Ɛfɛsɔ 6:23 - Ku̍o̍ Delee 1999

²³ Ǎn sà nǐ wɔ̍n Baa Nyɔsoa ke Joi Jusu Klai iě de̍di̍i̍ᵻ kli̍hgbɛ̍ kmɔ̌-a i̍ gbe̍ɛ̍ɛn ke wlùh gbaɛ ke jbɛɛ nyǐ.

Ɛfɛsɔ 6:23 Iomraidhean Croise

Chɔɔn 14:27

“Ǎn siee mɔ̀ wlùh-a i̍ tè-ɛ. Ǎn wlùh-a i̍ tè-ɛ ǎn nyǐ-a mɔ̀-ɛ, ǐn se̍ ɛ̍ mɔ̀ nyǐ ka kmɔ̌-a nyɔ̍ nyǐ nyɔ̍ wlùh-a i̍ tè-ɛ. Mɔ̀-a wlùh bɔ̌ i̍ na-a, mɔ̀ wɔ̍ bɔ̌ faɔn ple̍-ɛ ke.

Wloma 1:7

Chlǐh-dɛ̍ la ɛ̍ ji̍ mɔ̀ɔ̍ Nyɔsoa-a tìh kma nyɔ̍ kli̍hgbɛ̍ nɛ-a dǒ Wlom wlɔ̀ di̍i̍-ɛ we̍, mɔ̀ɔ̍ ɔ̍ dǎ-a mɔ̀ iě-a ɔ̍ chɛ̀-a nyɔ̍ nu̍-ɛ. Ǎn sà nǐ wɔ̍n, à Baa Nyɔsoa ke Joi Jusu Klai iě mɔ̀ blɛ ke wlùh-a i̍ tè-ɛ nyǐ.

Wloma 15:33

Nyɔsoa ɔ̀ nyǐ-a nyɔ̍ wlùh-a i̍ tè-ɛ, ǎn sà nǐ wɔ̍n ɔ̍ iě dǒ mɔ̀ kli̍hgbɛ̍ we̍ nɛ o. Kǎ ɛ̍-ɛ nɛ.

1 Kɔwlɛntiɔn 1:3

Ǎn sà nǐ wɔ̍n, à Baa Nyɔsoa ke Joi Jusu Klai iě mɔ̀ blɛ ke wlùh-a i̍ tè-ɛ nyǐ.

2 Kɔwlɛntiɔn 13:11

Ɛ̀ bɔ̌ɛ-aoɛ ǐn de̍di̍i̍ᵻ, mɔ̀ à nɛ klàe̍. Mɔ̀ fɔ̀n dɛ̍ we̍ mɔ̀ iě gblɛ̍ja̍i̍ wɛ̀. Mɔ̀ nu̍ ǎn slɛ̌n tù wlu̍, mɔ̀ wɔ̌ɛn wlu̍ i̍. Mɔ̀ na-ɛe wlùh-a i̍ tè-ɛ di̍i̍, nɛ̀ Nyɔsoa ɔ̀ jbɛɛ-a àɔ̀ iě ɔ̍ nyǐ-a à wlùh-a i̍ tè-ɛ, nɛ̀ ɔ̍ mu̍ mɔ̀ we̍ nɛ-o.

Kelesea 5:6

Dě Jusu Klai ja̍a̍ nɔ̀ɔ̍, nyɔ̍ gbǎ plɔ̀n o, nyɔ̍ se̍ plɔ̀n gbǎ o, ɛ̍ se̍ tìh-a chɛ̀. Jɛ wlùh gbaɛ bo ɛ̀ iě jě-ɛ dě jbɛɛ di̍i̍ tìh kma.

Kelesea 6:16

Dɛ̍ ǎn bla̍-aɛ, nyɔ̍ ɔ̀ mu̍-a ɛ̍ nu̍-ɛ, nɛ̀ ɔ̍ mu̍ wɔɛ jě-ɛ, wɛ̀ ɔ̍ wlùh iě i̍ tè. Mɔ̀ɔ̍ bo ùh wɔ̀ ka Eslɔɛ nyɔ̍ wɛ̀ dǒ Nyɔsoa we̍.

Ɛfɛsɔ 6:24

Nɛ̀ nyɔ̍ kli̍hgbɛ̍ ùh blě-a jbɛɛ ɛ̀ se̍-a siee la̍ kɔn dǒ à Joi Jusu Klai we̍-ɛ, Nyɔsoa-a blɛ nɛ dǒ u̍h we̍ o.

1 Tɛsoloniɔn 5:8

Jɛ ka à kɔn-a dǒ sɔ̀npli we̍-ɛ, nɛ̀ à kɔn à iě jlǐh i̍ klihklǐh nɛ, wɛ̀ wlùh gbaɛ ke jbɛɛ iě à we̍ gbǎ dɛ̍ᵻ nu̍ dǒ fɔ̀n la̍. Nɛ̀ wlì tè dɛ̍ ɛ̀ pǔh-ia nyɔ̍-ɛ, ɛ̍-ɛ bo ɛ̀ iě à nɛ̍ne̍ɛ̍-ɛ gblà nu̍.

2 Tɛsoloniɔn 1:3

À de̍di̍i̍ᵻ, à kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. À blaɛ i̍ à iě ɛ̍ nu̍, dɛ̍nu̍ɛ, mɔ̀-a wlùh gbaɛ-a ku̍ i̍ fùùh fùùh, iě mɔ̀-a nyɔ̍ juh-ɛ, u̍h-a we̍ jbɛɛ-a gbǎ kɛ̍n.

2 Tɛsoloniɔn 3:16

Ǎn sà nǐ wɔ̍n Joi ɔ̀ nyǐ-a nyɔ̍ wlùh-a i̍ tè-ɛɛ, ɔ̍ chɛ̀-a gbǎ iě mɔ̀ wlùh-a i̍ tè-ɛ nyǐ ti̍ kli̍hgbɛ̍ we̍ tà kli̍hgbɛ̍. Joi nɛ mɔ̀ kli̍hgbɛ̍ we̍ o.

1 Timote 1:14

Wɛ̀ à Joi-a blɛ-a wlǎ-ɛ sɔ̀n i̍ dǒ ǐn we̍. Wɛ̀ ɔ̍ nyǐ ǐn wlùh gbaɛ ke nyɔ̍ tìh kma-a nɛ-a dě Jusu Klai ja̍a̍-ɛ.

1 Timote 1:3

Ti̍ iě-a dě Mɛsedonia fɔɔ mu̍-ɛ, dɛ̍ kɔn tìh ǐn nɛ̌ɛ-a ìn wlu̍ dounᵻɛ́, ɛ̍ bo ìè nu̍. Na̍ nɛ dǒ Ɛfɛsɔ, wɛ̀ nyɔ̍ ùh-a po̍-a nǎ ìh se̍-a Nyɔsoa-a wìè gba̍-ɛ, ìè u̍h bɔ̌ i̍ po̍.

1 Timote 5:8

Nàa̍, pò nyɔ̍-o-nyɔ̍ se̍ ɔ̍ wloa̍ nyɔ̍-a tìh jlǐhɛ̍ tù-ɛ, ɔ̍ chɛ̌ bo ǎn dǎ gbòǒ, nɛ̀ wlùh gbaɛ bo ɔ̍ tba̍ chla. Wɛ̀ ɔ̍ nu̍ gblɛ̍n sɔ̀ɛ̀n-a gblìmia dǒ se̍ Nyɔsoa juo nyɔ̍ kɛ̍n.

1 Pitɛ 5:14

Mɔ̀ gblèè mɔ̀ ba̍ᵻ dǒ jbɛɛ we̍. Ǎn sà nǐ wɔ̍n mɔ̀ɔ̍ kli̍hgbɛ̍ ùh kɔn-a dǒ Klai we̍-ɛ, wlùh-a i̍ tè-ɛ iě dǒ mɔ̀ we̍ nɛ.

3 Chɔɔn 1:14

Ǐn tè ɛ̍ wlì ìn ke ǐn ke à mu̍ jiěe suei̍, nɛ̀ à mu̍ bu̍hᵻ i̍ slo̍e, wɛ̀ à iě sɔ̀ìn chɛ̍n.

Wlɛfeleseɔn 1:4

Mɔ̍ Chɔɔn, mɔ̍ sà chɔchi̍h nyɔ̍ nɛ-a wlɔ̀ᵻ mɛ̀sɔɔ̌n nɛ-a dě Esea bloa̍ kɛ̍n-ɛ nyinɔ̍ i̍. Ǎn sà nǐ wɔ̍n blɛ ke wlùh-a i̍ tè-ɛ iě dǒ mɔ̀ we̍ nɛ. Nyinɔ̍ i̍ sà wlu̍ la ɛ̍ sɔ dě Nyɔsoa we̍, ɔ̀ nɛ-a, ɔ̀ nɛ-a kmɔ̌ se̍e̍ wɛ̀ ɔ̀ mu̍-a ji̍-ɛ. Ɛ̍ sɔ dě sùù mɛ̀sɔɔ̌n ìh-a dbee-a ɔ̍ jǔ ìh nɛ-a dǒ ɔ̍ nynɛ̌ gbalǎ jǔ-ɛ we̍ ke.