Felepai 1:19 - Ku̍o̍ Delee 1999

¹⁹ Dɛ̍nu̍ɛ, ǐn juo ɛ̍-ɛ kleǐn, ka mɔ̀-a ba̍le wlu̍ ke Jusu Klai-a Sùù-a ǐn we̍ gbǎ-a mu̍-a ǐn sèìe-ɛ.

Felepai 1:19 Iomraidhean Croise

Nu̍-dɛ̍ᵻ 16:7

Ti̍ u̍h nyni̍-a Maisia dǒ tùna̍ i̍-ɛ, sɔ u̍h-a pɔ̀n tùna̍ tàn-a i̍ de u̍h iě dě Betenia fɔɔ mu̍. Jɛ Jusu-a Sùù se̍ ɛ̍-ɛ wɔ̌ɛn.

Wloma 8:28

Nɛ̀ à juo i̍h nyɔ̍ ùh jbɛɛ-a Nyɔsoa-ɛ, dɛ̍-o-dɛ̍ ɛ̀ nɛ-a u̍h pùn-ɛ, ɔ̍ sàɛ̀ ɛ̍ dɛ̍ chɛ̀ dǒ u̍h we̍. U̍h bo ɔ̍ dǎ ùh iě dɛ̍ ɛ̀ kɔn di̍i̍chì ɔ̍ chɛ̍n-a nu̍.

Wloma 8:9

Mɔ̀ɔ̍ nɔ̀ɔ̍, gblɛ̍n sɔ̀ɛ̀n-a tu̍ se̍ mɔ̀ wlu̍ i̍ kɔn dɛ, jɛ Nyɔsoa-a Sùù bo ɛ̀ kɔn mɔ̀ wlu̍ i̍ wɛ̀ ka ɛ̍ nɛ-a dě mɔ̀ ja̍a̍-ɛ. Nyɔ̍ ɔ̀ Klai-a Sùù se̍-a dě ja̍a̍ nɛ-ɛ, nɛ̀ ɔ̍ se̍ dǒ Klai we̍ kɔn.

1 Kɔwlɛntiɔn 4:17

Nɛ̀ɛ̍, Timote ɔ̀ nu̍-a ǎn jǔ dě Joi-a dbo̍ nu̍-ɛ di̍i̍ iě ǐn kma-a ɔ̍ tìh wɛ̀ ǐn tè-a ɔ̍ wlì-ɛ, ɔ̍-ɔ bo ǐn dbo̍ dě mɔ̀ we̍. Ǐn dbo̍ ɔ̍ ɔ̍ iě mɔ̀ tìh wlì i̍ sǐi ka ǎn kmɔ̌ nɛ-a dě Klai ja̍a̍, iě ǎn poe-a ɛ̍ nyɔ̍ nǎ dě chɔchi̍h nyɔ̍ kli̍hgbɛ̍ nynɛ̌-ɛ.

2 Kɔwlɛntiɔn 1:11

ka mɔ̀-a gbǎ-a àɔ̀ we̍ dǒ à tàà ba̍le-ɛ we̍-ɛ. Nɛ̀ɛ̍, ba̍le wlu̍ dɔu la dǒ à we̍-ɛ, i̍h-a gba̍-a mu̍ sà-ɛ. Nɛ̀ Nyɔsoa-a mu̍ àɔ̀ pɔ̀ìě nyǐ iě nyɔ̍ dɔu iě ɔ̍ tlɔ̌ po̍ dǒ à tàà.

Kelesea 3:5

Nyɔsoa nyǐ mɔ̀ ɔ̍ Sùù iě ɔ̍ po̍ jbaɛdih dǒ mɔ̀ we̍ mɔ̀-a telě dɛ̍ɛ̍ jě tìh ɛɛ, àe̍e̍ mɔ̀ wɔ̌n pɔ̀n chɛ̀ iě mɔ̀ gbaɛ ɛ̍ wlùh dɛbo ae?

Kelesea 4:6

Mɔ̀ɔ̍ Nyɔsoa-a chɛǐ nynuu̍ dɛbo, ɛ̍ kɔn ɔ̍ dbo̍ ɔ̍ Jǔ-a Sùù dě à wlùh di̍i̍. Iě ɛ̍ sèàɛ̍ àɔ̀ wlùh ka Nyɔsoa bo ɔ̀ nu̍-a à Baa-ɛ.

Felepai 1:18

Jɛ ǎn dounᵻ se̍-e nɛ, pò ɛ̍ jɛ tù sɔ̀n ka àe̍e̍ ɛ̍ tù tìh-a taǐn-ɛ. Klai-a tìh bla̍-a nɛ due bo ɛ̀ nmɔ-ɛ m̍. Ǎn mu̍ nmɔ-ɛ dluwe̍ i̍ gba̍.

1 Pitɛ 1:11

Ka Klai-a mu̍-a jua̍i̍ sàɛ̀, wɛ̀ tìh-a i̍ bɛ̌-ɛ iě-a dǒ ɛ̍ de̍e̍ i̍ tba̍-aa, ti̍ i̍h-a mu̍-a nɛ-ɛ ke ka i̍h-a mu̍-a nɛ-ɛ nu̍-ɛ, ɛ̍ bo u̍h-a pɔ̀n juo-ɛ i̍. Iě Klai-a Sùù nɛ-a dě u̍h ja̍a̍-ɛ, wɛ̀ ɛ̍ sèàɛ̍ ɛ̍ we̍ i̍ dě u̍h we̍.