Ɛfɛsɔ 5:16 - Ku̍o̍ Delee 1999

¹⁶ Flɔn la̍ kli̍hgbɛ̍ mɔ̀-a mu̍-a jě-ɛ, mɔ̀ nui i̍h dɛ̍ chɛ̀, dɛ̍nu̍ɛ, ti̍laa kmɔ̌ la ɛ̍ nyni jii̍.

Ɛfɛsɔ 5:16 Iomraidhean Croise

Matio 25:17

Jɔ jě-a wlǔ sɔɔ̌n-ɛ, kǎ ɔ̍ nu̍ ke. Iě ɔ̍ jě sɔɔ̌n diih dǒ i̍h kɛ̍n.

Chɔɔn 12:35

Iě Jusu la̍a̍ dě u̍h we̍, “Sɔ̀npli-a mu̍ da̍a mɔ̀ we̍ nɛ ke̍ dǒ ti̍ gbɔ̍ di̍i̍. Mɔ̀ na duedɛ ka mɔ̀ blě-a sɔ̀npli ke̍-ɛ, wɛ̀ wlù-u je̍e mɔ̀ wɔ̀-ɛ. Nyɔ̍ ɔ̀ na-ɛa dě kwile-ɛ, tà ɔ̍ mu̍-aɛ, nɛ̀ ɔ̍-ɔ jě-o i̍.

Wloma 13:11

Kǎ mɔ̀ iě nu̍, dɛ̍nu̍ɛ, mɔ̀ juo ti̍ à nɛ-a ka kɛ̍n-ɛ. Ti̍ nyni̍-o wɛ̀ mɔ̀ iě nyinɔ̍ jlǐh i̍ sà. Ti̍ Nyɔsoa-a mu̍-a à pǔh-iɛ, ɛ̍ kɔǎn we̍ wɛ̀ kaka ɛ̍ sìì ti̍ jɛ à iě-a wlùh gbaɛ-ɛ blě-ɛ i̍ sàɛ̀-ɛ.

1 Kɔwlɛntiɔn 7:26

Mɔ̍ɔ-ɛ da̍a tìh jě-ɛ la di̍i̍ kaka-ɛ, ɛ̍ mu̍ jii̍ nmɔ-ɛ ka nyɔ̍ nɛ-aɛ, ɔ̍ iě laǎn sie.

Kelesea 1:4

Jusu sà ɔ̍ chɛ̀ kwlǎ à gblɛ̍n sɔ̀ɛ̀n-a tìh, wɛ̀ ɔ̍ iě à dě dɛ̍ᵻ sɔ̀nᵻ nu̍ kmɔ̌ la di̍i̍ sèìe dě à Baa Nyɔsoa-a wlùh-a i̍ pɛ̌n-ɛ di̍i̍.

Kelesea 6:10

Ɛ̍ tìh-ɛ, pò à jě flɔn la̍-ɛ, mɔ̀ à nu̍ dɛ̍ᵻ chɛ̀ dǒ nyɔ̍ kli̍hgbɛ̍ we̍. Nyɔ̍ ùh ke à nɛ-a dě Klai wlùh gbaɛ dɛ di̍i̍-ɛ, u̍h bo à iě ɛ̍ pùn nu̍ chɛ̀ɛ̌chɛ̀.

Ɛfɛsɔ 6:13

Ɛ̍ tìh-ɛ, mɔ̀ dǔ fɔ̀n-dɛ̍ᵻ kli̍hgbɛ̍ Nyɔsoa nyǐ-a mɔ̀-ɛ mɔ̀ iě i̍h-i pa̍. Nɛ̀ pò dɛ̍ᵻ sɔ̀nᵻ la i̍h ji̍-ɛ, nɛ̀ mɔ̀-a mu̍ i̍h i̍ nyna-a bɛ̌ɛ te̍e̍ wɛ̀ tu̍h la ɛ̍ iě chlà.

Ɛfɛsɔ 6:15

Jě ti̍ ìè kmɔ̌ i̍ gbe̍ɛ̍ɛn pɔ̀n chɛ̀ bla̍. Ɛ̍ bo ɛ̀ iě suǐ nu̍ mɔ̀ iě-e po̍.

Kalase 4:5

Nyɔ̍ ùh se̍-a Nyɔsoa nyɔ̍-ɛ, flɔ̍nwlùh bo mɔ̀ iě u̍h we̍ blě-e. Pò mɔ̀ jě flɔn la̍ mɔ̀ iě tu̍owli po̍ dě u̍h we̍-ɛ, nɛ̀ mɔ̀ nu̍ ɛ̍ sùo̍o̍ chɛ̀ka.