Ɛfɛsɔ 5:24 - Ku̍o̍ Delee 1999

²⁴ Ɛ̍ tìh-ɛ, ka chɔchi̍h-a nu̍-a ɛ̍ chɛ̀ wlù ja-a dǒ Klai we̍-ɛ, kǎ nynɔ̌gbaɔᵻ kɔn u̍h iě u̍h-a chɛ̀ wlù ja-a nu̍ ke dǒ u̍h-a kɔanᵻ we̍ dǒ dɛ̍ᵻ kli̍hgbɛ̍ we̍.

Ɛfɛsɔ 5:24 Iomraidhean Croise

Pɔ̀n Chɛ̀ Luu To-a La 10:17

Wɛ̀ kòà-a kwela mɛ̀sɔɔ̌n jɔ̌ sɔɔ̌n (72) laa̍ u̍h blě mɔna̍ nu̍-ɛ u̍h ji̍ de̍ka. Iě u̍h la̍a̍, “Joi, jeědih bei-a chɛ̀-a jě à dɛ̍ɛ̍ dǒ àn nynɛ̌ kɛ̍n wa.”

Ɛfɛsɔ 5:23

Dɛ̍nu̍ɛ, chɔchi̍h nu̍ Klai-a ku̍, iě ɔ̍ nu̍ ka ɛ̍ Sèìe Nyɔ̍ ke ɛ̍ dlǔ. Kǎ kɔan nu̍ ɔ̍ nynɔ̌-a dlǔtu nu̍-ɛ ke.

Ɛfɛsɔ 5:25

Kɔanᵻ, ka Klai nu̍-a chɔchi̍h-i jbɛɛ-ɛ, kǎ mɔ̀ iě mɔ̀-a nynɔ̌gbaɔᵻ jbɛɛ nu̍ ke. Ɔ̍ sà ɔ̍ feɛ kwlǎ dǒ chɔchi̍h we̍

Ɛfɛsɔ 5:33

Jɛ ɛ̍ bǎ mɔ̀ i̍ ke. Kɔan jɔ-ɛ, ka ɔ̍ nu̍-a ɔ̍ chɛ̀-ɛ jbɛɛ-ɛ, kǎ ɔ̍ iě ɔ̍ nynɔ̌-ɔ jbɛɛ nu̍ ke. Nɛ̀ nynɔ̌ kɔn ɔ̍ iě ɔ̍ kɔan dɛ̍ɛ̍ jě ke.

Kalase 3:20

Nynuu̍, mɔ̀ nu̍ nyɔ̍ ùh wlǔh-ia mɔ̀-ɛ u̍h-a wlu̍ dǒ dɛ̍-o-dɛ̍ we̍. Dɛ̍nu̍ɛ, ɛ̍ bo ɛ̀ tè-e Joi-a wlùh i̍.

Kalase 3:22

Kèi̍ᵻ, mɔ̀ nu̍ nyɔ̍ ùh kɔn-a mɔ̀-ɛ u̍h-a wlu̍ dǒ dɛ̍-o-dɛ̍ we̍. Mɔ̀ bɔ̌ u̍h-a jlǐh jě-ɛ wɛ̀ mɔ̀ bɔ̌ dɛ̍ nu̍-ɛ dǒ u̍h we̍. Jɛ mɔ̀ ple̍ Joi Jusu-a faɔn mɔ̀ iě dɛ̍ nu̍ dǒ wlùh-a i̍ pɛ̌n-ɛ we̍.

Taitɔ 2:7

Dǒ dɛ̍ᵻ kli̍hgbɛ̍ we̍-ɛ, mɔ̀ bo u̍h iě dɛ̍ i̍ blaɛ dǒ dɛ̍ chɛ̀ nu̍-ɛ we̍. Wɛ̀ nɛi̍ ìè tìh-a i̍ gbɛ̍n-ɛ nyɔ̍ nu̍ dǒ àn nyɔ̍ nǎ po̍ la̍.

Taitɔ 2:9

Gbɛ̍n-ɛ kèi̍ᵻ wɔ̍i̍n u̍h iě u̍h-a chɛ̀ wlù ja dǒ u̍h-a dlǔtuᵻ we̍, u̍h iě u̍h-a wlùh i̍ tè-e tà kli̍hgbɛ̍. U̍h bɔ̌ u̍h wɔ̍i̍n gbɛ̍n-ɛ.