-a ke̍ ma̍u̍.

Felepai 1:30 Iomraidhean Croise

Chɔɔn 16:33

Ǐn sèàɛ̍ mɔ̀ ìh la wlùh wɛ̀ mɔ̀ iě wlùh-a i̍ tè-ɛ blě dě ǐn ja̍a̍. Mɔ̀-a mu̍ tìh jě da̍a kmɔ̌ la we̍, jɛ mɔ̀ ku̍ wlùh o, dɛ̍nu̍ɛ, ǐn sà kmɔ̌ la klà wɛ̀.”

Felepai 1:13

Kɔ̀mla̍ gbò-a jlǐhɛ̍ tù nyɔ̍ ke nyɔ̍ kli̍hgbɛ̍ juo ɛ̍ i̍ ka ǐn gbǎ-a kasoo Klai-a tìh-ɛ.

Kalase 1:29

Ɛ̍ kɔn ǐn nu̍ dbo̍, iě ǐn po̍ gbɔ̍igbɔ̍ dǒ ǎn kmu-gbǐh ìh Klai po̍-a dě ǐn ku̍u̍-ɛ we̍.

Kalase 2:1

Kmu-dbo̍ kɔn gbɔ̍igbɔ̍ ǐn po̍-a dǒ mɔ̀ ke Leodesia nyɔ̍ we̍-ɛ, ɛ̍ ke jɛ ǐn nu̍-a dǒ nyɔ̍ duuh ùh-u se̍a ǐn jě-ɛ we̍ ke-ɛ, ɛ̍-ɛ bo ǎn pɔ̀n mɔ̀ iě juo.

1 Tɛsoloniɔn 2:2

Mɔ̀ juo i̍h ka à nu̍-a jua̍i̍ sàɛ̀ ke chlèwli̍ nǎ-aɛ, iě u̍h jě-e à tìh dǒ Felepai wlɔ̀ di̍i̍ wɛ̀ à dǔ-a nɔ̌ mɔ̀ we̍ ji̍-ɛɛ. Nyɔ̍ dɔu se̍ pɔ̀n à iě pɔ̀n chɛ̀ la bla̍. Jɛ à Nyɔsoa bɛ̌ɛ à wlì i̍, iě à po̍ gbɔ̍igbɔ̍ wɛ̀ à bla̍ pɔ̀n chɛ̀ la ɛ̀ sɔ-a dě ɔ̍ we̍-ɛ dě mɔ̀ we̍.

1 Timote 6:12

Fɔ̀n chɛ̀ka dǒ wlùh gbaɛ we̍. Kmɔ̌ sie feɛ kɔn tìh Nyɔsoa dǎ-a m̀ wɛ̀ àn wlu-a àn wlùh gbaɛ blě tìh gbài̍gbài̍ dǒ sàànsi̍i̍h dɔu jǔ-ɛ, ɛ̍-ɛ bo ìè sɔ̍nᵻ sɔɔ̌n i̍ gbɛ̍n-ɛ.

2 Timote 4:7

Ǐn fɔ̀n fɔ̀n-ɛa chɛ̀ naɛ wɛ̀. Ǐn wɔ̀ dlǔᵻ wɔ̍i̍n blaɛ-ɛ wɛ̀, iě ǐn se̍ wlùh gbaɛ i̍ sɔ.

Iblu 12:1

Nɛ̀ɛ̍, ka à blě-a wlùh gbaɛ blě nyɔ̍ tlùgbei̍ la à de̍e̍ i̍-ɛ, dɛ̍ᵻ kli̍hgbɛ̍ ìh-a chlì-a à ja̍-ɛ ke gblɛ̍n sɔ̀ɛ̀n jih gbɛ̍n-ɛ à i̍ gba̍i̍ngba̍i̍n-ɛ, mɔ̀ à poe i̍h fɔ̌ i̍ à iě-e gbǐh po̍ à iě dɛ̍ ɛ̀ pɛ̌n-a dǒ à jǔ i̍-ɛ we̍ ple̍.

Iblu 12:4

Gblɛ̍n sɔ̀ɛ̀n we̍ fɔ̀n-ɛa gbɔ̍igbɔ̍ mɔ̀-a po̍-a ka-ɛ, mɔ̀-a nyɔ̍-ɔ se̍a dǒ ɛ̍ we̍ fɔ̀n la̍ nɛ wɛ̀ ɔ̍ nymɔ̍ se̍a i̍ wlǎ.

Wlɛfeleseɔn 12:11

À de̍di̍i̍ᵻ du̍ ɛ̍ wɛ̀ dǒ Blawɛ̌ Jǔ-a nymɔ̍ ke tìh-a taǐn tu̍owli u̍h po̍-a we̍. Iě u̍h sà u̍h-a feɛ kwlǎ u̍h iě mɛ̌.