Felepai 1:13 - Ku̍o̍ Delee 1999

¹³ Kɔ̀mla̍ gbò-a jlǐhɛ̍ tù nyɔ̍ ke nyɔ̍ kli̍hgbɛ̍ juo ɛ̍ i̍ ka ǐn gbǎ-a kasoo Klai-a tìh-ɛ.

Felepai 1:13 Iomraidhean Croise

Nu̍-dɛ̍ᵻ 26:29

Pɔɔ la̍a̍, “Ti̍ tile o, ti̍ tɔ̀ɔ̀n o, ǎn ba̍le Nyɔsoa ɛ̍ iě laǎn nɛ. Ɛ̍ se̍ ìn nɛ due, jɛ nyɔ̍ kli̍hgbɛ̍ ùh-a po̍-a nɔ̌ ǐn we̍ dounᵻ da̍a sèàn-ɛ, kǎ ǐn nɛ-aɛ, u̍h iě laǎn nɛ. Jɔɔdbǔᵻ la i̍h kɔn tɛ̀ ǐn sà-o.”

Nu̍-dɛ̍ᵻ 26:31

U̍h-a mu̍-a la̍-ɛ, nɛ̀ kǎ u̍h-a wlu, u̍h la̍a̍, “Jɔ̍gbau la dɛ̍-o-dɛ̍ ɔ̍ iě-a nu̍ wɛ̀ nyɔ̍ iě-a ɔ̍ dbǎ, àe̍e̍ ɔ̍ iě-a kasoo gbǎ-ɛ, ɛ̍ se̍ nɛ.”

Nu̍-dɛ̍ᵻ 28:17

Wǐh ta̍a̍n sì-aɛ, wɛ̀ Pɔɔ po̍ Juu-a wlu̍ kwa̍ blě nyɔ̍ nɛ-a doǒ-ɛ tàdùè. Wɛ̀ ɔ̍ la̍a̍ dě u̍h we̍, “De̍di̍i̍ᵻ, ǐn se̍ dɛ̍ sɔ̀n nu̍ dǒ à blǐ nyɔ̍ ke à baaᵻá nu̍-dɛ̍ᵻ we̍, wɛ̀ u̍h gbɛ̍n m̍ dǒ Juluslɛn wlɔ̀ di̍i̍. Iě u̍h sà-ɛ ǐn Wloma nyɔ̍ kwlǎ.

Nu̍-dɛ̍ᵻ 28:20

Ɛ̍ kɔn ǐn tèle mɔ̀-a tìh i̍ iě mɔ̀ jě, wɛ̀ iě wlu dě mɔ̀ we̍. Dɛ̍nu̍ɛ, ɔ̀ kɔn tìh Eslɔɛ nyɔ̍ tè-a wlùh kɛ̍n-ɛ, ɛ̍ kɔn mɔ̍ u̍h sa̍n-ɛ jɔɔdbǔ la.”

Nu̍-dɛ̍ᵻ 28:30

Sɔ̀nᵻ sɔɔ̌n gblàà bo Pɔɔ sì dě ɔ̍ chɛ̀-a i̍ gbɛ̍n gbò di̍i̍. Nɛ̀ nyɔ̍ kli̍hgbɛ̍ ùh-a ji̍-a i̍ nala dǒ ɔ̍ we̍-ɛ, ɔ̍ gbà u̍h wlì.

Ɛfɛsɔ 3:1

Dɛ̍ laa̍ ɛ̀ Nyɔsoa nu̍-a, ɛ̍ kɔn tìh ǎn ba̍le ɔ̍. Mɔ̀ɔ̍ ùh se̍-a Juu nyɔ̍-ɛ mɔ̀-a tìh bo wɛ̀ ǐn nu̍ Jusu Klai-a pòi̍ju, iě ǐn nu̍ ka gbɛ̍n-nyɔ̍.

Ɛfɛsɔ 4:1

Nɛ̀ɛ̍, mɔ̍ ɔ̀ tù-a Joi tìh wɛ̀ ɔ̀ nu̍-a gbɛ̍n-nyɔ̍-ɛ, ǐn gbɛ̍n mɔ̀-a bu̍hᵻ i̍, mɔ̀ iě dě kmɔ̌ ɛ̀ kɔn tìh Nyɔsoa dǎ-a mɔ̀-ɛ di̍i̍ nɛ.

Ɛfɛsɔ 6:20

Pɔ̀n chɛ̀-a tìh bo ǎn wlu dě Klai we̍, ɛ̍ kɔn tìh bo ǐn nɛ ka dě jɔɔdbǔᵻ di̍i̍. Jɛ mɔ̀ ba̍le dǒ ǎn tàà wɛ̀ ka ǐn kɔn iě-a pɔ̀n chɛ̀-a tìh bla̍-a nu̍ gbài̍gbài̍-ɛ, iě laǎn nu̍.

Felepai 1:30

Mɔ̀-a chɛ̀-a fɔ̀n tu̍h la ke, tu̍h mɔ̀ jě-a m ǎn fɔ̀n-a se̍e̍-ɛ, ɛ̍ bo mɔ̀-a wɔ̌n-a ǎn fɔ̀n-a ke̍ ma̍u̍.

Felepai 1:7

Ɛ̍ slɛ̌ i̍ ǎn wlùh iě ka wa̍-a nu̍ mɔ̀-a tìh. Dɛ̍nu̍ɛ, mɔ̀-a dɛ nɛ-a dǒ ǐn wlì-ɛ, ɛ̍ bɛ̌ i̍. Nɛ̀ ǎn pɔ̀n chɛ̀ kɛ̍n wlǔh-ɛ ke, ǎn ɛ̍ i̍ kui-ɛ ke, ǎn dě kasoo nɛ-ɛ ke, mɔ̀ kli̍hgbɛ̍ ke ǐn ke à nu̍ i̍h dě Nyɔsoa-a blɛ nɛ-ɛ di̍i̍.

Felepai 4:22

Nyɔsoa nyɔ̍ kli̍hgbɛ̍ nɛ-a nɔ̍ɔ̀-ɛ, u̍h la̍ u̍h sà mɔ̀ nyinɔ̍ i̍. Ùh nɛ-a dě à Bloa̍ Joi blǐ gbò-ɛ bo ǎn dǎ gbe̍i̍n.

2 Timote 2:9

Pɔ̀n chɛ̀-a tìh-a chɛ̀ bo ǎn sàɛ̀-a jua̍i̍, wɛ̀ ǐn nɛ-a dě jɔɔdbǔᵻ ka telě wa̍ nyɔ̍-ɛ. Jɛ Nyɔsoa-a wlu̍ nɔ̀ɔ̍, ɛ̍ se̍ dě jɔɔdbǔᵻ nɛ.