Ɛfɛsɔ 5:18 - Ku̍o̍ Delee 1999

¹⁸ Mɔ̀ bɔ̌ mɔ̀-a chɛ̀ nmɔ̍ wlì sìèè-ɛ, nɛ̀ ɛ̍ mu̍ mɔ̀-ɔ gbɔ̀lɔ. Jɛ Nyɔsoa-a Sùù bo ɛ̀ iě mɔ̀-ɔ i̍ jǐi.

Ɛfɛsɔ 5:18 Iomraidhean Croise

Matio 23:25

“Mɔ̀ɔ̍ telě nǎ poe nyɔ̍ ke Fɛlesii nyɔ̍ la, chlě dǒ mɔ̀ we̍. Mɔ̀ nɛ mɛɔ sɔɔ̌n wɔ̍ɔ̍n. Mɔ̀-a wɔ̍lɔ dǒ kàu̍n ke plɛ̌ɛ kɛ̍n i̍, jɛ nɛ̀ dě i̍h di̍i̍ jǐ-i dǒ flɛ̀n we̍. Kǎ klǎn kɔn-ɛ ke dɛ̍ᵻá kloǒ nu̍-ɛ nu̍ dě mɔ̀ di̍i̍ jǐ-ɛ.

Matio 24:49

Wɛ̀ ɔ̍ iě ɔ̍ ba̍ᵻ pòi̍nynuu̍ bla̍, ɔ̍ ke nmɔ̍-a nu̍ nyɔ̍ iě dɛ̍ we̍ di̍-i u̍h iě nǎ-ɛ,

Pɔ̀n Chɛ̀ Luu To-a La 1:15

Ɔ̍ mu̍ wɔ̍n ku̍ nyɔ̍ nu̍ dǒ Joi we̍. Ɔ̍ bɔ̌ nmɔ̍ nǎ-a, nɛ̀ ɔ̍ bɔ̌ nyɔ̍ nu̍-dɛ̍ᵻ kli̍hgbɛ̍ nǎ-a ke. Sɔ dě ɔ̍ wlǔh la̍-ɛ, Nyɔsoa-a Sùù-a mu̍ ɔ̍ i̍ jǐi.

Pɔ̀n Chɛ̀ Luu To-a La 11:13

Mɔ̀ɔ̍ juh kɔn gblɛ̍n nyni-a jii̍-ɛ, pò mɔ̀ juo mɔ̀-a nynuu̍ dɛ̍ᵻ chɛ̀ nyǐ-ɛɛ, jɛ nɛ̀ mɔ̀ Baa Nyɔsoa nɛ-a dě ja̍i̍wlɔ̀-ɛ, ɔ̍ bo ɔ̀ se̍ nyɔ̍ jbǎ-ɛa ɔ̍ Sùù-ɛ nyǐ mu̍ ae?”

Pɔ̀n Chɛ̀ Luu To-a La 12:45

Jɛ pò pòi̍ju laa̍ ɔ̍ dǎ ka dě ɔ̍ chɛ̀ we̍, ‘Ǎn dlǔtu la ɔ̍ wlè-o ji̍ la̍-a.’ Wɛ̀ ɔ̍ iě ɔ̍ ba̍ᵻ jɔ̍gbauᵻ ke nynɔ̌gbaɔᵻ ùh nu̍-a pòi̍nynuu̍-ɛ bla̍, ɔ̍ iě-e dɛ̍ i̍ di̍, ɔ̍ iě nǎ, nmɔ̍ iě ɔ̍ nu̍-ɛ,

Pɔ̀n Chɛ̀ Luu To-a La 21:34

“Mɔ̀ nu̍ mɔ̀-a chɛ̀-a nɛnɛ̌, wɛ̀ peě kɛ̍n i̍ mu̍-ɛ dɔu ke, mɔ̀-a chɛ̀ nmɔ̍ wlì sìèè-ɛ ke, kmɔ̌-a sèò la mɔ̀-ɔ je̍e i̍h we̍ maɛ wɛ̀ weɛ̍ Nyi̍ɔ̍-a Jǔ-a mu̍-a ja-ɛ, ɛ̍-ɛ je̍e mɔ̀ kɛ̍n kèè, wɛ̀ ɛ̍-ɛ je̍e mɔ̀ gbɛ̍n.

Chɔɔn 2:10

Iě ɔ̍ la̍a̍ dě ɔ̍ we̍, “Pò ɛ̍ nɛ ka-ɛ, nɛ̀ nyɔ̍ kli̍hgbɛ̍-a ja nmɔ̍ chɛ̀ sàǐtòò, jɛ nmɔ̍ sìèè-a nyɔ̍gbei wlì wɛ̀-ɛ, iě plǒai nmɔ̍ tba̍-o dlǔ. Jɛ nɛ̀ nmɔ̍ chɛ̀ bo ìn tè i̍ te̍e̍ sǔh wɛ̀ ti̍ nɛka ae?”

Nu̍-dɛ̍ᵻ 11:24

Banaba nu̍ nyɔ̍ chɛ̀, iě Nyɔsoa-a Sùù ke wlùh gbaɛ-ɛ jǐ dě ɔ̍ ku̍u̍. Ɛ̍ nu̍ ɛ̍ nyɔ̍ tlùgbei̍ ji̍ Joi we̍.

Wloma 13:13

Mɔ̀ à po̍ à chɛ̀ wìè-e, ka dě sɔ̀npli di̍i̍ nɛ nyɔ̍-ɛ. Mɔ̀ bɔ̌ sììjii̍ nu̍-ɛ peě kɛ̍n i̍. Mɔ̀ bɔ̌ mɔ̀-a chɛ̀ nmɔ̍ wlì sìèè-ɛ. Mɔ̀ bɔ̌ gbǎn nu̍-ɛ. Mɔ̀ bɔ̌ se̍i̍kɔɛn nu̍-ɛ, nɛ̀ mɔ̀ bɔ̌ chɛ̀-ɛ, mɔ̀ bɔ̌ wlɛ̀n nu̍-ɛ.

1 Kɔwlɛntiɔn 11:21

Dɛ̍nu̍ɛ, mɔ̀-ɔ fuo-e dǒ dɛ̍ di̍ la̍. Jɛ jɔ gbù-ɛ nɛ̀ ɔ̍ di̍ la̍ dɛ̍ sǔh, wɛ̀ mɔ̌-a nu̍ duuh, iě kwlǐ-a sì duuh gbɔ̀ i̍ wɛ̀ u̍h-a sìèè u̍h-a chɛ̀ nmɔ̍ wlì.

1 Kɔwlɛntiɔn 5:11

Kaka la̍ ǎn chlǐh mɔ̀ we̍, nyɔ̍ ɔ̀ dǎɛ-a ɔ̍ chɛ̀ mɔ̀ de̍di̍i̍ wɛ̀ ɔ̍ nu̍-a gbǎn, iě ɔ̍ kɔn-a klǎn iě ɔ̍ sà-a kwɛ̍i̍n gbo̍ᵻ wɛɛ, iě ɔ̍ po̍-a nyɔ̍ wlu̍ sɔ̀nᵻ pùn i̍, iě ɔ̍ sìèè-a ɔ̍ chɛ̀ nmɔ̍ wlì, iě ɔ̍ jlǐ-aɛ, nyɔ̍ kaɛn laa̍ ɔ̀ nu̍-a ìh la i̍h-a dɛ̍-ɛ, nɛ̀ ɔ̍ ke mɔ̀ bɔ̌ we̍ nɛ̍aɛ. Nɛ̀ ɔ̍ ke mɔ̀ bɔ̌ sɔ̍n jǔ gbo̍a̍ɛ-a chɛ̀ ke.

1 Kɔwlɛntiɔn 6:10

jlǐ-nyɔ̍ ke, klǎn kɔn nyɔ̍ ke, chɛ̀ nmɔ̍ wlì sìèè nyɔ̍ ke, wlu̍ wɔ̍ɔ̍n i̍ nyni nyɔ̍ ke, ɛ̍ ke dɛ̍ᵻá kloǒ nu̍ nyɔ̍ ke u̍h se̍ dě Nyɔsoa-a kmɔ̌ wlu̍ i̍ kɔn-ɛ di̍i̍ nyni̍ mu̍.

1 Tɛsoloniɔn 5:7

Nyɔ̍ ùh-a mɔ̌-aɛ, maɔ̍ bo u̍h-a mɔ̌. Nyɔ̍ ùh nmɔ̍-a nu̍-aɛ, maɔ̍ bo nmɔ̍-a nu̍ u̍h.

Taitɔ 1:6

Chɔchi̍h-a nyɔ̍ klaa bɔ̌ kǐh bu̍hᵻ i̍ nɛ-ɛ, nɛ̀ ɔ̍ blě nynɔ̌ due gbài̍. U̍h-a nynuu̍ blě wlùh gbaɛ, u̍h bɔ̌ nynɛ̌ sɔ̀nᵻ blě nyɔ̍ ke nyɔ̍ wɔ̍n blaɛ nyɔ̍ nu̍-ɛ.