Ɛfɛsɔ 5:8 - Ku̍o̍ Delee 1999

⁸ Mɔ̀ nɛ dě kwile-e de sàǐtòò, jɛ kaka la̍ mɔ̀ nɛ dě sɔ̀npli di̍i̍ wɛ̀ ka mɔ̀ kɔn-a dǒ Joi we̍-ɛ. Mɔ̀ na dě sɔ̀npli di̍i̍ nɛ nyɔ̍-a dɛ la̍ sǔh.

Ɛfɛsɔ 5:8 Iomraidhean Croise

Matio 3:8

Mɔ̀ nu̍ dɛ̍ᵻ i̍h iě ɛ̍ to ka mɔ̀ poe-a gblɛ̍n sɔ̀ɛ̀n kɛ̍n i̍ wɛ̀-ɛ.

Matio 4:16

Mɔ̀ɔ̍ ùh tè-a dě kwile i̍ de-ɛ, mɔ̀ jě sɔ̀npli ɛ̀ ku̍-a wɔ̍n-ɛ wɛ̀. Mɔ̀ɔ̍ ùh tù-a se̍ Nyɔsoa juo tìh ùh mɛ̌-a wlɔ̀ i̍-ɛ, sɔ̀npli-a mu̍ la̍ fa̍n dě mɔ̀ we̍.”

Pɔ̀n Chɛ̀ Luu To-a La 1:79

Wɛ̀ ɔ̍ iě nyɔ̍ ùh tè-a dě kwile i̍-ɛ ke dě mɛ̌ɛ-a sùù di̍i̍-ɛ sɔ̀npli nyǐ, ɔ̍ iě à sɔ̍nᵻ we̍ i̍ naɛ dǒ wìè ɛ̀ gba̍-a nyɔ̍ dě wlùh-a i̍ tè-ɛ di̍i̍-ɛ we̍.”

Pɔ̀n Chɛ̀ Luu To-a La 16:8

Dlǔtu po̍ se̍ i̍ slɛ̌ pòi̍ju la tìhwe̍ dǒ ɔ̍ flɔ̍nwlùh chɛ̀ la we̍. Dɛ̍nu̍ɛ, kmɔ̌ we̍ nyɔ̍ blě flɔ̍nwlùh chɛ̀ dǒ u̍h-a chɛ̀-a dɛ̍ we̍ ɛ̍ sìì nyɔ̍ ùh kɔn-a dǒ sɔ̀npli we̍-ɛ.

Chɔɔn 1:9

Tìh-a taǐn sɔ̀npli ɛ̀ fa̍n-a dǒ nyɔ̍ kli̍hgbɛ̍ we̍-ɛ, ɛ̍-ɛ bo ɛ̀ ji̍ la̍ nɔ̌ kmɔ̌ we̍.

Chɔɔn 12:35

Iě Jusu la̍a̍ dě u̍h we̍, “Sɔ̀npli-a mu̍ da̍a mɔ̀ we̍ nɛ ke̍ dǒ ti̍ gbɔ̍ di̍i̍. Mɔ̀ na duedɛ ka mɔ̀ blě-a sɔ̀npli ke̍-ɛ, wɛ̀ wlù-u je̍e mɔ̀ wɔ̀-ɛ. Nyɔ̍ ɔ̀ na-ɛa dě kwile-ɛ, tà ɔ̍ mu̍-aɛ, nɛ̀ ɔ̍-ɔ jě-o i̍.

Chɔɔn 12:36

Ka mɔ̀ blě-a sɔ̀npli ke̍-ɛ, mɔ̀ gbaɛ ɛ̍ wlùh duedɛ, wɛ̀ mɔ̀ iě ɛ̍ nynuu̍ nu̍.” Jusu wɔ̀-a wlu-ɛɛ, iě ɔ̍ sɔ dě u̍h nynɛ̌, wɛ̀ ɔ̍ sìle ɔ̍ chɛ̀.

Chɔɔn 12:46

Ǐn ji̍ nɔ̌ kmɔ̌ we̍ ka sɔ̀npli-ɛ, wɛ̀ nyɔ̍ ùh gbaɛ-a ǐn wlùh-ɛ u̍h-u je̍e dě kwile di̍i̍ sie.

Chɔɔn 8:12

Wɛ̀ Jusu wlu dě Fɛlesii nyɔ̍ we̍ dɛ, ɔ̍ la̍a̍, “Mɔ̍ bo ɔ̀ nu̍ kmɔ̌ la ɛ̍ sɔ̀npli. Nyɔ̍ jɔ mu̍-a dǒ ǐn de̍e̍ gbǎ-ɛ, nɛ̀ ɔ̍ se̍ dě kwile-e na-ɛ mu̍, jɛ nɛ̀ ɔ̍ mu̍ sɔ̀npli ɛ̀ nyǐ-a nyɔ̍ feɛ-ɛ blě.”

Nu̍-dɛ̍ᵻ 17:30

Ti̍ kmɔ̌ nyɔ̍ se̍-a dɛ̍ jlǐh juo tɛin-ɛ, nɛ̀ Nyɔsoa-a tàn-ɛ dɛ̍ᵻ jlǐh kɛ̍n de. Jɛ kaka nɔ̀ɔ̍, ɔ̍ sèàɛ̍ la̍ nyɔ̍ wlùh tà kli̍hgbɛ̍ u̍h iě i̍ bǐi.

Nu̍-dɛ̍ᵻ 26:18

Nɛ̀ ìn pɔ̀ni u̍h-a jlǐh. Bǐi u̍h nɔ̌ sɔ̀npli we̍ u̍h iě kwile kɛ̍n i̍ poe. Sà u̍h dǒ Setɔn-a gbǐh sɔ̀n u̍h iě Nyɔsoa naɛ we̍ ji̍, wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ dě u̍h-a ǎn wlùh gbaɛ di̍i̍. Nɛ̀ u̍h-a mu̍ wɔ̀ɔ̀ kɔn dě Nyɔsoa-a chèɛ̀ tba̍ nyɔ̍ nynɛ̌.’

Wloma 1:21

U̍h juo Nyɔsoa-a tìh, jɛ u̍h-u tè ɔ̍ ja̍, iě u̍h wɔ̍-ɔ po̍ ɔ̍ tlɔ̌ ke. U̍h boe, u̍h-a wlùh gbe kɛ̍n i̍, iě u̍h-a wlùh i̍ naɛ dɛ̍ᵻ se̍ dɛ̍kɛ̍n gbǎ.

Wloma 13:12

Wlù la ɛ̍ tɛn dlǔ wɛ̀, sɔ̀n-a ji̍ la̍ sɛ̀n la̍. Ɛ̍ tìh-ɛ, mɔ̀ à tǎli kwile-a dɛ̍ᵻ i̍, mɔ̀ à dǔ fɔ̀n-dɛ̍ᵻ i̍ à iě tu̍h fɔ̀n dě sɔ̀npli di̍i̍.

Wloma 2:19

Ìn juo ɛ̍-ɛ gblagblǎ, mɔ̀ bo ɔ̀ nu̍ dɔ̌-nyɔ̍ wìè-e po̍ nyɔ̍. Nyɔ̍ ùh nɛ-a dě kwile-ɛ, mɔ̀ bo ɔ̀ nu̍ u̍h-a sɔ̀npli,

1 Kɔwlɛntiɔn 1:30

Ɔ̍ nu̍ ɛ̍ wɛ̀ à ke Jusu Klai nɛ due, iě ɔ̍ nu̍ ɛ̍ wɛ̀ Klai nu̍ à flɔ̍nwlùh ke à i̍ slɛ̌-nyɔ̍. Wɛ̀ Klai nu̍ ɛ̍ iě à kɔn dǒ Nyɔsoa we̍, ɔ̀ sèìe àɔ̀ dě Klai ja̍a̍-ɛ.

2 Kɔwlɛntiɔn 3:18

Nɛ̀ɛ̍, à kli̍hgbɛ̍ à jě Joi-a tìh-a i̍ bɛ̌-ɛ dǒ à jua̍i̍ᵻ ìh se̍-a dɛ̍ kɛ̍n kaɛn-ɛ we̍. Joi-a Sùù bo ɛ̀ bǐi àɔ̀ i̍ dě ɔ̍ tu̍ di̍i̍ ma̍u̍, iě à wɔ̀ ɔ̍ tìh-a i̍ bɛ̌-ɛ ti̍ kli̍hgbɛ̍ we̍.

2 Kɔwlɛntiɔn 4:6

Nyɔsoa ɔ̀ la̍a̍, “Sɔ̀npli fa̍n dě kwile-ɛ,” ɔ̍-ɔ due laa̍ bo ɔ̀ nu̍ ɛ̍ iě ɔ̍ sɔ̀npli-a fa̍n dě à wlùh di̍i̍, wɛ̀ à iě i̍h juo ka ɔ̍ tìh-a i̍ bɛ̌-ɛa fa̍n-a dě Klai ja̍a̍-ɛ.

2 Kɔwlɛntiɔn 6:14

Nyɔ̍ ùh se̍-a wlùh gbaɛ blě-ɛ mɔ̀ bɔ̌ u̍h ke mɔ̀-a dbo̍ due nu̍ dɛ we̍ fɔ̀n-ɛ. Ka dɛ̍ chɛ̀ ke dɛ̍ sɔ̀n-a mu̍ ba̍ᵻ nu̍-ɛ nu̍ ɛ? Sɔ̀npli ke kwile nɛ due ae?

Kelesea 5:25

Ka à nɛ-ɛa Sùù kmɔ̌ wɛ̀-ɛ, nɛ̀ mɔ̀ à naɛ dě Sùù di̍i̍.

Ɛfɛsɔ 2:2

Ɛ̍ ti̍ laa̍ nɛ̀ mɔ̀ wɔ̀ dǒ kmɔ̌-a dɛ̍ᵻ sɔ̀nᵻ de̍e̍. Nɛ̀ ɛ̀ kɔn-a jeědih wlu̍ i̍ dě ja̍u̍n wlì-ɛ, ɛ̍ bo mɔ̀-a jě dɛ̍ɛ̍. Nyɔ̍ ùh se̍-a Nyɔsoa-a wlu̍ nu̍-ɛ, nɛ̀ ɛ̀ kɔn-a jeědih wlu̍ i̍-ɛ bo ɛ̀ kɔn u̍h wlu̍ kɛ̍ɛ̍n wɛ̀ ke.

Ɛfɛsɔ 4:18

U̍h-a wlùh gbe kɛ̍n i̍ dǒ dɛ̍ɛ̍ i̍ wɔ̌n la̍-a, sɔ u̍h nɛ-ɛ fɔ̌ i̍ dǒ kmɔ̌ Nyɔsoa nyǐ-a àɔ̀-ɛ we̍. Dɛ̍nu̍ɛ, u̍h-a se̍ dɛ̍ jlǐh juo ke u̍h-a dlǔ ku̍-ɛ bo ɛ̀ nu̍ ɛ̍.

Ɛfɛsɔ 5:2

Mɔ̀ na-ɛ dě jbɛɛ di̍i̍, ɛ̀ kɔn ba̍ Klai nu̍-a à-a jbɛɛ-ɛ, wɛ̀ ɔ̍ sà-a ɔ̍ feɛ kwlǎ à tìh-ɛ. Ɔ̍ wɔ̀ nyǐ-dɛ̍ ɛ̀ nmɔ-a nɔ̌-ɛ ke slaǎ sà dɛ̍ ɛ̀ po̍-a Nyɔsoa gbǐh-ɛ.

Ɛfɛsɔ 6:12

Dɛ̍nu̍ɛ, à se̍ wlɔ̀ nyi̍ɔ̍ we̍ fɔ̀n, jɛ dɛ̍ᵻ wlu̍ i̍ kɔn-ɛ ke, tùn blě-ɛ ke, si̍h nyɔsoa ìh kɔn-a kwile kmɔ̌ la wlu̍ i̍-ɛ ke, gbǐh sɔ̀nᵻ ìh nɛ-a dě ja̍i̍-ɛ bo à fɔ̀n we̍.

Kalase 1:12

Wɛ̀ mɔ̀ iě Baa Nyɔsoa tlɔ̌ po̍, ɔ̀ jɔ nɛ-a kmɔ̌ wɛ̀ mɔ̀ iě-a ɔ̍ nyɔ̍ nynɛ̌ gbǎ, iě dɛ̍ ɔ̍ tè-a i̍ dě sɔ̀npli di̍i̍-ɛ mɔ̀ kɔn-a ɛ̍ fɔ̌ wɛ̀-ɛ.

Kalase 1:13

Ɔ̍ sèìe àɔ̀ dě kwile-a gbǐh sɔ̀n, wɛ̀ ɔ̍ blě à te̍ete̍ iě ɔ̍ gba̍ à dě ɔ̍ tìh kma Jǔ-a kmɔ̌ wlu̍ i̍ kɔn-ɛ di̍i̍.

Taitɔ 3:3

Sàì laa̍ nɛ̀ à bo we̍i̍ ke, nɛ̀ à-a nu̍ nyɔ̍-a wlu̍, iě à sìì wìè. Nɛ̀ à nu̍ gbale̍e̍ gbǎ-a ke wlùh dɛ̍ᵻ kaɛn kaɛn-a kèi̍. Nɛ̀ gblɛ̍n-ɛ nyni-ɛ ke wlɛ̀n kɔn-ɛ bo à ja-ɛ ja̍-a. Nɛ̀ nyɔ̍ɔ faɛn àɔ̀, iě à faɛn nyɔ̍ɔ.

1 Chɔɔn 1:7

Jɛ ka ɔ̍ nu̍-a dě sɔ̀npli di̍i̍ nɛ-ɛ, pò à nu̍ la̍a̍n dě sɔ̀npli di̍i̍ nɛ-ɛ ke-ɛ, nɛ̀ ɔ̍ ke à nɛ̍aɛ la̍ we̍. Nɛ̀ ɔ̍ Jǔ Jusu Klai-a nymɔ̍-a wɔ̍lɔ à gblɛ̍n sɔ̀ɛ̀n kli̍hgbɛ̍ pihpǐh.