Ɛfɛsɔ 6:18 - Ku̍o̍ Delee 1999

¹⁸ Mɔ̀-a ba̍le-ɛ kli̍hgbɛ̍ ke, dɛ̍ jbǎ-a ke̍, dě Nyɔsoa-a Sùù ja̍a̍ bo i̍h iě jii. Mɔ̀ bɔ̌ se̍a̍-a, mɔ̀ ba̍le dǒ Nyɔsoa nyɔ̍ kli̍hgbɛ̍-a tàà te̍e̍ kleǐn.

Ɛfɛsɔ 6:18 Iomraidhean Croise

Matio 17:21

Jeědih kaɛn la dɛ̍ dɛɛ se̍ ɛ̍ klà sà, ba̍le-ɛ ke jlǔh po̍-ɛ due gbài̍ bo ìh sà ɛ̍ klà.]”

Matio 26:41

Mɔ̀ tù ba̍le-ɛ jlǐhɛ̍, wɛ̀ mɔ̀-ɔ je̍e blu̍ja̍a̍ gbǎ. Mɔ̀-a pɔ̀n i̍ slɛ̌ dɛ̍ nu̍-ɛ i̍ de, jɛ mɔ̀ se̍ ɛ̍ we̍ gbǐh blě.”

Pɔ̀n Chɛ̀ Maɛ To-a La 13:33

Ɛ̍ tìh-ɛ, mɔ̀ nu̍ mɔ̀-a chɛ̀-a nɛnɛ̌, mɔ̀ sà nyinɔ̍ jlǐh i̍, dɛ̍nu̍ɛ, mɔ̀ se̍ ti̍ ti̍-a mu̍-a nyni̍-ɛ juo.

Pɔ̀n Chɛ̀ Maɛ To-a La 14:38

Iě ɔ̍ la̍a̍ dě u̍h we̍, “Mɔ̀ tù ba̍le-ɛ jlǐhɛ̍, wɛ̀ mɔ̀-ɔ je̍e blu̍ja̍a̍ gbǎ. Mɔ̀-a pɔ̀n i̍ slɛ̌ dɛ̍ nu̍-ɛ i̍ de, jɛ mɔ̀ se̍ ɛ̍ we̍ gbǐh blě.”

Pɔ̀n Chɛ̀ Luu To-a La 21:36

Mɔ̀ nu̍ nɛnɛ̌ ti̍ kli̍hgbɛ̍ we̍. Mɔ̀ ba̍le wɛ̀ mɔ̀ iě gbǐh blě, nɛ̀ mɔ̀-a mu̍ ìh kli̍hgbɛ̍ la ìh-a mu̍-a nɛ-ɛ wɔ̍i̍n wa̍n. Wɛ̀ mɔ̀ iě dǒ Nyi̍ɔ̍-a Jǔ jǔ i̍ nyna-a bɛ̌ɛ.”

Pɔ̀n Chɛ̀ Luu To-a La 22:46

Wɛ̀ ɔ̍ la̍a̍ dě u̍h we̍, “Dɛ̍nu̍ mɔ̀-a mɔ̌ ɛ? Mɔ̀ sɔ bloɔ̍ mɔ̀ iě ba̍le, wɛ̀ mɔ̀-ɔ je̍e blu̍ja̍a̍ gbǎ.”

Pɔ̀n Chɛ̀ Luu To-a La 3:26

Nakai nu̍ Maaɛ-a jǔ, Maaɛ nu̍ Matataia-a jǔ, Matataia nu̍ Sɛmɛin-a jǔ, Sɛmɛin nu̍ Joseɛ-a jǔ, iě Joseɛ nu̍ Jodɔ-a jǔ.

Pɔ̀n Chɛ̀ Luu To-a La 3:37

Leimɛ nu̍ Mɛtusla-a jǔ, Mɛtusla nu̍ Inɔ-a jǔ, Inɔ nu̍ Jawlɛ-a jǔ, Jawlɛ nu̍ Maalalii-a jǔ, iě Maalalii nu̍ Kɛna-a jǔ.

Nu̍-dɛ̍ᵻ 1:14

U̍h bo ùh-a gbèɛ̀ɛn chɛ̍chɛ̍ iě u̍h-a ba̍le, u̍h ke nynɔ̌gbaɔᵻ ke. Ɛ̍ ke Jusu de̍ Mɛle ke ɔ̍ de̍di̍i̍ᵻ jɔ̍gbauᵻ ke.

Nu̍-dɛ̍ᵻ 10:2

Ɔ̍ sìì Nyɔsoa dɛ we̍, wɛ̀ ɔ̍ ke ɔ̍ chɛ̌ kli̍hgbɛ̍-a ple̍ Nyɔsoa-a faɔn. Ɔ̍ nmɔ-a wlùh dǒ nyɔ̍ɔ we̍-ɛ, ɛ̍ se̍ dɛ̍ka nɛ. Iě ɔ̍-ɔ fɔ-ɛ Nyɔsoa ba̍le-ɛ we̍ i̍.

Nu̍-dɛ̍ᵻ 12:5

Sɔ u̍h tè-e Pitɛ dě kasoo i̍ wɛ̀ sǔh. Jɛ nɛ̀ kǎ chɔchi̍h nyɔ̍-a po̍-e gbǐh u̍h-a ba̍le Nyɔsoa dǒ ɔ̍ tàà.

Nu̍-dɛ̍ᵻ 6:4

Wɛ̀ àɔ̀ nɔ̀ɔ̍ à iě ba̍le-ɛ ke Nyɔsoa-a wlu̍ bla̍ dbo̍ we̍ fòè.”

Wloma 12:12

Ka mɔ̀ kɔ̍-a Klai wlùh i̍-ɛ, nɛ̀ mɔ̀ nmɔ. Wě ji̍-ɛ, gbɛ̍n wlùh i̍ sǔh. Mɔ̀ bɔ̌ ba̍le-ɛ se̍a̍-a.

Wloma 8:15

Dɛ̍nu̍ɛ, Sùù ɛ̀ mɔ̀ jě-aɛ, ɛ̍ se̍ mɔ̀ kèi̍ᵻ we̍i̍ nu̍ la̍ ji̍ dode̍ mɔ̀ iě faɔn ple̍. Jɛ mɔ̀ jě ɛ̍-ɛ, ɛ̍ iě mɔ̀ Nyɔsoa-a nynuu̍ we̍i̍ nu̍, wɛ̀ à iě Nyɔsoa à Baa dǎɛ.

Kelesea 4:6

Mɔ̀ɔ̍ Nyɔsoa-a chɛǐ nynuu̍ dɛbo, ɛ̍ kɔn ɔ̍ dbo̍ ɔ̍ Jǔ-a Sùù dě à wlùh di̍i̍. Iě ɛ̍ sèàɛ̍ àɔ̀ wlùh ka Nyɔsoa bo ɔ̀ nu̍-a à Baa-ɛ.

Ɛfɛsɔ 1:16

sɔ dǒ ti̍ laa̍ di̍i̍-ɛ, ǐn dǔ-a Nyɔsoa tlɔ̌ po̍-ɛ mɔ̀-a tìh-ɛ, ɛ̍ bo ǐn blě-a. Ɛ̍ tìh pò ǐn ja ba̍le-ɛ, nɛ̀ ǎn po̍-e mɔ̀-a nynɛ̌.

Ɛfɛsɔ 2:22

Mɔ̀ɔ̍ bo ùh nu̍ gbò ɛ̀ poe-a la̍ ke dě mɔ̀ ke ɔ̍ due nɛ-ɛ di̍i̍ tà Nyɔsoa-a Sùù tǐn-a.

Ɛfɛsɔ 3:18

Wɛ̀ mɔ̀ ke Nyɔsoa-a nyɔ̍ kli̍hgbɛ̍ iě gbǐh blě, mɔ̀ iě Klai-a mɔ̀ɔ̍ jbɛɛ ɛ̀ se̍-a sie-e la̍ kɔn-ɛ we̍ i̍ ju̍o̍e.

Ɛfɛsɔ 3:8

Kǎ ɛ̍ nɛ gbɛɛ, mɔ̍ Nyɔsoa nyɔ̍ kli̍hgbɛ̍-a konynǐ. Jɛ Nyɔsoa tè-e ǐn dbo̍ la kwa̍ iě pɔ̀ìě klaa ɛ̀ Klai-a nyǐ-a nyɔ̍-ɛ, ɛ̍ tìh we̍i̍ bla̍ dě ùh se̍-a Juu nyɔ̍-ɛ we̍.

Ɛfɛsɔ 6:19

Nɛ̀ mɔ̀ ba̍le dǒ ǎn tàà ke, pò ǐn ja wlu-ɛ wɛ̀ Nyɔsoa iě ǐn wlu̍ wɔ̍ɔ̍n po̍, wɛ̀ iě sìle dɛ̍ ɛ̀ tba̍-a dǒ pɔ̀n chɛ̀ pùn i̍-ɛ ɛ̍ tìh bla̍ gbài̍gbài̍.

Felepai 1:4

Ǎn ba̍le-e dǒ mɔ̀ kli̍hgbɛ̍-a tàà ma̍u̍. Ǎn nmɔ-ɛ dǒ ǎn ba̍le la̍.

Felepai 4:6

Dɛ̍-o-dɛ̍-a sèò bɔ̌ mɔ̀ nu̍-ɛ. Dɛ̍ᵻ kli̍hgbɛ̍ mɔ̀ nɛ-a blě ka̍-ɛ, mɔ̀ tèle Nyɔsoa i̍ i̍h-a tìh mɔ̀ iě i̍h ɔ̍ jbǎ-ɛ dǒ tlɔ̌ po̍ pɔluh we̍.

Kalase 1:3

Pò à ja dǒ mɔ̀-a tàà ba̍le ti̍ kli̍hgbɛ̍ we̍-ɛ, nɛ̀ à po̍ Nyɔsoa ɔ̀ nu̍-a à Joi Jusu Klai Baa-a tlɔ̌.

Kalase 1:4

Ka mɔ̀ gbaɛ-a Jusu Klai wlùh-ɛ, ɛ̍ kɔn pɔ̀n bo à wɔ̌n, ɛ̍ ke ka mɔ̀ kma-a Nyɔsoa nyɔ̍ kli̍hgbɛ̍-a tìh-ɛ ke.

Kalase 4:2

Mɔ̀ bɔ̌ ba̍le-ɛa plǔh nu̍-ɛ, nɛ̀ mɔ̀ sà nyinɔ̍ jlǐh mɔ̀ iě Nyɔsoa tlɔ̌ po̍ dǒ ba̍le la̍.

1 Tɛsoloniɔn 5:17

Mɔ̀ ba̍le ti̍ kli̍hgbɛ̍ we̍.

1 Timote 2:1

Sàǐtòò dɛ̍-ɛ, ǐn gbɛ̍n àn bu̍h i̍, ìè Nyɔsoa ba̍le. Jbǎ-ɛ ɔ̍ dɛ̍, po̍ nyɔ̍ duuh-a wlu̍ chɛ̀, ìè ɔ̍ tlɔ̌ po̍ dǒ nyɔ̍ kli̍hgbɛ̍ we̍.

2 Timote 1:3

Ǎn dbee Nyɔsoa jǔ dǒ kɛ̍-ɛ wɛ̀ wlùh we̍, kǎ ǐn baaᵻ nu̍. Ka ǎn ba̍le-a wlù ke sɔ̀n-ɛ, kǎ ǎn po̍ ɔ̍ tlɔ̌ ke ma̍u̍ dǒ àn tìh we̍.

Faɛlimɔ 1:5

Dɛ̍nu̍ɛ, àn Nyɔsoa nyɔ̍ kli̍hgbɛ̍-a tìh kma-a ke, Joi Jusu wlùh gbaɛ kɔn pɔ̀n bo ǎn wɔ̌n.

Iblu 5:7

Ti̍ Jusu nɛ-a nɔ̌ bloɔ̍-ɛ ɔ̍ ba̍le-e, iě ɔ̍ wǐ ɔ̍ tèle Nyɔsoa i̍ dǒ fìn-wlu̍ we̍. Dɛ̍nu̍ɛ, Nyɔsoa bo ɔ̀ bɛ̌ɛ ɔ̍ mɛ̌ɛ wɔ̍i̍n sèìe-ɛ. Nyɔsoa wɔ̌n ɔ̍ wlu̍, dɛ̍nu̍ɛ, ɔ̍ ja ɔ̍ chɛ̀ wlù iě ɔ̍ fòè ɔ̍ we̍.

1 Pitɛ 4:7

Dɛ̍ᵻ kli̍hgbɛ̍ i̍h-a dlǔ i̍ chlà-a kɔǎn we̍ wɛ̀. Ɛ̍ tìh-ɛ, mɔ̀ po̍ mɔ̀-a chɛ̀ gba̍a̍, mɔ̀ iě mɔ̀-a chɛ̀ jlǐhɛ̍ tù, wɛ̀ mɔ̀ iě ba̍le-ɛ bɛ̌ɛ.

Judi 1:20

Jɛ ǎn tìh kma nyɔ̍, mɔ̀ kui mɔ̀-a chɛ̀ i̍ dě Nyɔsoa wlùh gbaɛ di̍i̍. Nɛ̀ mɔ̀ ba̍le dě ɔ̍ Sùù di̍i̍.