Felepai 1:21 - Ku̍o̍ Delee 1999

²¹ Ɛ̍ tù ǎn tìh-ɛ, nɛ̀ kmɔ̌ nɛ-ɛ la Klai jǔ dbee tìh bo. Mɛ̌ɛ bo ɛ̀ mu̍-o ǐn dɛ̍ po̍.

Felepai 1:21 Iomraidhean Croise

1 Kɔwlɛntiɔn 1:30

Ɔ̍ nu̍ ɛ̍ wɛ̀ à ke Jusu Klai nɛ due, iě ɔ̍ nu̍ ɛ̍ wɛ̀ Klai nu̍ à flɔ̍nwlùh ke à i̍ slɛ̌-nyɔ̍. Wɛ̀ Klai nu̍ ɛ̍ iě à kɔn dǒ Nyɔsoa we̍, ɔ̀ sèìe àɔ̀ dě Klai ja̍a̍-ɛ.

1 Kɔwlɛntiɔn 3:22

Kaka la̍, Pɔɔ o, Apolo o, Pitɛ o, kmɔ̌ la o, kmɔ̌ nɛ-ɛ o, mɛ̌ɛ o, dɛ̍ᵻ nɛ-a kaka-ɛ ke jih-a mu̍-a nɛ dě nya̍-ɛ, mɔ̀ɔ̍ kɔn i̍h kli̍hgbɛ̍,

2 Kɔwlɛntiɔn 5:1

À juo ka pò à nyi̍ɔ̍ku la ɛ̀ wɔ̀-a wɛ̀ɛ̀ sɔ̍n wlù à tǐn-ae di̍i̍-ɛ, pò ɛ̍ gbɔ̀lɔ-ɛ, Nyɔsoa-a mu̍ gbò blě dě ja̍i̍wlɔ̀ à iě dě ɛ̍ di̍i̍ tǐn. Gbò ɔ̍ chɛ̀ po̍-a ɛ̀ se̍-a gbɔ̀lɔ mu̍ nɔ̌ kmɔ̌-a kmɔ̌-ɛ bo.

2 Kɔwlɛntiɔn 5:6

Ɛ̍ tìh-ɛ, à bɛ̌ wlì i̍ ti̍ kli̍hgbɛ̍ we̍. À juo ka à nɛ-a dě à nyi̍ɔ̍ku di̍i̍-ɛ, nɛ̀ à se̍ dě Joi we̍ nɛ.

2 Kɔwlɛntiɔn 5:8

À bɛ̌ wlì i̍. Ɛ̍ mu̍ à gbǐh po̍ à iě dě à nyi̍ɔ̍ku di̍i̍ sɔ, à iě dě Joi we̍ tǐn.

Kelesea 2:20

Kaka la̍ ɛ̍ se̍ mɔ̍ ɔ̀ se̍ kmɔ̌ nɛ dɛ, jɛ Klai bo ɔ̀ nɛ kmɔ̌ wɛ̀ dě ǐn ja̍a̍. Kmɔ̌ ǐn nɛ-a ka-a dě ǎn nyi̍ɔ̍ku di̍i̍-ɛ, ǐn nɛ ɛ̍-ɛ dǒ Nyɔsoa-a Jǔ wlùh gbaɛ-ɛ we̍. Ɔ̍ bo ɔ̀ jbɛɛ m wɛ̀ ɔ̍ sà ɔ̍ feɛ kwlǎ ǎn tìh.

Kelesea 6:14

Jɛ mɔ̍ɔ-ɛ, à Joi Jusu Klai-a dǒ gbàɛ̍ kɛ̍n i̍ tu̍ wlì mɛ̌ɛ tìh nɛ due bo ǎn mu̍ blɔ̌. Ɔ̍ tìh bo kmɔ̌ we̍ dɛ̍ᵻ mɛ̌ dǒ ǐn we̍, wɛ̀ ǐn mɛ̌ ke dǒ i̍h we̍.

Felepai 1:20

Dɛ̍ ǐn gbàɛ̀-a iě ǐn tè-a wlì-ɛ, ɛ̍ nu̍ ǐn se̍ ǎn chɛ̀ tɛ̀n nui mu̍ kleǐnklein. Ǎn mu̍ wlu gbài̍gbài̍ kaka, wɛ̀ pò dě nya̍-ɛ, ǐn nɛ kmɔ̌ àe̍e̍ pò ǐn mɛ̌-ɛ, wɛ̀ ǎn ku̍ kli̍hgbɛ̍ iě Klai ja̍ tè.

Felepai 1:22

Jɛ pò feɛ nɛ dǒ ǐn wɔ̍i̍n-ɛ, nɛ̀ ǎn dbo̍ nu̍-ɛa mu̍ buǒ we̍ flù-i. Sɔ nɛ̀ dɛ̍ iě-a chèɛ̀ tba̍-ɛ, ǐn se̍ ɛ̍ juo.

Felepai 1:23

Ɛ̍ tù ǐn dǒ tu̍ᵻ nynɛ̌. Ǎn pɔ̀n iě da̍a kmɔ̌ la we̍ sɔ iě Klai we̍ mu̍, ɛ̍ bo ɛ̀ nmɔ jii̍-a chɛ̀ kleǐn.

Felepai 2:21

Jɛ juh kli̍hgbɛ̍ sie-a dǒ de̍-ɛ, u̍h-a sì u̍h-a chɛ̀-a tìh sǔh, u̍h se̍ Jusu Klai-a tìh sì.

Kalase 3:4

Klai ɔ̀ nu̍-a mɔ̀-a kmɔ̌ nɛ-ɛɛ, ti̍ ɔ̍ mu̍-a tà wlǔh-ɛ, nɛ̀ mɔ̀ ke ɔ̍ mu̍ tà wlǔh dě tìh-a i̍ bɛ̌-ɛ di̍i̍.

Wlɛfeleseɔn 14:13

Wɛ̀ ǐn wɔ̌n wlu̍ ɛ̍ sɔ dě ja̍i̍wlɔ̀. Ɛ̍ la̍a̍, “Chlǐh wlu̍ la. Sɔ da̍a sèàn blǐ nyɔ̍ ùh ke Joi nɛ-a due wɛ̀ u̍h mɛ̌-aɛ, nɛ̀ u̍h nmɔ i̍.” Nyɔsoa-a Sùù la̍a̍, “Nɛ̀ u̍h nmɔ i̍ kaa̍, u̍h-a mu̍ feɛ i̍ jě. Dɛ̍nu̍ɛ, u̍h-a nu̍-dɛ̍ᵻ wɔ̀ dǒ u̍h de̍e̍.”