Ɛfɛsɔ 5:2 - Ku̍o̍ Delee 1999

² Mɔ̀ na-ɛ dě jbɛɛ di̍i̍, ɛ̀ kɔn ba̍ Klai nu̍-a à-a jbɛɛ-ɛ, wɛ̀ ɔ̍ sà-a ɔ̍ feɛ kwlǎ à tìh-ɛ. Ɔ̍ wɔ̀ nyǐ-dɛ̍ ɛ̀ nmɔ-a nɔ̌-ɛ ke slaǎ sà dɛ̍ ɛ̀ po̍-a Nyɔsoa gbǐh-ɛ.

Ɛfɛsɔ 5:2 Iomraidhean Croise

Matio 20:28

Nyi̍ɔ̍-a Jǔ se̍ ji̍ nyɔ̍ iě ɔ̍ pòi̍ju nu̍. Jɛ ɔ̍ ji̍-i wɛ̀ ɔ̍ chɛ̀ iě pòi̍ju nu̍. Wɛ̀ ɔ̍ iě ɔ̍ feɛ i̍ pɛ̌n-ɛ, ɛ̍ iě nyɔ̍ dɔu kɛ̍ɛ̍n pùhbɔ. Ɛ̍ kɔn ba̍ mɔ̀ iě nu̍ ke.”

Chɔɔn 13:34

Mɔ̀ jbɛɛ we̍, ɛ̍ bo ɛ̀ nu̍ slǔh delee ǎn po̍ mɔ̀. Ka ǐn nu̍-a mɔ̀-ɔ jbɛɛ-ɛ, kǎ mɔ̀ iě we̍ jbɛɛ nu̍ ke.

Chɔɔn 6:51

Mɔ̍ bo ɔ̀ nu̍ blèe̍ ɛ̀ nyǐ-a nyɔ̍ feɛ-ɛ, ɛ̀ sɔ-a dě ja̍i̍wlɔ̀ ɛ̀ ji̍-a nɔ̌ bloɔ̍-ɛ. Pò nyɔ̍-o-nyɔ̍ di̍ blèe̍ la-ɛ, nɛ̀ ɔ̍ mu̍ kmɔ̌ nɛ nɔ̌ kmɔ̌-a kmɔ̌. Blèe̍ ǎn mu̍-a to ɛ̀ iě-a kmɔ̌ la ɛ̍ feɛ nu̍-ɛ, ǎn ku̍ bo.”

Wloma 15:16

iě Jusu Klai-a pòi̍ju nu̍ dǒ ùh se̍-a Juu nyɔ̍-ɛ we̍. Ǐn wɔ̀ slaǎ sà nyɔ̍ ɔ̀ bla̍-a Nyɔsoa-a pɔ̀n chɛ̀-ɛ. Wɛ̀ ùh se̍-a Juu nyɔ̍-ɛ u̍h iě nyǐ-dɛ̍ ɛ̀ nmɔ-a dě Nyɔsoa jlǐh i̍ iě ɔ̍ Sùù tè-a ɛ̍ pɔ̌ dǒ ɔ̍ we̍-ɛ wɔ̀.

Wloma 4:25

Jusu sà-ɛɛ kwlǎ ɔ̍ iě mɛ̌ dǒ à gblɛ̍n sɔ̀ɛ̀n-a tìh we̍, iě ɔ̍ sà-ɛe wɛ̀ ɔ̍ iě à i̍ slɛ̌-nyɔ̍ we̍i̍ nu̍ dě Nyɔsoa jlǐh.

Wloma 8:3

Dɛ̍ ɛ̀ telě se̍-a nu̍-ɛ bɛ̌ɛ à gblɛ̍n sɔ̀ɛ̀n ku̍-a gbǐh-a mɛ̌-ɛ tìh-ɛ, ɛ̍ bo Nyɔsoa nu̍. Ɔ̍ dbo̍ ɔ̍ chɛ̀-a Jǔ dě gblɛ̍n sɔ̀ɛ̀n nu̍ nyɔ̍-a tu̍ di̍i̍ ɔ̍ iě gblɛ̍n sɔ̀ɛ̀n-a slaǎ sà-ɛ dɛ̍ nu̍. Nyɔsoa sà gblɛ̍n sɔ̀ɛ̀n kɛ̀n dě ɔ̍ Jǔ-a ku̍ laa̍ di̍i̍.

Wloma 8:37

Iěe, ìh kli̍hgbɛ̍ la i̍h se̍ à i̍ che̍ɛ̍ɛn bɛ̌ɛ. À sìì tu̍h du̍ nyɔ̍-a chɛ̀ wɛ̀ dě ɔ̀ jbɛɛ-a àɔ̀-ɛ ja̍a̍.

1 Kɔwlɛntiɔn 16:14

Mɔ̀ nui dɛ̍ᵻ kli̍hgbɛ̍ dě jbɛɛ-ɛ.

1 Kɔwlɛntiɔn 5:7

Mɔ̀ poe gblɛ̍n sɔ̀ɛ̀n ìh wɔ̀-a blèe̍ fù-i dɛ̍ᵻ soa-a kɛ̍n i̍, wɛ̀ mɔ̀ iě blèe̍ gbo̍ delee ɛ̀ se̍-a fù-i dɛ̍ᵻ we̍ nɛ-ɛ sàɛ̀, ɛ̍ bo mɔ̀ nɛ-aa. Dɛ̍nu̍ɛ, Klai to ɔ̍ chɛ̀ iě ɔ̍ nu̍ à Sììkɛ̍n Weɛ̍-a slaǎ sà-ɛ blawɛ̌ jǔ.

2 Kɔwlɛntiɔn 2:14

Jɛ à po̍ Nyɔsoa tlɔ̌, ɔ̍ nu̍ ɛ̍ dě à ke Klai-a due nɛ-ɛ di̍i̍-ɛ, iě à ke Klai ke à nu̍ dɛ̍ klà sà nyɔ̍. Nyɔsoa jii àɔ̀ wɛ̀ à bla̍ pɔ̀n chɛ̀ ɛ̀ kɔ̍-a dǒ Klai pùn i̍-ɛ, iě ɛ̍ sɛ̍ i̍ tà kli̍hgbɛ̍ ka nɔ̌-dɛ̍ chɛ̀-ɛ.

2 Kɔwlɛntiɔn 2:15

Àɔ̀ bo à wɔ̀ nɔ̌-dɛ̍ chɛ̀ ɛ̀ Klai sà-ɛa slaǎ dě Nyɔsoa we̍ dǒ nyɔ̍ ùh-a pǔh-aɛ ke juh ùh-u pǔh-aɛ nynɛ̌ we̍.

2 Kɔwlɛntiɔn 8:9

Mɔ̀ juo à Joi Jusu Klai-a blɛ nɛ-ɛ. Ɔ̍ pàn-ɛ de, jɛ ɔ̍ nu̍ ɔ̍ chɛ̀ nyɔ̍gbà nyɔ̍ we̍i̍ mɔ̀-a tìh, wɛ̀ ɔ̍ nyɔ̍gbà pa̍-a iě ɛ̍ nu̍ mɔ̀ iě pàn.

Kelesea 1:4

Jusu sà ɔ̍ chɛ̀ kwlǎ à gblɛ̍n sɔ̀ɛ̀n-a tìh, wɛ̀ ɔ̍ iě à dě dɛ̍ᵻ sɔ̀nᵻ nu̍ kmɔ̌ la di̍i̍ sèìe dě à Baa Nyɔsoa-a wlùh-a i̍ pɛ̌n-ɛ di̍i̍.

Kelesea 2:20

Kaka la̍ ɛ̍ se̍ mɔ̍ ɔ̀ se̍ kmɔ̌ nɛ dɛ, jɛ Klai bo ɔ̀ nɛ kmɔ̌ wɛ̀ dě ǐn ja̍a̍. Kmɔ̌ ǐn nɛ-a ka-a dě ǎn nyi̍ɔ̍ku di̍i̍-ɛ, ǐn nɛ ɛ̍-ɛ dǒ Nyɔsoa-a Jǔ wlùh gbaɛ-ɛ we̍. Ɔ̍ bo ɔ̀ jbɛɛ m wɛ̀ ɔ̍ sà ɔ̍ feɛ kwlǎ ǎn tìh.

Ɛfɛsɔ 1:4

Kmɔ̌ la ɛ̍ iě-a nui-ɛ, nɛ̀ ɔ̍ tba̍ à chèɛ̀ wɛ̀ se̍e̍ à ke Klai iě due nɛ. Ɔ̍ tba̍ à chèɛ̀ à iě nɛi̍ wɛ̀, wɛ̀ à nynɛ̌-ɛ je̍e kɔ̌ dǒ ɔ̍ jlǐhwai. Nyɔsoa-a à-a jbɛɛ bo

Ɛfɛsɔ 3:17

Wɛ̀ Klai iě dě mɔ̀ wlùh di̍i̍ tǐn dǒ mɔ̀-a wlùh gbaɛ blě-ɛ we̍. Ǎn ba̍le Nyɔsoa wɛ̀ jbɛɛ iě mɔ̀-a blǔh nu̍ mɔ̀ iě ɛ̍ sɛ̌n kɛ̍n poe, wɛ̀ mɔ̀ iě i̍ ku̍.

Ɛfɛsɔ 3:19

Wɛ̀ mɔ̀ iě ɛ̍ juo ka Klai jbɛɛ-a mɔ̀ɔ̍-ɛ. Nyɔ̍ se̍ ɔ̍ mɔ̀ɔ̍ jbɛɛ we̍ i̍ ju̍o̍e-ɛ bɛ̌ɛ kleǐnklein. Nɛ̀ ɔ̍ jbɛɛ-a mu̍ ɛ̍ nu̍ Nyɔsoa-a nɛ ka̍ iě mɔ̀ɔ̍ i̍ jǐi.

Ɛfɛsɔ 4:15

Jɛ pò à ja la̍ tìh-a taǐn sà dě jbɛɛ di̍i̍-ɛ, nɛ̀ à mu̍ ku̍ tà kli̍hgbɛ̍ wɛ̀ à iě Klai wɔ̀ ɔ̀ nu̍-a chɔchi̍h-a dlǔ-ɛ.

Ɛfɛsɔ 4:2

Mɔ̀ ja mɔ̀-a chɛ̀ wlù, mɔ̀ iě gba̍n gbɛ̍n. Mɔ̀ gbɛ̍n wlùh i̍, mɔ̀-a jbɛɛ iě ɛ̍ nu̍ mɔ̀ɔ̍ je̍e feǎn wlì kɔn.

Ɛfɛsɔ 5:15

Ɛ̍ tìh-ɛ, mɔ̀ tù mɔ̀-a na-a bu̍hᵻ jlǐhɛ̍. Mɔ̀ bɔ̌ na-a ka se̍ di̍i̍ flɔn nyɔ̍-ɛ, jɛ mɔ̀ na di̍i̍ i̍ flɔn dɛ.

Ɛfɛsɔ 5:25

Kɔanᵻ, ka Klai nu̍-a chɔchi̍h-i jbɛɛ-ɛ, kǎ mɔ̀ iě mɔ̀-a nynɔ̌gbaɔᵻ jbɛɛ nu̍ ke. Ɔ̍ sà ɔ̍ feɛ kwlǎ dǒ chɔchi̍h we̍

Felepai 4:18

Kaka la̍, mɔ̀ nyǐ ǐn dɛ̍ᵻ dɔu ìh sìì-a ìh ǐn kɔn iě-a blě-ɛ. Nyǐ-dɛ̍ᵻ mɔ̀ dbo̍-a ǐn we̍ ìh Ipaflodaitɔ ja-aɛ, ǎn wlùh tè i̍ dǒ i̍h we̍ kaa̍. I̍h wɔ̀ nyǐ-dɛ̍ ɛ̀ nmɔ-a nɔ̌ dǒ Nyɔsoa we̍-ɛ, ɛ̍ ke slaǎ sà dɛ̍ ɛ̀ po̍-a ɔ̍ gbǐh iě ɔ̍ gbɛ̍n-a i̍-ɛ.

Kalase 3:14

Nɛ̀ dǒ ìh kli̍hgbɛ̍ la kɛ̍n-ɛ, jbɛɛ bo mɔ̀ iě-o po̍. Dɛ̍nu̍ɛ, ɛ̍ bo ɛ̀ ja kɛ̍n i̍ gbe̍ɛ̍ɛn dǒ tà, iě ɛ̍ wɛ̀ kwlǎ.

1 Tɛsoloniɔn 4:9

Nyɔ̍-o-nyɔ̍ se̍ kɔn ɔ̍ iě mɔ̀ we̍ chlǐh dǒ mɔ̀ de̍di̍i̍ᵻ jbɛɛ dɛ we̍. Dɛ̍nu̍ɛ, mɔ̀ɔ̍ bo Nyɔsoa po̍ nǎ wɛ̀ dǒ we̍ jbɛɛ dɛ we̍.

1 Timote 2:6

Ɔ̍ sà ɔ̍ chɛ̀ kwlǎ ɔ̍ iě kmɔ̌ nyɔ̍ kli̍hgbɛ̍ kɛ̍ɛ̍n pùhbɔ. Ka Nyɔsoa-a pɔ̀n-a nyɔ̍ kli̍hgbɛ̍ iě-a pǔh-ɛ, ɛ̍ bo ɛ̀ flɔn-ɛ ɛ̍ we̍i̍ dǒ ti̍ ɔ̍ tba̍-a di̍i̍.

1 Timote 4:12

Bɔ̌ wɔ̌n-ɛ nyɔ̍ bɔ̌ àn jǔgbèlà dɛ jlǐhɛ̍ dlǔ bla̍-a. Jɛ àn wlu-ɛ ke, àn na ka̍ ke, àn nyɔ̍-ɔ jbɛɛ-ɛ ke, àn wlùh gbaɛ blě-ɛ ke wlaǎwla nɛ-ɛ bo wlùh gbaɛ blě nyɔ̍ iě dɛ̍ i̍ blaɛ.

Taitɔ 2:14

Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

Iblu 8:3

Slaǎ sà nyɔ̍-a dlǔtuᵻ kli̍hgbɛ̍ tba̍-ɛ chèɛ̀ u̍h iě nyǐ-dɛ̍ᵻ to-ɛ ke slaǎ sà dɛ nu̍ dǒ Nyɔsoa we̍. Ɛ̍ tìh-ɛ, à naɛ Slaǎ Sà Nyɔ̍-a Dlǔtu kɔn ɔ̍ iě dɛ̍ blě ke ɔ̍ iě to.

Iblu 9:14

Pò nmi̍ɛ̍-ɛ nymɔ̍ ja nyɔ̍ dě Nyɔsoa jlǐh i̍ nmɔ-ɛ, nɛ̀ Klai jɔ jii-a dě kmɔ̌ sie Nyɔsoa-a Sùù di̍i̍ wɛ̀ ɔ̀ sà-a ɔ̍ chɛ̀ kwlǎ iě ɔ̍ se̍-a nɛi̍ nɛ fu̍u̍-ɛ, nɛ̀ à ji̍ ɔ̍ naɛ nymɔ̍ jě. Nɛ̀ ɛ̍ bɛ̌ɛ ɛ̍ iě à wlùh-a wlaǎwla nu̍, wɛ̀ à iě pɔ̀ɔ̍pìe̍ dɛ̍ᵻ à nu̍-a i̍ tǎli, à iě kmɔ̌ nɛ Nyɔsoa jǔ dbee.

Iblu 9:23

Slaǎ sà-a kaɛn laa̍ bo ìh kɔn ìh iě ɛ̍ nu̍ wɛ̀ wɛɛ sà dɛ̍ᵻ kaɛn laa̍ ìh wɔ̀-a jih nɛ-a dě ja̍i̍wlɔ̀-ɛ i̍h iě dě Nyɔsoa jlǐh i̍ nmɔ. Jɛ wɛɛ sà dɛ̍ᵻ jih nɛ-a dě ja̍i̍wlɔ̀-ɛ nɔ̀ɔ̍, i̍h kɔn i̍h iě slaǎ sà-ɛ chɛ̀ blě i̍h iě jih la sìì.

Iblu 9:26

Pò ɛ̍ nɛ laan de-ɛ, nɛ̀ sɔ dǒ ti̍ kmɔ̌ iě-a nui-ɛ we̍ bo ɔ̍ kɔn ɔ̍ iě jua̍i̍ sàɛ̀-ɛ kɛ̍n i̍ gba̍-a sà de. Jɛ ɔ̍ ji̍ wɛ̀ kleǐnklein dǒ ti̍ la ɛ̍ dlǔ i̍ chlà la̍. Wɛ̀ ɔ̍ sà-ɛ ɔ̍ chɛ̀ slaǎ-a ɛ̍ iě gblɛ̍n sɔ̀ɛ̀n dǒ wìè-i sà.

1 Pitɛ 4:8

Mɔ̀-a we̍ jbɛɛ-ɛ bo ɛ̀ iě i̍ tìè, ɛ̍ iě dɛ̍ᵻ kli̍hgbɛ̍ sìì. Dɛ̍nu̍ɛ, jbɛɛ-ɛ bo ɛ̀ kaɛn gblɛ̍n sɔ̀ɛ̀n dɔu kɛ̍n.

1 Chɔɔn 3:16

Tà à juo-ea nyɔ̍-ɔ jbɛɛ dɛ̍ i̍-ɛ dǒ-o la, ɛ̍ nu̍ Jusu Klai sà ɔ̍ feɛ kwlǎ dǒ à we̍. Nɛ̀ à kɔn à iě à feɛ kwlǎ sà ke dǒ à de̍di̍i̍ᵻ we̍.

1 Chɔɔn 3:23

Ɔ̍ telě-a chɛ̀ nu̍, à gbaɛ ɔ̍ Jǔ Jusu Klai wlùh, à iě we̍ jbɛɛ. Kǎ ɔ̍ nu̍ à wlùh sèàɛ̍.

Wlɛfeleseɔn 1:5

Ɛ̍ sɔ dě sàànsi̍i̍h Jusu Klai ɔ̀-ɔ gblìh-a wlu̍ kɛ̍n-ɛ we̍ ke. Ɔ̍ bo ɔ̀ nu̍ sàǐtòò Jǔ ɔ̀ wlǔh-e, iě ɔ̍ blě blǔh baaᵻ nɛ-a nɔ̌ kmɔ̌ we̍-ɛ u̍h-a wlu̍ kwa̍. Jusu Klai jbɛɛ àɔ̀ iě ɔ̍ sèìe àɔ̀ dě à gblɛ̍n sɔ̀ɛ̀n di̍i̍ dǒ ɔ̍ nymɔ̍ we̍.

Wlɛfeleseɔn 5:9

Wɛ̀ u̍h ble̍ duǐh delee, u̍h la̍a̍, “Ìn nɛ ɛ̍ ka̍ ìè chlǐh-dɛ̍-a gbo̍lo̍ laa̍ dǔ, wɛ̀ ìè ɛ̍ slu̍ wa̍ ìè ɛ̍ wɔ̍i̍n pɔ̀ni. Dɛ̍nu̍ɛ, ìn dbǎ-ɛɛ wɛ̀ àn nymɔ̍ tɛ̀n nyɔ̍ ùh sɔ-a chɛ̌tu ke, bloa̍ ke dakɔ̍ kli̍hgbɛ̍ kɛ̍n i̍-ɛ, u̍h iě Nyɔsoa-a nyɔ̍ nu̍.