Ɛfɛsɔ 6:21 - Ku̍o̍ Delee 1999

²¹ Tekikɔ ɔ̀ nu̍-a tìh kma de̍di̍i̍ à tè-a wlì dě Joi-a dbo̍ nu̍-ɛ di̍i̍-ɛ, ɔ̍ mu̍ ǎn pɔ̀n dě mɔ̀ we̍ ja wɛ̀ ka ǐn pɛ̌n-a ǐn tè-aɛ, iě mɔ̀ iě ɛ̍ we̍ i̍ ju̍o̍e.

Ɛfɛsɔ 6:21 Iomraidhean Croise

Nu̍-dɛ̍ᵻ 20:4

Ɔ̍ wɔ̌an mu̍-u tìh-ɛ, Pewlɔ sɔ-a Bɛwlia-a, ɔ̍ jǔ jɔ̍gbau Sopata ke ɔ̍ mu̍, ɛ̍ ke Awleslakɔ ke Sɛkundɔ sɔ-a dǒ Tɛsolonaika-a ke. Wɛ̀ Kaeɔ sɔ-a dǒ Dɛɛbi-ɛ ke Timote mu̍. Iě Tekikɔ ke Tlofimɔ sɔ-a dě Esea fɔɔ-ɛ ke ɔ̍ mu̍ ke.

1 Kɔwlɛntiɔn 4:17

Nɛ̀ɛ̍, Timote ɔ̀ nu̍-a ǎn jǔ dě Joi-a dbo̍ nu̍-ɛ di̍i̍ iě ǐn kma-a ɔ̍ tìh wɛ̀ ǐn tè-a ɔ̍ wlì-ɛ, ɔ̍-ɔ bo ǐn dbo̍ dě mɔ̀ we̍. Ǐn dbo̍ ɔ̍ ɔ̍ iě mɔ̀ tìh wlì i̍ sǐi ka ǎn kmɔ̌ nɛ-a dě Klai ja̍a̍, iě ǎn poe-a ɛ̍ nyɔ̍ nǎ dě chɔchi̍h nyɔ̍ kli̍hgbɛ̍ nynɛ̌-ɛ.

Felepai 1:12

Ǐn de̍di̍i̍ᵻ, ǎn pɔ̀n mɔ̀ iě ɛ̍ juo ka dɛ̍ ɛ̀ nɛ-a ǐn pùn-ɛ, ɛ̍ nɛ-a kmɔ̌ wɛ̀ pɔ̀n chɛ̀ la ɛ̍ naɛ-a dǒ nya̍ kaa̍ka-ɛ.

Kalase 1:7

À tìh kma nyɔ̍ Ipafla, ɔ̀ nu̍-a à ba̍ pòi̍ju ɔ̀ nu̍-a wlùh gbaɛ nyɔ̍ dǒ à wɔ̀ɔ̀ dě Klai-a dbo̍ nu̍-ɛ di̍i̍-ɛ, ɔ̍ bo mɔ̀ cheǎn-ɛ ɛ̍ we̍.

1 Timote 4:6

Pò ìn po̍ de̍di̍i̍ᵻ slɛ̌ la chèɛ̀ i̍-ɛ, nɛ̀ àn mu̍ Jusu Klai-a pòi̍ju chɛ̀ nu̍. Wɛ̀ ìè ku̍ dě wlùh gbaɛ ke nǎ po̍ wlu̍ chɛ̀ ìn wɔ̀-a dǒ de̍e̍-ɛ di̍i̍.

2 Timote 4:12

Wɛ̀ ǐn dbo̍ Tekikɔ dǒ Ɛfɛsɔ.

Taitɔ 3:12

Ti̍ ǎn mu̍-a Atema, àe̍e̍ Tekikɔ-a nyɔ̍ dě ìn we̍ dbo̍-ɛ, nɛ̀ ìn fɔ̀n ìè dě ǐn we̍ Nɛkapole wlɔ̀ di̍i̍ ji̍. Dɛ̍nu̍ɛ, ǐn po̍ ɛ̍ gbɔ̀ wɛ̀ iě-e wìla̍ wlè-e.

Faɛlimɔ 1:16

Kaka la̍ ɔ̍ se̍ kèi̍ wɔ̀ dɛ, dɛ̍nu̍ɛ, ɔ̍ gbǎ dɛ̍kɛ̍n ɔ̍ sìì kèi̍. À tìh kma de̍di̍i̍ bo wɛ̀. Ɔ̍ tìh kma-ɛ dǒ ǐn we̍, jɛ ɔ̍ tìh kma-ɛ dǒ ìn we̍ kaa̍ ɛ̍ sìì m̀. Dɛ̍nu̍ɛ, ɔ̍ nu̍ àn kèi̍ iě ɔ̍ nu̍ ìn de̍di̍i̍ dɛ dě Joi ja̍a̍.

1 Pitɛ 5:12

Sale ɔ̀ nu̍-a ǐn de̍di̍i̍ ǐn gbaɛ-a wlùh-ɛ, ɔ̍ bo ɔ̀ gbǎ ǐn we̍ wɛ̀ ǐn chlǐh mɔ̀ chlǐh-dɛ̍ tile la we̍. Ǎn pɔ̀n iě mɔ̀-a wlùh fùka wɛ̀ mɔ̀ iě ɛ̍ juo ka ɛ̀ la ɛ̍ nu̍-a Nyɔsoa-a tìh-a taǐn blɛ-ɛ. Mɔ̀ ku̍-e i̍ dě ɛ̍ di̍i̍.

2 Pitɛ 3:15

Mɔ̀ blě-e ɛ̀ la dǒ wlùh kɛ̍n, à Joi-a wlùh i̍ gbɛ̍n-a nyǐ mɔ̀ flɔna̍ mɔ̀ iě pǔh. Kǎ à tìh kma de̍di̍i̍ Pɔɔ nu̍ mɔ̀ we̍ chlǐh-ɛ ke dǒ flɔ̍nwlùh Nyɔsoa nyǐ-a ɔ̍-ɛ we̍.