Ɛfɛsɔ 5:14 - Ku̍o̍ Delee 1999

¹⁴ Dɛ̍nu̍ɛ, dɛ̍ ɛ̀ sà-a dɛ̍ tà te̍gbe̍i̍n-ɛ, nɛ̀ sɔ̀npli bo. Ɛ̍ kɔn wlu̍ la ɛ̍ la̍a̍, “Mɛ̌-nyɔ̍, wlǔh-e ìè bloɔ̍ sɔ, wɛ̀ Klai-a sɔ̀npli iě ìn kɛ̍n i̍ fa̍n-ɛ.”

Ɛfɛsɔ 5:14 Iomraidhean Croise

Pɔ̀n Chɛ̀ Luu To-a La 1:78

À Nyɔsoa nɛ blɛ, iě ɔ̍ kɔn wɔɛ. Ɛ̍ kɔn ɔ̍ mu̍ ɛ̍ nu̍ sɔ̀n chɛ̀ ɛ̀ sɔ-a dě ja̍i̍wlɔ̀-ɛ ɛ̍ iě à sɛ̀n-ɛ, wɛ̀ à iě pǔh.

Pɔ̀n Chɛ̀ Luu To-a La 15:24

Dɛ̍nu̍ɛ, ǎn jǔ la ɔ̍ mɛ̌-ɛ de, wɛ̀ ɔ̍ wlǔh-e. Ɔ̍ mǎ-ɛ de, wɛ̀ ɔ̍ jě-ɛ wɛ̀.’ Wɛ̀ u̍h tè mɔna̍ nu̍-ɛ gbɔ̀.

Chɔɔn 8:12

Wɛ̀ Jusu wlu dě Fɛlesii nyɔ̍ we̍ dɛ, ɔ̍ la̍a̍, “Mɔ̍ bo ɔ̀ nu̍ kmɔ̌ la ɛ̍ sɔ̀npli. Nyɔ̍ jɔ mu̍-a dǒ ǐn de̍e̍ gbǎ-ɛ, nɛ̀ ɔ̍ se̍ dě kwile-e na-ɛ mu̍, jɛ nɛ̀ ɔ̍ mu̍ sɔ̀npli ɛ̀ nyǐ-a nyɔ̍ feɛ-ɛ blě.”

Chɔɔn 9:5

Ka ǐn nɛ-a nɔ̌ kmɔ̌ we̍-ɛ, nɛ̀ mɔ̍ bo ɔ̀ nyǐ kmɔ̌ la sɔ̀npli.”

Nu̍-dɛ̍ᵻ 13:47

Dɛ̍nu̍ɛ, ɛ̀ la bo Joi sèàɛ̍ àɔ̀ wlùh, ɔ̍ la̍a̍, ‘Mɔ̀ bo ǐn nu̍ sɔ̀npli we̍i̍ dǒ ùh se̍-a Juu nyɔ̍-ɛ we̍ wɛ̀ ìè kmɔ̌ kli̍hgbɛ̍ la pǔh-ɛ we̍ ja.’ ”

Wloma 6:13

Mɔ̀ bɔ̌ mɔ̀-a ku̍-a dɛ̍-o-dɛ̍ gblɛ̍n sɔ̀ɛ̀n kwlǎ sà-ɛ dǒ kà gblɛ̍n nu̍-ɛ we̍. Jɛ mɔ̀ sà-ɛ mɔ̀-a chɛ̀ Nyɔsoa kwlǎ ka nyɔ̍ ùh wlǔh-ae wɛ̀ ùh nɛ-a kmɔ̌ dode̍-ɛ. Mɔ̀ sà-ɛ mɔ̀-a ku̍ kli̍hgbɛ̍ Nyɔsoa kwlǎ dǒ i̍ slɛ̌-ɛ dɛ̍ᵻ nu̍-ɛ we̍.

1 Kɔwlɛntiɔn 15:34

Mɔ̀ ja mɔ̀-a wlùh de̍, mɔ̀ iě gblɛ̍n sɔ̀ɛ̀n nu̍ tìh bɔ̌. Dɛ̍nu̍ɛ, mɔ̀-a nyɔ̍ duuh se̍ Nyɔsoa juo. Ǐn bla̍ ɛ̀ la wɛ̀ ɛ̍ iě mɔ̀ tɛ̀n tùi.

2 Kɔwlɛntiɔn 4:6

Nyɔsoa ɔ̀ la̍a̍, “Sɔ̀npli fa̍n dě kwile-ɛ,” ɔ̍-ɔ due laa̍ bo ɔ̀ nu̍ ɛ̍ iě ɔ̍ sɔ̀npli-a fa̍n dě à wlùh di̍i̍, wɛ̀ à iě i̍h juo ka ɔ̍ tìh-a i̍ bɛ̌-ɛa fa̍n-a dě Klai ja̍a̍-ɛ.

Ɛfɛsɔ 2:1

Ti̍ mɔ̀-a nu̍-a gblɛ̍n sɔ̀ɛ̀n mɔ̀-a wa̍-a Nyɔsoa-a telě-ɛ, nɛ̀ mɔ̀ mɛ̌ wlɔ̀ i̍ de.

Ɛfɛsɔ 2:5

Ɛ̍ kɔn ti̍ à mɛ̌-a dě à telě wa̍-a di̍i̍-ɛ, wɛ̀ ɔ̍ nu̍ ɛ̍ iě à ke Klai wlǔh-e dǒ tàdùè. Nyɔsoa-a blɛ nɛ-ɛ bo ɛ̀ pǔh-i mɔ̀ wɛ̀.

Kalase 3:1

Ka Nyɔsoa nu̍-a ɛ̍ iě mɔ̀ wlǔh-ae wɛ̀ dǒ Klai we̍-ɛ, dɛ̍ᵻ ìh nɛ-a dě ja̍i̍wlɔ̀ tà Klai tè-a i̍ dǒ Nyɔsoa-a di̍na̍ we̍-ɛ, dě i̍h we̍ bo mɔ̀-a pɔluh iě nɛ.

1 Tɛsoloniɔn 5:6

Nɛ̀ɛ̍, mɔ̀ à bɔ̌ nyɔ̍ duuh we̍ dɛ̍ mɔ̌-ɛ. Jɛ mɔ̀ à sà nyinɔ̍ jlǐh i̍, à iě jlǐh i̍ klihklǐh nɛ.

2 Timote 1:10

Jɛ à Sèìe Nyɔ̍ Jusu Klai-a ji̍-ɛ bo ɛ̀ sà ɛ̍ ka tà. Ɔ̍ sà mɛ̌ɛ klà, wɛ̀ feɛ ɛ̀ se̍-a mɛ̌ la̍ kɔn-ɛ, iě ɔ̍ ja ɛ̍ i̍ dě pɔ̀n chɛ̀ di̍i̍.

2 Timote 2:26

Nɛ̀ pò u̍h ji̍ u̍h-a chɛ̀ we̍-ɛ, Kǔ ɛ̀ gbɛ̍n-a u̍h de u̍h iě-a ɛ̍ wlùh nu̍-ɛ, nɛ̀ u̍h-a mu̍ dě ɛ̍ kǎn wɔ̍ɔ̍n sɔ.