Ɛfɛsɔ 5:25 - Ku̍o̍ Delee 1999

²⁵ Kɔanᵻ, ka Klai nu̍-a chɔchi̍h-i jbɛɛ-ɛ, kǎ mɔ̀ iě mɔ̀-a nynɔ̌gbaɔᵻ jbɛɛ nu̍ ke. Ɔ̍ sà ɔ̍ feɛ kwlǎ dǒ chɔchi̍h we̍

Ɛfɛsɔ 5:25 Iomraidhean Croise

Matio 20:28

Nyi̍ɔ̍-a Jǔ se̍ ji̍ nyɔ̍ iě ɔ̍ pòi̍ju nu̍. Jɛ ɔ̍ ji̍-i wɛ̀ ɔ̍ chɛ̀ iě pòi̍ju nu̍. Wɛ̀ ɔ̍ iě ɔ̍ feɛ i̍ pɛ̌n-ɛ, ɛ̍ iě nyɔ̍ dɔu kɛ̍ɛ̍n pùhbɔ. Ɛ̍ kɔn ba̍ mɔ̀ iě nu̍ ke.”

Chɔɔn 6:51

Mɔ̍ bo ɔ̀ nu̍ blèe̍ ɛ̀ nyǐ-a nyɔ̍ feɛ-ɛ, ɛ̀ sɔ-a dě ja̍i̍wlɔ̀ ɛ̀ ji̍-a nɔ̌ bloɔ̍-ɛ. Pò nyɔ̍-o-nyɔ̍ di̍ blèe̍ la-ɛ, nɛ̀ ɔ̍ mu̍ kmɔ̌ nɛ nɔ̌ kmɔ̌-a kmɔ̌. Blèe̍ ǎn mu̍-a to ɛ̀ iě-a kmɔ̌ la ɛ̍ feɛ nu̍-ɛ, ǎn ku̍ bo.”

Nu̍-dɛ̍ᵻ 20:28

Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍, nɛ̀ blawɛ̌ᵻ la ìh kɔn fààmlà Nyɔsoa-a Sùù nu̍-a mɔ̀ we̍i̍-ɛ, mɔ̀ tù i̍h jlǐhɛ̍ ke. Nɛ̀ ɔ̍ chɔchi̍h la ɛ̀ kɔn pɛlǔh ɔ̍ po̍-a dǒ ɔ̍ Jǔ-a nymɔ̍ we̍-ɛ, mɔ̀ tù ɛ̍ tìh jlǐhɛ̍.

Kelesea 1:4

Jusu sà ɔ̍ chɛ̀ kwlǎ à gblɛ̍n sɔ̀ɛ̀n-a tìh, wɛ̀ ɔ̍ iě à dě dɛ̍ᵻ sɔ̀nᵻ nu̍ kmɔ̌ la di̍i̍ sèìe dě à Baa Nyɔsoa-a wlùh-a i̍ pɛ̌n-ɛ di̍i̍.

Kelesea 2:20

Kaka la̍ ɛ̍ se̍ mɔ̍ ɔ̀ se̍ kmɔ̌ nɛ dɛ, jɛ Klai bo ɔ̀ nɛ kmɔ̌ wɛ̀ dě ǐn ja̍a̍. Kmɔ̌ ǐn nɛ-a ka-a dě ǎn nyi̍ɔ̍ku di̍i̍-ɛ, ǐn nɛ ɛ̍-ɛ dǒ Nyɔsoa-a Jǔ wlùh gbaɛ-ɛ we̍. Ɔ̍ bo ɔ̀ jbɛɛ m wɛ̀ ɔ̍ sà ɔ̍ feɛ kwlǎ ǎn tìh.

Ɛfɛsɔ 5:2

Mɔ̀ na-ɛ dě jbɛɛ di̍i̍, ɛ̀ kɔn ba̍ Klai nu̍-a à-a jbɛɛ-ɛ, wɛ̀ ɔ̍ sà-a ɔ̍ feɛ kwlǎ à tìh-ɛ. Ɔ̍ wɔ̀ nyǐ-dɛ̍ ɛ̀ nmɔ-a nɔ̌-ɛ ke slaǎ sà dɛ̍ ɛ̀ po̍-a Nyɔsoa gbǐh-ɛ.

Ɛfɛsɔ 5:24

Ɛ̍ tìh-ɛ, ka chɔchi̍h-a nu̍-a ɛ̍ chɛ̀ wlù ja-a dǒ Klai we̍-ɛ, kǎ nynɔ̌gbaɔᵻ kɔn u̍h iě u̍h-a chɛ̀ wlù ja-a nu̍ ke dǒ u̍h-a kɔanᵻ we̍ dǒ dɛ̍ᵻ kli̍hgbɛ̍ we̍.

Ɛfɛsɔ 5:28

Kɔanᵻ, ka mɔ̀ nu̍-a mɔ̀-a chɛ̀-a ku̍-u jbɛɛ-ɛ, kǎ mɔ̀ iě mɔ̀-a nynɔ̌gbaɔᵻ jbɛɛ nu̍ ke. Kɔan jɔ jbɛɛ-a ɔ̍ nynɔ̌-ɛ, nɛ̀ ɔ̍ wɔ̀ ɔ̍ chɛ̀-ɛ jbɛɛ wɛ̀. (

Ɛfɛsɔ 5:33

Jɛ ɛ̍ bǎ mɔ̀ i̍ ke. Kɔan jɔ-ɛ, ka ɔ̍ nu̍-a ɔ̍ chɛ̀-ɛ jbɛɛ-ɛ, kǎ ɔ̍ iě ɔ̍ nynɔ̌-ɔ jbɛɛ nu̍ ke. Nɛ̀ nynɔ̌ kɔn ɔ̍ iě ɔ̍ kɔan dɛ̍ɛ̍ jě ke.

Kalase 3:19

Kɔanᵻ, mɔ̀ jbɛɛ mɔ̀-a nynɔ̌gbaɔᵻ, nɛ̀ mɔ̀ bɔ̌ u̍h jua̍i̍ sàɛ̀.

1 Timote 2:6

Ɔ̍ sà ɔ̍ chɛ̀ kwlǎ ɔ̍ iě kmɔ̌ nyɔ̍ kli̍hgbɛ̍ kɛ̍ɛ̍n pùhbɔ. Ka Nyɔsoa-a pɔ̀n-a nyɔ̍ kli̍hgbɛ̍ iě-a pǔh-ɛ, ɛ̍ bo ɛ̀ flɔn-ɛ ɛ̍ we̍i̍ dǒ ti̍ ɔ̍ tba̍-a di̍i̍.

1 Pitɛ 3:7

Kɔanᵻ, kǎ mɔ̀ iě nu̍ ke, mɔ̀ ke mɔ̀-a nynɔ̌gbaɔᵻ iě wlu̍ i̍ wɔ̌ɛn, ka u̍h se̍-a kmu u̍h se̍-a mɔ̀ sìì-ɛ. Mɔ̀ tè u̍h ja̍, dɛ̍nu̍ɛ, Nyɔsoa-a kmɔ̌ sie feɛ ɔ̍ mu̍-a mɔ̀ nyǐ-ɛ, ɛ̍ kɔn dǒ u̍h we̍ ke. Kǎ mɔ̀ iě nu̍ wɛ̀ mɔ̀-a Nyɔsoa ba̍le-ɛ je̍e cha̍n we̍ gbǎ.

Wlɛfeleseɔn 1:5

Ɛ̍ sɔ dě sàànsi̍i̍h Jusu Klai ɔ̀-ɔ gblìh-a wlu̍ kɛ̍n-ɛ we̍ ke. Ɔ̍ bo ɔ̀ nu̍ sàǐtòò Jǔ ɔ̀ wlǔh-e, iě ɔ̍ blě blǔh baaᵻ nɛ-a nɔ̌ kmɔ̌ we̍-ɛ u̍h-a wlu̍ kwa̍. Jusu Klai jbɛɛ àɔ̀ iě ɔ̍ sèìe àɔ̀ dě à gblɛ̍n sɔ̀ɛ̀n di̍i̍ dǒ ɔ̍ nymɔ̍ we̍.

Wlɛfeleseɔn 5:9

Wɛ̀ u̍h ble̍ duǐh delee, u̍h la̍a̍, “Ìn nɛ ɛ̍ ka̍ ìè chlǐh-dɛ̍-a gbo̍lo̍ laa̍ dǔ, wɛ̀ ìè ɛ̍ slu̍ wa̍ ìè ɛ̍ wɔ̍i̍n pɔ̀ni. Dɛ̍nu̍ɛ, ìn dbǎ-ɛɛ wɛ̀ àn nymɔ̍ tɛ̀n nyɔ̍ ùh sɔ-a chɛ̌tu ke, bloa̍ ke dakɔ̍ kli̍hgbɛ̍ kɛ̍n i̍-ɛ, u̍h iě Nyɔsoa-a nyɔ̍ nu̍.