Ɛfɛsɔ 5:20 - Ku̍o̍ Delee 1999

²⁰ Baa Nyɔsoa bo mɔ̀ iě tlɔ̌ po̍ ma̍u̍ dǒ dɛ̍ᵻ kli̍hgbɛ̍ we̍ dǒ à Joi Jusu Klai-a nynɛ̌ kɛ̍n.

Ɛfɛsɔ 5:20 Iomraidhean Croise

Chɔɔn 15:16

Mɔ̀ se̍ ǐn chèɛ̀ tba̍, mɔ̍ bo ɔ̀ tba̍ mɔ̀ chèɛ̀ iě ǐn dbo̍ mɔ̀ mɔ̀ iě buǒᵻ ìh se̍-a jii̍ nyni la̍ kɔn-ɛ po̍. Nɛ̀ pò mɔ̀ jbǎ-ɛ Baa dɛ̍ dǒ ǎn nynɛ̌ kɛ̍n-ɛ, nɛ̀ ɔ̍ mu̍ ɛ̍ mɔ̀ nyǐ.

Nu̍-dɛ̍ᵻ 5:41

Ti̍ gba̍tòà-a sɔ-a dǒ taɔ laa̍ we̍-ɛ, nɛ̀ u̍h-a nu̍ mɔna̍ kaa̍, dɛ̍nu̍ɛ, Nyɔsoa slè-e u̍h nyɔ̍ chɛ̀ wɛ̀ u̍h iě mlɔ̌ wɔ̍n gbǎ dǒ Jusu-a nynɛ̌ kɛ̍n.

Wloma 1:8

Sàǐtòò-ɛ, ǐn po̍ ǎn Nyɔsoa tlɔ̌ dě Jusu Klai ja̍a̍ dǒ mɔ̀ kli̍hgbɛ̍ we̍. Dɛ̍nu̍ɛ, mɔ̀-a wlùh gbaɛ blě pɔ̀n wɔ̀ kmɔ̌ kli̍hgbɛ̍ la dlǔ.

1 Kɔwlɛntiɔn 1:4

Ǎn po̍ Nyɔsoa tlɔ̌ ti̍ kli̍hgbɛ̍ we̍ mɔ̀-a tìh, dǒ ɔ̍ blɛ ɔ̍ nyǐ-a mɔ̀ dě Jusu Klai ja̍a̍-ɛ we̍.

1 Kɔwlɛntiɔn 15:24

Wɛ̀ ti̍-a dlǔ i̍ chlà-a iě nyni̍. Klai-a mu̍ nyɔ̍-a wlu̍ kwa̍ blě nyɔ̍ ke, tùn blě nyɔ̍ ke gbǐh blě nyɔ̍ kli̍hgbɛ̍-ɛ gbɔ̀lɔ, wɛ̀ ɔ̍ iě kmɔ̌ wlu̍ i̍ kɔn-ɛ kwlǎ sà-a dǔ dě Baa Nyɔsoa we̍.

Ɛfɛsɔ 5:4

Nɛ̀ mɔ̀ bɔ̌ chlèwli̍ po̍-ɛ ke, se̍o̍nɛ sà-a ke kòàdih sɔ̀ɛ̀n nu̍-ɛ. Dɛ̍nu̍ɛ, i̍h nyni-o tà i̍. Jɛ Nyɔsoa tlɔ̌ po̍ wlu̍ bo ɛ̀ iě dě mɔ̀ wɔ̍ɔ̍n nɛ.

Felepai 1:3

Pò mɔ̀-a tìh sǐ dǒ ǐn wlì i̍ ti̍ kli̍hgbɛ̍ we̍-ɛ, nɛ̀ ǎn po̍ ǎn Nyɔsoa tlɔ̌.

Felepai 4:6

Dɛ̍-o-dɛ̍-a sèò bɔ̌ mɔ̀ nu̍-ɛ. Dɛ̍ᵻ kli̍hgbɛ̍ mɔ̀ nɛ-a blě ka̍-ɛ, mɔ̀ tèle Nyɔsoa i̍ i̍h-a tìh mɔ̀ iě i̍h ɔ̍ jbǎ-ɛ dǒ tlɔ̌ po̍ pɔluh we̍.

Kalase 3:17

Dǒ wlu-ɛ ke nu̍-dɛ̍ᵻ we̍ o, dɛ̍-o-dɛ̍ mɔ̀-a mu̍-a nu̍-ɛ, mɔ̀ nu̍ ɛ̍ dǒ Joi Jusu-a nynɛ̌ kɛ̍n. Nɛ̀ mɔ̀ jii ɔ̍-ɔ mɔ̀ iě Baa Nyɔsoa tlɔ̌ po̍.

1 Tɛsoloniɔn 3:9

Dɛ̍ à nu̍-a Nyɔsoa tlɔ̌ po̍-ɛ mɔ̀-a tìh-ɛ, ɛ̍ se̍ dɛ̍ka nɛ. À nu̍ mɔna̍ mɔ̀-a tìh dǒ Nyɔsoa jǔ, ɛ̍ kɔn tlɔ̌ bo à po̍ ɔ̍.

1 Tɛsoloniɔn 5:18

Ka jɛ ɛ̍ nɛ-ɛ, mɔ̀ po̍ Nyɔsoa tlɔ̌. Ɛ̍-ɛ bo ɛ̀ nu̍ Nyɔsoa-a wlùh dɛ dě Jusu Klai ja̍a̍ dǒ mɔ̀ we̍.

2 Tɛsoloniɔn 1:3

À de̍di̍i̍ᵻ, à kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. À blaɛ i̍ à iě ɛ̍ nu̍, dɛ̍nu̍ɛ, mɔ̀-a wlùh gbaɛ-a ku̍ i̍ fùùh fùùh, iě mɔ̀-a nyɔ̍ juh-ɛ, u̍h-a we̍ jbɛɛ-a gbǎ kɛ̍n.

2 Tɛsoloniɔn 2:13

À de̍di̍i̍ᵻ, Joi jbɛɛ mɔ̀ɔ̍. À kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. Dɛ̍nu̍ɛ, sɔ dě tɔ̀blɔ̍ɔ̍-ɛ, Nyɔsoa tba̍ mɔ̀ chèɛ̀ mɔ̀ iě pǔh, wɛ̀ mɔ̀ iě ɔ̍ nyɔ̍ nu̍ dǒ ɔ̍ Sùù ke tìh-a taǐn wlùh gbaɛ we̍.

Iblu 13:15

Ɛ̍ tìh-ɛ, mɔ̀ à jii dě Jusu ja̍a̍ à iě Nyɔsoa tìhwe̍ po̍ ɛ̍ iě à naɛ slaǎ sà-a nu̍ ti̍ kli̍hgbɛ̍ we̍. À wɔ̍n bo ɛ̀ nu̍ à naɛ nyǐ-dɛ̍, ɛ̍ iě ɔ̍ nynɛ̌ i̍ dǎ.

1 Pitɛ 2:5

Mɔ̀ wɔ̀ kmɔ̌ nɛ sɔɔ̌ ke. Mɔ̀ɔ̍ bo Nyɔsoa dǔ-u, iě ɔ̍ poe mɔ̀ ɔ̍ Sùù-a gbò, wɛ̀ mɔ̀ iě nɛi̍ wɛ̀ slaǎ sà nyɔ̍ nu̍. Nɛ̀ mɔ̀ sà slaǎ Sùù ka, ɛ̀ Nyɔsoa-a mu̍-a i̍ gbɛ̍n dě Jusu Klai ja̍a̍-ɛ.

1 Pitɛ 4:11

Nyɔ̍-o-nyɔ̍ ɔ̀ mu̍-a tìh bla̍-ɛ, Nyɔsoa-a wlu̍ bo ɔ̍ iě bla̍. Nyɔ̍-o-nyɔ̍ ɔ̀ mu̍-a nyɔ̍ jǔ dbee ke-ɛ, ɔ̍ dbee u̍h jǔ dǒ gbǐh Nyɔsoa nyǐ-a ɔ̍ ɛ̍ we̍. Wɛ̀ Nyɔsoa iě tìhwe̍ po̍-eɛ dǒ Jusu Klai-a nynɛ̌ kɛ̍n dǒ dɛ̍ᵻ kli̍hgbɛ̍ we̍. Tìh-a i̍ bɛ̌-ɛ ke gbǐh kɔn dǒ ɔ̍ we̍ nɔ̌ kmɔ̌-a kmɔ̌. Kǎ ɛ̍-ɛ nɛ.