Ɛfɛsɔ 6:9 - Ku̍o̍ Delee 1999

⁹ Dlǔtuᵻ, mɔ̀ ple̍ tìh i̍ ke dǒ mɔ̀-a kèi̍ᵻ we̍, jɛ mɔ̀ bɔ̌ u̍h plǐn-ɛ. Dɛ̍ mɔ̀ iě-a juo-ɛ, ɛ̍ nu̍ u̍h ke mɔ̀ blě Dlǔtu due, ɔ̀ nɛ-a dě ja̍i̍wlɔ̀ ɔ̀-ɔ sà-a wìè fɔ̌ due-ɛ.

Ɛfɛsɔ 6:9 Iomraidhean Croise

Matio 22:10

Iě ɔ̍ pòi̍nynuu̍ mu̍ dě wlɔ̀gbàɛ̀, wɛ̀ u̍h po̍ nyɔ̍ chɛ̀ ke nyɔ̍ sɔ̀ɛ̀n kli̍hgbɛ̍ u̍h jě-aɛ tàdùè. Sɔ peě tù-i gbò-a chɛ̀ jǐ-i dǒ dihwi̍hᵻ we̍.

Matio 22:8

Wɛ̀ ɔ̍ la̍a̍ dě ɔ̍ pòi̍nynuu̍ duuh we̍, ‘Nynɔ̌ peě la ɛ̍ ti̍ nyni̍ wɛ̀. Jɛ nyɔ̍ ǐn dbo̍-a wlu̍ we̍ i̍-ɛ, u̍h se̍ ɛ̍ ka̍ nɛ.

Matio 24:48

Jɛ pò gblɛ̍n-ɛ jii̍ nyni pòi̍ju laa̍ ɔ̍ dǎ ka dě ɔ̍ chɛ̀ we̍, ‘Ǎn dlǔtu la ɔ̍ wlè-o ji̍ la̍-a.’

Matio 24:51

Nɛ̀ ɔ̍ dlǔtu-a mu̍ ɔ̍ dě kàn gbèèɛ̀ po̍ dě nyɔ̍ ùh nɛ-a mɛɔ sɔɔ̌n wɔ̍ɔ̍n-ɛ nynɛ̌. Dě ɔ̍ mu̍ nɛ ɔ̍ iě fìn, ɔ̍ iě nynɛ̌ di̍ kìàǎnkìàǎn.”

Matio 7:12

“Dɛ̍ mɔ̀ jbɛɛ-a nyɔ̍ iě-a mɔ̀ pùn nu̍-ɛ, ɛ̍ bo mɔ̀ iě nyɔ̍ pùn nu̍ ke. Ɛ̍ bo ɛ̀ nu̍ Nyɔsoa-a telě, wɛ̀ ɔ̍ tu̍owli po̍ nyɔ̍ poe ɛ̍ nǎ dɛ ke.”

Pɔ̀n Chɛ̀ Luu To-a La 6:31

Dɛ̍ mɔ̀ jbɛɛ-a nyɔ̍ iě-a mɔ̀ pùn nu̍-ɛ, ɛ̍ bo mɔ̀ iě nyɔ̍ pùn nu̍ ke.

Chɔɔn 13:13

Mɔ̀-a dǎɛ ǐn Dlǔtu ke Joi, mɔ̀ blaɛ i̍, dɛ̍nu̍ɛ, mɔ̍ bo chɛ̀.

Nu̍-dɛ̍ᵻ 10:34

Wɛ̀ Pitɛ dǔ wlu̍-u, ɔ̍ la̍a̍, “Ka Nyɔsoa se̍-ae nyɔ̍-ɔ i̍ chlɛ̌ da̍a kmɔ̌ la we̍-ɛ, tìh-a taǐn bo, jɛwɛ̀ ǐn juo i̍h.

Wloma 2:11

Dɛ̍nu̍ɛ, Nyɔsoa-a sà wìè fɔ̌ due.

1 Kɔwlɛntiɔn 1:2

Ǎn chlǐh ɛ̍ Nyɔsoa-a chɔchi̍h nyɔ̍ ùh nɛ-a dě Kɔwlɛn wlɔ̀ di̍i̍-ɛ we̍, ùh Jusu Klai tba̍-a chèɛ̀-ɛ. Mɔ̀ dǎ-ɛ mɔ̀ iě Nyɔsoa-a nyɔ̍ nu̍, ɛ̍ ke nyɔ̍ ùh nɛ-a tà kli̍hgbɛ̍ ùh-a dǎ-a à Joi Jusu Klai-a nynɛ̌ i̍-ɛ ke, ɔ̀ nu̍-a u̍h ke à Joi-ɛ.

1 Kɔwlɛntiɔn 7:22

Nyɔ̍ nu̍ kèi̍ wɛ̀ Joi iě ɔ̍ dǎ-ɛ, nɛ̀ ɔ̍ flɔn i̍ dǒ Joi nɔ̀ɔ̍ we̍. Kǎ ɛ̍ nɛ ke, pò nyɔ̍ flɔn i̍ wɛ̀ Klai iě ɔ̍ dǎ-ɛ, nɛ̀ ɔ̍-ɔ Klai-a kèi̍.

Kalase 3:25

Jɛ dɛ̍ sɔ̀n nu̍ nyɔ̍-a mu̍ ɔ̍ dɛ̍ sɔ̀n-a pɛ̌ɛ la-a jě. Dɛ̍nu̍ɛ, Nyɔsoa-a sà wìè fɔ̌ due.

Kalase 4:1

Dlǔtuᵻ, mɔ̀ nu̍ mɔ̀-a kèi̍ᵻá sɛ̍sɛ̍, mɔ̀ iě i̍ slɛ̌-dɛ̍ nu̍ dǒ u̍h we̍. Dɛ̍nu̍ɛ, mɔ̀ juo ɛ̍ ka mɔ̀ blě-a Dlǔtu ke dě ja̍i̍wlɔ̀-ɛ.

Chiin 2:13

Dɛ̍nu̍ɛ, ti̍ sàwi̍h-a mu̍-a sì-ɛ dǒ Nyɔsoa jǔ-ɛ, nɛ̀ ɔ̍ se̍ nyɔ̍ se̍-a wɔɛ kɔn-ɛ wɔɛ jě mu̍. Jɛ wɔɛ jǎ dǒ sàwi̍h dlǔ.

Chiin 2:8

Telě-a klaa naɛ ɛ̀ nɛ-a dě Nyɔsoa-a wlu̍ di̍i̍ ɛ̀ la̍a̍, “Jbɛɛ ìn pònyɔ̍-ɔ ka àn chɛ̀-ɛ,” pò mɔ̀ gbɛ̍n ɛ̍ i̍ chɛ̀ɛ̌chɛ̀-ɛ, nɛ̀ mɔ̀-a dɛ̍ slɛ̌ i̍ wɛ̀.

Chiin 5:4

Gbɛ̀n-e, nyɔ̍ ùh nu̍-a dbo̍ dě mɔ̀ blǐ klè wɛ̀ mɔ̀ se̍-a pɛ̌ɛ-ɛ, u̍h-a fìn-i mɔ̀ dlǔ i̍. Joi Ɔ̀ Blě-a Gbǐh Kli̍hgbɛ̍-ɛ, nyɔ̍ ùh-a chɛ̍n-a mɔ̀-a klè-ɛ, u̍h-a fìn-wlu̍-a gbǎ la̍ dě ɔ̍ dounᵻ.