Ɛfɛsɔ 5:26 - Ku̍o̍ Delee 1999

²⁶ ɔ̍ iě ɛ̍ pɔ̌ tè dǒ Nyɔsoa we̍. Ɛ̍ kɔn ɔ̍ nu̍ nǐ ke wlu̍ wɛ̀ ɔ̍ wɔ̍lɔ ɛ̍, iě ɛ̍ wɛ̀ flɛ̀n i̍.

Ɛfɛsɔ 5:26 Iomraidhean Croise

Chɔɔn 13:10

Wɛ̀ Jusu la̍a̍ dě ɔ̍ we̍, “Nyɔ̍ jɔ dle-aɛ nɔ̀ɔ̍, nɛ̀ ɔ̍ wɛ̀ flɛ̀n wɛ̀. Nɛ̀ ɔ̍ bu̍hᵻ nɛ due bo ɔ̍ mu̍ la̍ dle sǔh. Mɔ̀ wɛ̀ flɛ̀n wɛ̀, jɛ ɛ̍ se̍ mɔ̀ kli̍hgbɛ̍.”

Chɔɔn 15:3

Wlu̍ la ǐn bla̍-a dě mɔ̀ we̍-ɛ, ɛ̍ wɔ̀ mɔ̀ flɛ̀n wɛ̀ se̍e̍.

Chɔɔn 15:8

Mɔ̀-a buǒᵻ dɔu tlo-ɛ bo ɛ̀ bɛ̌-ɛ ǐn Baa-a nynɛ̌ i̍. Ɛ̍ bo ɛ̀ flɔn-ɛ ɛ̍ we̍i̍ ka mɔ̀ nu̍-a ǎn kòà-ɛ.

Chɔɔn 17:7

Nɛ̀ u̍h juo ɛ̍-ɛ kaka dɛ̍ᵻ kli̍hgbɛ̍ ìn nyǐ-a m-ɛ, i̍h sɔ dě ìn we̍.

Chɔɔn 3:5

Jusu la̍a̍, “Tìh-a taǐn ǎn sèàɛ̍ ìn wlùh, pò nyɔ̍ wlǔh dode̍ dǒ nǐ ke Nyɔsoa-a Sùù we̍-ɛ, nɛ̀ ɛ̍ kɔn tɛ̀ ǐn sà-o. Jɛ pò ɛ̍ se̍ la̍a̍n nɛ-ɛ, nɛ̀ ɔ̍ se̍ dě Nyɔsoa-a kmɔ̌ wlu̍ i̍ kɔn-ɛ di̍i̍ i̍ sǐ mu̍.

Nu̍-dɛ̍ᵻ 22:16

Dɛ̍ àn fuo ke̍ gbɔ̀ɔ ɛ? Sɔ bloɔ̍ ìè nǐ dlǔ po̍ kaka àn gblɛ̍n sɔ̀ɛ̀n iě nǐ tɔ̀ùnwe̍ mu̍ dǒ ɔ̍ nynɛ̌ i̍ dǎ-a we̍.’

Nu̍-dɛ̍ᵻ 26:18

Nɛ̀ ìn pɔ̀ni u̍h-a jlǐh. Bǐi u̍h nɔ̌ sɔ̀npli we̍ u̍h iě kwile kɛ̍n i̍ poe. Sà u̍h dǒ Setɔn-a gbǐh sɔ̀n u̍h iě Nyɔsoa naɛ we̍ ji̍, wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ dě u̍h-a ǎn wlùh gbaɛ di̍i̍. Nɛ̀ u̍h-a mu̍ wɔ̀ɔ̀ kɔn dě Nyɔsoa-a chèɛ̀ tba̍ nyɔ̍ nynɛ̌.’

Wloma 10:8

Kǎ Nyɔsoa-a wlu̍ dǎ ka, ɛ̍ la̍a̍, “Nyɔsoa-a tu̍owli kɔǎɛn ìn we̍ i̍. Ɛ̍ nɛ dǒ ìn wɔ̍i̍n ke dǒ ìn wlùh kɛ̍n.” Tu̍owli-a chɛ̀ bo ɛ̀ nu̍-a wlùh gbaɛ blě tìh à bla̍-a.

1 Kɔwlɛntiɔn 6:11

Kǎ mɔ̀-a nyɔ̍ duuh nɛ de, jɛ mɔ̀ wɛ̀ nɛi̍ wɛ̀, iě mɔ̀ kɔn dǒ Nyɔsoa we̍. Mɔ̀ slɛ̌ i̍ wɛ̀ dě Nyɔsoa jlǐh dǒ ɔ̍ Sùù we̍, ɛ̍ ke dǒ à Joi Jusu Klai-a nynɛ̌ kɛ̍n ke.

2 Kɔwlɛntiɔn 11:2

Ǎn nu̍ mɔ̀-a wlɛ̀n ka Nyɔsoa-a nu̍-aɛ. Mɔ̀ wɔ̀ nynɔ̌gbaɔ ɔ̀ se̍-a dɛ̍ i̍ juo-ɛ. Ɔ̍ kɔn wlu̍ bo ǐn po̍ tɔ̀ma̍a̍ ɔ̍ iě jɔ̍gbau due gbài̍ blǐ tǐn, ɔ̀ nu̍-a Klai-ɛ.

Ɛfɛsɔ 6:17

Nɛ̀ Nyɔsoa-a mɔ̀ pǔh-iɛ bo ɛ̀ iě mɔ̀-a nɛ̍ne̍ɛ̍ gblà nu̍ mɔ̀ iě tèè. Nyɔsoa-a wlu̍ ɔ̍ Sùù nyǐ-a mɔ̀-ɛ, mɔ̀ dǔ ɛ̍-ɛ, ɛ̍ iě mɔ̀-a plàn chlɛ̀n nu̍.

Kalase 3:16

Mɔ̀ nu̍ ɛ̍ wlu̍ Klai bla̍-a ɛ̍ iě mɔ̀ nya̍ pàn-ɛ. Mɔ̀ po̍ nǎ mɔ̀ iě slɛ̌ chèɛ̀ we̍ i̍ poe dǒ flɔ̍nwlùh kli̍hgbɛ̍ we̍. Mɔ̀ ble̍ duǐh ìh sɔ-a dě Duǐh Chlǐh-dɛ̍ di̍i̍-ɛ. Nɛ̀ mɔ̀ ble̍ Nyɔsoa-a tìhwe̍ po̍ duǐh ke ɔ̍ Sùù duǐh, wɛ̀ mɔ̀ iě ɔ̍ tlɔ̌ po̍ dǒ mɔ̀ wlùh kɛ̍n.

Taitɔ 2:14

Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

Iblu 10:10

Jusu Klai nu̍ Nyɔsoa-a wlùh. Ɔ̍ sà-ɛ ɔ̍ chɛ̀-a ku̍ slaǎ kleǐnklein à gblɛ̍n sɔ̀ɛ̀n-a tìh, ɛ̍-ɛ bo ɛ̀ wɔ̀ à nɛi̍.

Iblu 10:14

Ɔ̍ chɛ̀ slaǎ sà-ɛ due ɔ̍ nu̍-aɛ, nyɔ̍ ùh tè-ea pɔ̌ dǒ Nyɔsoa we̍-ɛ, ɛ̍ wɔ̀ u̍h gblɛ̍ja̍i̍ nɔ̌ kmɔ̌-a kmɔ̌.

Iblu 10:22

Nɛ̀ mɔ̀ à ji̍ Nyɔsoa i̍ kɔǎɛn la̍ sǔh dǒ wlùh chɛ̀ ke wlùh gbaɛ chɛ̀ɛ̌chɛ̀ we̍. Nɛ̀ mɔ̀ à blě wlùh ɛ̀ se̍-a kɛ̍ i̍ nɛ ɛ̀ nɛ-a wlaǎwla-ɛ, ɛ̍ ke ku̍ jɛ dle-ea nǐ wlihwlǐh-ɛ ke.

Iblu 10:29

Pò nyɔ̍ jaɛ Nyɔsoa-a Jǔ-a tìh jlǐh, wɛ̀ ɔ̍ se̍ nymɔ̍ ɛ̀ to-a ɛ̍ ka Nyɔsoa po̍-a ku̍o̍ iě nymɔ̍-a chɛ̀ dle ɔ̍ i̍ dǒ Nyɔsoa we̍-ɛ, pò ɔ̍ se̍ ɛ̍ dɛ̍ dǎɛ wɛ̀ ɔ̍ iě blɛ nɛ Sùù chlèe-ɛ, nɛ̀ ka ɔ̍ naɛ kàn gbɛ̍n-ɛa mu̍-a wɔ̍n ku̍ ɛ̍ iě-a telě wa̍ nyɔ̍ sìì-ɛ, mɔ̀ se̍ i̍h juo ae?

Iblu 13:12

Ɛ̍ kɔn Jusu mɛ̌-ɛ dǒ wlɔ̀ sɔ̀n dě wìè-i, wɛ̀ ɔ̍ chɛ̀-a nymɔ̍ iě nyɔ̍ɔ nɛi̍ wɛ̀.

Iblu 4:12

Nyɔsoa-a wlu̍ tè kmɔ̌ i̍, iě ɛ̍ nu̍ dɛ̍ᵻ i̍. Ɛ̍ nmǎ-ɛ ɛ̍ sìì plàn chlɛ̀n. Ɛ̍ juo nyɔ̍-a wlùh kli̍hgbɛ̍ we̍ i̍ ka plàn chlɛ̀n tba̍ dě nyɔ̍ di̍i̍-ɛ. Ɛ̍ bo ɛ̀ chlɛ̌ nyi̍ɔ̍-a wlùh-a pɔ̀n-dɛ̍ᵻ ke wlùh i̍ naɛ dɛ̍ᵻ we̍ i̍.

Iblu 9:14

Pò nmi̍ɛ̍-ɛ nymɔ̍ ja nyɔ̍ dě Nyɔsoa jlǐh i̍ nmɔ-ɛ, nɛ̀ Klai jɔ jii-a dě kmɔ̌ sie Nyɔsoa-a Sùù di̍i̍ wɛ̀ ɔ̀ sà-a ɔ̍ chɛ̀ kwlǎ iě ɔ̍ se̍-a nɛi̍ nɛ fu̍u̍-ɛ, nɛ̀ à ji̍ ɔ̍ naɛ nymɔ̍ jě. Nɛ̀ ɛ̍ bɛ̌ɛ ɛ̍ iě à wlùh-a wlaǎwla nu̍, wɛ̀ à iě pɔ̀ɔ̍pìe̍ dɛ̍ᵻ à nu̍-a i̍ tǎli, à iě kmɔ̌ nɛ Nyɔsoa jǔ dbee.

Chiin 1:18

Ɔ̍ dǔ ɔ̍ chɛ̀-a wlùh-u wɛ̀ ɔ̍ nu̍ àɔ̀ dǒ wlu̍ ɛ̀ nu̍-a tìh-a taǐn-ɛ we̍. Wɛ̀ à iě nya̍mla nu̍ dǒ dɛ̍ᵻ kli̍hgbɛ̍ ɔ̍ nu̍-a we̍.

1 Pitɛ 1:2

Baa Nyɔsoa tba̍ mɔ̀ chèɛ̀, dɛ̍nu̍ɛ, ɛ̍ bo ɔ̍ po̍ gbɔ̀ se̍e̍ ɔ̍ iě nu̍. Ɔ̍ Sùù tè mɔ̀ pɔ̌ wɛ̀ dǒ ɔ̍ chɛ̀ we̍, wɛ̀ mɔ̀ iě Jusu Klai-a wlu̍ nu̍, ɔ̍ nymɔ̍ iě ɛ̍ nu̍ mɔ̀ iě wlaǎwla nɛ. Nyɔsoa-a blɛ ke wlùh-a i̍ tè-ɛ bo ɛ̀ iě kɛ̍n i̍ gboǎɛ dǒ mɔ̀ we̍.

1 Pitɛ 3:21

Nǐ dlǔ po̍-ɛ ɛ̀ pǔh-ia ka mɔ̀-ɛ, ɛ̍-ɛ bo jǐ-nǐ laa̍ wɔ̀. Nǐ dlǔ po̍-ɛ se̍ flɛ̀n ja̍i̍ sà-a. Jɛ wlu̍ tɔ̀ma̍a̍ po̍-ɛ bo dě Nyɔsoa we̍ dǒ à wlùh-a wlaǎwla nɛ-ɛ we̍. Mɔ̀ pǔh-i, dɛ̍nu̍ɛ, Jusu Klai wlǔh-e.

2 Pitɛ 1:9

Jɛ nyɔ̍-o-nyɔ̍ ɔ̀ se̍-a ìh la blě-ɛ, nɛ̀ ɔ̍ dɔ̌-ɛ, ɔ̍-ɔ jě i̍. Nɛ̀ ka Nyɔsoa tǎli-a ɔ̍ tɛin gblɛ̍n sɔ̀ɛ̀n i̍-ɛ, nɛ̀ ɔ̍ mǎle-e.

1 Chɔɔn 5:6

Jusu Klai la bo ɔ̀ ji̍ dǒ nǐ ke nymɔ̍ we̍. Ɛ̍ bo ɛ̀ nu̍-a ɔ̍ nǐ dlǔ po̍-ɛ ke ɔ̍ mɛ̌ɛ. Ɔ̍ se̍ ji̍ dǒ nǐ nɛ due we̍, jɛ ɔ̍ ji̍-i dǒ nǐ ke nymɔ̍ we̍. Nyɔsoa-a Sùù à tè-a wlì-ɛ bo ɛ̀ nu̍ ɛ̍ sàànsi̍i̍h, dɛ̍nu̍ɛ, Sùù nu̍ tìh-a taǐn.

Judi 1:1

Mɔ̍ Chiin de̍di̍i̍ Judi ɔ̀ nu̍-a Jusu Klai-a pòi̍ju-ɛ. Ǎn chlǐh chlǐh-dɛ̍ la dě nyɔ̍ ùh Nyɔsoa dǎ-aɛ we̍, ɛ̍ ke ùh Baa Nyɔsoa jbɛɛ-aɛ iě Jusu Klai pe̍ɛ-ɛ ka u̍h kɛ̍n i̍-ɛ.