Ɛfɛsɔ 5:5 - Ku̍o̍ Delee 1999

⁵ Ɛ̍ tìh-ɛ, mɔ̀ tù ɛ̍ jlǐhɛ̍ ka gbǎn nu̍ nyɔ̍ ke, sììjii̍ nu̍ nyɔ̍ ke, klǎn kɔn nyɔ̍ ùh nu̍-a kwɛ̍i̍n gbo̍ᵻ wɛɛ sà nyɔ̍-ɛ, u̍h se̍ dɛ̍ jě mu̍ dě Klai ke Nyɔsoa-a kmɔ̌ wlu̍ i̍ kɔn-ɛ di̍i̍.

Ɛfɛsɔ 5:5 Iomraidhean Croise

Nu̍-dɛ̍ᵻ 20:32

“Nɛ̀ kaka la̍, ǐn po̍ mɔ̀ dě Nyɔsoa ke ɔ̍ blɛ tu̍owli kwa̍a̍. Ɛ̍-ɛ bo ɛ̀ bɛ̌ɛ mɔ̀ dǒ ta̍i̍ po̍-ɛ. Wɛ̀ ɛ̍ iě mɔ̀ pɔ̀ìě ɛ̀ ɔ̍ tè-a i̍ dǒ ɔ̍ i̍ slɛ̌-nyɔ̍ we̍-ɛ nyǐ.

Nu̍-dɛ̍ᵻ 8:21

Ìn se̍ dɛ̍ kɔn nɔ̌ à dbo̍ la di̍i̍, iě mɔ̀ɔ̍ ìn se̍ nɔ̌ dɛ̍ jě-e mu̍ ke. Dɛ̍nu̍ɛ, pɔluh ìn blě-aɛ, ɛ̍ se̍ dě Nyɔsoa jlǐh-i nmɔ.

Kelesea 5:19

À gblɛ̍n sɔ̀ɛ̀n-a tu̍-a nu̍-dɛ̍ᵻ se̍ kàɛ̀n. I̍h bo ìh nu̍-a gbǎn nu̍-ɛ ke, sììjii̍ nu̍-ɛ ke, se̍i̍kɔɛn nu̍-ɛ ke,

Kelesea 5:21

se̍ nyɔ̍ dɔɔ-a dɛ̍ kɔn pɔ̀n ɛ̍ ke, chɛ̀ nmɔ̍ wlì sìèè-ɛ ke, sììjii̍ nu̍-ɛ peě kɛ̍n i̍ ke, iě diih nɛ-o ìh ke ìh la wɔ̀ɛ-ɛ. Ka ǐn nu̍-a mɔ̀ gbòɛ̀ɛ̀ sàǐtòò-ɛ, ɛ̍ bo ǎn nu̍ la̍ dɛ. Na̍ nyɔ̍ ùh-a nu̍-a ìh la-ɛ, u̍h se̍ fɔ̌ blě mu̍ dě Nyɔsoa-a kmɔ̌ wlu̍ i̍ kɔn-ɛ di̍i̍.

Ɛfɛsɔ 5:3

Jɛ gbǎn nu̍ dɛ ke, sììjii̍ nu̍-ɛ ke, klǎn kɔn dɛ bɔ̌ dě mɔ̀ nynɛ̌-a chɛ̀ gbǎ-a. Dɛ̍nu̍ɛ, i̍h se̍ dě Nyɔsoa nyɔ̍ nynɛ̌ i̍ nmɔ.

Kalase 1:13

Ɔ̍ sèìe àɔ̀ dě kwile-a gbǐh sɔ̀n, wɛ̀ ɔ̍ blě à te̍ete̍ iě ɔ̍ gba̍ à dě ɔ̍ tìh kma Jǔ-a kmɔ̌ wlu̍ i̍ kɔn-ɛ di̍i̍.

Kalase 3:5

Ka ɛ̍ nɛ-a ka-ɛ, gbǎn nu̍-ɛ ke, sììjii̍ nu̍-ɛ ke, wlùh sɔ̀n blě-ɛ ke, dɛ̍ᵻ sɔ̀nᵻ nu̍ pɔluh ke, klǎn kɔn-ɛ la (ɛ̀ bǎ-a kwɛ̍i̍n gbo̍ᵻ wɛɛ sà dɛ i̍-ɛ), kmɔ̌-a nu̍-dɛ̍ᵻ bo. I̍h nɔ̀ɔ̍, sà i̍h sɔ̀n we̍ la̍ sǔh kleǐnklein.

1 Timote 6:10

Dɛ̍nu̍ɛ, wlǐ-i jbɛɛ bo ɛ̀ nu̍ dɛ̍ᵻ sɔ̀nᵻ kli̍hgbɛ̍-a maa. Wlǐ dɛ-a jàjà nu̍ ɛ̍ iě nyɔ̍ duuh tǎli Nyɔsoa wlùh gbaɛ tìh i̍, wɛ̀ u̍h ja u̍h-a chɛ̀ wlùh-a dě de̍ i̍ gbǎ-a dɔu we̍.

1 Timote 6:17

Nɛ̀ nyɔ̍ ùh blě-a kmɔ̌-a pàn-dɛ̍ᵻɛ́, chlì u̍h-a dounᵻ u̍h-u je̍e i̍h wlùh i̍ kɔ̍, wɛ̀ u̍h-u je̍e i̍h i̍ blɔ̌-ɛ. Dɛ̍nu̍ɛ, i̍h se̍ gba̍n kɔn. Jɛ Nyɔsoa jɔ sèàɛ̍-a dɛ̍ᵻ kli̍hgbɛ̍ to̍o̍gbǎᵻ i̍, wɛ̀ ɔ̍ nyǐ-a àɔ̀ à iě-a kmɔ̌ i̍ nui-ɛ, ɔ̍ bo u̍h iě wlùh i̍ kɔ̍.

Iblu 13:4

Nɛ̀ nyɔ̍ kli̍hgbɛ̍ gbɛ̍n-ɛ jla̍ tǐn dɛ sɔ̍nᵻ sɔɔ̌n i̍, u̍h iě ɛ̍ ja̍ tè. Nɛ̀ nynɔ̌ ke kɔan-a nyɔ̍ due bɔ̌ jla̍-a chɛ̀ cha̍n we̍ po̍-ɛ. Dɛ̍nu̍ɛ, Nyɔsoa-a mu̍ gbǎn nu̍ nyɔ̍ ke nynɛ̌à nu̍ nyɔ̍ kàn gbɛ̍n.

Wlɛfeleseɔn 21:8

Jɛ faɛn nyɔ̍ ke, se̍ wlùh gbaɛ blě nyɔ̍ ke, ùh-a nu̍-a sììjii̍-ɛ ke, nyɔ̍ gbe̍ja̍a̍ poe nyɔ̍ ke, gbǎn nu̍ nyɔ̍ ke, wù po̍ nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke, si̍h tmɔ̌ nyɔ̍ kli̍hgbɛ̍ u̍h-a nɛ la̍-a mu̍ dě pɔ̀nɔ̌ nɛ̍-a pàìbǒ di̍i̍ nu̍. Ɛ̍ bo ɛ̀ nu̍ mɛ̌ɛ-a sɔɔ̌n naɛ.”

Wlɛfeleseɔn 22:15

Sììjii̍ nu̍ nyɔ̍ ke, wù po̍ nyɔ̍ ke, gbǎn nu̍ nyɔ̍ ke, nyɔ̍ gbe̍ja̍a̍ poe nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke nyɔ̍ kli̍hgbɛ̍ ùh jbɛɛ-a si̍h tmɔ̌ dɛɛ ma̍u̍-ɛ, u̍h bo ùh-a mu̍ sɔ̀n sie.