Ɛfɛsɔ 6:8 - Ku̍o̍ Delee 1999

⁸ Dɛ̍ mɔ̀ iě-a juo-ɛ, ɛ̍ nu̍ kèi̍ o, se̍ kèi̍ o, dbo̍ chɛ̀ jɔ nu̍-aɛ, ɛ̍ blaiɛ̍ bo ɔ̍ mu̍ jě dě Joi kwa̍a̍.

Ɛfɛsɔ 6:8 Iomraidhean Croise

Matio 16:27

Dɛ̍nu̍ɛ, Nyi̍ɔ̍-a Jǔ-a mu̍ de̍ka ji̍ dě ɔ̍ Baa-a tìh-a i̍ bɛ̌-ɛ di̍i̍, ɔ̍ ke ɔ̍ ǐnchɔ̀ ke. Dǒ ti̍ laa̍ di̍i̍-ɛ, ka jɔ-a nu̍-dɛ̍ nɛ-aɛ, nɛ̀ kǎ ɔ̍ Nyɔsoa kwa̍a̍ jě dɛ̍-a mu̍ nɛ.

Matio 20:7

U̍h la̍a̍, ‘Dɛ̍nu̍ɛ, nyɔ̍ se̍ à dǔ à iě dbo̍ nu̍.’ Iě ɔ̍ la̍a̍ dě u̍h we̍, ‘Iě nɛ̀ mɔ̀ mu̍ dě ǐn blǐ klè ke mɔ̀ iě-e dbo̍ nui.’

Matio 5:12

Nɛ̀ mɔ̀ nu̍ mɔna̍ mɔ̀ iě ja̍ de̍le, mɔ̀-a wlùh iě i̍ tè. Dɛ̍nu̍ɛ, mɔ̀-a jě-dɛ̍ bɛ̌ i̍ dě ja̍i̍wlɔ̀. Nyɔsoa-a tu̍owli po̍ nyɔ̍ ùh wɔ̀-a nya̍-ɛ, kǎ u̍h nu̍ u̍h klě jě-eɛ ke.”

Matio 6:1

Ɔ̍ la̍a̍, “Mɔ̀ nu̍ nɛnɛ̌ dǒ dɛ̍ ɛ̀ mɔ̀ kɔn mɔ̀ iě-a nu̍ dě Nyɔsoa dɛ di̍i̍-ɛ we̍, wɛ̀ mɔ̀-ɔ je̍e ɛ̍ gbaɛ̍we̍ tè, nyɔ̍ duuh je̍e ɛ̍ jě. Jɛ pò mɔ̀ nu̍ la̍a̍n-a, nɛ̀ mɔ̀ se̍ dɛ̍ jě mu̍ dě mɔ̀ Baa Nyɔsoa nɛ-a dě ja̍i̍wlɔ̀-ɛ kwa̍a̍.

Matio 6:4

Ɛ̍ tìh-ɛ, po̍ àn nu̍-dɛ̍ dě kwile-e. Nɛ̀ ìn Baa Nyɔsoa ɔ̀ jě-a ɛ̍ dě kwile-ɛ, àn mu̍ ɔ̍ dɛ̍ kwa̍a̍ jě.”

Pɔ̀n Chɛ̀ Luu To-a La 14:14

Nɛ̀ àn mu̍ i̍ nmɔ, dɛ̍nu̍ɛ, u̍h nɔ̀ɔ̍, u̍h se̍ àn gba̍ sà-a bɛ̌ɛ. Jɛ ti̍ i̍ slɛ̌-nyɔ̍-a mu̍-ae wlǔh-ɛ, dǒ Nyɔsoa-a mu̍ ìn pɛ̌ɛ.”

Pɔ̀n Chɛ̀ Luu To-a La 6:35

Jɛ mɔ̀ jbɛɛ mɔ̀-a nyɛ̌-nyɔ̍-ɔ, nɛ̀ mɔ̀ nu̍ u̍h dɛ̍ chɛ̀ pùn. Mɔ̀ po̍ u̍h gba̍-aɛ, nɛ̀ mɔ̀ bɔ̌ ɛ̍ sà-a tìh gbàɛ̀. Nɛ̀ mɔ̀-a jě-dɛ̍-a mu̍ wɔ̍n ku̍, wɛ̀ mɔ̀ iě Sìì Nyɔ̍ Wɔ̍n Nyɔsoa-a nynuu̍ nu̍. Dɛ̍nu̍ɛ, ɔ̍ nmɔ gblɛ̍n-ɛa chɛ̀ dǒ nyɔ̍-a nynɛ̌ kɔ̌-ɛ nyɔ̍ ke kà kɔn nyɔ̍ we̍.

1 Kɔwlɛntiɔn 12:13

Kǎ ɛ̍ nɛ ke dǒ à kli̍hgbɛ̍ we̍. Juu nyɔ̍ o, se̍ Juu o, kèi̍ᵻ o, de̍e̍ i̍ flɔn nyɔ̍ o, à kli̍hgbɛ̍ dě ku̍ due di̍i̍ bo Sùù poe àɔ̀ nǐ dlǔ. À kli̍hgbɛ̍ Nyɔsoa nyǐ àɔ̀ Sùù due dě à wlùh di̍i̍.

2 Kɔwlɛntiɔn 5:10

Dɛ̍nu̍ɛ, à kli̍hgbɛ̍ à kɔn à iě dǒ Klai-a taɔ gbalǎ jǔ i̍ nyna. Jɔ-ɛ, ɔ̍ mu̍ dɛ̍ jě dǒ dɛ̍ chɛ̀ àe̍e̍ dɛ̍ sɔ̀n ɔ̍ nu̍-a nɔ̌ kmɔ̌-ɛ we̍.

Kelesea 3:28

Juu nyɔ̍ se̍-o dɔɔ̌ nɛ, wɛ̀ ùh se̍-a Juu nyɔ̍-ɛ se̍-o dɔɔ̌ nɛ. Kèi̍ se̍-o dɔɔ̌ nɛ, wɛ̀ i̍ flɔn nyɔ̍ se̍-o dɔɔ̌ nɛ. Jɔ̍gbau se̍-o dɔɔ̌ nɛ, wɛ̀ nynɔ̌gbaɔ se̍-o dɔɔ̌ nɛ. Jɛ mɔ̀ kli̍hgbɛ̍ mɔ̀ nɛ due wɛ̀ dě Jusu Klai ja̍a̍.

Kalase 3:11

Ɛ̍ tìh-ɛ, ùh se̍-a Juu nyɔ̍-ɛ u̍h se̍-o dɔɔ̌ nɛ, wɛ̀ Juu nyɔ̍ se̍-o dɔɔ̌ nɛ. Plɔ̀n gbǎ nyɔ̍ se̍-o dɔɔ̌ nɛ, wɛ̀ se̍ plɔ̀n gbǎ nyɔ̍ se̍-o dɔɔ̌ nɛ. Nyɔ̍ ùh se̍-a Klii nyɔ̍-ɛ se̍-o dɔɔ̌ nɛ, wɛ̀ nyɔ̍ ùh-a nu̍-a dɛ̍ᵻ ka gbɛ̍n-ɛ nmi̍i̍-ɛ u̍h se̍-o dɔɔ̌ nɛ. Nɛ̀ kèi̍ se̍-o dɔɔ̌ nɛ, wɛ̀ nyɔ̍ ùh flɔn-a i̍-ɛ se̍-o dɔɔ̌ nɛ. Jɛ Klai bo ɔ̀ gbǎ dɛ̍kɛ̍n dǒ dɛ̍ᵻ kli̍hgbɛ̍ we̍, iě ɔ̍ nɛ mɔ̀ɔ̍ kli̍hgbɛ̍.

Kalase 3:24

Mɔ̀ juo ɛ̍ ka dɛ̍ Joi tè-a i̍ dǒ mɔ̀ we̍-ɛ, ɔ̍ mu̍-a ɛ̍ mɔ̀ nyǐ-ɛ, dɛ̍nu̍ɛ, Klai bo ɔ̀ nu̍ Joi mɔ̀-a dbee jǔ.

Kalase 3:25

Jɛ dɛ̍ sɔ̀n nu̍ nyɔ̍-a mu̍ ɔ̍ dɛ̍ sɔ̀n-a pɛ̌ɛ la-a jě. Dɛ̍nu̍ɛ, Nyɔsoa-a sà wìè fɔ̌ due.

Iblu 10:35

Ɛ̍ tìh-ɛ, mɔ̀ ku̍ di̍i̍ i̍, dɛ̍nu̍ɛ, dě ɛ̍ di̍i̍ bo jě-dɛ̍ klaa nɛ.

Iblu 11:26

Mose la̍ u̍h-a ɔ̍ chlèe-ɛ Nyɔsoa-a Chèɛ̀ Tba̍ju-a tìh gbǎ dɛ̍kɛ̍n ɛ̍ sìì Iche bloa̍-a pàn-dɛ̍ᵻ. Dɛ̍nu̍ɛ, jě-dɛ̍ nɛ-a dě nya̍-ɛ, ɛ̍-ɛ bo ɔ̍ gbɛ̀n ja̍.