Felepai 1:27 - Ku̍o̍ Delee 1999

²⁷ Dɛ̍ due gbài̍ mɔ̀ iě-a nu̍-ɛ, ɛ̍ nu̍ ka Klai-a pɔ̀n chɛ̀-a pɔ̀n-a mɔ̀ iě-a nɛ-ɛ, mɔ̀ iě laǎn nɛ. Wɛ̀ pò ǎn jɛ ji̍ dě mɔ̀ we̍-o, iě pò ǐn se̍-e ji̍-o, iě i̍h wɔ̌n mɔ̀ iě kǎn i̍ nyna dě wlùh due di̍i̍. Wɛ̀ mɔ̀-a dɛ̍ we̍ fɔ̀n-ɛ iě due nɛ dǒ wlùh gbaɛ ɛ̀ kɔ̍-a dǒ pɔ̀n chɛ̀ kɛ̍n i̍-ɛ we̍.

Felepai 1:27 Iomraidhean Croise

Ɛfɛsɔ 4:1

Nɛ̀ɛ̍, mɔ̍ ɔ̀ tù-a Joi tìh wɛ̀ ɔ̀ nu̍-a gbɛ̍n-nyɔ̍-ɛ, ǐn gbɛ̍n mɔ̀-a bu̍hᵻ i̍, mɔ̀ iě dě kmɔ̌ ɛ̀ kɔn tìh Nyɔsoa dǎ-a mɔ̀-ɛ di̍i̍ nɛ.

1 Kɔwlɛntiɔn 1:10

Ǐn de̍di̍i̍ᵻ, ǎn ba̍le mɔ̀-ɛ dǒ à Joi Jusu Klai-a nynɛ̌ kɛ̍n mɔ̀ kli̍hgbɛ̍ mɔ̀ iě wlu̍ i̍ wɔ̌ɛn wɛ̀ mɔ̀-ɔ je̍e kɛ̍n sèàɛ̍. Mɔ̀ gbe̍ɛ̍ɛn kɛ̍n i̍, mɔ̀ iě wlùh due blě mɔ̀-a nu̍-dɛ̍ iě due nɛ.

2 Pitɛ 3:14

Ɛ̍ tìh-ɛ, ǎn tìh kma nyɔ̍, ka mɔ̀-a fuo-a weɛ̍ la kɛ̍ɛ̍n-ɛ, mɔ̀ fɔ̀n dɛ̍ we̍ mɔ̀-a nynɛ̌-ɛ je̍e kɔ̌, mɔ̀ɔ̍ je̍e nɛi̍ nɛ, wɛ̀ wlùh-a i̍ tè-ɛ iě dǒ ɔ̍ ke mɔ̀ nynɛ̌ nɛ.

Kalase 1:10

Pò ɛ̍ nɛ laan-ɛ, nɛ̀ mɔ̀-a mu̍ dě kmɔ̌ ɛ̀ po̍-a Joi gbǐh-ɛ di̍i̍ nɛ, mɔ̀ iě ɔ̍ wlùh i̍ tè-e mɔ̀ iě tlo dě dbo̍ chɛ̀ kli̍hgbɛ̍ di̍i̍. Nɛ̀ mɔ̀-a mu̍ ku̍ dě Nyɔsoa juo-ɛ di̍i̍.

Judi 1:3

Ǎn tìh kma nyɔ̍, sèìe la mɔ̀ ke à gblè-a kwa̍a̍ i̍-ɛ, ɛ̍ kɔn tìh bo ǎn wlùh-a nu̍ jàjà de iě mɔ̀ we̍ chlǐh. Jɛ kaka la̍, wlùh gbaɛ ɛ̀ Nyɔsoa nyǐ-a ɔ̍ nyɔ̍ wɛ̀ kleǐnklein-ɛ, ɛ̍ kɔn tìh bo ǐn kɔn iě mɔ̀ we̍ chlǐh, iě mɔ̀-a wlùh fùka, wɛ̀ mɔ̀ iě ɛ̍ tìh we̍ fɔ̀n.

1 Tɛsoloniɔn 4:1

À de̍di̍i̍ᵻ, pò iě chlà-ɛ, ka mɔ̀ iě-a kmɔ̌ nɛ-ɛ nu̍ wɛ̀ mɔ̀ iě-a dě Nyɔsoa jlǐh i̍ nmɔ-ɛ, ɛ̍-ɛ bo à toe mɔ̀. I̍i̍n, kǎ mɔ̀-a nu̍ la̍. Jɛ kaka la̍ à ba̍le mɔ̀-ɛ, à gbɛ̍n mɔ̀-a bu̍hᵻ i̍ dǒ Joi Jusu-a nynɛ̌ kɛ̍n mɔ̀ iě ɛ̍ dluwe̍ i̍ gba̍ ma̍u̍.

Felepai 2:12

Ɛ̍ tìh-ɛ, ǎn tìh kma nyɔ̍, ka mɔ̀-a nu̍-a ǎn wlu̍ i̍ wɔ̌n-ɛ se̍e̍-ɛ, ɛ̍-ɛ bo mɔ̀ iě dluwe̍ i̍ gba̍. Ɛ̍ se̍ pò ǎn jlǐhɛ̍ tè ka-ɛ, wɛ̀ mɔ̀ iě ɛ̍ nu̍ gbɔ̀. Jɛ ka ǐn se̍-a dǒ mɔ̀ we̍ nɛ dɛ-ɛ, jɛwɛ̀ mɔ̀ iě-e de̍ i̍ gbǎ dǒ ɛ̍ nu̍ la̍. Nɛ̀ mɔ̀ gba̍ dbo̍ nu̍-ɛ ɛ̀ kɔ̍-a dǒ mɔ̀-a pǔh-ɛ pùn i̍-ɛ dluwe̍ i̍ dě Nyɔsoa dɛ̍ɛ̍ jě-ɛ di̍i̍.

Felepai 3:18

Ɛ̀ la ǐn dǔ ɛ̍ mɔ̀ wlùh sèàɛ̍ se̍e̍, iě ǎn gba̍ la̍ ɛ̍ kɛ̍n i̍ dɛ dǒ mǐtɛɛn we̍. Nyɔ̍ dɔu-a chɛ̀-a gblɛ̍n bo ɛ̀ to ɛ̍ ka u̍h faɛn-a Klai-a dǒ gbàɛ̍ kɛ̍n i̍ tu̍ wlì mɛ̌-ɛ tìh-ɛ.

2 Kɔwlɛntiɔn 13:11

Ɛ̀ bɔ̌ɛ-aoɛ ǐn de̍di̍i̍ᵻ, mɔ̀ à nɛ klàe̍. Mɔ̀ fɔ̀n dɛ̍ we̍ mɔ̀ iě gblɛ̍ja̍i̍ wɛ̀. Mɔ̀ nu̍ ǎn slɛ̌n tù wlu̍, mɔ̀ wɔ̌ɛn wlu̍ i̍. Mɔ̀ na-ɛe wlùh-a i̍ tè-ɛ di̍i̍, nɛ̀ Nyɔsoa ɔ̀ jbɛɛ-a àɔ̀ iě ɔ̍ nyǐ-a à wlùh-a i̍ tè-ɛ, nɛ̀ ɔ̍ mu̍ mɔ̀ we̍ nɛ-o.

Nu̍-dɛ̍ᵻ 4:32

Wlùh gbaɛ blě nyɔ̍ kli̍hgbɛ̍ u̍h blě-e wlùh iě u̍h-a pɔluh nɛ due. Dɛ̍-ɛ i̍ gblè nyɔ̍ se̍ dě u̍h nynɛ̌ nɛ. U̍h-a pu̍e̍e dɛ̍ᵻ kwa̍a̍ i̍ kleǐn.

2 Pitɛ 3:11

Ka dɛ̍ᵻ kli̍hgbɛ̍-a mu̍-a ka gbɔ̀lɔ-ɛ nu̍-ɛ, nɛ̀ dɛ̍ɛ nyɔ̍ we̍ bo mɔ̀-a mu̍ ka nu̍ ɛ? Mɔ̀ kɔn mɔ̀ iě nɛi̍ wɛ̀, mɔ̀ iě Nyɔsoa kmɔ̌-ɔ nɛ.

1 Kɔwlɛntiɔn 15:58

Ɛ̍ tìh-ɛ, ǐn de̍di̍i̍ᵻ, mɔ̀ ku̍-e klì i̍ mɔ̀ iě mɔ̀-a chɛ̀ i̍ kui. Mɔ̀ nu̍ Joi-a dbo̍ ti̍ kli̍hgbɛ̍ we̍, ka mɔ̀ juo-a dɛ̍-o-dɛ̍ mɔ̀-a mu̍-a nu̍ dǒ Joi we̍-ɛ, ɛ̍ se̍-a bu̍ɛ̍i̍ nu̍ mu̍-ɛ.

Wloma 1:16

Ǐn se̍ Nyɔsoa-a pɔ̀n chɛ̀-a tɛ̀n ple̍, dɛ̍nu̍ɛ, ɛ̍ bo ɛ̀ nu̍ ɔ̍ gbǐh ɛ̀ iě wlùh gbaɛ blě nyɔ̍ kli̍hgbɛ̍ sèìe. Juu nyɔ̍ bo ɛ̍ mu̍ pùn nɛ sàǐtòò, wɛ̀ ɛ̍ iě juh se̍-a Juu nyɔ̍-ɛ jɛɛ-ɛ dǔ ke.

Chiin 3:18

Nyɔ̍ ùh-a gbe̍ɛ̍ɛn-a kmɔ̌ i̍-ɛ, nɛ̀ u̍h-a tù dɛ̍ wɛ̀ ɛ̍ iě i̍ slɛ̌-dɛ̍-a buǒᵻ po̍.

Faɛlimɔ 1:5

Dɛ̍nu̍ɛ, àn Nyɔsoa nyɔ̍ kli̍hgbɛ̍-a tìh kma-a ke, Joi Jusu wlùh gbaɛ kɔn pɔ̀n bo ǎn wɔ̌n.

Taitɔ 2:10

Nɛ̀ u̍h bɔ̌ u̍h we̍ jlǐ-ɛ. Jɛ u̍h-a nyɔ̍ chɛ̀ nu̍-ɛ ke wlu̍ kɛ̍n i̍ gbɛ̍n-ɛ bo u̍h iě to ti̍ kli̍hgbɛ̍ we̍. Nɛ̀ɛ̍, Nyɔsoa ɔ̀ sèìe-a àɔ̀-ɛ, nǎ po̍-ɛ ɛ̀ tba̍-a dǒ ɔ̍ pùn i̍-ɛ, nɛ̀ u̍h-a mu̍ ɛ̍ nynɛ̌ kɛ̍n po̍ dǒ u̍h-a nu̍-dɛ̍ᵻ kli̍hgbɛ̍ we̍.

2 Timote 4:7

Ǐn fɔ̀n fɔ̀n-ɛa chɛ̀ naɛ wɛ̀. Ǐn wɔ̀ dlǔᵻ wɔ̍i̍n blaɛ-ɛ wɛ̀, iě ǐn se̍ wlùh gbaɛ i̍ sɔ.

1 Timote 1:19

Nɛ̀ wlùh gbaɛ ke kɛ̍ wlùh chɛ̀ bo ìè blě. Nyɔ̍ duuh se̍ kɛ̍-ɛ nɛ, sɔ ɛ̍ nu̍ ɛ̍ u̍h-a wlùh gbaɛ gbɔ̀lɔ-ɔ.

1 Timote 1:11

Pɔ̀ìě Nyɔsoa ɔ̀ kɔn nynɛ̌ bɛ̌-a i̍-ɛ, pɔ̀n chɛ̀ ɔ̍ nyǐ-a m iě-a bla̍-ɛ, dě ɛ̍ di̍i̍ bo nǎ po̍ wlu̍ la ɛ̍ sɔ-ɔ.

Nu̍-dɛ̍ᵻ 2:46

Ka sɔ̀n-a sɛ̀n-a, kǎ u̍h-a gbèɛ̀ɛ̍n dě Nyɔsoa-a slaǎ sà gbò sɔ̀n. Nɛ̀ u̍h-a gbǎ tàdùè u̍h blǐ gbòᵻ i̍ iě u̍h-a di̍-i dɛ̍we̍ dǒ wlùh wlǎ we̍.

Matio 12:25

Sɔ Jusu juo dɛ̍ u̍h-a naɛ-a wlùh i̍-ɛ, iě ɔ̍ la̍a̍, “Pò blǔh nyɔ̍-a sǔh ja fɔ̀n-ɛ, nɛ̀ blǔh laa̍ ɛ̍ mu̍ wa̍. Nɛ̀ pò wlɔ̀ nyɔ̍-a sǔh ja fɔ̀n-ɛ, nɛ̀ wlɔ̀ laa̍ ɛ̍ mu̍ wa̍. Pò gbò nyɔ̍-a sǔh ja fɔ̀n-ɛ, nɛ̀ u̍h se̍ i̍ nyna mu̍ dǒ u̍h-a chɛ̀ we̍.

1 Tɛsoloniɔn 3:6

Jɛ Timote sɔ-a dě mɔ̀ we̍ wɛ̀ ɔ̍ ji̍-a nɔ̌ à we̍-ɛ, ɔ̍ ja à pɔ̀n chɛ̀ dǒ mɔ̀-a wlùh gbaɛ ke jbɛɛ blě-ɛ we̍. Ɔ̍ sèàɛ̍ à wlùh ka pò à tìh sǐ dǒ mɔ̀ wlì i̍-ɛ, wɛ̀ mɔ̀-a nu̍-a mɔna̍ ti̍ kli̍hgbɛ̍ we̍-ɛ. Ɔ̍ la̍ ka mɔ̀-a tɔ̌n-a nu̍-a à nu̍-ɛ à iě-a mɔ̀ jě-ɛ, kǎ à tɔ̌n-a nu̍ mɔ̀ nu̍-ɛ ke.

Kalase 1:4

Ka mɔ̀ gbaɛ-a Jusu Klai wlùh-ɛ, ɛ̍ kɔn pɔ̀n bo à wɔ̌n, ɛ̍ ke ka mɔ̀ kma-a Nyɔsoa nyɔ̍ kli̍hgbɛ̍-a tìh-ɛ ke.

Felepai 2:24

Ǐn tè Joi wlì ǎn chɛ̀ iě dě mɔ̀ we̍ ji̍ ke suei̍.

Ɛfɛsɔ 1:15

Ka Nyɔsoa nyǐ-a à pɔ̀ìě la-ɛ, ti̍ ǐn wɔ̌n-a mɔ̀-a nynɛ̌ ka mɔ̀ gbaɛ-a Joi Jusu wlùh iě mɔ̀ jbɛɛ-a Nyɔsoa nyɔ̍ kli̍hgbɛ̍-ɛ,

Ɛfɛsɔ 1:13

Nɛ̀ɛ̍, kǎ mɔ̀ nɛ ke. Ti̍ mɔ̀ wɔ̌n-a tìh-a taǐn tu̍owli ɛ̀ nu̍-a pɔ̀n chɛ̀ iě ɛ̍ pǔh-ia mɔ̀-ɛ, mɔ̀ gbaɛ Klai wlùh iě Nyɔsoa nyǐ mɔ̀ ɔ̍ Sùù ɛ̀ kɔn wlu̍ ɔ̍ po̍-a tɔ̀ma̍a̍. Wɛ̀ ɛ̍ nu̍ juola ka mɔ̀ kɔn-a dǒ ɔ̍ we̍-ɛ.

Kelesea 1:7

Jɛ pɔ̀n chɛ̀ dɛɛ se̍ nɛ fu̍u̍. Dě mɔ̀ we̍ bo nyɔ̍ duuh nɛ u̍h-a bɛ̌ɛ mɔ̀ wɔ̍ɔ̍n i̍, u̍h iě Klai-a pɔ̀n chɛ̀-a klě-e fiǎn.

2 Kɔwlɛntiɔn 9:13

Dbo̍ la ɛ̍ mu̍ ɛ̍ to ka mɔ̀ blě-a Nyɔsoa gblɛ̍n-ɛ. Mɔ̀-a pɔ̀n chɛ̀ ɛ̀ kɔ̍-a dǒ Klai pùn i̍-ɛ dɛ̍ɛ̍ jě-ɛ ke mɔ̀-a gblɛ̍n-ɛ nmɔ-ɛ dǒ u̍h ke nyɔ̍ kli̍hgbɛ̍ duuh we̍-ɛ, ɛ̍ mu̍ ɛ̍ nu̍ nyɔ̍ dɔu iě Nyɔsoa-a nynɛ̌ i̍ bɛ̌-ɛ.

2 Kɔwlɛntiɔn 4:4

U̍h se̍ wlùh gbaɛ blě, dɛ̍nu̍ɛ, Setɔn ɛ̀ nu̍-a kmɔ̌ la ɛ̍ nyɔsoa-a bo ɛ̀ kaɛn u̍h-a wlùh kɛ̍n dě kwile-e. Ɛ̍ kaɛn u̍h kɛ̍n u̍h-u je̍e sɔ̀npli jě. Ɛ̍ sɔ dě pɔ̀n chɛ̀ ɛ̀ kɔ̍-a dǒ Klai-a tìh-a i̍ bɛ̌-ɛ pùn i̍-ɛ we̍, ɔ̀ ke Nyɔsoa ke ùh wɔ̀ɛ-aɛ.

Wloma 15:29

Nɛ̀ ǐn juo ɛ̍-ɛ ti̍ ǎn mu̍-a dě mɔ̀ we̍ ji̍-ɛ, ǎn mu̍ mɔ̀ pɔ̀ìě klaa ɛ̀ Klai blě-a dǒ mɔ̀ we̍-ɛ ja.

Wloma 15:16

iě Jusu Klai-a pòi̍ju nu̍ dǒ ùh se̍-a Juu nyɔ̍-ɛ we̍. Ǐn wɔ̀ slaǎ sà nyɔ̍ ɔ̀ bla̍-a Nyɔsoa-a pɔ̀n chɛ̀-ɛ. Wɛ̀ ùh se̍-a Juu nyɔ̍-ɛ u̍h iě nyǐ-dɛ̍ ɛ̀ nmɔ-a dě Nyɔsoa jlǐh i̍ iě ɔ̍ Sùù tè-a ɛ̍ pɔ̌ dǒ ɔ̍ we̍-ɛ wɔ̀.

Wloma 10:8

Kǎ Nyɔsoa-a wlu̍ dǎ ka, ɛ̍ la̍a̍, “Nyɔsoa-a tu̍owli kɔǎɛn ìn we̍ i̍. Ɛ̍ nɛ dǒ ìn wɔ̍i̍n ke dǒ ìn wlùh kɛ̍n.” Tu̍owli-a chɛ̀ bo ɛ̀ nu̍-a wlùh gbaɛ blě tìh à bla̍-a.

Wloma 1:9

Nyɔsoa ɔ̀ ǎn dbee-a jǔ dǒ ǎn wlùh kli̍hgbɛ̍ we̍ wɛ̀ ǎn bla̍-a pɔ̀n chɛ̀ ɛ̀ kɔ̍-a dǒ ɔ̍ Jǔ pùn i̍-ɛ, ɔ̍-ɔ bo ɔ̀ nu̍ ǎn sàànsi̍i̍h ka ǎn ba̍le-a dǒ mɔ̀-a tàà ti̍ kli̍hgbɛ̍ we̍-ɛ.

Wloma 1:5

Dě ɔ̍ ja̍a̍ bo à jii wɛ̀ Nyɔsoa-a blɛ nɛ-ɛ nui àɔ̀ ɔ̍ gba̍tòà we̍i̍. Ɔ̍ nynɛ̌-a i̍ bɛ̌-ɛ tìh bo ɔ̍ dbo̍ àɔ̀ dě kmɔ̌ nyɔ̍ kli̍hgbɛ̍ we̍, wɛ̀ u̍h iě ɔ̍ wlùh gbaɛ u̍h iě ɔ̍ wlu̍ nu̍.

Nu̍-dɛ̍ᵻ 24:24

Wǐh gbɔ̍ sì-aɛ, wɛ̀ File ke ɔ̍ nynɔ̌ Dlusila ji̍. Juu nynɔ̌ bo. Wɛ̀ File dbo̍ Pɔɔ wlu̍ we̍, iě ɔ̍ bla̍ Jusu Klai-a wlùh gbaɛ dɛ we̍i̍. Iě ɔ̍ po̍ dě ɔ̍ we̍ dounᵻ.

Felepai 1:5

Dɛ̍nu̍ɛ, sɔ dǒ sàǐtòò weɛ̍ di̍i̍ wɛ̀ ɛ̍ iě-a sèàn jɛɛ-ɛ, mɔ̀ dǔ-a ǐn we̍ gbǎ-a bo mɔ̀ blě-a dě pɔ̀n chɛ̀ gba̍ dbo̍ la di̍i̍.

Felepai 3:20

Jɛ àɔ̀ nɔ̀ɔ̍-ɛ, dě ja̍i̍wlɔ̀ bo ɛ̀ nu̍ à blǐ. Ɛ̍ kɔn à po̍-e gbǐh, iě à chlì à Sèìe Nyɔ̍ we̍ i̍ ɔ̍ iě dě ja̍i̍wlɔ̀ sɔ ɔ̍ iě ji̍, ɔ̀ nu̍-a Joi Jusu Klai-ɛ.

Felepai 4:1

Ɛ̍ tìh-ɛ, ǎn tìh kma de̍di̍i̍ᵻ, mɔ̀ nyna kǎn i̍ dě Joi ja̍a̍. Ǐn jbɛɛ mɔ̀-ɔ, iě mɔ̀-a tɔ̌n-a nu̍ m. Mɔ̀-a nui ǐn mɔna̍, iě ǎn po̍ bu̍hᵻ wlù i̍ mɔ̀-a tìh.