Ɛfɛsɔ 6:11 - Ku̍o̍ Delee 1999

¹¹ Mɔ̀ pa̍ fɔ̀n-dɛ̍ᵻ kli̍hgbɛ̍ Nyɔsoa nyǐ-a mɔ̀-ɛ, wɛ̀ mɔ̀ iě Kǔ-a gblàa̍ i̍ nyna-a bɛ̌ɛ.

Ɛfɛsɔ 6:11 Iomraidhean Croise

Pɔ̀n Chɛ̀ Maɛ To-a La 13:22

Dɛ̍nu̍ɛ, Nyɔsoa-a Chèɛ̀ Tba̍ju-a si̍h naɛ ke Nyɔsoa-a tu̍owli po̍ nyɔ̍-a si̍h naɛ-a mu̍ mɔ̀ kɛ̍n wlǔh-i, u̍h iě nyɔ̍ wɔ̍n flɔn-ɛ dɛ̍ᵻ ke jbaɛdih po̍, wɛ̀ u̍h iě nyɔ̍ i̍ boe. Nɛ̀ pò ɛ̍ nɛ ɛ̍ ka̍-ɛ, nyɔ̍ ùh Nyɔsoa tba̍-a chèɛ̀-ɛ, nɛ̀ u̍h-a mu̍ u̍h i̍ boe ke.

Wloma 13:12

Wlù la ɛ̍ tɛn dlǔ wɛ̀, sɔ̀n-a ji̍ la̍ sɛ̀n la̍. Ɛ̍ tìh-ɛ, mɔ̀ à tǎli kwile-a dɛ̍ᵻ i̍, mɔ̀ à dǔ fɔ̀n-dɛ̍ᵻ i̍ à iě tu̍h fɔ̀n dě sɔ̀npli di̍i̍.

Wloma 13:14

Jɛ Joi Jusu Klai bo ɔ̀ iě jliɛ̍ nu̍ mɔ̀ iě-e pa̍, nɛ̀ mɔ̀ bɔ̌ mɔ̀-a gblɛ̍n sɔ̀ɛ̀n nu̍ ku̍-a wlùh-a i̍ pɔ̀n-ɔ dɛ̍ᵻ nu̍-ɛ dɛ.

1 Kɔwlɛntiɔn 10:13

Nyɔ̍ blu̍ja̍a̍ po̍-ɛ ɛ̀ ji̍-a nyɔ̍ kli̍hgbɛ̍ we̍-ɛ, ɛ̍ ba̍ bo ɛ̀ ji̍ mɔ̀ we̍ ke. Jɛ Nyɔsoa-a gblìh wlu̍ kɛ̍n. Nyɔ̍ i̍ tɛ̀n-ɛ ɛ̀ mu̍-a mɔ̀ klà sà-ɛ, ɔ̍ se̍ wɔ̌n mu̍ ɛ̍ iě mɔ̀ we̍ ji̍. Jɛ pò ɛ̍ ji̍ mɔ̀ we̍-ɛ, ɔ̍ mu̍ ɛ̍ nu̍ mɔ̀ iě-e klì i̍ ku̍, wɛ̀ mɔ̀ iě ɛ̍ wɔ̍i̍n wa̍n.

2 Kɔwlɛntiɔn 10:4

À fɔ̀n-dɛ̍ᵻ à fɔ̀n-aɛ, i̍h se̍ kmɔ̌ we̍ nyɔ̍-a fɔ̀n-dɛ̍ᵻ, jɛ à blě Nyɔsoa-a kmu-gbǐh dǒ nyɛ̌-nyɔ̍-a kmu-ɛ kli̍hgbɛ̍-ɛ gbɔ̀lɔ-ɛ we̍.

2 Kɔwlɛntiɔn 11:3

Jɛ ǎn ple̍ faɔn ka sɛ̍ nu̍-a Ii i̍ boe-ɛ dǒ ɛ̍ di̍i̍ i̍ flɔn-ɛ we̍-ɛ, mɔ̀-a wlùh-u je̍e la̍a̍n fèàɛ̀ nu̍, wɛ̀ mɔ̀ɔ̍ je̍e Klai we̍ fòè-ɛ chɛ̀ɛ̌chɛ̀ i̍ tǎli.

2 Kɔwlɛntiɔn 2:11

Ǎn nu̍ ɛ̍ wɛ̀ Setɔn je̍e à gblàa̍ i̍ poe. À juo dɛ̍ᵻ ɛ̍ pɔ̀n-a nu̍-ɛ i̍-ɛ.

2 Kɔwlɛntiɔn 4:4

U̍h se̍ wlùh gbaɛ blě, dɛ̍nu̍ɛ, Setɔn ɛ̀ nu̍-a kmɔ̌ la ɛ̍ nyɔsoa-a bo ɛ̀ kaɛn u̍h-a wlùh kɛ̍n dě kwile-e. Ɛ̍ kaɛn u̍h kɛ̍n u̍h-u je̍e sɔ̀npli jě. Ɛ̍ sɔ dě pɔ̀n chɛ̀ ɛ̀ kɔ̍-a dǒ Klai-a tìh-a i̍ bɛ̌-ɛ pùn i̍-ɛ we̍, ɔ̀ ke Nyɔsoa ke ùh wɔ̀ɛ-aɛ.

2 Kɔwlɛntiɔn 6:7

À tu̍owli nu̍ tìh-a taǐn, iě Nyɔsoa-a gbǐh nɛ à we̍. À i̍ slɛ̌-ɛ bo ɛ̀ nu̍ à fɔ̀n-dɛ̍ᵻ dǒ à fɔ̀n-ɛ kli̍hgbɛ̍ we̍.

Ɛfɛsɔ 4:14

Nɛ̀ à se̍ nynuu̍plìh wɔ̀ mu̍ dɛ dode̍, wɛ̀ nyɔ̍ i̍ boe nyɔ̍-a nǎ po̍ wlu̍-a poɔ-ɔ je̍e à gba̍. Nɛ̀ à se̍ mu̍-ɔn ji̍-ɔn nu̍ mu̍ dǒ u̍h-a gblàa̍ ɛ̀ po̍-a nyɔ̍ chǔh we̍ niɔ̍-ɛ pùn.

Ɛfɛsɔ 4:24

mɔ̀ iě dě tu̍ delee ɛ̀ Nyɔsoa nu̍-a dě ɔ̍ chɛ̀-a tu̍ di̍i̍-ɛ gbǎ, ɛ̀ slɛ̌-a i̍ iě ɛ̀ wɛ̀-a nɛi̍ slèěslè-ɛ.

Ɛfɛsɔ 6:13

Ɛ̍ tìh-ɛ, mɔ̀ dǔ fɔ̀n-dɛ̍ᵻ kli̍hgbɛ̍ Nyɔsoa nyǐ-a mɔ̀-ɛ mɔ̀ iě i̍h-i pa̍. Nɛ̀ pò dɛ̍ᵻ sɔ̀nᵻ la i̍h ji̍-ɛ, nɛ̀ mɔ̀-a mu̍ i̍h i̍ nyna-a bɛ̌ɛ te̍e̍ wɛ̀ tu̍h la ɛ̍ iě chlà.

Kalase 3:10

Mɔ̀ gbǎ-e tu̍ delee di̍i̍ wɛ̀, wɛ̀ Nyɔsoa ɔ̀ nu̍-a ɛ̍ nu̍ nyɔ̍-ɛ, ɛ̍ iě ɔ̍ dɛ̍ i̍ juo. Ɛ̍ kɔn ɔ̍ po̍ ɛ̍ delee i̍ dě ɔ̍ chɛ̀-a tu̍ di̍i̍.

1 Tɛsoloniɔn 5:8

Jɛ ka à kɔn-a dǒ sɔ̀npli we̍-ɛ, nɛ̀ à kɔn à iě jlǐh i̍ klihklǐh nɛ, wɛ̀ wlùh gbaɛ ke jbɛɛ iě à we̍ gbǎ dɛ̍ᵻ nu̍ dǒ fɔ̀n la̍. Nɛ̀ wlì tè dɛ̍ ɛ̀ pǔh-ia nyɔ̍-ɛ, ɛ̍-ɛ bo ɛ̀ iě à nɛ̍ne̍ɛ̍-ɛ gblà nu̍.

Iblu 7:25

Ɛ̍ tìh-ɛ, nyɔ̍ ùh-a ji̍-a Nyɔsoa we̍ dě ɔ̍ ja̍a̍-ɛ, ɔ̍ bɛ̌ɛ u̍h pǔh-iɛ kaka ke ti̍ kli̍hgbɛ̍ we̍. Dɛ̍nu̍ɛ, ɔ̍ nɛ kmɔ̌ kleǐnklein ɔ̍ iě Nyɔsoa gbòɛ̀ i̍ bla̍-ɛ dǒ u̍h-a tàà.

Chiin 4:7

Ɛ̍ tìh-ɛ, mɔ̀ ja mɔ̀-a chɛ̀ wlù dǒ Nyɔsoa we̍. Mɔ̀ tba̍ Kǔ bu̍h, nɛ̀ ɛ̍ mu̍ ple̍ ɛ̍ iě dǒ mɔ̀ we̍-e sɔ.

1 Pitɛ 5:8

Mɔ̀ tù mɔ̀-a chɛ̀ jlǐhɛ̍, mɔ̀ iě mɔ̀-a chɛ̀-a nɛnɛ̌ nu̍. Mɔ̀-a nyɛ̌-nyɔ̍ Kǔ-a ple̍ i̍ ka mɔ̌-a nu̍-u gbòlò-a pɔ̀n nyɔ̍ i̍ ɛ̍ iě-e gbɔ̀lɔ-ɛ.

Judi 1:24

Nyɔsoa bo ɔ̀ bɛ̌ɛ kmɔ̌ nɛ-ɛ iě mɔ̀ se̍ tàmlain gbǎ-ɛ mu̍, wɛ̀ mɔ̀ iě nɛi̍ wɛ̀. Nɛ̀ ɔ̍ mu̍ mɔ̀ dǒ ɔ̍ chɛ̀ jlǐhwai gba̍ dǒ mɔna̍ dɔu we̍, wɛ̀ mɔ̀ iě ɔ̍ tìh-a i̍ bɛ̌-ɛ jě.

Wlɛfeleseɔn 12:9

Wɛ̀ wɔ̍n ku̍ dɔ̍sɛ laa̍ ɛ̍ poe-ɛ sɔ̀n. Tɛin tɛin sɛ̍ bo, iě ɛ̍ nynɛ̌ nu̍ Kǔ ke Setɔn. Ɛ̍ bo ɛ̀ nu̍ kmɔ̌ kli̍hgbɛ̍ i̍ boe nyɔ̍. Ɛ̍ poe-ɛ sɔ̀n nɔ̌ bloɔ̍, ɛ̍ ke ɛ̍ ǐnchɔ̀ kli̍hgbɛ̍ ke.

Wlɛfeleseɔn 19:20

Wɛ̀ tu̍h gbɛ̍n nmi̍ɛ̍-a chɛ̀ ke ɛ̍ tu̍owli po̍ nyɔ̍-a si̍h naɛ ɔ̀ po̍-a jbaɛdih dǒ ɔ̍ jǔ-ɛ. Nyɔ̍ ùh blě-a ka nmi̍ɛ̍-a juola ùh-a sà-a ɛ̍ mɛ̍-dɛ̍ wɛɛ-ɛ, jbaɛdih laa̍ bo ɔ̍ nu̍ iě ɔ̍ boe u̍h i̍. Nmi̍ɛ̍ ke tu̍owli po̍ nyɔ̍-a si̍h naɛ-a chɛ̀ poe-ɛ dě pɔ̀nɔ̌ nɛ̍-a pàìbǒ di̍i̍ wɛ̀.

Wlɛfeleseɔn 2:24

“Jɛ mɔ̀ɔ̍ juh sie-a dě Taɛtawla-ɛ, mɔ̀ se̍ dǒ nynɔ̌ la ɔ̍ nǎ po̍ wlu̍ de̍e̍ gbǎ. Mɔ̀ se̍ ìh u̍h-a dǎɛ-a Setɔn-a sìle dɛ̍ᵻɛ́ we̍ i̍ ju̍o̍e. Ɛ̍ kɔn na̍ ǐn se̍ mɔ̀ slùgbɛ̀ dɛɛ kleǐ po̍ mu̍ dɛ.