Ɛfɛsɔ 5:3 - Ku̍o̍ Delee 1999

³ Jɛ gbǎn nu̍ dɛ ke, sììjii̍ nu̍-ɛ ke, klǎn kɔn dɛ bɔ̌ dě mɔ̀ nynɛ̌-a chɛ̀ gbǎ-a. Dɛ̍nu̍ɛ, i̍h se̍ dě Nyɔsoa nyɔ̍ nynɛ̌ i̍ nmɔ.

Ɛfɛsɔ 5:3 Iomraidhean Croise

Matio 15:19

Dɛ̍nu̍ɛ, dǒ nyɔ̍ wlùh kɛ̍n bo dɛ̍ᵻ sɔ̀nᵻ wlùh i̍ naɛ-ɛ sɔ. I̍h-a nu̍ ɛ̍ àn poe nyɔ̍ gbe̍ja̍a̍, àn nu̍ nynɛ̌à, àn nu̍ gbǎn, àn jlǐ, àn tmɔ̌ si̍h, ɛ̍ ke nyɔ̍-a nynɛ̌ jii̍ nyni-ɛ ke.

Pɔ̀n Chɛ̀ Luu To-a La 12:15

Wɛ̀ Jusu la̍a̍ dě nyɔ̍ kli̍hgbɛ̍ we̍, “Mɔ̀ nu̍ nɛnɛ̌, nɛ̀ mɔ̀ tù mɔ̀-a chɛ̀ jlǐhɛ̍ dǒ klǎn kɔn dɛ we̍. Dɛ̍nu̍ɛ, nyi̍ɔ̍-a feɛ se̍ kɔn-dɛ̍ᵻ tìèwe̍ ɔ̍ blě-aɛ i̍ bǎ.”

Pɔ̀n Chɛ̀ Luu To-a La 16:14

Fɛlesii nyɔ̍ ùh jbɛɛ-a wlǐ-iɛ, u̍h wɔ̌n ìh kli̍hgbɛ̍ la, wɛ̀ u̍h-a po̍ Jusu pàwe̍i̍.

Nu̍-dɛ̍ᵻ 15:20

Jɛ mɔ̀ à chlǐh u̍h we̍, à iě u̍h wlùh sèàɛ̍. Di̍-dɛ̍ u̍h pi̍-a dǒ kwɛ̍i̍n gbo̍ᵻ we̍-ɛ, nɛ̀ u̍h bɔ̌ i̍h di̍-ɛ. U̍h tǎli gbǎn nu̍ dɛ i̍, nmi̍ɛ̍ jǎ nymɔ̍ i̍-ɛ, nɛ̀ u̍h bɔ̌ ɛ̍ di̍-ɛ. Nɛ̀ u̍h bɔ̌ nymɔ̍ di̍-ɛ ke.

Nu̍-dɛ̍ᵻ 20:33

Ǎn dɛ̍ ǎn nu̍-aɛ, nyɔ̍ɔ-a sebla̍ ke, kòo̍ ke jlii̍ u̍h blě-aɛ, ǎn jlǐh se̍ i̍h we̍ nɛ.

Wloma 1:29

Kà gblɛ̍n bo ɛ̀ jǐ dě u̍h di̍i̍. U̍h-a nu̍ dɛ̍ᵻ sɔ̀nᵻ u̍h kɔn klǎn, iě gblɛ̍n-ɛ nyni-ɛa po̍ u̍h gbǐh. U̍h kɔn wlɛ̀n, u̍h-a poe nyɔ̍ gbe̍ja̍a̍, iě u̍h blě chɛ̀-ɛ. U̍h kɔn gblàa̍, iě u̍h-a naɛ dɛ̍ sɔ̀n nu̍-ɛ wlùh i̍ dǒ nyɔ̍ duuh we̍, wɛ̀ u̍h-a chɛ̍n nyɔ̍.

Wloma 16:2

Mɔ̀ gbɛ̍n ɔ̍ tìh i̍ dǒ Joi-a nynɛ̌ kɛ̍n, kǎ Nyɔsoa nyɔ̍ kɔn u̍h iě nu̍. Nɛ̀ dɛ̍-o-dɛ̍ kli̍hgbɛ̍ ɔ̍ nɛ-a blě ka̍-ɛ, mɔ̀ gbǎ ɔ̍ we̍ ɔ̍ iě ɛ̍ jě. Dɛ̍nu̍ɛ, ɔ̍ dǔ nyɔ̍ dɔu we̍ gbǎ-a se̍e̍, ɛ̍ ke ǎn chɛ̀ ke.

Wloma 6:13

Mɔ̀ bɔ̌ mɔ̀-a ku̍-a dɛ̍-o-dɛ̍ gblɛ̍n sɔ̀ɛ̀n kwlǎ sà-ɛ dǒ kà gblɛ̍n nu̍-ɛ we̍. Jɛ mɔ̀ sà-ɛ mɔ̀-a chɛ̀ Nyɔsoa kwlǎ ka nyɔ̍ ùh wlǔh-ae wɛ̀ ùh nɛ-a kmɔ̌ dode̍-ɛ. Mɔ̀ sà-ɛ mɔ̀-a ku̍ kli̍hgbɛ̍ Nyɔsoa kwlǎ dǒ i̍ slɛ̌-ɛ dɛ̍ᵻ nu̍-ɛ we̍.

1 Kɔwlɛntiɔn 10:8

Mɔ̀ à bɔ̌ gbǎn dɛ nu̍-ɛ. Ɛ̍ kɔn ba̍ bo u̍h-a duuh nu̍ wɛ̀ u̍h-a wlǔ-a kwela sɔɔ̌n jɔ̌ ta̍a̍n (23,000) mɛ̌ dǒ weɛ̍ due di̍i̍.

1 Kɔwlɛntiɔn 5:1

Nyɔ̍ po̍ ǐn kunǎ gbe̍i̍n ka gbǎn nu̍-ɛ nɛ-a dě mɔ̀ nynɛ̌-ɛ. Se̍ Nyɔsoa juo nyɔ̍-a chɛ̀ u̍h-u nu̍ la̍a̍n. U̍h la̍ mɔ̀-a nyɔ̍ due ke ɔ̍ baa-a nynɔ̌-a po̍ dlǔ tàdùè i̍,

1 Kɔwlɛntiɔn 6:13

Nyɔ̍ dɔɔ-a mu̍ ka dǎ, “Di̍-dɛ̍ kɔn dǒ kwlǐ we̍, wɛ̀ kwlǐ kɔn dǒ di̍-dɛ̍ we̍.” I̍i̍n, ka ɛ̍ nɛ, jɛ ɛ̍ mu̍ weɛ̍ kɔn wɛ̀ Nyɔsoa iě i̍h nɛ-a sɔɔ̌n-ɛ gbɔ̀lɔ. Nyɔ̍-a ku̍ se̍ dǒ gbǎn nu̍-ɛ we̍ kɔn. Ɛ̍ kɔn dǒ Joi Jusu we̍, wɛ̀ Joi kɔn ɛ̍ wlu̍ i̍.

1 Kɔwlɛntiɔn 6:18

Sà gbǎn nu̍-ɛ sɔ̍n di̍i̍. Gblɛ̍n sɔ̀ɛ̀n jih sie-a dǒ de̍-ɛ, i̍h-i nui nyɔ̍-a ku̍ dɛ̍, jɛ nyɔ̍ ɔ̀ nu̍-a gbǎn-ɛ, nɛ̀ ɔ̍ nu̍ ɔ̍ chɛ̀-a ku̍ gblɛ̍n sɔ̀ɛ̀n pùn wɛ̀.

2 Kɔwlɛntiɔn 12:21

Ǎn ple̍ faɔn pò ǐn ji̍ dě mɔ̀ we̍ dɛ-ɛ, ǎn Nyɔsoa-a mu̍ ɛ̍ nu̍ iě mɔ̀-a tɛ̀n ple̍. Nyɔ̍-se̍-juo ǎn mu̍ sùàɛ̀n pa̍ dǒ nyɔ̍ dɔu ùh nu̍-a gblɛ̍n sɔ̀ɛ̀n sàì wɛ̀ ùh se̍-a i̍h kɛ̍n i̍ poe dǒ u̍h-a chɛ̀-a sììjii̍ nu̍-ɛ ke, gbǎn nu̍-ɛ ke se̍i̍kɔɛn u̍h nu̍-a we̍.

Ɛfɛsɔ 5:12

Dɛ̍ᵻ u̍h-a nui-a dě kwile-eɛ, i̍h-a sà-aa chɛ̀ nɛ tɛ̀n-ɛ.)

Ɛfɛsɔ 5:5

Ɛ̍ tìh-ɛ, mɔ̀ tù ɛ̍ jlǐhɛ̍ ka gbǎn nu̍ nyɔ̍ ke, sììjii̍ nu̍ nyɔ̍ ke, klǎn kɔn nyɔ̍ ùh nu̍-a kwɛ̍i̍n gbo̍ᵻ wɛɛ sà nyɔ̍-ɛ, u̍h se̍ dɛ̍ jě mu̍ dě Klai ke Nyɔsoa-a kmɔ̌ wlu̍ i̍ kɔn-ɛ di̍i̍.

Felepai 1:27

Dɛ̍ due gbài̍ mɔ̀ iě-a nu̍-ɛ, ɛ̍ nu̍ ka Klai-a pɔ̀n chɛ̀-a pɔ̀n-a mɔ̀ iě-a nɛ-ɛ, mɔ̀ iě laǎn nɛ. Wɛ̀ pò ǎn jɛ ji̍ dě mɔ̀ we̍-o, iě pò ǐn se̍-e ji̍-o, iě i̍h wɔ̌n mɔ̀ iě kǎn i̍ nyna dě wlùh due di̍i̍. Wɛ̀ mɔ̀-a dɛ̍ we̍ fɔ̀n-ɛ iě due nɛ dǒ wlùh gbaɛ ɛ̀ kɔ̍-a dǒ pɔ̀n chɛ̀ kɛ̍n i̍-ɛ we̍.

Kalase 3:5

Ka ɛ̍ nɛ-a ka-ɛ, gbǎn nu̍-ɛ ke, sììjii̍ nu̍-ɛ ke, wlùh sɔ̀n blě-ɛ ke, dɛ̍ᵻ sɔ̀nᵻ nu̍ pɔluh ke, klǎn kɔn-ɛ la (ɛ̀ bǎ-a kwɛ̍i̍n gbo̍ᵻ wɛɛ sà dɛ i̍-ɛ), kmɔ̌-a nu̍-dɛ̍ᵻ bo. I̍h nɔ̀ɔ̍, sà i̍h sɔ̀n we̍ la̍ sǔh kleǐnklein.

1 Tɛsoloniɔn 4:3

Ɛ̀ la bo ɛ̀ nu̍ Nyɔsoa-a wlùh dɛ dǒ mɔ̀ we̍. Ɔ̍ pɔ̀n mɔ̀-a kmɔ̌ iě ɔ̍ we̍ fòè-e, mɔ̀ iě gbǎn nu̍-ɛ we̍ i̍ ti̍ɛ̍ɛn.

1 Tɛsoloniɔn 4:7

Nyɔsoa se̍ à dǎ à iě dě gbǎn nu̍-ɛ di̍i̍ nɛ, jɛ ɔ̍ dǎ àɔ̀ à iě nɛi̍ wɛ̀.

1 Timote 2:10

Jɛ nynɔ̌gbaɔᵻ ùh-a pɔ̀n-a Nyɔsoa nyɔ̍ nu̍-ɛ i̍-ɛ, nɛ̀ nu̍-dɛ̍ᵻ chɛ̀ bo ìh wɛɛn dǒ u̍h pùn i̍.

1 Timote 3:3

Nmɔ̍ bɔ̌ ɔ̍ wlì sìèè-ɛ. Ɔ̍ bɔ̌ dɛ̍ᵻ klàn kɛ̍ɛ̍n gba̍ nyɔ̍ nu̍-ɛ, jɛ ɔ̍ gbɛ̍n gba̍n, ɔ̍ iě kmɔ̌ i̍ gbe̍ɛ̍ɛn nyɔ̍ nu̍. Ɔ̍ bɔ̌ wlǐ klǎn kɔn-ɛ.

1 Timote 6:10

Dɛ̍nu̍ɛ, wlǐ-i jbɛɛ bo ɛ̀ nu̍ dɛ̍ᵻ sɔ̀nᵻ kli̍hgbɛ̍-a maa. Wlǐ dɛ-a jàjà nu̍ ɛ̍ iě nyɔ̍ duuh tǎli Nyɔsoa wlùh gbaɛ tìh i̍, wɛ̀ u̍h ja u̍h-a chɛ̀ wlùh-a dě de̍ i̍ gbǎ-a dɔu we̍.

2 Timote 3:2

Nyɔ̍ɔ-a mu̍ u̍h-a chɛ̀-a tìh sì, u̍h iě klǎn kɔn, u̍h iě wɔ̍i̍n po̍, u̍h iě nyɔ̍ kɛ̍n i̍ blɔ̌-ɛ, u̍h iě chlèwli̍ po̍. Nɛ̀ u̍h se̍ de̍ᵻ ke baaᵻá wlu̍ nu̍ mu̍. U̍h-a pɔluh se̍ i̍ tè mu̍, u̍h-a mu̍ kà kɔn.

Taitɔ 1:11

Ìn kɔn ìè u̍h bɔ̌ i̍ po̍. Dɛ̍nu̍ɛ, wlǐ klǎn kɔn tìh-ɛ, u̍h-a nyni-i chɛ̌tu gbài̍ laa̍ u̍h-a dlǔᵻ jii̍ dǒ dɛ̍ᵻ u̍h se̍-a kɔn u̍h iě-a nǎ poe de-ɛ we̍.

Taitɔ 1:7

Ka ɔ̍ nu̍-a fààmlà iě Nyɔsoa-a kɔan nɛ-a dě ɔ̍ kwa̍-ɛ, ɔ̍ bɔ̌ kǐh bu̍hᵻ i̍ nɛ-ɛ. Ɔ̍ bɔ̌ ɔ̍ chɛ̀ i̍ bɛ̌-ɛ, dǒ ɔ̍ wlì bɔ̌ i̍ kɔǎn-a, nmɔ̍ bɔ̌ ɔ̍ wlì sìèè-ɛ. Ɔ̍ bɔ̌ dɛ̍ᵻ klàn kɛ̍ɛ̍n gba̍ nyɔ̍ nu̍-ɛ, ɔ̍ bɔ̌ wlǐ klǎn kɔn-ɛ.

Taitɔ 2:3

Nɛ̀ ìn sèàɛ̍ nynɔ̌gbaɔᵻ klaaᵻ wlùh ke u̍h iě tìh i̍ ple̍ ka Nyɔsoa we̍ fòè nyɔ̍-a nɛ-aɛ. U̍h bɔ̌ nyɔ̍-a wlu̍ wɔ̍i̍n nyni-ɛ, iě u̍h wɔ̍ bɔ̌ nmɔ̍-a kèi̍ nu̍-ɛ ke. Jɛ ɛ̀ nu̍-a dɛ̍ chɛ̀-ɛ, ɛ̍ bo u̍h iě nyɔ̍ nǎ poe.

Iblu 12:16

Mɔ̀ jě ɛ̍ we̍ ke mɔ̀-a nyɔ̍-ɔ je̍e gbǎn nu̍ nyɔ̍ nu̍, àe̍e̍ mɔ̀-a nyɔ̍-ɔ se̍-e Nyɔsoa dɛ-ɛ nɛ ka Isɔ-ɛ, ɔ̀ tù-a di̍-dɛ̍ tìh wɛ̀ ɔ̍ ple̍-a ɔ̍ nyɔ̍ klaa dɛ-a pɔ̀ìě-ɛ.

1 Pitɛ 5:2

nyɔ̍ ùh Nyɔsoa nyǐ-a mɔ̀-ɛ, mɔ̀ gbɛ̀n dǒ u̍h we̍ i̍, mɔ̀ iě u̍h-a nɛnɛ̌ nu̍. Mɔ̀-a kloǒ bɔ̌ ɛ̍ nu̍-ɛ, jɛ mɔ̀ nu̍ ɛ̍ dǒ wlùh-a i̍ pɛ̌n-ɛ we̍ ka Nyɔsoa-a pɔ̀n-a mɔ̀ iě-a nu̍-ɛ. Mɔ̀ bɔ̌ dbo̍ nu̍-ɛ pɛ̌ɛ la tìh, jɛ mɔ̀ nui ɛ̍ nyɔ̍ jǔ dbee-ɛ.

2 Pitɛ 2:10

Nyɔ̍ ùh wɔ̀-a dǒ u̍h-a chɛ̀-a wlùh dɛ̍ᵻ de̍e̍, iě u̍h-a nu̍-a se̍i̍kɔɛn, wɛ̀ ùh-u jě-a tùn blě nyɔ̍ dɛ̍ɛ̍-ɛ, u̍h-u bo Nyɔsoa-a mu̍ kàn gbɛ̍n chɛ̀ɛ̌chɛ̀. Nǎ po̍ nyɔ̍-a si̍h naɛ la u̍h bɛ̌ wlì i̍, iě u̍h-a chɛ̍n ko̍o̍. Tìh-a i̍ bɛ̌-ɛ nyɔ̍ nɛ-a dě à dlǔwèàì-ɛ, u̍h-u ple̍ faɔn dǒ u̍h wlu̍ pùn i̍ po̍ la̍.

2 Pitɛ 2:14

U̍h nɛ sɛ̌ jlǐh kleǐn, u̍h-u bɔ̌ gblɛ̍n sɔ̀ɛ̀n nu̍-ɛ. U̍h-a po̍ dli̍h wlɔ̍nᵻ we̍ nyɔ̍ blu̍ja̍a̍. Klǎn kɔn-ɛ bo u̍h cheǎn. Jɛ Nyɔsoa-a mu̍ u̍h wlu̍we̍i̍ po̍.

2 Pitɛ 2:3

Nǎ po̍ nyɔ̍-a si̍h naɛ laa̍ u̍h kɔn klǎn, ɛ̍ tìh u̍h-a mu̍ si̍h tmɔ̌ wɛ̀ u̍h iě mɔ̀ dɛ̍ kɛ̍n jě. U̍h-a se̍ kɛ̀n gba̍ pèle dǒ u̍h de̍e̍-ɛ se̍e̍, iě u̍h-aa gbɔ̀lɔ nyɔ̍ wɔ̍ se̍ mɔ̌ dɛ ke.

Wlɛfeleseɔn 2:14

Jɛ ǐn blě mɔ̀-a kɔ̌ɛ nynɛ̌ wei. Mɔ̀ blě nyɔ̍ duuh dě mɔ̀ we̍ u̍h gbǎ dǒ Belɛm-a nǎ po̍ wlu̍ de̍e̍. Belɛm po̍ Bela nǎ ɔ̍ iě ɛ̍ nu̍ Eslɔɛ nyɔ̍ iě gblɛ̍n sɔ̀ɛ̀n nu̍, u̍h iě di̍-dɛ̍ᵻ ìh sà-ɛa slaǎ dǒ kwɛ̍i̍n gbo̍ᵻ we̍-ɛ di̍ wɛ̀ u̍h iě gbǎn nu̍ dɛ̍-ɛ gbǎ.

Wlɛfeleseɔn 2:21

Ǐn nyǐ ɔ̍ ti̍ wɛ̀ ɔ̍ iě i̍ bǐi ɔ̍ iě ɔ̍ gblɛ̍n sɔ̀ɛ̀n kɛ̍n i̍ poe, ɔ̍ iě ɔ̍ gbǎn nu̍ dɛ̍ i̍ tǎli. Jɛ ɔ̍ se̍ ɛ̍ nu̍-ɛ i̍ pɔ̀n.

Wlɛfeleseɔn 21:8

Jɛ faɛn nyɔ̍ ke, se̍ wlùh gbaɛ blě nyɔ̍ ke, ùh-a nu̍-a sììjii̍-ɛ ke, nyɔ̍ gbe̍ja̍a̍ poe nyɔ̍ ke, gbǎn nu̍ nyɔ̍ ke, wù po̍ nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke, si̍h tmɔ̌ nyɔ̍ kli̍hgbɛ̍ u̍h-a nɛ la̍-a mu̍ dě pɔ̀nɔ̌ nɛ̍-a pàìbǒ di̍i̍ nu̍. Ɛ̍ bo ɛ̀ nu̍ mɛ̌ɛ-a sɔɔ̌n naɛ.”

Wlɛfeleseɔn 22:15

Sììjii̍ nu̍ nyɔ̍ ke, wù po̍ nyɔ̍ ke, gbǎn nu̍ nyɔ̍ ke, nyɔ̍ gbe̍ja̍a̍ poe nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke nyɔ̍ kli̍hgbɛ̍ ùh jbɛɛ-a si̍h tmɔ̌ dɛɛ ma̍u̍-ɛ, u̍h bo ùh-a mu̍ sɔ̀n sie.

Wlɛfeleseɔn 9:21

Iě u̍h wɔ̍-ɔ bǐi i̍ ke dǒ u̍h-a nyɔ̍ gbe̍ja̍a̍ po̍-ɛ ke, wù po̍-ɛ ke, gbǎn nu̍-ɛ ke jlǐ-ɛ we̍.