Felepai 1:11 - Ku̍o̍ Delee 1999

¹¹ Weɛ̍ laa̍ ɛ̍ iě ji̍-ɛ, i̍-i slɛ̌-ɛ ɛ̀ jii-a dě Jusu Klai ja̍a̍-ɛ, ɛ̍ iě mɔ̀ tlo-e ti̍ kli̍hgbɛ̍ we̍. Nɛ̀ ɛ̍ mu̍ Nyɔsoa-a nynɛ̌ i̍ bɛ̌-ɛ, ɔ̍ iě tìhwe̍ poe-ɛ.

Felepai 1:11 Iomraidhean Croise

Matio 5:16

Ɛ̍ tìh-ɛ, mɔ̀-a sɔ̀npli bo ɛ̀ iě fa̍n dǒ nyɔ̍gbei we̍, nɛ̀ mɔ̀-a nu̍-dɛ̍ᵻ chɛ̀ bo u̍h-a mu̍ jě sasǎ, wɛ̀ u̍h iě mɔ̀ Baa Nyɔsoa nɛ-a dě ja̍i̍wlɔ̀-ɛ tìhwe̍ po̍.”

Chɔɔn 15:16

Mɔ̀ se̍ ǐn chèɛ̀ tba̍, mɔ̍ bo ɔ̀ tba̍ mɔ̀ chèɛ̀ iě ǐn dbo̍ mɔ̀ mɔ̀ iě buǒᵻ ìh se̍-a jii̍ nyni la̍ kɔn-ɛ po̍. Nɛ̀ pò mɔ̀ jbǎ-ɛ Baa dɛ̍ dǒ ǎn nynɛ̌ kɛ̍n-ɛ, nɛ̀ ɔ̍ mu̍ ɛ̍ mɔ̀ nyǐ.

Chɔɔn 15:2

Bu̍h jɛ nɛ-a dǒ ǐn pùn ɛ̀-ɛ tlo-aɛ, nɛ̀ ɔ̍ chɛ̍n ɛ̍ doǒ. Jɛ jɛ tlo-aɛ, nɛ̀ ɔ̍ gbɛ̀n dǒ ɛ̍ we̍ i̍, wɛ̀ ɛ̍ iě dɛ̍ dɔu tlo.

Chɔɔn 15:8

Mɔ̀-a buǒᵻ dɔu tlo-ɛ bo ɛ̀ bɛ̌-ɛ ǐn Baa-a nynɛ̌ i̍. Ɛ̍ bo ɛ̀ flɔn-ɛ ɛ̍ we̍i̍ ka mɔ̀ nu̍-a ǎn kòà-ɛ.

Wloma 15:28

Pò ǐn wɔ̀ dbo̍ la i̍ wɛ̀ iě nyǐ-dɛ̍ la kwlǎ sà-a wɔ̀-ɛ, nɛ̀ ǎn mu̍ dě mɔ̀ we̍ jii wɛ̀ iě Simii mu̍-ɛ dǔ.

Wloma 6:22

Jɛ kaka la̍ gblɛ̍n sɔ̀ɛ̀n se̍ mɔ̀ wlu̍ i̍ kɔn dɛ, iě mɔ̀ nu̍ ka Nyɔsoa-a kèi̍ᵻ. Ɛ̍ nu̍ ɛ̍ iě mɔ̀ kɔn dǒ Nyɔsoa we̍, iě ɛ̍ nu̍ ɛ̍ wɛ̀ mɔ̀ blě kmɔ̌ sie feɛ.

1 Kɔwlɛntiɔn 10:31

Ɛ̍ tìh-ɛ, pò mɔ̀ ja dɛ̍ di̍ o, mɔ̀ ja nǐ nǎ o, dɛ̍-o-dɛ̍ mɔ̀-a mu̍-a nu̍-ɛ, mɔ̀ nu̍ ɛ̍ dǒ Nyɔsoa-a tìh-a i̍ bɛ̌-ɛ we̍.

2 Kɔwlɛntiɔn 9:10

Nyɔsoa bo ɔ̀ nyǐ po̍-dɛ̍ᵻ gbà nyɔ̍ dɛ̍ᵻ jɔ̌. Ɔ̍-ɔ due laa̍ bo ɔ̀ nyǐ nyɔ̍ kli̍hgbɛ̍ di̍-dɛ̍ᵻ. Ɔ̍ mu̍ mɔ̀ dɛ̍ᵻ jɔ̌ kli̍hgbɛ̍ nyǐ, wɛ̀ ɔ̍ iě ɛ̍ nu̍ i̍h iě ku̍, wɛ̀ ɔ̍ iě mɔ̀-a nu̍-dɛ̍ᵻ chɛ̀-a jě-e dɛ̍ᵻ i̍ tìè-e.

Ɛfɛsɔ 1:12

Àɔ̀ nu̍-a sàǐtòò nyɔ̍ à kɔ̍-a Klai wlùh i̍-ɛ, dě à ja̍a̍ bo Nyɔsoa-a tìh-a i̍ bɛ̌-ɛa tìhwe̍ po̍-ɛ iě-e sɔ.

Ɛfɛsɔ 1:14

Sùù laa̍ bo ɛ̀ nu̍ ɔ̍ wlu̍-a gbǎ ka à mu̍-a dɛ̍ᵻ ɔ̍ tè-a i̍ dǒ à we̍-ɛ jě-ɛ. Kǎ ɛ̍ mu̍ nɛ te̍e̍ wɛ̀ Nyɔsoa iě ɔ̍ nyɔ̍ sèìe. Ɛ̍ tìh-ɛ, mɔ̀ à bɛ̌-ɛ ɔ̍ nynɛ̌ i̍.

Ɛfɛsɔ 2:10

Nyɔsoa nu̍ àɔ̀ iě ɔ̍ nyǐ àɔ̀ feɛ delee. Jusu Klai bo ɔ̀ nu̍ ɛ̍ iě à nu̍ dbo̍ chɛ̀, ìh Nyɔsoa po̍-a gba̍a̍ se̍e̍ à iě-a nu̍-ɛ.

Ɛfɛsɔ 5:9

Dɛ̍nu̍ɛ, sɔ̀npli naɛ tlo-buǒᵻ nu̍ dɛ̍ᵻ kli̍hgbɛ̍ ìh nu̍-a dɛ̍ᵻ chɛ̀ ìh slɛ̌-a i̍-ɛ ke ìh nu̍-a tìh-a taǐn-ɛ.

Felepai 4:17

Ɛ̍ se̍ nyǐ-dɛ̍ᵻ ǐn se̍ i̍ pɔ̀n sǔh, jɛ ǎn pɔ̀n dɛ̍ mɔ̀ nu̍-aɛ, wɛ̀ mɔ̀ iě ɛ̍ dɛ̍ kɛ̍n jě.

Kalase 1:10

Pò ɛ̍ nɛ laan-ɛ, nɛ̀ mɔ̀-a mu̍ dě kmɔ̌ ɛ̀ po̍-a Joi gbǐh-ɛ di̍i̍ nɛ, mɔ̀ iě ɔ̍ wlùh i̍ tè-e mɔ̀ iě tlo dě dbo̍ chɛ̀ kli̍hgbɛ̍ di̍i̍. Nɛ̀ mɔ̀-a mu̍ ku̍ dě Nyɔsoa juo-ɛ di̍i̍.

Kalase 1:6

Pɔ̀n chɛ̀ la ɛ̍ ku̍ i̍ iě ɛ̍ wɔ̀ ka bloa̍ kli̍hgbɛ̍ dlǔ. Kǎ ɛ̍ nu̍ ke dě mɔ̀ nynɛ̌ sɔ dǒ weɛ̍ mɔ̀ wɔ̌n-a ɛ̍ iě mɔ̀ ju̍o̍e-a Nyɔsoa-a blɛ we̍ i̍-ɛ.

2 Tɛsoloniɔn 1:12

Wɛ̀ à Joi Jusu-a nynɛ̌ iě i̍ bɛ̌ dě mɔ̀ ja̍a̍, iě mɔ̀ naɛ iě i̍ bɛ̌ ke dě à Nyɔsoa ke Joi Jusu Klai-a blɛ nɛ-ɛ di̍i̍.

Taitɔ 3:14

Nɛ̀ ìn nu̍ ɛ̍ à nyɔ̍ laa̍ u̍h iě dɛ̍ chɛ̀ nu̍-ɛ we̍ fòè-ɛ cheǎn, wɛ̀ u̍h iě dɛ̍ᵻ kli̍hgbɛ̍ u̍h nɛ-a blě ka̍-a blě. Jɛ u̍h bɔ̌ dě pɔ̀ɔ̍pìe̍ kmɔ̌ di̍i̍ nɛ-ɛ.

Iblu 12:11

Pò à ja gblɛ̍n kwa̍ i̍ sà-ɛɛ, nɛ̀ ɛ̍ kma-ɛɛ à ku̍ wɔ̍n, ɛ̍ se̍ wɔ̍n nmɔ dǒ ti̍ laa̍ di̍i̍. Jɛ dě nya̍ wɛ̀-ɛ, iě nyɔ̍ ùh sà-ɛa gblɛ̍n kwa̍ i̍-ɛ, wɛ̀ u̍h-a jě wlùh-a i̍ tè-ɛ ɛ̀ sɔ-a dě i̍ slɛ̌-ɛ di̍i̍-ɛ.

1 Pitɛ 2:12

Mɔ̀ tù mɔ̀-a chɛ̀-a nu̍-dɛ̍ᵻ jlǐhɛ̍ dě nyɔ̍ ùh se̍-a Nyɔsoa juo-ɛ nynɛ̌. Wɛ̀ pò u̍h la̍ mɔ̀ɔ̍ dɛ̍ᵻ sɔ̀nᵻ nu̍ nyɔ̍-ɛ, iě u̍h iě mɔ̀-a nu̍-dɛ̍ᵻ chɛ̀ jě, wɛ̀ u̍h iě Nyɔsoa tìhwe̍ po̍ dǒ ɔ̍ ji̍ la̍.

1 Pitɛ 2:5

Mɔ̀ wɔ̀ kmɔ̌ nɛ sɔɔ̌ ke. Mɔ̀ɔ̍ bo Nyɔsoa dǔ-u, iě ɔ̍ poe mɔ̀ ɔ̍ Sùù-a gbò, wɛ̀ mɔ̀ iě nɛi̍ wɛ̀ slaǎ sà nyɔ̍ nu̍. Nɛ̀ mɔ̀ sà slaǎ Sùù ka, ɛ̀ Nyɔsoa-a mu̍-a i̍ gbɛ̍n dě Jusu Klai ja̍a̍-ɛ.

1 Pitɛ 2:9

Jɛ mɔ̀ɔ̍ Nyɔsoa-a chèɛ̀ tba̍ nyɔ̍, Blǔh Baa-a slaǎ sà nyɔ̍, mɔ̀ɔ̍ nɛi̍ wɛ̀ bloa̍. Mɔ̀ɔ̍ Nyɔsoa-a chɛ̀-a nyɔ̍, ɔ̍ dǎ mɔ̀ mɔ̀ iě dě kwile-e sɔ mɔ̀ iě ɔ̍ nyɔ̍ wɔ̍n flɔn sɔ̀npli we̍ ji̍. Ɔ̍ tba̍ mɔ̀ chèɛ̀ mɔ̀ iě nyɔ̍ wɔ̍n flɔn-ɛ dɛ̍ᵻ ɔ̍ nu̍-aɛ bla̍.

1 Pitɛ 4:14

Pò u̍h po̍ mɔ̀ wlu̍ pùn mɔ̀-a Klai de̍e̍ gbǎ tìh-ɛ, nɛ̀ mɔ̀ nmɔ i̍. Dɛ̍nu̍ɛ, tìh-a i̍ bɛ̌-ɛ Sùù ɛ̀ kɔn-a dǒ Nyɔsoa we̍-ɛ, nɛ̀ ɛ̍ nɛ mɔ̀ kɛ̍n.