Ɛfɛsɔ 6:19 - Ku̍o̍ Delee 1999

¹⁹ Nɛ̀ mɔ̀ ba̍le dǒ ǎn tàà ke, pò ǐn ja wlu-ɛ wɛ̀ Nyɔsoa iě ǐn wlu̍ wɔ̍ɔ̍n po̍, wɛ̀ iě sìle dɛ̍ ɛ̀ tba̍-a dǒ pɔ̀n chɛ̀ pùn i̍-ɛ ɛ̍ tìh bla̍ gbài̍gbài̍.

Ɛfɛsɔ 6:19 Iomraidhean Croise

Nu̍-dɛ̍ᵻ 13:46

Wɛ̀ Pɔɔ ke Banaba wlu gbài̍gbài̍, u̍h la̍a̍, “Dě mɔ̀ we̍ bo à kɔn à iě Nyɔsoa-a wlu̍ la bla̍-ɛ sàǐtòò. Jɛ ka mɔ̀ tba̍-a ɛ̍ chla-ɛ, iě mɔ̀-a chɛ̀ nɔ̀ɔ̍, mɔ̀ se̍-a kmɔ̌ sie feɛ jě ka̍ nɛ-ɛ, nɛ̀ à mu̍ à dɛ̍ dě ùh se̍-a Juu nyɔ̍-ɛ we̍ o.

Nu̍-dɛ̍ᵻ 14:3

Dǒ Pɔɔ ke Banaba wlè, iě u̍h-a bla̍ Joi-a tìh gbài̍gbài̍. Wɛ̀ Joi tba̍ u̍h bu̍hᵻ de̍e̍ i̍ dǒ ɔ̍ blɛ nɛ tìh u̍h-a bla̍-aɛ we̍. Ɛ̍ kɔn ɔ̍ nu̍ ɛ̍ iě nyɔ̍ wɔ̍n flɔn-ɛ dɛ̍ᵻ ke jbaɛdih-a jii dě u̍h ja̍a̍.

Nu̍-dɛ̍ᵻ 18:26

Ɔ̍ bo ɔ̀ wlu gbài̍gbài̍ dě wɛɛ sà gbò sɔ̀n. Dǒ Plisela ke Akwela wɔ̌n-ɛ ɔ̍ wlu̍, iě u̍h gba̍ ɔ̍ gbò we̍. Wɛ̀ u̍h dǔ Nyɔsoa-a Wìè dɛ-a gbɔ̀ sòò i̍ sà-a chɛ̀ɛ̌chɛ̀ dě ɔ̍ we̍.

Nu̍-dɛ̍ᵻ 19:8

Nɛ̀ kǎ Pɔɔ-a mu̍ dě wɛɛ sà gbò sɔ̀n iě ɔ̍ wlu gbài̍gbài̍, wɛ̀ ɔ̍ kui wɔ̍i̍n ɔ̍ sèàɛ̍ Nyɔsoa-a kmɔ̌ wlu̍ i̍ kɔn tìh we̍ i̍. Ɛ̍ bo ɔ̍ nu̍ dǒ chǔhᵻ ta̍a̍n di̍i̍.

Nu̍-dɛ̍ᵻ 2:4

Iě Nyɔsoa-a Sùù jǐi u̍h kli̍hgbɛ̍ i̍, sɔ u̍h-a po̍ la̍ wlu̍ diih sǔh, ìh Sùù po̍-a dě u̍h wɔ̍ɔ̍n-ɛ.

Nu̍-dɛ̍ᵻ 28:31

Iě ɔ̍ bla̍ Nyɔsoa-a kmɔ̌ wlu̍ i̍ kɔn tìh, wɛ̀ ɔ̍ po̍ nyɔ̍gbei nǎ Joi Jusu Klai-a tìh. Nɛ̀ ɔ̍ wlu-i gbài̍gbài̍ iě nyɔ̍ se̍ ɔ̍ bɔ̌ i̍ po̍.

Nu̍-dɛ̍ᵻ 4:13

Pitɛ ke Chɔɔn se̍ chlǐh-dɛ̍ juo. U̍h nu̍ plǒai nyɔ̍ iě u̍h wɛ̀ faɔn. Ɛ̍ bo taɔ pa̍ nyɔ̍ laa̍ u̍h jě sɔ ɛ̍ wlǔh i̍ u̍h de̍e̍. Iě u̍h juo-o dɛ̍ i̍ ka u̍h ke Jusu-a nɛ̍aɛ-a we̍-ɛ.

Nu̍-dɛ̍ᵻ 4:29

Nɛ̀ɛ̍ Joi, kaka la̍ u̍h-a plǐn-ɛ bo ìè ja̍ gbɛ̀n wɛ̀ ìè àɔ̀ nu̍-a àn pòi̍nynuu̍-ɛ gbǐh nyǐ, à iě àn wlu̍ bla̍ gbài̍gbài̍.

Nu̍-dɛ̍ᵻ 4:31

U̍h iě-a ba̍le-ɛ wɔ̀-ɛ, tà u̍h nɛ-a wɛ̀ u̍h iě-a ba̍le-ɛ, sɔ dǒ sìka i̍ sǔh. Wɛ̀ Nyɔsoa-a Sùù jǐi u̍h kli̍hgbɛ̍ i̍, iě u̍h-a bla̍ Nyɔsoa-a wlu̍ gbài̍gbài̍.

Nu̍-dɛ̍ᵻ 9:27

Jɛ Banaba dǔ ɔ̍, iě ɔ̍ gba̍ ɔ̍ dě gba̍tòà we̍. Wɛ̀ ɔ̍ sèàɛ̍ u̍h wlùh ka Sɔɔ jě-a Joi dǒ wìè-i iě Joi wlu-a dě ɔ̍ we̍-ɛ. Wɛ̀ ɔ̍ bla̍ Nyɔsoa-a tìh gbài̍gbài̍ dǒ Damaɛkɔ wlɔ̀ di̍i̍, dǒ Jusu-a nynɛ̌ kɛ̍n.

Nu̍-dɛ̍ᵻ 9:29

Iě ɔ̍ wlu dě Juu nyɔ̍ ùh-a po̍-a Klii wlu̍-ɛ we̍, ɔ̍ ke u̍h-a sà wɔ̍ɔ̍n i̍. Sɔ u̍h-a pɔ̀n la̍ ɔ̍ dbǎ-a i̍ sǔh.

Wloma 15:30

Ǐn de̍di̍i̍ᵻ, ǐn gbɛ̍n mɔ̀-a bu̍hᵻ i̍, mɔ̀ gbǎ ǐn we̍ mɔ̀ iě ǎn Nyɔsoa ba̍le ka à gbaɛ-a à Joi Jusu Klai wlùh iě jbɛɛ sɔ-a dě ɔ̍ Sùù we̍-ɛ.

Wloma 16:25

Mɔ̀ à bɛ̌-ɛ Nyɔsoa-a nynɛ̌ i̍. Ɔ̍ bo ɔ̀ bɛ̌ɛ mɔ̀-a wlùh gbaɛ i̍ kui-ɛ, kǎ pɔ̀n chɛ̀ ǎn bla̍-a dǒ Jusu Klai pùn-ɛ dǎ. Dɛ̍ ɛ̀ sìle-a dǒ ti̍ dɔu di̍i̍-ɛ, ɛ̍ toe-ɛ nyɔ̍ i̍ wɛ̀, kǎ ɛ̍ dǎ ke.

1 Kɔwlɛntiɔn 1:5

Mɔ̀ ke Jusu Klai-a due nɛ-ɛ pàn-ɛ mɔ̀ wɛ̀ dǒ dɛ̍ᵻ kli̍hgbɛ̍ we̍. Mɔ̀ pàn wɛ̀ dǒ wlu-ɛ juo-ɛ kli̍hgbɛ̍ ke tɔɔ blě-ɛ we̍.

1 Kɔwlɛntiɔn 2:7

Nyɔsoa-a flɔ̍nwlùh ɛ̀ sìle-a kmɔ̌ nyɔ̍ se̍-a juo-ɛ, ɛ̍-ɛ bo à nyǐ-a ka nyɔ̍. Flɔ̍nwlùh laa̍ bo Nyɔsoa tba̍ chèɛ̀ se̍e̍ ɛ̍ iě ɛ̍ nu̍ à iě ɔ̍ tìh-a i̍ bɛ̌-ɛa fɔ̌ kɔn, wɛ̀ kmɔ̌ la ɛ̍ dǔ nui-ɛ.

1 Kɔwlɛntiɔn 4:1

Mɔ̀ jě àɔ̀ Klai-a pòi̍nynuu̍ ka, ɛ̍ ke nyɔ̍ ùh-a sèàɛ̍-a Nyɔsoa-a slǎn wlu̍ we̍ i̍-ɛ ke.

2 Kɔwlɛntiɔn 1:11

ka mɔ̀-a gbǎ-a àɔ̀ we̍ dǒ à tàà ba̍le-ɛ we̍-ɛ. Nɛ̀ɛ̍, ba̍le wlu̍ dɔu la dǒ à we̍-ɛ, i̍h-a gba̍-a mu̍ sà-ɛ. Nɛ̀ Nyɔsoa-a mu̍ àɔ̀ pɔ̀ìě nyǐ iě nyɔ̍ dɔu iě ɔ̍ tlɔ̌ po̍ dǒ à tàà.

2 Kɔwlɛntiɔn 3:12

Ka à blě-a wlì tè dɛ̍ la-ɛ, à wlu-i gbài̍gbài̍.

2 Kɔwlɛntiɔn 6:11

Kɔwlɛn nyɔ̍, dɛ̍ᵻ kli̍hgbɛ̍ nɛ-a dě à wlùh we̍-ɛ à sèàɛ̍ i̍h mɔ̀ wlùh. À wlùh flɔn kɛ̍n i̍ dǒ mɔ̀ we̍.

2 Kɔwlɛntiɔn 7:4

Ǐn tè mɔ̀ wlì kaa̍. Mɔ̀ fùka ǎn wlùh, iě ǎn po̍ mɔ̀-a tìh-a bu̍hᵻ wlù i̍ kaa̍, wɛ̀ ǎn nu̍ mɔna̍ dě ǎn tìh jě-ɛ kli̍hgbɛ̍ di̍i̍.

2 Kɔwlɛntiɔn 8:7

Ka mɔ̀ sìì-a nyɔ̍ duuh dǒ dɛ̍ᵻ kli̍hgbɛ̍ we̍-ɛ, ɛ̀ nu̍-a wlùh gbaɛ blě-ɛ ke, wlu-ɛ juo-ɛ ke, tɔɔ blě-ɛ ke, nyɔ̍ we̍ gbǎ wlùh blě-ɛ ke, àɔ̀ jbɛɛ ke à pɔ̀n mɔ̀ iě nyɔ̍ sìì dǒ dbo̍ chɛ̀ la nu̍-ɛ we̍ ke.

Ɛfɛsɔ 1:9

Ɔ̍ tba̍ɛ ɔ̍ iě à dɛ̍ ɛ̀ sìle-a i̍ to. Ɔ̍ nu̍ ɛ̍-ɛ dǒ ɔ̍ chɛ̀-a wlùh-a i̍ tè-ɛ ɛ̀ jii-a dě Klai ja̍a̍-ɛ we̍.

Ɛfɛsɔ 3:9

Wɛ̀ iě dɛ̍ ɛ̀ Nyɔsoa ɔ̀ nu̍-a dɛ̍ᵻ kli̍hgbɛ̍-ɛ ɔ̍ sìle-a de tɛin-ɛ, ɛ̍ tìh we̍i̍ flɔn-ɛ ke dě nyɔ̍ kli̍hgbɛ̍ we̍.

Kalase 2:2

Ǎn nu̍ ɛ̍-ɛ wɛ̀ ɛ̍ iě u̍h-a wlùh fùka, u̍h iě due nɛ dě jbɛɛ di̍i̍. Nɛ̀ u̍h-a mu̍ dɛ̍ɛ̍ i̍ wɔ̌n-ɛa nya̍ pàn-ɛ slèěslè, wɛ̀ u̍h iě Klai ɔ̀ nu̍-a Nyɔsoa-a sìle dɛ̍-ɛ juo.

Kalase 4:3

Nɛ̀ mɔ̀ ba̍le dǒ à tàà ke, wɛ̀ Nyɔsoa iě wìè wɔ̍n flɔn-ɛ dǒ tu̍owli à mu̍-a po̍-ɛ we̍. Wɛ̀ à iě sìle dɛ̍ ɛ̀ tba̍-a dǒ Klai pùn i̍-ɛ bla̍. Sìle dɛ̍ la ɛ̍ bla̍-a tìh bo ǐn nɛ nɔ̌ kasoo.

1 Tɛsoloniɔn 2:2

Mɔ̀ juo i̍h ka à nu̍-a jua̍i̍ sàɛ̀ ke chlèwli̍ nǎ-aɛ, iě u̍h jě-e à tìh dǒ Felepai wlɔ̀ di̍i̍ wɛ̀ à dǔ-a nɔ̌ mɔ̀ we̍ ji̍-ɛɛ. Nyɔ̍ dɔu se̍ pɔ̀n à iě pɔ̀n chɛ̀ la bla̍. Jɛ à Nyɔsoa bɛ̌ɛ à wlì i̍, iě à po̍ gbɔ̍igbɔ̍ wɛ̀ à bla̍ pɔ̀n chɛ̀ la ɛ̀ sɔ-a dě ɔ̍ we̍-ɛ dě mɔ̀ we̍.

1 Tɛsoloniɔn 5:25

À de̍di̍i̍ᵻ, mɔ̀ ba̍le dǒ à tàà.

2 Tɛsoloniɔn 3:1

Ɛ̀ bɔ̌ɛ-aoɛ, à de̍di̍i̍ᵻ, mɔ̀ ba̍le dǒ à tàà wɛ̀ Joi-a wlu̍ iě na suei̍, wɛ̀ nyɔ̍gbei iě ɛ̍ ja̍ tè ka ɛ̍ nɛ-a dě mɔ̀ we̍-ɛ.

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.

Faɛlimɔ 1:22

Ɛ̍ se̍-o siee, nɛ̀ ìn nma̍le ǎn pɛ̌na̍ ke dě ìn blǐ gbò. Ǐn tè ɛ̍ wlùh kɛ̍n Nyɔsoa-a mu̍ mɔ̀-a ba̍le wlu̍ i̍ wɔ̌n iě dě mɔ̀ we̍ ji̍ dode̍.

Iblu 13:18

Mɔ̀ ba̍le dǒ à tàà. À juo ɛ̍-ɛ gblagblǎ kɛ̍ dɛ̍ se̍ dě à wlùh we̍ nɛ, iě à pɔ̀n dɛ̍-o-dɛ̍ à mu̍-a nu̍-ɛ ɛ̍ iě i̍ slɛ̌.