Ɛfɛsɔ 5:15 - Ku̍o̍ Delee 1999

¹⁵ Ɛ̍ tìh-ɛ, mɔ̀ tù mɔ̀-a na-a bu̍hᵻ jlǐhɛ̍. Mɔ̀ bɔ̌ na-a ka se̍ di̍i̍ flɔn nyɔ̍-ɛ, jɛ mɔ̀ na di̍i̍ i̍ flɔn dɛ.

Ɛfɛsɔ 5:15 Iomraidhean Croise

Matio 10:16

Ɔ̍ la̍a̍, “Ǎn dbo̍ mɔ̀ ka nyɔ̍-a dbo̍ blawɛ̌ᵻ dě gbɛ̍n-nmi̍i̍ nynɛ̌ we̍-ɛ. Ɛ̍ tìh-ɛ, mɔ̀ klǐhbih jlǐh i̍ ka nǐ plǐn la̍ smìɛ̍-ɛ, wɛ̀ mɔ̀ iě gba̍n gbɛ̍n ke.

Matio 25:2

U̍h-a m̀m̌ bo we̍i̍, wɛ̀ m̀m̌ flɔn di̍i̍-i.

Matio 27:24

Pale gbɛ̀n-a ɛ̍ ja̍-ɛ, sɔ ɔ̍ wlu̍-u chɛ̍n-o dɛ̍. Jɛ nɛ̀ u̍h-a pɔ̀n ɔ̍ slɛ̀ dlǔ i̍ sàɛ̀ i̍. Wɛ̀ ɔ̍ dǔ nǐ-i dǒ nyɔ̍ kli̍hgbɛ̍ jlǐhwai, iě ɔ̍ dle kwa̍. Iě ɔ̍ la̍a̍, “Jǔ la ɔ̍ dbǎ dɛ mɔ̀-a nu̍-aɛ, ǎn sɔ̍n se̍-o nɛ o, ɔ̍ tìh tè dǒ mɔ̀ dlǔ i̍ o.”

Matio 27:4

Ɔ̍ la̍a̍, “Ǐn nu̍ dɛ̍ sɔ̀n, nyɔ̍ ɔ̀-ɔ nu̍-a dɛ̍ sɔ̀n-ɛ bo ǐn sà kwlǎ u̍h iě dbǎ.” U̍h la̍a̍, “Wɛ̀ ka à nɔ̀ɔ̍ à iě nu̍ ɛ? Ɛ̍ sie dě ìn we̍.”

Matio 8:4

Wɛ̀ Jusu la̍a̍ dě ɔ̍ we̍, “Bɔ̌ nyɔ̍-o-nyɔ̍ wlùh sèàɛ̍-ɛ, jɛ mu̍ ìè àn chɛ̀ Nyɔsoa-a slaǎ sà nyɔ̍ i̍ to. Nɛ̀ ìn sà slaǎ ɛ̀ Mose-a telě la̍ nyɔ̍ iě-a nu̍-ɛ, ɛ̍ iě ɛ̍ to dě nyɔ̍ kli̍hgbɛ̍ we̍ ka ìn fɛ̍nɛ-aɛ.”

Pɔ̀n Chɛ̀ Luu To-a La 24:25

Wɛ̀ Jusu la̍a̍ dě u̍h we̍, “Mɔ̀ boe iě mɔ̀-a pɔluh kma dɛ̍-ɛ i̍ wɔ̌n-ɛɛ. Ɛ̍ kɔn ìh kli̍hgbɛ̍ Nyɔsoa-a tu̍owli po̍ nyɔ̍ bla̍-aɛ, mɔ̀ se̍ i̍h tìh chɛ̀ po̍.

1 Kɔwlɛntiɔn 14:20

Ǐn de̍di̍i̍ᵻ, mɔ̀ bɔ̌ wlùh i̍ naɛ ka nynuu̍plìh-ɛ. Dǒ dɛ̍ sɔ̀n we̍ bo mɔ̀ iě nynuu̍plìh wɔ̀ɛ-ɛɛ. Jɛ mɔ̀ nu̍ nyɔ̍ klaaᵻ nɔ̀ɔ̍ dǒ wlùh-i naɛ la̍.

Kelesea 3:1

Mɔ̀ɔ̍ Kelesea nyɔ̍ ùh bo-a we̍i̍-ɛ, ǐn juo ɛ̍-ɛ nyɔ̍ po̍ mɔ̀ dɛ̍ jlǐh. Ǐn nyna dǒ mɔ̀ jǔ i̍ wɛ̀ ǐn sèàɛ̍ ɛ̍ we̍ i̍ nmɔ jii̍ dě mɔ̀ we̍ ka Jusu Klai mɛ̌-a dǒ gbàɛ̍ kɛ̍n i̍ tu̍ wlì-ɛ.

Kelesea 3:3

Mɔ̀ bo we̍i̍ ae? Dɛ̍nu̍ mɔ̀ tè dɛ̍ gbɔ̀ dǒ Sùù we̍, wɛ̀ mɔ̀-a pɔ̀n mɔ̀ iě ɛ̍ i̍ wɔ̀ dǒ mɔ̀-a chɛ̀-a gbǐh we̍ ɛ?

Ɛfɛsɔ 5:2

Mɔ̀ na-ɛ dě jbɛɛ di̍i̍, ɛ̀ kɔn ba̍ Klai nu̍-a à-a jbɛɛ-ɛ, wɛ̀ ɔ̍ sà-a ɔ̍ feɛ kwlǎ à tìh-ɛ. Ɔ̍ wɔ̀ nyǐ-dɛ̍ ɛ̀ nmɔ-a nɔ̌-ɛ ke slaǎ sà dɛ̍ ɛ̀ po̍-a Nyɔsoa gbǐh-ɛ.

Ɛfɛsɔ 5:33

Jɛ ɛ̍ bǎ mɔ̀ i̍ ke. Kɔan jɔ-ɛ, ka ɔ̍ nu̍-a ɔ̍ chɛ̀-ɛ jbɛɛ-ɛ, kǎ ɔ̍ iě ɔ̍ nynɔ̌-ɔ jbɛɛ nu̍ ke. Nɛ̀ nynɔ̌ kɔn ɔ̍ iě ɔ̍ kɔan dɛ̍ɛ̍ jě ke.

Felepai 1:27

Dɛ̍ due gbài̍ mɔ̀ iě-a nu̍-ɛ, ɛ̍ nu̍ ka Klai-a pɔ̀n chɛ̀-a pɔ̀n-a mɔ̀ iě-a nɛ-ɛ, mɔ̀ iě laǎn nɛ. Wɛ̀ pò ǎn jɛ ji̍ dě mɔ̀ we̍-o, iě pò ǐn se̍-e ji̍-o, iě i̍h wɔ̌n mɔ̀ iě kǎn i̍ nyna dě wlùh due di̍i̍. Wɛ̀ mɔ̀-a dɛ̍ we̍ fɔ̀n-ɛ iě due nɛ dǒ wlùh gbaɛ ɛ̀ kɔ̍-a dǒ pɔ̀n chɛ̀ kɛ̍n i̍-ɛ we̍.

Kalase 1:9

Ti̍ à wɔ̌n-a mɔ̀-a dɛ we̍ i̍-ɛ, sɔ dǒ ti̍ laa̍ we̍-ɛ, à-a se̍a dǒ mɔ̀-a tàà ba̍le-ɛ bɔ̌. Ɛ̍ kɔn à tèle Nyɔsoa i̍ mɔ̀ iě ɔ̍ wlùh juo, ɛ̍ ke flɔ̍nwlùh kli̍hgbɛ̍ ke dɛ̍ɛ̍ i̍ wɔ̌n-ɛ ɔ̍ Sùù-a nyǐ-a nyɔ̍-ɛ ke.

Kalase 4:5

Nyɔ̍ ùh se̍-a Nyɔsoa nyɔ̍-ɛ, flɔ̍nwlùh bo mɔ̀ iě u̍h we̍ blě-e. Pò mɔ̀ jě flɔn la̍ mɔ̀ iě tu̍owli po̍ dě u̍h we̍-ɛ, nɛ̀ mɔ̀ nu̍ ɛ̍ sùo̍o̍ chɛ̀ka.

1 Tɛsoloniɔn 5:15

Mɔ̀ bɔ̌ wɔ̌n-ɛ nyɔ̍ bɔ̌ dɛ̍ sɔ̀n dɛ̍ sɔ̀n gba̍a̍ sàɛ̀-ɛ. Jɛ mɔ̀ fɔ̀n dɛ̍ we̍ mɔ̀ iě dɛ̍ᵻ chɛ̀ we̍ nui ti̍ kli̍hgbɛ̍ we̍, ɛ̍ ke dǒ nyɔ̍ kli̍hgbɛ̍ we̍ ke.

1 Timote 6:9

Jɛ juh-a pɔ̀n-a pàn i̍-ɛ, nɛ̀ u̍h-a gbǎ blu̍ja̍a̍. Nɛ̀ bo-o dɛ̍ᵻ dɔu pɔ̀n-ɛ ìh-a pa̍-a nyɔ̍ i̍-ɛ, dě i̍h-a gbɛɛ̍ di̍i̍ bo u̍h-a gbǎ. Jɛ i̍h nɔ̀ɔ̍, i̍h-a nyni i̍ nyɔ̍ jii̍, wɛ̀ i̍h-a gbɔ̀lɔ nyɔ̍-ɔ.

Iblu 12:25

Mɔ̀ nu̍ ɛ̍ Nyɔsoa ɔ̀ wlu-a dě mɔ̀ we̍-ɛ, wɛ̀ mɔ̀ɔ̍ je̍e ɔ̍ dounᵻ i̍ sà. Dɛ̍nu̍ɛ, Eslɔɛ nyɔ̍ ùh sà-a ɔ̍ slɛ̌n tù wlu̍ dounᵻ i̍ nɔ̌ bloɔ̍-ɛ, u̍h se̍-o tàn. Nɛ̀ ɔ̍ slɛ̌n tù wlu̍ sɔ-a dě ja̍i̍wlɔ̀-ɛ, pò à sà ɛ̍ dounᵻ i̍-ɛ, nɛ̀ ka à mu̍-o tàn-a nu̍ ɛ?

Chiin 3:13

Nyɔ̍ bo ɔ̀ flɔn di̍i̍ i̍ iě ɔ̀ wɔ̌n dɛ̍ɛ̍ i̍ dě mɔ̀ nynɛ̌ ɛ? Nɛ̀ ɔ̍ to ɛ̍ dě ɔ̍ kmɔ̌ chɛ̀ di̍i̍, ɛ̍ ke nu̍-dɛ̍ᵻ chɛ̀ ɔ̍ nu̍-a dě tìh i̍ gbɛ̍n flɔ̍nwlùh di̍i̍-ɛ ke.

1 Pitɛ 1:22

Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.

Wlɛfeleseɔn 19:10

Wɛ̀ ǐn kà i̍ dǒ ɛ̍ bu̍hᵻ kɛ̍n iě ɛ̍ wɛɛ sà. Jɛ ɛ̍ la̍a̍ dě ǐn we̍, “Bɔ̌ laǎn nu̍-ɛ. Mɔ̍ pòi̍ju ke ka ìn ke ìn de̍di̍i̍ᵻ nu̍-a pòi̍nynuu̍ iě mɔ̀ nu̍-a sàànsi̍i̍h dǒ dɛ̍ Jusu sà-a we̍-ɛɛ, kǎ ǐn nɛ ke. Nyɔsoa bo ìè wɛɛ sà.” Dɛ̍nu̍ɛ, Jusu we̍ tìh i̍ sà-a bo ɛ̀ nu̍ Nyɔsoa-a tu̍owli po̍-ɛ.