Ɛfɛsɔ 6:12 - Ku̍o̍ Delee 1999

¹² Dɛ̍nu̍ɛ, à se̍ wlɔ̀ nyi̍ɔ̍ we̍ fɔ̀n, jɛ dɛ̍ᵻ wlu̍ i̍ kɔn-ɛ ke, tùn blě-ɛ ke, si̍h nyɔsoa ìh kɔn-a kwile kmɔ̌ la wlu̍ i̍-ɛ ke, gbǐh sɔ̀nᵻ ìh nɛ-a dě ja̍i̍-ɛ bo à fɔ̀n we̍.

Ɛfɛsɔ 6:12 Iomraidhean Croise

Matio 16:17

Wɛ̀ Jusu la̍a̍, “Jona-a jǔ Samo, ìn nmɔ i̍, dɛ̍nu̍ɛ, ɛ̍ se̍ wlɔ̀ nyi̍ɔ̍ ùh se̍ ìn nǎ po̍ dǒ tìh-a taǐn la we̍. Jɛ ǐn Baa nɛ-a dě ja̍i̍wlɔ̀-ɛ bo ɔ̀ toe ìn ìh la.

Pɔ̀n Chɛ̀ Maɛ To-a La 4:19

kmɔ̌-a sèò ke ɛ̍ pàn-dɛ̍ᵻ i̍ jbɛɛ-ɛ ke pɔ̀n-dɛ̍ᵻ dɔu-a tìh bo ìh gbǎ dǒ u̍h wlùh kɛ̍n wɛ̀ i̍h mɔɛ wlu̍ laa̍ dlǔ i̍. Ɛ̍ kɔn ɛ̍ se̍ tlo.

Pɔ̀n Chɛ̀ Luu To-a La 13:24

“Mɔ̀ fɔ̀n dɛ̍ we̍ mɔ̀ iě dě gbò wɔ̍n sɔɔ̌sɔ we̍ jii. Ǎn sèàɛ̍ mɔ̀ wlùh, nyɔ̍ dɔu-a mu̍ ɛ̍ we̍ jii-ɛ i̍ pɔ̀n, jɛ u̍h se̍ ɛ̍ bɛ̌ɛ mu̍.

Pɔ̀n Chɛ̀ Luu To-a La 22:53

Ka sɔ̀n-a sɛ̀n-aɛ, kǎ ǎn nɛ dě mɔ̀ we̍ Nyɔsoa-a slaǎ sà gbò sɔ̀n, dǒ-o nɔ̀ɔ̍, mɔ̀ se̍ ǐn sɔ̍n pùn gba̍. Jɛ nɛ̀ jɛwɛ̀ mɔ̀-a ti̍ nyni̍ dɛbo, ɛ̍ ke kwile naɛ gbǐh ke.”

Chɔɔn 12:31

Jɛwɛ̀ ɛ̍ nu̍ ti̍ kmɔ̌ la ɛ̍ iě kɛ̀n sà-ɛ. Nɛ̀ ɛ̀ blě-a kmɔ̌ la ɛ̍ wlu̍ kwa̍-ɛ, jɛwɛ̀ tu̍h-a mu̍ ɛ̍ du̍.

Chɔɔn 14:30

Ǐn se̍ dɛ̍ dɔu wlu mu̍ dɛ dě mɔ̀ we̍, dɛ̍nu̍ɛ, ɛ̀ blě-a kmɔ̌ la ɛ̍ wlu̍ kwa̍-ɛ, ɛ̍ ji̍ la̍-ɛ. Ɛ̍ se̍ gbǐh blě dǒ ǐn we̍.

Chɔɔn 16:11

U̍h klǐ-i dǒ tìh-a gbɛ̍n-ɛ dɛ we̍, dɛ̍nu̍ɛ, Nyɔsoa sà ɛ̀ blě-a kmɔ̌ la ɛ̍ wlu̍ kwa̍-ɛ kɛ̀n wɛ̀.

Nu̍-dɛ̍ᵻ 26:18

Nɛ̀ ìn pɔ̀ni u̍h-a jlǐh. Bǐi u̍h nɔ̌ sɔ̀npli we̍ u̍h iě kwile kɛ̍n i̍ poe. Sà u̍h dǒ Setɔn-a gbǐh sɔ̀n u̍h iě Nyɔsoa naɛ we̍ ji̍, wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ dě u̍h-a ǎn wlùh gbaɛ di̍i̍. Nɛ̀ u̍h-a mu̍ wɔ̀ɔ̀ kɔn dě Nyɔsoa-a chèɛ̀ tba̍ nyɔ̍ nynɛ̌.’

Wloma 8:38

Dɛ̍nu̍ɛ, ǐn juo ɛ̍-ɛ kleǐn dɛ̍ dɛɛ se̍ ɔ̍ ke à jbɛɛ i̍ che̍ɛ̍ɛn bɛ̌ɛ. À jɛ mɛ̌, iě pò à nɛ kmɔ̌-a chɛ̀-ɛ, ɛ̍ se̍ nɛ mu̍. Nyɔsoa-a ǐnchɔ̀ ke jeědih se̍ ɛ̍ bɛ̌ɛ. Kaka ke dě nya̍ se̍ ɛ̍ bɛ̌ɛ. Ɛ̍ se̍ gbǐh diih-a chɛ̀ kɔn.

1 Kɔwlɛntiɔn 15:50

Ǐn de̍di̍i̍ᵻ, ǎn sèàɛ̍ mɔ̀ wlùh, nyi̍ɔ̍ku ke nymɔ̍ se̍ dě Nyɔsoa-a kmɔ̌ wlu̍ i̍ kɔn-ɛ di̍i̍ i̍ nyni̍-ɛ bɛ̌ɛ. Dɛ̍ ɛ̀ mu̍-a mɛ̌-ɛ, ɛ̍ se̍ dɛ̍ kɔn-ɛ bɛ̌ɛ dě dɛ̍ ɛ̀ se̍-a mɛ̌ la̍ kɔn-ɛ di̍i̍.

2 Kɔwlɛntiɔn 11:14

Ɛ̍ se̍ nyɔ̍ i̍ kèle dɛ̍, Setɔn-a chɛ̀ ɛ̍ nu̍ ɛ̍ chɛ̀ ka Nyɔsoa-a ǐnchɔ̀ ɛ̀ blě-a sɔ̀npli-ɛ we̍i̍ ke.

2 Kɔwlɛntiɔn 4:4

U̍h se̍ wlùh gbaɛ blě, dɛ̍nu̍ɛ, Setɔn ɛ̀ nu̍-a kmɔ̌ la ɛ̍ nyɔsoa-a bo ɛ̀ kaɛn u̍h-a wlùh kɛ̍n dě kwile-e. Ɛ̍ kaɛn u̍h kɛ̍n u̍h-u je̍e sɔ̀npli jě. Ɛ̍ sɔ dě pɔ̀n chɛ̀ ɛ̀ kɔ̍-a dǒ Klai-a tìh-a i̍ bɛ̌-ɛ pùn i̍-ɛ we̍, ɔ̀ ke Nyɔsoa ke ùh wɔ̀ɛ-aɛ.

Kelesea 1:16

ɔ̍ iě ɔ̍ jǔ tà sà dě ǐn we̍, wɛ̀ iě ɔ̍ tìh we̍i̍ bla̍ dě ùh se̍-a Juu nyɔ̍-ɛ nynɛ̌. Ǐn se̍ nyɔ̍-o-nyɔ̍ dlǔ i̍ te.

Ɛfɛsɔ 1:21

Dɛ̍ᵻ wlu̍ i̍ kɔn-ɛ ke, gbǐh ke, tùn blě-ɛ ke, joi kli̍hgbɛ̍ nɛ-a dě dlǔwèàì-ɛ, Klai kɔn i̍h wlu̍ kɛ̍ɛ̍n wɛ̀. Nɛ̀ nyɔ̍ wɔ̍n sìì nynɛ̌ kli̍hgbɛ̍ nɛ-a kaka-ɛ ke jih-a mu̍-a ji̍-ɛ, ɔ̍ naɛ sìì i̍h wɔ̍n.

Ɛfɛsɔ 1:3

Nyɔsoa ɔ̀ nu̍-a à Joi Jusu Klai Baa-ɛ, mɔ̀ à po̍ ɔ̍ tlɔ̌. À ke Klai-a due nɛ-ɛ bo ɛ̀ nu̍ ɛ̍ wɛ̀ ɔ̍ nyǐ à pɔ̀ìě kli̍hgbɛ̍ nɛ-a dě ja̍i̍wlɔ̀ ìh-a kui-a à wlùh gbaɛ i̍-ɛ.

Ɛfɛsɔ 2:2

Ɛ̍ ti̍ laa̍ nɛ̀ mɔ̀ wɔ̀ dǒ kmɔ̌-a dɛ̍ᵻ sɔ̀nᵻ de̍e̍. Nɛ̀ ɛ̀ kɔn-a jeědih wlu̍ i̍ dě ja̍u̍n wlì-ɛ, ɛ̍ bo mɔ̀-a jě dɛ̍ɛ̍. Nyɔ̍ ùh se̍-a Nyɔsoa-a wlu̍ nu̍-ɛ, nɛ̀ ɛ̀ kɔn-a jeědih wlu̍ i̍-ɛ bo ɛ̀ kɔn u̍h wlu̍ kɛ̍ɛ̍n wɛ̀ ke.

Ɛfɛsɔ 3:10

Nyɔsoa nu̍ ìh la iě chɔchi̍h iě ɛ̍ nu̍ wɛ̀ nyɔ̍-a wlu̍ kwa̍ blě nyɔ̍ ke, gbǐh nɛ-a dě ja̍i̍wlɔ̀-ɛ i̍h iě Nyɔsoa-a flɔ̍nwlùh kli̍hgbɛ̍ la juo kaka.

Kalase 1:13

Ɔ̍ sèìe àɔ̀ dě kwile-a gbǐh sɔ̀n, wɛ̀ ɔ̍ blě à te̍ete̍ iě ɔ̍ gba̍ à dě ɔ̍ tìh kma Jǔ-a kmɔ̌ wlu̍ i̍ kɔn-ɛ di̍i̍.

Kalase 2:15

Dǒ ɔ̍ sà-ɛ dɛ̍ᵻ wlu̍ i̍ kɔn-ɛ ke tùn blě-ɛ gbǐh kɛ̍n, iě ɔ̍ to ɛ̍ te̍gbe̍i̍n dǒ gbaɛ̍we̍ ka ɔ̍ sà-a i̍h klà dě Klai ja̍a̍-ɛ.

2 Timote 2:5

Nɛ̀ ple̍-nyɔ̍ ɔ̀ ke ɔ̍ ba̍ᵻá blaɛ-a dlǔᵻ wɔ̍i̍n-ɛ, pò ɔ̍ iě pà la̍ jě-ɛ, nɛ̀ ɔ̍ jě ɛ̍ telě kli̍hgbɛ̍ dɛ̍ɛ̍ sasǎ.

Iblu 12:1

Nɛ̀ɛ̍, ka à blě-a wlùh gbaɛ blě nyɔ̍ tlùgbei̍ la à de̍e̍ i̍-ɛ, dɛ̍ᵻ kli̍hgbɛ̍ ìh-a chlì-a à ja̍-ɛ ke gblɛ̍n sɔ̀ɛ̀n jih gbɛ̍n-ɛ à i̍ gba̍i̍ngba̍i̍n-ɛ, mɔ̀ à poe i̍h fɔ̌ i̍ à iě-e gbǐh po̍ à iě dɛ̍ ɛ̀ pɛ̌n-a dǒ à jǔ i̍-ɛ we̍ ple̍.

Iblu 12:4

Gblɛ̍n sɔ̀ɛ̀n we̍ fɔ̀n-ɛa gbɔ̍igbɔ̍ mɔ̀-a po̍-a ka-ɛ, mɔ̀-a nyɔ̍-ɔ se̍a dǒ ɛ̍ we̍ fɔ̀n la̍ nɛ wɛ̀ ɔ̍ nymɔ̍ se̍a i̍ wlǎ.

1 Pitɛ 3:22

Jusu Klai ɔ̀ mu̍-a dě ja̍i̍wlɔ̀ dǒ Nyɔsoa-a di̍na̍ we̍-ɛ, Nyɔsoa-a ǐnchɔ̀ ke tùn blě-ɛ ke gbǐh kli̍hgbɛ̍ nɛ dǒ ɔ̍ sɔ̀n.