Felepai 1:23 - Ku̍o̍ Delee 1999

²³ Ɛ̍ tù ǐn dǒ tu̍ᵻ nynɛ̌. Ǎn pɔ̀n iě da̍a kmɔ̌ la we̍ sɔ iě Klai we̍ mu̍, ɛ̍ bo ɛ̀ nmɔ jii̍-a chɛ̀ kleǐn.

Felepai 1:23 Iomraidhean Croise

Pɔ̀n Chɛ̀ Luu To-a La 12:50

Klě jě nǐ ǎn mu̍-a dlǔ po̍-ɛ, ǎn wlùh-a nu̍ wàànwààn te̍e̍ wɛ̀ ɛ̍ iě dlǔ i̍ chlà-a dǔ.

Pɔ̀n Chɛ̀ Luu To-a La 23:43

Iě Jusu la̍a̍ dě ɔ̍ we̍, “Tìh-a taǐn ǎn sèàɛ̍ ìn wlùh, sèàn weɛ̍ la, àn mu̍ dě ǐn we̍ Wlɔ̀ Plǔ di̍i̍ nɛ.”

Pɔ̀n Chɛ̀ Luu To-a La 8:38

Jɔ̍gbau ɔ̀ jeědih sɔ-a dǒ de̍e̍-ɛ, ɔ̍ ba̍le Jusu ɔ̍ ke ɔ̍ iě mu̍. Jɛ Jusu dbo̍ ɔ̍ de̍, ɔ̍ la̍a̍,

Chɔɔn 12:26

Nyɔ̍-o-nyɔ̍ ɔ̀ pɔ̀n-a ǐn jǔ dbee-ɛ i̍-ɛ, nɛ̀ ɔ̍ kɔn ɔ̍ iě dǒ ǐn de̍e̍ gbǎ. Wɛ̀ tà ǐn nɛ-aɛ, ǎn pòi̍ju iě-o nɛ ke. Nyɔ̍ ɔ̀ mu̍-a ǐn jǔ dbee-ɛ, ǐn Baa-a mu̍ ɔ̍ ja̍ tè.

Chɔɔn 13:1

Ɛ̍ si̍e̍-o weɛ̍ due wɛ̀ ɛ̍ iě Sììkɛ̍n Weɛ̍-a Peě nu̍. Dǒ Jusu juo-e dɛ̍ i̍ ka ti̍ nyni̍-a wɛ̀ ɔ̍ iě-a da̍a kmɔ̌ la we̍ sɔ ɔ̍ iě-a Baa we̍ mu̍-ɛ. Nyɔ̍ ùh kɔn-a dǒ ɔ̍ we̍ nɔ̌ kmɔ̌-ɛ, u̍h-a jbɛɛ ɔ̍ sà-a dě bloɔ̍ i̍-ɛ, ɛ̍ bo ɔ̍ chlà-ɛ ɛ̍ dlǔ i̍.

Chɔɔn 14:3

Nɛ̀ pò ǐn mu̍ wɛ̀ iě tà gba̍a̍ po̍ dǒ mɔ̀ we̍-ɛ, nɛ̀ ǎn mu̍ de̍ ji̍ dɛ, wɛ̀ iě mɔ̀ dě ǐn we̍ gba̍. Wɛ̀ tà ǐn nɛ-aɛ, mɔ̀ iě-o nɛ ke.

Chɔɔn 17:24

“Baa, nyɔ̍ ìn nyǐ-a m-ɛ, ǎn pɔ̀n tà ǐn nɛ-aɛ, u̍h iě-o nɛ ke. Wɛ̀ u̍h iě ǎn tìh-a i̍ bɛ̌-ɛ ìn nyǐ-a m-ɛ jě. Ìn nyǐ ɛ̍ m, dɛ̍nu̍ɛ, ìn jbɛɛ m wɛ̀ kmɔ̌ la ɛ̍ dǔ nui-ɛɛ.

Nu̍-dɛ̍ᵻ 7:59

U̍h nɛ dǒ Slifɛn sɔɔ̌ᵻ i̍ tbaɛ la̍ sǔh wɛ̀ ɔ̍ ba̍le, ɔ̍ la̍a̍, “Joi Jusu, gbɛ̍n ǎn sùù i̍ o.”

2 Kɔwlɛntiɔn 5:8

À bɛ̌ wlì i̍. Ɛ̍ mu̍ à gbǐh po̍ à iě dě à nyi̍ɔ̍ku di̍i̍ sɔ, à iě dě Joi we̍ tǐn.

2 Kɔwlɛntiɔn 6:12

Ɛ̍ se̍ àɔ̀ mɔ̀ à se̍ à jbɛɛ de̍ chlì-i dǒ mɔ̀ we̍. Mɔ̀ɔ̍ bo ùh chlì-i mɔ̀-a jbɛɛ de̍ dǒ à we̍.

Felepai 1:24

Jɛ ɛ̍ nmɔ jii̍ kaa̍ iě kmɔ̌ nɛ mɔ̀-a tìh.

1 Tɛsoloniɔn 2:1

À de̍di̍i̍ᵻ, mɔ̀-a chɛ̀ juo ɛ̍ ka à dě mɔ̀ we̍ i̍ nala ji̍-ɛ se̍-a bu̍ɛ̍i̍ nu̍-ɛ.

1 Tɛsoloniɔn 2:13

Ɛ̀ la ɛ̍ kɔn tìh bo à po̍ Nyɔsoa tlɔ̌ ke ma̍u̍. Ti̍ à ja̍-a mɔ̀ Nyɔsoa-a tu̍owli-ɛ, mɔ̀ wɔ̌n ɛ̍-ɛ i̍, iě mɔ̀ gbɛ̍n ɛ̍ i̍. Mɔ̀ se̍ ɛ̍ nyi̍ɔ̍-a tu̍owli ka gbɛ̍n, jɛ ka ɛ̍ nu̍-a nɛ-ɛɛ kǎ mɔ̀ nu̍ ɛ̍ i̍ gbɛ̍n-ɛ. Nyɔsoa-a wlu̍ la, ɛ̍-ɛ bo ɛ̀ nu̍-a dbo̍ dě mɔ̀ɔ̍ wlùh gbaɛ blě nyɔ̍ ja̍a̍.

1 Tɛsoloniɔn 4:17

Nɛ̀ɛ̍, à nyɔ̍ ùh-a mu̍-a kmɔ̌ nɛ dǒ ti̍ laa̍ di̍i̍-ɛ, u̍h ke à mu̍ dě nǐgbanᵻ kɛ̍n gba̍-ɛ tàdùè dě ja̍u̍n wlì, à iě Joi i̍ jǎɛ. Nɛ̀ à mu̍ la̍ dǒ Joi we̍ nɛ kleǐnklein.

2 Timote 4:6

Dɛ̍nu̍ɛ, mɔ̍ɔ-ɛ, ǐn gbàɛ̀ wɛ̀ ǎn feɛ iě slaǎ sà-ɛ dǒ Nyɔsoa we̍. Ǎn nɔ̌ kmɔ̌ sɔ ti̍ nyni wɛ̀.

Wlɛfeleseɔn 14:13

Wɛ̀ ǐn wɔ̌n wlu̍ ɛ̍ sɔ dě ja̍i̍wlɔ̀. Ɛ̍ la̍a̍, “Chlǐh wlu̍ la. Sɔ da̍a sèàn blǐ nyɔ̍ ùh ke Joi nɛ-a due wɛ̀ u̍h mɛ̌-aɛ, nɛ̀ u̍h nmɔ i̍.” Nyɔsoa-a Sùù la̍a̍, “Nɛ̀ u̍h nmɔ i̍ kaa̍, u̍h-a mu̍ feɛ i̍ jě. Dɛ̍nu̍ɛ, u̍h-a nu̍-dɛ̍ᵻ wɔ̀ dǒ u̍h de̍e̍.”