Ɛfɛsɔ 5:23 - Ku̍o̍ Delee 1999

²³ Dɛ̍nu̍ɛ, chɔchi̍h nu̍ Klai-a ku̍, iě ɔ̍ nu̍ ka ɛ̍ Sèìe Nyɔ̍ ke ɛ̍ dlǔ. Kǎ kɔan nu̍ ɔ̍ nynɔ̌-a dlǔtu nu̍-ɛ ke.

Ɛfɛsɔ 5:23 Iomraidhean Croise

Nu̍-dɛ̍ᵻ 20:28

Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍, nɛ̀ blawɛ̌ᵻ la ìh kɔn fààmlà Nyɔsoa-a Sùù nu̍-a mɔ̀ we̍i̍-ɛ, mɔ̀ tù i̍h jlǐhɛ̍ ke. Nɛ̀ ɔ̍ chɔchi̍h la ɛ̀ kɔn pɛlǔh ɔ̍ po̍-a dǒ ɔ̍ Jǔ-a nymɔ̍ we̍-ɛ, mɔ̀ tù ɛ̍ tìh jlǐhɛ̍.

1 Kɔwlɛntiɔn 6:13

Nyɔ̍ dɔɔ-a mu̍ ka dǎ, “Di̍-dɛ̍ kɔn dǒ kwlǐ we̍, wɛ̀ kwlǐ kɔn dǒ di̍-dɛ̍ we̍.” I̍i̍n, ka ɛ̍ nɛ, jɛ ɛ̍ mu̍ weɛ̍ kɔn wɛ̀ Nyɔsoa iě i̍h nɛ-a sɔɔ̌n-ɛ gbɔ̀lɔ. Nyɔ̍-a ku̍ se̍ dǒ gbǎn nu̍-ɛ we̍ kɔn. Ɛ̍ kɔn dǒ Joi Jusu we̍, wɛ̀ Joi kɔn ɛ̍ wlu̍ i̍.

Ɛfɛsɔ 4:15

Jɛ pò à ja la̍ tìh-a taǐn sà dě jbɛɛ di̍i̍-ɛ, nɛ̀ à mu̍ ku̍ tà kli̍hgbɛ̍ wɛ̀ à iě Klai wɔ̀ ɔ̀ nu̍-a chɔchi̍h-a dlǔ-ɛ.

Ɛfɛsɔ 5:24

Ɛ̍ tìh-ɛ, ka chɔchi̍h-a nu̍-a ɛ̍ chɛ̀ wlù ja-a dǒ Klai we̍-ɛ, kǎ nynɔ̌gbaɔᵻ kɔn u̍h iě u̍h-a chɛ̀ wlù ja-a nu̍ ke dǒ u̍h-a kɔanᵻ we̍ dǒ dɛ̍ᵻ kli̍hgbɛ̍ we̍.

Kalase 1:18

Chɔchi̍h nu̍ ɔ̍ ku̍ iě ɔ̍ nu̍ ɛ̍ dlǔ. Ɔ̍-ɔ bo ɔ̀ nu̍ tɔ̀blɔ̍ɔ̍, iě ɔ̍ nu̍ sàǐtòò Jǔ ɔ̀ wlǔh-e, wɛ̀ ɔ̍ iě dɛ̍ᵻ kli̍hgbɛ̍-a chìnɔ̀ɔ̀n nu̍.

1 Tɛsoloniɔn 1:10

Wɛ̀ mɔ̀ iě ɔ̍ Jǔ Jusu ɔ̍ sà-eɛ, ɔ̍ dě ja̍i̍wlɔ̀ sɔ-ɛ fuo-e, ɔ̍ bo ɔ̀ sèìe àɔ̀ dǒ Nyɔsoa-a jlu̍h ɛ̀ mu̍-a ji̍-ɛ we̍.

Wlɛfeleseɔn 19:7

Mɔ̀ à nmɔ à iě ja̍ de̍le. Mɔ̀ à bɛ̌-ɛ ɔ̍ nynɛ̌ i̍, dɛ̍nu̍ɛ, Blawɛ̌ Jǔ-a nynɔ̌ jla̍ ja ti̍ nyni̍ wɛ̀. Ɔ̍ nynɔ̌ delee-a chɛ̀ gbàɛ̀ wɛ̀ ke dǒ ɔ̍ we̍.

Wlɛfeleseɔn 5:9

Wɛ̀ u̍h ble̍ duǐh delee, u̍h la̍a̍, “Ìn nɛ ɛ̍ ka̍ ìè chlǐh-dɛ̍-a gbo̍lo̍ laa̍ dǔ, wɛ̀ ìè ɛ̍ slu̍ wa̍ ìè ɛ̍ wɔ̍i̍n pɔ̀ni. Dɛ̍nu̍ɛ, ìn dbǎ-ɛɛ wɛ̀ àn nymɔ̍ tɛ̀n nyɔ̍ ùh sɔ-a chɛ̌tu ke, bloa̍ ke dakɔ̍ kli̍hgbɛ̍ kɛ̍n i̍-ɛ, u̍h iě Nyɔsoa-a nyɔ̍ nu̍.