Ɛfɛsɔ 6:5 - Ku̍o̍ Delee 1999

⁵ Kèi̍ᵻ, mɔ̀ nu̍ nyɔ̍ ùh kɔn-a mɔ̀-ɛ u̍h-a wlu̍ mɔ̀ iě u̍h-a faɔn ple̍ kaa̍. Mɔ̀ nu̍ ɛ̍ dǒ wlùh-a i̍ pɛ̌n-ɛ we̍ ka mɔ̀-a nu̍-a Klai dɛ̍ɛ̍ jě-ɛɛ.

Ɛfɛsɔ 6:5 Iomraidhean Croise

Matio 6:22

Jusu la̍a̍, “Jlǐh bo ìh nu̍ nape̍ dǒ nyɔ̍-a ku̍ pùn. Ɛ̍ tìh pò àn jlǐh nɛ blee-ɛ, nɛ̀ àn ku̍ kli̍hgbɛ̍-a mu̍ sɔ̀npli nu̍.

Matio 6:24

Ɔ̍ la̍a̍, “Mɔ̀-a chɛ̀ juo ɛ̍-ɛ, nyɔ̍ due se̍ dlǔtuᵻ sɔɔ̌n jǔ dbee-ɛ bɛ̌ɛ. Nɛ̀ ɔ̍ mu̍ due faɛn, wɛ̀ ɔ̍ iě due-e jbɛɛ. Nɛ̀ ɔ̍ mu̍ due we̍ fòè ɔ̍ iě-o due i̍ si̍e̍. Kǎ ɛ̍ nɛ, mɔ̀ se̍ wlǐ-i jbɛɛ-ɛ ke Nyɔsoa wɛɛ sà-a tàdùè nui-ɛ bɛ̌ɛ.

Matio 8:9

Mɔ̍ la ǎn chɛ̀ nɛ dǒ nyɔ̍ sɔ̀n, iě fledlǔ nɛ dǒ ǐn sɔ̀n ke. Pò na̍a̍ dě jɔ we̍, ‘Mu̍-ɛ,’ nɛ̀ ɔ̍ mu̍ i̍. Pò na̍a̍ dě dɔɔ we̍, ‘Ji̍-ɛ,’ nɛ̀ ɔ̍ ji̍ i̍. Nɛ̀ pò na̍a̍ dě ǎn pòi̍ju we̍, ‘Nu̍ dɛ̍ la-ɛ,’ nɛ̀ ɔ̍ nu̍ ɛ̍-ɛ.”

Nu̍-dɛ̍ᵻ 2:46

Ka sɔ̀n-a sɛ̀n-a, kǎ u̍h-a gbèɛ̀ɛ̍n dě Nyɔsoa-a slaǎ sà gbò sɔ̀n. Nɛ̀ u̍h-a gbǎ tàdùè u̍h blǐ gbòᵻ i̍ iě u̍h-a di̍-i dɛ̍we̍ dǒ wlùh wlǎ we̍.

Wloma 9:3

Pò Nyɔsoa-a jɛ poe ǐn pǎ ǐn de̍di̍i̍ᵻ Eslɔɛ nyɔ̍-a tìh, ùh ke ǐn ke à nu̍-a à blǐ nyɔ̍ due-ɛ, wɛ̀ ɔ̍ iě ǐn dǒ Klai de̍e̍ sà-ɛ, nɛ̀ ɛ̍ mu̍ ǐn gbǐh po̍.

1 Kɔwlɛntiɔn 2:3

Ɛ̍ kɔn ti̍ ǐn nɛ-a dě mɔ̀ we̍-ɛ, wɛ̀ ǎn gbǐh-a nu̍ sɔɔn iě ǎn tlɛ̍-a dǒ faɔn we̍-ɛ bo.

1 Kɔwlɛntiɔn 7:22

Nyɔ̍ nu̍ kèi̍ wɛ̀ Joi iě ɔ̍ dǎ-ɛ, nɛ̀ ɔ̍ flɔn i̍ dǒ Joi nɔ̀ɔ̍ we̍. Kǎ ɛ̍ nɛ ke, pò nyɔ̍ flɔn i̍ wɛ̀ Klai iě ɔ̍ dǎ-ɛ, nɛ̀ ɔ̍-ɔ Klai-a kèi̍.

2 Kɔwlɛntiɔn 1:12

À wlùh se̍ kǎ dǒ dɛ̍ᵻ kli̍hgbɛ̍ à nu̍-a nɔ̌ kmɔ̌ la we̍-ɛ. À nu̍ i̍h dǒ wlùh wlǎ ke wlùh-a kɛ̍n i̍ flɔn-ɛ ɛ̀ sɔ-a dě Nyɔsoa we̍-ɛ we̍. Ìh à nu̍-a mɔ̀ pùn-ɛ bo ǎn dǎ chɛ̀ɛ̌chɛ̀. Ɛ̍ kɔn à po̍ bu̍hᵻ wlù i̍. Ɛ̍ se̍ nyɔ̍-a flɔ̍nwlùh à se̍ ɛ̍ nui, jɛ dǒ Nyɔsoa-a blɛ we̍ bo.

2 Kɔwlɛntiɔn 7:15

Ɛ̍ tìh-ɛ, ka mɔ̀ nu̍-a ɔ̍ wlu̍ nu̍-ɛ ke, ɔ̍ i̍ gbɛ̍n-ɛ dǒ faɔn ke ku̍-a tlɛ̍-ɛ we̍-ɛ, pò i̍h sǐ dǒ ɔ̍ wlì i̍-ɛ, nɛ̀ ɛ̍ kui ɔ̍ mɔ̀ɔ̍ jbɛɛ i̍.

Ɛfɛsɔ 5:22

Nynɔ̌gbaɔᵻ, ka mɔ̀-a nu̍-a mɔ̀-a chɛ̀ wlù ja-a dǒ Joi Nyɔsoa we̍-ɛ, kǎ mɔ̀ iě nu̍ ke dǒ mɔ̀-a kɔanᵻ we̍.

Ɛfɛsɔ 6:24

Nɛ̀ nyɔ̍ kli̍hgbɛ̍ ùh blě-a jbɛɛ ɛ̀ se̍-a siee la̍ kɔn dǒ à Joi Jusu Klai we̍-ɛ, Nyɔsoa-a blɛ nɛ dǒ u̍h we̍ o.

Felepai 2:12

Ɛ̍ tìh-ɛ, ǎn tìh kma nyɔ̍, ka mɔ̀-a nu̍-a ǎn wlu̍ i̍ wɔ̌n-ɛ se̍e̍-ɛ, ɛ̍-ɛ bo mɔ̀ iě dluwe̍ i̍ gba̍. Ɛ̍ se̍ pò ǎn jlǐhɛ̍ tè ka-ɛ, wɛ̀ mɔ̀ iě ɛ̍ nu̍ gbɔ̀. Jɛ ka ǐn se̍-a dǒ mɔ̀ we̍ nɛ dɛ-ɛ, jɛwɛ̀ mɔ̀ iě-e de̍ i̍ gbǎ dǒ ɛ̍ nu̍ la̍. Nɛ̀ mɔ̀ gba̍ dbo̍ nu̍-ɛ ɛ̀ kɔ̍-a dǒ mɔ̀-a pǔh-ɛ pùn i̍-ɛ dluwe̍ i̍ dě Nyɔsoa dɛ̍ɛ̍ jě-ɛ di̍i̍.

Faɛlimɔ 1:16

Kaka la̍ ɔ̍ se̍ kèi̍ wɔ̀ dɛ, dɛ̍nu̍ɛ, ɔ̍ gbǎ dɛ̍kɛ̍n ɔ̍ sìì kèi̍. À tìh kma de̍di̍i̍ bo wɛ̀. Ɔ̍ tìh kma-ɛ dǒ ǐn we̍, jɛ ɔ̍ tìh kma-ɛ dǒ ìn we̍ kaa̍ ɛ̍ sìì m̀. Dɛ̍nu̍ɛ, ɔ̍ nu̍ àn kèi̍ iě ɔ̍ nu̍ ìn de̍di̍i̍ dɛ dě Joi ja̍a̍.

1 Pitɛ 3:2

Dɛ̍nu̍ɛ, mɔ̀-a wlaǎwla nɛ-ɛ ke u̍h-a gbiǐh jě-ɛ bo u̍h-a mu̍ jě.