Ɛfɛsɔ 6:14 - Ku̍o̍ Delee 1999

¹⁴ Ɛ̍ tìh-ɛ, mɔ̀ chlìì kɛ̍n dǒ mɔ̀-a bɛtɛ̍ ɛ̀ nu̍-a tìh-a taǐn ɛ̀ kɔ̍-a dǒ Nyɔsoa pùn i̍-ɛ we̍, wɛ̀ mɔ̀ iě i̍ nyna. Nɛ̀ i̍ slɛ̌-ɛ bo ɛ̀ iě mɔ̀-a nɛ̍ne̍ɛ̍ wola̍ nu̍ mɔ̀ iě-e pa̍.

Ɛfɛsɔ 6:14 Iomraidhean Croise

Pɔ̀n Chɛ̀ Luu To-a La 12:35

“Mɔ̀ chlìì kɛ̍n dǒ dɛ̍-o-dɛ̍ ɛ̀ mu̍-a nɛ-ɛ we̍. Mɔ̀-a nape̍ wa̍n,

Wloma 13:12

Wlù la ɛ̍ tɛn dlǔ wɛ̀, sɔ̀n-a ji̍ la̍ sɛ̀n la̍. Ɛ̍ tìh-ɛ, mɔ̀ à tǎli kwile-a dɛ̍ᵻ i̍, mɔ̀ à dǔ fɔ̀n-dɛ̍ᵻ i̍ à iě tu̍h fɔ̀n dě sɔ̀npli di̍i̍.

2 Kɔwlɛntiɔn 6:7

À tu̍owli nu̍ tìh-a taǐn, iě Nyɔsoa-a gbǐh nɛ à we̍. À i̍ slɛ̌-ɛ bo ɛ̀ nu̍ à fɔ̀n-dɛ̍ᵻ dǒ à fɔ̀n-ɛ kli̍hgbɛ̍ we̍.

Ɛfɛsɔ 5:9

Dɛ̍nu̍ɛ, sɔ̀npli naɛ tlo-buǒᵻ nu̍ dɛ̍ᵻ kli̍hgbɛ̍ ìh nu̍-a dɛ̍ᵻ chɛ̀ ìh slɛ̌-a i̍-ɛ ke ìh nu̍-a tìh-a taǐn-ɛ.

Ɛfɛsɔ 6:13

Ɛ̍ tìh-ɛ, mɔ̀ dǔ fɔ̀n-dɛ̍ᵻ kli̍hgbɛ̍ Nyɔsoa nyǐ-a mɔ̀-ɛ mɔ̀ iě i̍h-i pa̍. Nɛ̀ pò dɛ̍ᵻ sɔ̀nᵻ la i̍h ji̍-ɛ, nɛ̀ mɔ̀-a mu̍ i̍h i̍ nyna-a bɛ̌ɛ te̍e̍ wɛ̀ tu̍h la ɛ̍ iě chlà.

1 Tɛsoloniɔn 5:8

Jɛ ka à kɔn-a dǒ sɔ̀npli we̍-ɛ, nɛ̀ à kɔn à iě jlǐh i̍ klihklǐh nɛ, wɛ̀ wlùh gbaɛ ke jbɛɛ iě à we̍ gbǎ dɛ̍ᵻ nu̍ dǒ fɔ̀n la̍. Nɛ̀ wlì tè dɛ̍ ɛ̀ pǔh-ia nyɔ̍-ɛ, ɛ̍-ɛ bo ɛ̀ iě à nɛ̍ne̍ɛ̍-ɛ gblà nu̍.

1 Pitɛ 1:13

Ɛ̍ tìh-ɛ, mɔ̀ po̍ mɔ̀-a wlùh gba̍a̍ dǒ dɛ̍ᵻ mɔ̀-a mu̍-a nu̍-ɛ we̍. Mɔ̀ nu̍ mɔ̀-a chɛ̀-a nɛnɛ̌ wɛ̀ blɛ mɔ̀-a mu̍-a jě dǒ Jusu Klai-a nyɔ̍ kli̍hgbɛ̍ kɛ̍n wlǔh-i la̍-ɛ, mɔ̀ iě ɛ̍ wlì tè kleǐnklein.

Wlɛfeleseɔn 9:17

Dě ǎn se̍ mɔ̌ ja̍ di̍i̍-ɛ, ǐn jě soo̍bliᵻ ke i̍h-a kɛ̍n naɛ nyɔ̍. Nɛ̀ u̍h pa̍ nɛ̍ne̍ɛ̍ wola̍ᵻ nyɔ̍-a wlǎ-a wlì i̍-ɛ, i̍h sàni ka nɛ̍-ɛ, i̍h gbe-e ka sɔɔ̌ gbeu-ɛ. I̍h blě sɔ̌n-a jlǐh ke. Soo̍bliᵻá chɛ̀ i̍h-a dlǔᵻ ke gbòlò-a dlǔ mu̍i we̍, iě nɛ̍ ke daluh ke pɔ̀nɔ̌ sɔ dě i̍h wɔ̍ɔ̍n.

Wlɛfeleseɔn 9:9

Ìh ka̍n-ɛa dǒ i̍h wlì-ɛ, i̍h ke nɛ̍ne̍ɛ̍ wola̍ mu̍i we̍. Pò ìn wɔ̌n i̍h-a gbawaᵻá slɛ̀-ɛ, nɛ̀ ka nyɔ̍ jě soo̍bliᵻ dɔu blě kɛ̍n naɛdɛ̍ᵻ dǒ i̍h gbɔ̀ i̍ wɛ̀ i̍h-a gba̍ ple̍-ɛ tu̍h we̍-ɛ.