Felepai 1:10 - Ku̍o̍ Delee 1999

¹⁰ Nɛ̀ mɔ̀-a mu̍ dɛ̍ chɛ̀ klɛ̀ɛ̀n-ɛ bɛ̌ɛ. Nɛ̀ mɔ̀-a nynɛ̌ se̍ kɔ̌ mu̍ wɛ̀ mɔ̀ iě wlaǎwla nɛ dǒ Klai-a ji̍-i weɛ̍ di̍i̍.

Felepai 1:10 Iomraidhean Croise

Matio 16:23

Wɛ̀ Jusu fèàɛ̀, iě ɔ̍ la̍a̍, “Pitɛ, mɔ̀ Setɔn, sɔ da̍a ǐn jua̍a̍ i̍. Àn ka̍n ǎn wìè. Ìn se̍ Nyɔsoa wlùh blě, kmɔ̌ nyɔ̍-a wlùh bo ìn blě.”

Matio 26:33

Wɛ̀ Pitɛ la̍a̍, “Pò juh kli̍hgbɛ̍ la u̍h gbǎ kwlǎ-a chɛ̀ àn tìh-ɛ, mɔ̍ɔ, ǐn se̍ gba̍ kwlǎ gbǎ nɔ̌ kmɔ̌.”

Chɔɔn 1:47

Dǒ Jusu jě-e Natanio nɛ̀ ɔ̍ ji̍ ɔ̍ wlì. Iě Jusu bla̍ ɔ̍ dɛ we̍i̍, ɔ̍ la̍a̍, “Ɔ̀ la bo ɔ̀ nu̍ Eslɔɛ jǔ gbe̍i̍n, si̍h dɛ se̍ dě ɔ̍ ja̍a̍ nɛ.”

Chɔɔn 3:20

Nyɔ̍-o-nyɔ̍ ɔ̀ nu̍-a dɛ̍ᵻ sɔ̀nᵻɛ́, nɛ̀ ɔ̍ faɛn sɔ̀npli, nɛ̀ ɔ̍-ɔ ji̍ dǒ sɔ̀npli we̍. Dɛ̍nu̍ɛ, nɛ̀ ɔ̍ dɛ̍ᵻ sɔ̀nᵻá mu̍ kɛ̍n nyɛ.

Nu̍-dɛ̍ᵻ 24:16

Ɛ̍ kɔn ǎn po̍-e gbǐh ti̍ kli̍hgbɛ̍ we̍, wɛ̀ nɛ̌ je̍e dɛ̍ nu̍ ɛ̍ je̍e ǎn wlùh-u kǎ dǒ Nyɔsoa ke wlɔ̀ nyi̍ɔ̍ we̍.

Wloma 12:2

Mɔ̀ bɔ̌ kmɔ̌ la ɛ̍ we̍ dɛ̍ᵻ nu̍-ɛ dɛ, jɛ nɛ̀ wlùh-a delee i̍ gbǎ-a Nyɔsoa nyǐ-a mɔ̀-ɛ bo mɔ̀ iě dě di̍i̍ nɛ la̍ sǔh. Nɛ̀ mɔ̀-a mu̍ Nyɔsoa-a wlùh juo-ɛ bɛ̌ɛ. I̍h bo ìh nu̍-a dɛ̍ chɛ̀ ke, ɔ̍ gbǐh po̍ dɛ̍ ke gblɛ̍ja̍i̍ wɛ̀-ɛ.

Wloma 12:9

Mɔ̀-a jbɛɛ bɔ̌ kǐh i̍ nɛ-ɛ. Mɔ̀ faɛn dɛ̍ sɔ̀n-ɔ, mɔ̀ iě dɛ̍ chɛ̀ sɔ̍nᵻ sɔɔ̌n i̍ gbɛ̍n-ɛ.

Wloma 16:17

Ǐn de̍di̍i̍ᵻ, ǐn gbɛ̍n mɔ̀-a bu̍hᵻ i̍, nyɔ̍ ùh-a nui-a nyɔ̍ gblɛ̍n sɔ̀ɛ̀n wɛ̀ u̍h-a che̍ɛ̍ɛn-a nyɔ̍ i̍-ɛ, mɔ̀ nu̍ u̍h-a nɛnɛ̌ o. Ùh faɛn-a dɛ̍ ɛ̀ mɔ̀-a nǎ poe nyɔ̍ poe-a mɔ̀ nǎ-a, nɛ̀ mɔ̀ sà u̍h sɔ̍n-ɔ i̍.

Wloma 2:18

Ìn juo Nyɔsoa-a wlùh dɛ. Ìn wɔ̌ɛn dɛ̍ ɛ̀ slɛ̌-a i̍-ɛ tìh i̍, dɛ̍nu̍ɛ, ìn poe-ɛ slɛ̌ chèɛ̀ i̍ dě telě di̍i̍.

Wloma 7:16

Ka dɛ̍ ǐn se̍-a pɔ̀n iě-a nu̍-ɛ bo ǎn nu̍-a la̍-ɛ, nɛ̀ ɛ̍ to ɛ̍ ka ǐn wɔ̌ɛn-ɛ ka telě nmɔ-a jii̍-ɛ.

Wloma 7:22

Ǎn wlùh nɔ̀ɔ̍ ɛ̍ gbǎ mɔna̍-a kaa̍ dǒ Nyɔsoa-a telě we̍ de wa.

Wloma 8:7

Nɛ̀ɛ̍, nyɔ̍ ɔ̀ kɔn wlùh gblɛ̍n sɔ̀ɛ̀n-a tu̍ kɔn-a wlu̍ i̍-ɛ, nɛ̀ ɔ̍ tbaɛ Nyɔsoa bu̍hᵻ i̍. Ɔ̍ se̍ Nyɔsoa-a telě dɛ̍ɛ̍ jě-ɛ bɛ̌ɛ, ka ɛ̍ nɛ chɛ̀.

1 Kɔwlɛntiɔn 1:8

Ɔ̍ mu̍ mɔ̀-a wlùh gbaɛ-ɛ i̍ kui te̍e̍ wɛ̀ mɔ̀ɔ̍ jěe nɛi̍ nɛ dǒ weɛ̍ à Joi Jusu Klai-a mu̍-a ja-ɛ di̍i̍.

1 Kɔwlɛntiɔn 10:32

Juu nyɔ̍ o, se̍ Juu o, Nyɔsoa-a chɔchi̍h-a nyɔ̍ o, bɔ̌ u̍h-a nyɔ̍ gblɛ̍n sɔ̀ɛ̀n nui-ɛ.

1 Kɔwlɛntiɔn 8:13

Ɛ̍ tìh-ɛ, nmi̍ɛ̍ ǎn di̍-aɛ, pò ɛ̍ ja ǐn de̍di̍i̍ i̍ kà mu̍ dě gblɛ̍n sɔ̀ɛ̀n di̍i̍-ɛ, nɛ̀ ǐn se̍ ɛ̍ di̍ mu̍ dɛ kleǐnklein, wɛ̀ nɛ̌ je̍e ǐn de̍di̍i̍ i̍ kà dě gblɛ̍n sɔ̀ɛ̀n di̍i̍.

2 Kɔwlɛntiɔn 1:12

À wlùh se̍ kǎ dǒ dɛ̍ᵻ kli̍hgbɛ̍ à nu̍-a nɔ̌ kmɔ̌ la we̍-ɛ. À nu̍ i̍h dǒ wlùh wlǎ ke wlùh-a kɛ̍n i̍ flɔn-ɛ ɛ̀ sɔ-a dě Nyɔsoa we̍-ɛ we̍. Ìh à nu̍-a mɔ̀ pùn-ɛ bo ǎn dǎ chɛ̀ɛ̌chɛ̀. Ɛ̍ kɔn à po̍ bu̍hᵻ wlù i̍. Ɛ̍ se̍ nyɔ̍-a flɔ̍nwlùh à se̍ ɛ̍ nui, jɛ dǒ Nyɔsoa-a blɛ we̍ bo.

2 Kɔwlɛntiɔn 2:17

À ke nyɔ̍ dɔu ùh-a ple̍-a Nyɔsoa-a wlu̍-ɛ se̍ wɔ̀ɛ. Dɛ̍nu̍ɛ, Nyɔsoa bo ɔ̀ dbo̍ àɔ̀. Tìh gbɛ̍n àɔ̀ i̍ dǒ wlu la̍ dǒ Nyɔsoa jǔ ka Klai-a pòi̍nynuu̍-ɛ.

2 Kɔwlɛntiɔn 6:3

À se̍ pɔ̀n nyɔ̍-o-nyɔ̍ iě à dbo̍ kɛ̍ pùn jě. Ɛ̍ kɔn à fɔ̀n dɛ̍ we̍, à-a je̍e ɛ̍ nu̍ nyɔ̍-o-nyɔ̍ je̍e gbèle.

2 Kɔwlɛntiɔn 8:8

Ǐn se̍ ɛ̀ laa̍ sà iě mɔ̀ telě nyǐ mɔ̀ iě nu̍. Jɛ nyɔ̍ duuh-a nyɔ̍ tìh kma-a tɛ̀n mɔ̀ɔ̍ pò mɔ̀-a jbɛɛ-ɛ nu̍ jbɛɛ chɛ̀ɛ̌chɛ̀-ɛ.

Kelesea 5:11

Ǐn de̍di̍i̍ᵻ, pò ǐn ja plɔ̀n gbǎ tìh bla̍-a dluwe̍ i̍ gba̍ wɛ̀ iě ka nu̍ ɛ̍ nmɔ jii̍-ɛ, nɛ̀ dɛ̍-ɛ tìh u̍h-a jě-e ǐn klě ɛ? Pò ɛ̍ nɛ la̍a̍n-ɛ, nɛ̀ tìh ǎn bla̍-a dǒ Klai-a gbàɛ̍ kɛ̍n i̍ tu̍ wlì mɛ̌ɛ dɛ we̍-ɛ, nɛ̀ ɛ̍ se̍ nyɔ̍ɔ wɔ̍i̍n nyaɛ mu̍ de.

Ɛfɛsɔ 4:15

Jɛ pò à ja la̍ tìh-a taǐn sà dě jbɛɛ di̍i̍-ɛ, nɛ̀ à mu̍ ku̍ tà kli̍hgbɛ̍ wɛ̀ à iě Klai wɔ̀ ɔ̀ nu̍-a chɔchi̍h-a dlǔ-ɛ.

Ɛfɛsɔ 5:10

Mɔ̀ fɔ̀n dɛ̍ we̍ mɔ̀ iě dɛ̍ ɛ̀ tè-ea Joi-a wlùh i̍-ɛ cheǎn.

Ɛfɛsɔ 5:27

Ɔ̍ nu̍ ɛ̍-ɛ wɛ̀ chɔchi̍h iě dǒ ɔ̍ we̍ i̍ wɔ̀ wɛ̀ ɛ̍ iě maloo nɛ. Ɛ̍ ku̍ se̍ tlǎ, iě ɛ̍ fɛ̍nɛ. Dɛ̍wɛ dɛɛ-a chɛ̀ se̍ ɛ̍ i̍ nɛ ke. Ɛ̍ wɛ̀ nɛi̍ iě ɛ̍ nynɛ̌ se̍ kɔ̌.

Ɛfɛsɔ 6:24

Nɛ̀ nyɔ̍ kli̍hgbɛ̍ ùh blě-a jbɛɛ ɛ̀ se̍-a siee la̍ kɔn dǒ à Joi Jusu Klai we̍-ɛ, Nyɔsoa-a blɛ nɛ dǒ u̍h we̍ o.

Felepai 1:16

U̍h nu̍ ɛ̍-ɛ dǒ jbɛɛ we̍, dɛ̍nu̍ɛ, u̍h juo ɛ̍-ɛ Nyɔsoa po̍ ǐn da̍a iě pɔ̀n chɛ̀ kɛ̍n wlǔh.

Felepai 1:6

Nɛ̀ ǐn tè ɛ̍ wlì kleǐn Nyɔsoa ɔ̀ tè-a dbo̍ chɛ̀ la gbɔ̀ dě mɔ̀ ja̍a̍-ɛ, ɔ̍ mu̍ ɛ̍ nya̍ gba̍ te̍e̍ wɛ̀ ɛ̍ iě i̍ wɛ̀ gblaan dǒ Jusu Klai-a ji̍-i weɛ̍ di̍i̍.

Felepai 2:16

ka mɔ̀ gbɛ̍n-a tu̍owli la ɛ̀ nyǐ-a nyɔ̍ feɛ-ɛ, ɛ̍ nya̍ gba̍-a i̍-ɛ. Pò mɔ̀ ja laan nu̍-ɛ, nɛ̀ ɛ̍ mu̍ ǎn bu̍hᵻ dlǔ bɛ̌-ɛ dǒ weɛ̍ Klai-a mu̍-a ji̍-ɛ di̍i̍. Nɛ̀ ǎn gbǐh se̍-e gbɔ̀lɔ mu̍ dǒ dbo̍ dɔu ǐn nu̍-aɛ we̍.

1 Tɛsoloniɔn 3:13

Wɛ̀ ɔ̍ iě mɔ̀ gbǐh nyǐ, mɔ̀ iě gblɛ̍ja̍i̍ wɛ̀, mɔ̀ iě dǒ à Baa Nyɔsoa nɛ due we̍ kɔn dǒ à Joi Jusu ke ɔ̍ nu̍ nyɔ̍ kli̍hgbɛ̍-a ji̍ la̍-a.

1 Tɛsoloniɔn 5:21

Mɔ̀ tɛ̀n dɛ̍ᵻ kli̍hgbɛ̍-ɛ, nɛ̀ mɔ̀ gbɛ̍n jii̍ nmɔ naɛ i̍.

1 Tɛsoloniɔn 5:23

Ǎn sà nǐ wɔ̍n Nyɔsoa ɔ̀ nyǐ-a nyɔ̍ wlùh-a i̍ tè-ɛ, ɔ̍ iě mɔ̀ flɛ̀n wɔ̀ te̍kle̍e̍. Nɛ̀ ǎn sà nǐ wɔ̍n dɛ ɔ̍ iě mɔ̀-a sùù ke, feɛ ke, mɔ̀-a nyi̍ɔ̍ku nɛi̍ wɔ̀ dǒ à Joi Jusu Klai-a ji̍ la̍.

1 Chɔɔn 4:1

Ǎn tìh kma nyɔ̍, mɔ̀ bɔ̌ nyɔ̍ kli̍hgbɛ̍ ùh la̍ ùh blě-a Nyɔsoa-a Sùù-ɛ wlùh gbaɛ. Mɔ̀ tɛ̀n u̍h-u pò u̍h sɔ dě Nyɔsoa we̍-ɛ. Dɛ̍nu̍ɛ, Nyɔsoa-a tu̍owli po̍ nyɔ̍-a si̍h naɛ dɔu-a sì la̍ blǔh we̍.

Wlɛfeleseɔn 2:2

Ǐn juo mɔ̀-a nu̍-dɛ̍ᵻ ke mɔ̀-a kmu-u dbo̍ nu̍-ɛ ke wlùh i̍ gbɛ̍n-ɛ. Ǐn juo ka mɔ̀ faɛn-a dɛ̍ᵻ sɔ̀nᵻ nyɔ̍-ɛ. Mɔ̀ tɛ̀n nyɔ̍ ùh-a dǎɛ-a u̍h-a chɛ̀ Klai-a gba̍tòà jɛ nɛ̀ ɛ̍ se̍-a u̍h mɔ-ɛ. Wɛ̀ mɔ̀ juo u̍h-a si̍h tmɔ̌ tìh. Ǐn ju̍o̍e i̍h we̍ i̍ kli̍hgbɛ̍.