Felepai 1:15 - Ku̍o̍ Delee 1999

¹⁵ Kǎ ɛ̍ nɛ, duuh-a Klai-a tìh bla̍-a kɔ̍-o wlɛ̀n ke chɛ̀-eɛ kɛ̍n i̍. Jɛ duuh-a bla̍ ɔ̍ tìh dǒ wlùh wlǎ we̍.

Felepai 1:15 Iomraidhean Croise

Matio 23:5

Ìh kli̍hgbɛ̍ u̍h-a nu̍-aɛ, u̍h-a nu̍ i̍h u̍h iě nyɔ̍-a jlǐh gbɛ̍n. Nyɔsoa-a wlu̍-a dɛ̍ku seeɛ u̍h bla̍-a dlǔ iě u̍h pìàɛ̍n-a sɔ̍n i̍-ɛ, i̍h bo mɔ̀ iě ja̍ gbɛ̀n sǔh mɔ̀ iě jě. Ɛ̍ ke u̍h-a dɛ̍wlo̍o̍-a baie tɔ̀ɔ̀nᵻ ke.

Nu̍-dɛ̍ᵻ 10:36

Mɔ̀ juo tu̍owli ɔ̍ dbo̍-a dě Eslɔɛ nyɔ̍ we̍-ɛ, nyɔ̍-a wlùh i̍ tè-e pɔ̀n chɛ̀ la Jusu Klai ɔ̀ nu̍-a nyɔ̍ kli̍hgbɛ̍-a Joi-ɛ, dě ɔ̍ ja̍a̍ bo ɔ̍ jii wɛ̀ ɔ̍ bla̍ ɛ̍ we̍i̍.

Nu̍-dɛ̍ᵻ 11:20

Jɛ gbɔ̀gbɔ̀-ɛ, jɔ̍gbauᵻ ùh nu̍-a Nyɔsoa nyɔ̍ ùh sɔ-a Saiplɔ ke dǒ Saiwlein-ɛ, u̍h nɔ̀ɔ̍, u̍h mu̍ dǒ Antiɔ wlɔ̀ di̍i̍ iě u̍h bla̍ tìh ke dě ùh se̍-a Juu nyɔ̍-ɛ we̍. Pɔ̀n chɛ̀ ɛ̀ tba̍-a dǒ Joi Jusu pùn i̍-ɛ, ɛ̍ bo u̍h-a sèàɛ̍ u̍h wlùh.

Nu̍-dɛ̍ᵻ 5:42

Ka Jusu nu̍-a Nyɔsoa-a Chèɛ̀ Tba̍ju-ɛ, ka sɔ̀n-a sɛ̀n-a, kǎ u̍h-a mu̍ dě Nyɔsoa-a slaǎ sà gbò sɔ̀n ke gbòᵻ di̍i̍ i̍ iě u̍h-a poe ɛ̍ nyɔ̍ nǎ u̍h-a bla̍ ɛ̍ we̍i̍. U̍h-a wɔ̍n se̍ kǎ sèàn tàǎntàn.

Nu̍-dɛ̍ᵻ 8:35

Felɔ tè-a wlu-ɛ gbɔ̀-ɛ, dě Nyɔsoa-a wlu̍ laa̍ we̍ bo ɔ̍ dǔ-iɛ. Wɛ̀ ɔ̍ sèàɛ̍ kwǐ laa̍ wlùh dǒ pɔ̀n chɛ̀ ɛ̀ kɔ̍-a dǒ Jusu pùn i̍-ɛ we̍.

Nu̍-dɛ̍ᵻ 8:5

Felɔ mu̍-a dě Sɛmewlea nyɔ̍-a tùgbàwlɔ̀ di̍i̍-ɛ, wɛ̀ ɔ̍ bla̍ Nyɔsoa-a Chèɛ̀ Tba̍ju-a tìh dě nyɔ̍ nɛ-a deě-ɛ we̍.

Nu̍-dɛ̍ᵻ 9:20

Dǒ ɔ̍ nyna iě ɔ̍ mu̍ dě wɛɛ sà gbòᵻ sɔ̀n i̍ wɛ̀ ɔ̍ bla̍ tìh, ɔ̍ la̍a̍, “Jusu nu̍ Nyɔsoa-a Jǔ.”

Wloma 2:8

Jɛ nyɔ̍ duuh-a sì u̍h-a chɛ̀ tìh, wɛ̀ u̍h-a blaɛ-a tìh-a taǐn wɔ̍n, iě u̍h wɔ̀ dǒ kà kɔn-ɛ de̍e̍. U̍h nɔ̀ɔ̍, Nyɔsoa-a mu̍ u̍h jlu̍h-u gbǎ-ɛ ɔ̍ iě u̍h kàn gbɛ̍n.

1 Kɔwlɛntiɔn 1:23

Jɛ àɔ̀ nɔ̀ɔ̍, à bla̍ Klai-a dǒ tu̍ wlì kɔ̍-ɛ tìh, wɛ̀ Juu nyɔ̍-a dǎɛ ɛ̍ nyɔ̍ tàmlain poe dɛ̍. Iě ɛ̍ wɔ̀ se̍o̍nɛ dǒ ùh se̍-a Juu-ɛ we̍.

1 Kɔwlɛntiɔn 13:3

Pò ǎn jɛ nmɔ-ɛ ǎn kɔn-dɛ̍ᵻ kli̍hgbɛ̍ wlùh, wɛ̀ iě ǎn ku̍ kwlǎ sà ɛ̍ iě fɔ̍n-ɛ, jɛ pò ǐn se̍ nyɔ̍ɔ jbɛɛ-ɛ, nɛ̀ ɛ̍ se̍-o ǐn dɛ̍ po̍ mu̍.

2 Kɔwlɛntiɔn 1:19

Dɛ̍nu̍ɛ, Nyɔsoa-a Jǔ Jusu Klai ɔ̀ kɔn tìh mɔ̍ ke, Sale ke, Timote ke à bla̍-a dě mɔ̀ we̍-ɛ, ɔ̍-ɔ wɔ̌n-ɛ “I̍i̍n” ke “Iěe” tàdùè. Jɛ “I̍i̍n” bo ɛ̀ sɔ dě ɔ̍ we̍ ti̍ kli̍hgbɛ̍ we̍.

2 Kɔwlɛntiɔn 11:13

Nyɔ̍ kaɛn la Klai-a gba̍tòà-a si̍h naɛ bo. U̍h-a tmɔ̌ si̍h dǒ u̍h-a dbo̍ u̍h-a nu̍-aɛ we̍. U̍h-a nu̍ u̍h-a chɛ̀ Klai-a gba̍tòà we̍i̍.

2 Kɔwlɛntiɔn 12:20

Ǎn ple̍ faɔn pò ǐn ji̍ dě mɔ̀ we̍-ɛ, nɛ̌ je̍e mɔ̀ kɛ̍n jɛɛ wɛ̀ ka ǎn pɔ̀n-a mɔ̀ iě-a nɛ-ɛ, mɔ̀ɔ̍ se̍ la̍a̍n nɛ. Wɛ̀ nɛ̌ se̍-e ka mɔ̀-a pɔ̀n-a iě-a nɛ-ɛ nɛ ke. Nyɔ̍-se̍-juo wɔ̍ɔ̍n i̍ sà-a ke, wlɛ̀n nu̍-ɛ ke, jlu̍h-u gbǎ-a ke, klǎn kɔn-ɛ ke, nyɔ̍ wlu̍ sɔ̀nᵻ pùn i̍ po̍-ɛ ke, nyɔ̍ chɛ̍n-ɛ ke, nyɔ̍-a chɛ̀ i̍ bɛ̌-ɛɛ ke dɛ̍ᵻ ja̍i̍ gbà-a je̍e dě mɔ̀ nynɛ̌ nɛ.

2 Kɔwlɛntiɔn 4:5

Ɛ̍ se̍ à chɛ̀-a tìh à se̍ bla̍. À bla̍ ka Jusu Klai nu̍-a Joi-ɛ tìh, ɛ̍ ke ka à nu̍-a mɔ̀-a pòi̍nynuu̍ Jusu-a tìh-ɛ ke.

Kelesea 2:4

Nyɔ̍ ùh tba̍-o bu̍h sǔh-ɛ, ɛ̍ nu̍ de̍di̍i̍ᵻá si̍h naɛ ùh gbǎ-a à nynɛ̌ soɛɛ, iě u̍h-a klǎɛ à jlǐhɛ̍-ɛ. Wɛ̀ u̍h iě ka à nu̍-a sèìe-ɛ dě Jusu Klai ja̍a̍-ɛ we̍ i̍ ju̍o̍e. Wɛ̀ u̍h iě àɔ̀ telě-a kèi̍ we̍i̍ nu̍ dode̍.

Felepai 2:3

Mɔ̀ tǎli klǎn kɔn dɛ i̍, mɔ̀ bɔ̌ mɔ̀-a chɛ̀ i̍ bɛ̌-ɛ. Jɛ mɔ̀ ja mɔ̀-a chɛ̀ wlù dě mɔ̀-a sǔh nynɛ̌, nɛ̀ mɔ̀ jě nyɔ̍ duuh chɛ̀ ka ɛ̍ iě mɔ̀-a chɛ̀ sìì.

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.