Ɛfɛsɔ 5:17 - Ku̍o̍ Delee 1999

¹⁷ Ɛ̍ tìh-ɛ, mɔ̀ bɔ̌ we̍i̍ bo-ɛ, jɛ dɛ̍ nu̍-a Joi Nyɔsoa-a wlùh-ɛ bo mɔ̀ iě we̍ i̍ ju̍o̍e.

Ɛfɛsɔ 5:17 Iomraidhean Croise

Chɔɔn 7:17

Nyɔ̍-o-nyɔ̍ ɔ̀ pɔ̀n-a Nyɔsoa-a wlùh nu̍-ɛ i̍-ɛ, nɛ̀ pò ǎn nǎ po̍-ɛ sɔ dě Nyɔsoa we̍ o, iě pò ǐn ja nyɔ̍ nǎ po̍ dǒ ǎn chɛ̀-a sɔ̍n kɛ̍n-ɛ, nɛ̀ ɔ̍ mu̍ ɛ̍ juo.

Wloma 12:2

Mɔ̀ bɔ̌ kmɔ̌ la ɛ̍ we̍ dɛ̍ᵻ nu̍-ɛ dɛ, jɛ nɛ̀ wlùh-a delee i̍ gbǎ-a Nyɔsoa nyǐ-a mɔ̀-ɛ bo mɔ̀ iě dě di̍i̍ nɛ la̍ sǔh. Nɛ̀ mɔ̀-a mu̍ Nyɔsoa-a wlùh juo-ɛ bɛ̌ɛ. I̍h bo ìh nu̍-a dɛ̍ chɛ̀ ke, ɔ̍ gbǐh po̍ dɛ̍ ke gblɛ̍ja̍i̍ wɛ̀-ɛ.

Ɛfɛsɔ 5:15

Ɛ̍ tìh-ɛ, mɔ̀ tù mɔ̀-a na-a bu̍hᵻ jlǐhɛ̍. Mɔ̀ bɔ̌ na-a ka se̍ di̍i̍ flɔn nyɔ̍-ɛ, jɛ mɔ̀ na di̍i̍ i̍ flɔn dɛ.

Kalase 1:9

Ti̍ à wɔ̌n-a mɔ̀-a dɛ we̍ i̍-ɛ, sɔ dǒ ti̍ laa̍ we̍-ɛ, à-a se̍a dǒ mɔ̀-a tàà ba̍le-ɛ bɔ̌. Ɛ̍ kɔn à tèle Nyɔsoa i̍ mɔ̀ iě ɔ̍ wlùh juo, ɛ̍ ke flɔ̍nwlùh kli̍hgbɛ̍ ke dɛ̍ɛ̍ i̍ wɔ̌n-ɛ ɔ̍ Sùù-a nyǐ-a nyɔ̍-ɛ ke.

Kalase 4:5

Nyɔ̍ ùh se̍-a Nyɔsoa nyɔ̍-ɛ, flɔ̍nwlùh bo mɔ̀ iě u̍h we̍ blě-e. Pò mɔ̀ jě flɔn la̍ mɔ̀ iě tu̍owli po̍ dě u̍h we̍-ɛ, nɛ̀ mɔ̀ nu̍ ɛ̍ sùo̍o̍ chɛ̀ka.

1 Tɛsoloniɔn 5:18

Ka jɛ ɛ̍ nɛ-ɛ, mɔ̀ po̍ Nyɔsoa tlɔ̌. Ɛ̍-ɛ bo ɛ̀ nu̍ Nyɔsoa-a wlùh dɛ dě Jusu Klai ja̍a̍ dǒ mɔ̀ we̍.

1 Pitɛ 4:2

Nɛ̀ sɔ da̍a sèàn blǐ, Nyɔsoa bo ɔ̀ iě mɔ̀-a kmɔ̌ kli̍hgbɛ̍ wlu̍ i̍ kɔn la̍ sǔh nɔ̌ bloɔ̍. Mɔ̀-a chɛ̀-a wlùh dɛ̍ᵻ bɔ̌ mɔ̀ wlu̍ i̍ kɔn-ɛ dɛ.